Thr 1

Full text search

Thr 1
Thr 1.1
אֵיכָה יָשְׁבָה בָדָד הָעִיר רַבָּתִי
עָם הָיְתָה כְּאַלְמָנָה רַבָּתִי
בַגֺּויִם שָׂרָתִי בַּמְּדִינֺות הָיְתָה
לָמַס׃ ס
Thr 1.2
בָּכוֺ תִבְכֶּה בַּלַּיְלָה וְדִמְעָתָהּ
עַל לֶחֱיָהּ אֵינ־לָהּ מְנַחֵם
מִכָּל־אֹהֲבֶיהָ כָּל־רֵעֶיהָ בָּגְדוּ
בָהּ הָיוּ לָהּ לְאֹיְבִים׃ס
Thr 1.3
גָּלְתָה יְהוּדָה מֵעֹנִי וּמֵרֹב
עֲבֹדָה הִיא יָשְׁבָה בַגֺּויִם
לֹא מָצְאָה מָנֺוחַ כָּל־רֹדְפֶיהָ
הִשִּׂיגוּהָ בֵּין הַמְּצָרִים׃ ס
Thr 1.4
דַּרְכֵי צִיֺּון אֲבֵלוֺת מִבְּלִי
בָּאֵי מוֺעֵד כָּל־שְׁעָרֶיהָ שׁוֺמֵמִין
כֹּהֲנֶיהָ נֶאֱנָחִים בְּתוּלֹתֶיהָ
נוּגֺות וְהִיא מַר־לָהּ׃ ס
Thr 1.5
הָיוּ צָרֶיהָ לְרֹאשׁ אֹיְבֶיהָ שָׁלוּ
כִּי־יְהוָה הוֺגָהּ עַל רֹב־פְּשָׁעֶיהָ
עוֺלָלֶיהָ הָלְכוּ שְׁבִי לִפְנֵי־צָר׃
ס
Thr 1.6
וַיֵּצֵא 1 מִנ־בַת 2 מִבַּת־צִיֺּון כָּל־הֲדָרָהּ
הָיוּ שָׂרֶיהָ כְּאַיָּלִים לֹא־מָצְאוּ
מִרְעֶה וַיֵּלְכוּ בְלֹא־כֹחַ לִפְנֵי
רוֺדֵף׃ ס
Thr 1.7
זָכְרָה יְרוּשָׁלִַם יְמֵי עָנְיָהּ
וּמְרוּדֶיהָ כֹּל מַחֲמֻדֶיהָ אֲשֶׁר
הָיוּ מִימֵי קֶדֶם בִּנְפֹל עַמָּהּ
בְּיַד־צָר וְאֵין עוֺזֵר לָהּ
אוּהָ צָרִים שָׂחֲקוּ עַל־מִשְׁבַּתֶּהָ׃
ס
Thr 1.8
חֵטְא חָטְאָה יְרוּשָׁלִַם עַל־כֵּן
לְנִידָה הָיָתָה כָּל־מְכַבְּדֶיהָ
הִזִּילוּהָ כִּי־רָאוּ עֶרְוָתָהּ
גַּמ־הִיא נֶאֶנְחָה וַתָּשָׁב אָחוֺר׃ס
Thr 1.9
טֻמְאָתָהּ בְּשׁוּלֶיהָ לֹא זָכְרָה
אַחֲרִיתָהּ וַתֵּרֶד פְּלָאִים אֵין
מְנַחֵם לָהּ רְאֵה יְהוָה אֶת־עָנְיִי
כִּי הִגְדִּיל אוֺיֵב׃ ס
Thr 1.10
יָדוֺ פָּרַשׂ צָר עַל כָּל־מַחֲמַדֶּיהָ
כִּי־רָאֲתָה גֺויִם בָּאוּ מִקְדָּשָׁהּ
אֲשֶׁר צִוִּיתָה לֹא־יָבֹאוּ בַקָּהָל
לָך׃ ס
Thr 1.11
כָּל־עַמָּהּ נֶאֱנָחִים מְבַקְּשִׁים
לֶחֶם נָתְנוּ 1 מַחֲמוֺדֵּיהֶם 2 מַחֲמַדֵּיהֶם
בְּאֹכֶל לְהָשִׁיב נָפֶשׁ רְאֵה יְהוָה
וְהַבִּיטָה כִּי הָיִיתִיזֺולֵלָה׃
ס
Thr 1.12
לוֺא אֲלֵיכֶם כָּל־עֹבְרֵי דֶרֶך
הַבִּיטוּ וּרְאוּ אִמ־יֵשׁ מַכְאוֺב
כְּמַכְאֹבִי אֲשֶׁר עוֺלַל לִי אֲשֶׁר
הוֺגָה יְהוָה בְּיֺום חֲרוֺן אַפּוֺ׃
ס
Thr 1.13
מִמָּרוֺם שָׁלַח־אֵשׁ בְּעַצְמֹתַי וַיִּרְדֶּנָּה
פָּרַשׂ רֶשֶׁת לְרַגְלַי הֱשִׁיבַנִי
אָחוֺר נְתָנַנִי שֹׁמֵמָה כָּל־הַיֺּום
דָּוָה׃ ס
Thr 1.14
נִשְׂקַד עֹל פְּשָׁעַי בְּיָדוֺ יִשְׂתָּרְגוּ
עָלוּ עַל־צַוָּארִי הִכְשִׁיל כֹּחִי
נְתָנַנִי אֲדֹנָי בִּידֵי לֹא־אוּכַל
קוּם׃ ס
Thr 1.15
סִלָּה כָל־אַבִּירַי אֲדֹנָי בְּקִרְבִּי
קָרָא עָלַי מוֺעֵד לִשְׁבֹּר בַּחוּרָי
גַּת דָּרַך אֲדֹנָי לִבְתוּלַת בַּת־יְהוּדָה׃
ס
Thr 1.16
עַל־אֵלֶּה אֲנִי בוֺכִיָּה עֵינִי
עֵינִי יֺרְדָה מַּיִם כִּי־רָחַק
מִמֶּנִּי מְנַחֵם מֵשִׁיב נַפְשִׁי
הָיוּ בָנַי שׁוֺמֵמִים כִּי גָבַר
ויֵב׃ ס
Thr 1.17
פֵּרְשָׂה צִיֺּון בְּיָדֶיהָ אֵין מְנַחֵם
לָהּ צִוָּה יְהוָה לְיַעֲקֹב סְבִיבָיו
צָרָיו הָיְתָה יְרוּשָׁלִַם לְנִדָּה
בֵּינֵיהֶם׃ ס
Thr 1.18
צַדִּיק הוּא יְהוָה כִּי פִיהוּ
מָרִיתִי שִׁמְעוּ־נָא כָל־עַמִּים 2 הָעַמִּים
וּרְאוּ מַכְאֹבִי בְּתוּלֹתַי וּבַחוּרַי
הָלְכוּ בַשֶּׁבִי׃ ס
Thr 1.19
קָרָאתִי לַמְאַהֲבַי הֵמָּה רִמּוּנִי
כֹּהֲנַי וּזְקֵנַי בָּעִיר גָּוָעוּ
כִּי־בִקְשׁוּ אֹכֶל לָמוֺ וְיָשִׁיבוּ
אֶת־נַפְשָׁם׃ ס
Thr 1.20
רְאֵה יְהוָה כִּי־צַר־לִי מֵעַי
חֳמַרְמָרוּ נֶהְפַּך לִבִּי בְּקִרְבִּי
כִּי מָרוֺ מָרִיתִי מִחוּץ שִׁכְּלָה־חֶרֶב
בַּבַּיִת כַּמָּוֶת׃ ס
Thr 1.21
שָׁמְעוּ כִּי נֶאֱנָחָה אָנִי אֵין
מְנַחֵם לִי כָּל־אֹיְבַי שָׁמְעוּ
רָעָתִי שָׂשׂוּ כִּי אַתָּה עָשִׂיתָ
הֵבֵאתָ יֺומ־קָרָאתָ וְיִהְיוּ כָמוֺנִי׃
ס
Thr 1.22
תָּבֹא כָל־רָעָתָם לְפָנֶיךָ וְעוֺלֵל
לָמוֺ כַּאֲשֶׁר עוֺלַלְתָּ לִי עַל
כָּל־פְּשָׁעָי כִּי־רַבּוֺת אַנְחֹתַי
וְלִבִּי דַוָּי׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages