Jer 6

Full text search

Jer 6
Jer 6.1
הָעִזוּ בְּנֵי בִניָמִן מִקֶּרֶב יְרוּשָׁלִַם
וּבִתְקוֺעַ תִּקְעוּ שׁוֺפָר וְעַל־בֵּית
הַכֶּרֶם שְׂאוּ מַשְׂאֵת כִּי רָעָה
נִשְׁקְפָה מִצָּפוֺ וְשֶׁבֶר גָּדוֺל׃
Jer 6.2
הַנָּוָה וְהַמְּעֻנָּגָה דָּמִיתִי בַּת־צִיֺּון׃
Jer 6.3
אֵלֶיהָ יָבֹאוּ רֹעִים וְעֶדְרֵיהֶם
תָּקְעוּ עָלֶיהָ אֹהָלִים סָבִיב
רָעוּ אִישׁ אֶת־יָדוֺ׃
Jer 6.4
קַדְּשׁוּ עָלֶיהָ מִלְחָמָה קוּמוּ
וְנַעֲלֶה בַצָּהֳרָיִם אוֺי לָנוּ
כִּי־פָנָה הַיֺּום כִּי יִנָּטוּ צִלְלֵי־עָרֶב׃
Jer 6.5
קוּמוּ וְנַעֲלֶה בַלָּיְלָה וְנַשְׁחִיתָה
אַרְמְנֺותֶיהָ׃ ס
Jer 6.6
כִּי כֹה אָמַר יְהוָה צְבָאוֺת
כִּרְתוּ עֵצָה וְשִׁפְכוּ עַל־יְרוּשָׁלִַם
סֹלְלָה הִיא הָעִיר הָפְקַד כֻּלָּהּ
עֹשֶׁק בְּקִרְבָּהּ׃
Jer 6.7
כְּהָקִיר 1 בְּוֵר 2 בַּיִר מֵימֶיהָ כֵּן
הֵקֵרָה רָעָתָהּ חָמָס וָשֹׁד יִשָּׁמַע
בָּהּ עַל־פָּנַי תָּמִיד חֳלִי וּמַכָּה׃
Jer 6.8
הִוָּסְרִי יְרוּשָׁלִַם פֶּנ־תֵּקַע נַפְשִׁי
מִמֵּך פֶּנ־אֲשִׂימֵך שְׁמָמָה אֶרֶץ
לוֺא נֺושָׁבָה׃ ף
Jer 6.9
כֹּה אָמַר יְהֹוָה צְבָאוֺת עוֺלֵל
יְעוֺלְלוּ כַגֶּפֶן שְׁאֵרִית יִשְׂרָאֵל
הָשֵׁב יָדְךָ כְּבוֺצֵר עַל־סַלְסִלּוֺת׃
Jer 6.10
עַל־מִי אֲדַבְּרָה וְאָעִידָה וְיִשְׁמָעוּ
הִנֵּה עֲרֵלָה אָזְנָם וְלֹא יוּכְלוּ
לְהַקְשִׁיב הִנֵּה דְבַר־יְהוָה
הָיָה לָהֶם לְחֶרְפָּה לֹא יַפְּצוּ־בוֺ׃
Jer 6.11
וְאֵת חֲמַת יְהוָה מָלֵאתִי נִלְאֵיתִי
הָכִיל שְׁפֹך עַל־עוֺלָל בַּחוּץ
וְעַל סוֺד בַּחוּרִים יַחְדָּו
כִּי־גַמ־אִישׁ עִמ־אִשָּׁה יִלָּכֵדוּזָקֵן
עִמ־מְלֵא יָמִים׃
Jer 6.12
וְנָסַבּוּ בָתֵּיהֶם לַאֲחֵרִים שָׂדוֺת
וְנָשִׁים יַחְדָּו כִּי־אַטֶּה אֶת־יָדִי
עַל־יֺשְׁבֵי הָאָרֶץ נְאֻמ־יְהוָה׃
Jer 6.13
כִּי מִקְּטַנָּם וְעַד־גְּדוֺלָם כֻּלּוֺ
בּוֺצֵעַ בָּצַע וּמִנָּבִיא וְעַד־כֹּהֵן
כֻּלּוֺ עֹשֶׂה שָּׁקֶר׃
Jer 6.14
וַיְרַפְּאוּ אֶת־שֶׁבֶר עַמִּי עַל־נְקַלָּה
לֵאמֹר שָׁלוֺם שָׁלוֺם וְאֵין
שָׁלוֺם׃
Jer 6.15
הֹבִישׁוּ כִּי תוֺעֵבָה עָשׂוּ גַּמ־בּוֺשׁ
לֹא־יֵבוֺשׁוּ גַּמ־הַכְלִים לֹא
יָדָעוּ לָכֵן יִפְּלוּ בַנֺּפְלִים
בְּעֵת־פְּקַדְתִּים יִכָּשְׁלוּ אָמַר
יְוָה׃ ס
Jer 6.16
כֹּה אָמַר יְהוָה עִמְדוּ עַל־דְּרָכִים
וּרְאוּ וְשַׁאֲלוּ לִנְתִבוֺת עוֺלָם
אֵי־זֶה דֶרֶך הַטּוֺב וּלְכוּ־בָהּ
וּמִצְאוּ מַרְגֺּועַ לְנַפְשְׁם וַיֺּאמְרוּ
לֹא נֵלֵך׃
Jer 6.17
וַהֲקִמֹתִי עֲלֵיכֶם צֹפִים הַקְשִׁיבוּ
לְקוֺל שׁוֺפָר וַיֺּאמְרוּ לֹא
נַקְשִׁיב׃
Jer 6.18
לָכֵן שִׁמְעוּ הַגֺּויִם וּדְעִי עֵדָה
אֶת־אֲשֶׁר־בָּם׃
Jer 6.19
שִׁמְעִי הָאָרֶץ הִנֵּה אָנֺכִי מֵבִיא
רָעָה אֶל־הָעָם הַזֶּה פְּרִי מַחְשְׁבוֺתָם
כִּי עַל־דְּבָרַי לֹא הִקְשִׁיבוּ
וְתוֺרָתִי וַיִּמְאֲסוּ־בָהּ׃
Jer 6.20
לָמָּה־זֶּה לִי לְבוֺנָה מִשְּׁבָא
תָבוֺא וְקָנֶה הַטּוֺב מֵאֶרֶץ מֶרְחָק
עֹלוֺתֵיכֶם לֹא לְרָצוֺן וְזִבְחֵיכֶם
לֹא־עָרְבוּ לִי׃ ס
Jer 6.21
לָכֵן כֹּה אָמַר יְהוָה הִנְנִי
נֺתֵן אֶל־הָעָם הַזֶּה מִכְשֹׁלִים
וְכָשְׁלוּ בָם אָבוֺת וּבָנִים
יַחְדָּו שָׁכֵן וְרֵעוֺ 1 יֺאבֵדוּ 2 וְאָבָדוּ׃
 
Jer 6.22
כֹּה אָמַר יְהוָה הִנֵּה עַם
בָּא מֵאֶרֶץ צָפוֺן וְגֺוי גָּדוֺל
יֵעוֺר מִיַּרְכְּתֵי־אָרֶץ׃
Jer 6.23
קֶשֶׁת וְכִידוֺן יַחֲזִיקוּ אַכְזָרִי
הוּא וְלֹא יְרַחֵמוּ קוֺלָם כַּיָּם
יֶהֱמֶה וְעַל־סוּסִים יִרְכָּבוּ
עָרוּך כְּאִישׁ לַמִּלְחָמָה עָלַיִכְבַּת־צִיֺּון׃
Jer 6.24
שָׁמַעְנוּ אֶת־שָׁמְעוֺ רָפוּ יָדֵינוּ
צָרָה הֶחֱזִיקַתְנוּ חִיל כַּיֺּולֵדָה׃
Jer 6.25
אַל־תֵּצְאִי 2 תֵּצְאוּ הַשָּׂדֶה וּבַדֶּרֶך
אַל־תֵּלֵכִי 2 תֵּלֵכוּ כִּי חֶרֶב לְאֹיֵב
מָגֺור מִסָּבִיב׃
Jer 6.26
בַּת־עַמִּי חִגְרִי־שָׂק וְהִתְפַּלְּשִׁי
בָאֵפֶר אֵבֶל יָחִיד עֲשִׂי לָך
מִסְפַּד תַּמְרוּרִים כִּי פִתְאֹם
יָבֹא הַשֹּׁדֵד עָלֵינוּ׃
Jer 6.27
בָּחוֺן נְתַתִּיךָ בְעַמִּי מִבְצָר
וְתֵדַע וּבָחַנְתָּ אֶת־דַּרְכָּם׃
Jer 6.28
כֻּלָּם סָרֵי סוֺרְרִים הֹלְכֵי רָכִיל
נְחֹשֶׁת וּבַרְזֶל כֻּלָּם מַשְׁחִיתִים
הֵמָּה׃
Jer 6.29
נָחַר מַפֻּחַ 1 מֵאִשְׁתַּם 2 מֵאֵשׁ 2 תַּם
עֹפָרֶת לַשָּׁוְא צָרַף צָרוֺף וְרָעִים
לֹא נִתָּקוּ׃
Jer 6.30
כֶּסֶף נִמְאָס קָרְאוּ לָהֶם כִּי־מָאַס
יְהוָה בָּהֶם׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages