Jer 43

Full text search

Jer 43
Jer 43.1
וַיְהִי כְּכַלּוֺת יִרְמְיָהוּ לְדַבֵּר
אֶל־כָּל־הָעָם אֶת־כָּל־דִּבְרֵי
יְהוָה אֱלֹהֵיהֶם אֲשֶׁר שְׁלָחוֺ
יְהוָה אֱלֹהֵיהֶם אֲלֵיהֶם אֵת
כָּל־הַדְּבָרִים הָאֵלֶּה׃ ס
Jer 43.2
וַיֺּאמֶר עֲזַרְיָה בֶנ־הוֺשַׁעְיָה
וְיֺוחָנָן בֶּנ־קָרֵחַ וְכָל־הָאֲנָשִׁים
הַזֵּדִים אֹמְרִים אֶל־יִרְמְיָהוּ
שֶׁקֶר אַתָּה מְדַבֵּר לֹא שְׁלָחֲ
יְהוָה אֱלֹהֵינוּ לֵאמֹר לֹא־תָבֹאוּ
מִצְרַיִם לָגוּר שָׁם׃
Jer 43.3
כִּי בָּרוּך בֶּנ־נֵרִיָּה מַסִּית
אֹתְךָ בָּנוּ לְמַעַן תֵּת אֹתָנוּ
בְיַד־הַכַּשְׂדִּים לְהָמִית אֹתָנוּ
וּלְהַגְלוֺת אֹתָנוּ בָּבֶל׃
Jer 43.4
וְלֹא־שָׁמַע יֺוחָנָן בֶּנ־קָרֵחַ
וְכָל־שָׂרֵי הַחֲיָלִים וְכָל־הָעָם
בְּקוֺל יְהוָה לָשֶׁבֶת בְּאֶרֶץ יְהוּדָה׃
Jer 43.5
וַיִּקַּח יֺוחָנָן בֶּנ־קָרֵחַ וְכָל־שָׂרֵי
הַחֲיָלִים אֵת כָּל־שְׁאֵרִית יְהוּדָה
אֲשֶׁר־שָׁבוּ מִכָּל־הַגֺּויִם אֲשֶׁר
נִדְּחוּ־שָׁם לָגוּר בְּאֶרֶציְהוּדָה׃
Jer 43.6
אֶת־הַגְּבָרִים וְאֶת־הַנָּשִׁים
וְאֶת־הַטַּף וְאֶת־בְּנֺות הַמֶּלֶך
וְאֵת כָּל־הַנֶּפֶשׁ אֲשֶׁר הִנִּיחַ
נְבוּזַרְאֲדָן רַב־טַבָּחִים אֶת־גְּדַלְיָהוּ
בֶּנ־אֲחִיקָם בֶּנ־שָׁפָן וְאֵת יִרְמְיָהוּ
הַנָּבִיא וְאֶת־בָּרוּך בֶּנ־נֵרִיָּהוּ׃
Jer 43.7
וַיָּבֹאוּ אֶרֶץ מִצְרַיִם כִּי לֹא
שָׁמְעוּ בְּקוֺל יְהוָה וַיָּבֹאוּ
עַד־תַּחְפַּנְחֵס׃ ס
Jer 43.8
וַיְהִי דְבַר־יְהוָה אֶל־יִרְמְיָהוּ
בְּתַחְפַּנְחֵס לֵאמֹר׃
Jer 43.9
קַח בְּיָדְךָ אֲבָנִים גְּדֹלוֺת
וּטְמַנְתָּם בַּמֶּלֶט בַּמַּלְבֵּן אֲשֶׁר
בְּפֶתַח בֵּית־פַּרְעֹה בְּתַחְפַּנְחֵס
לְעֵינֵי אֲנָשִׁים יְהוּדִים׃
Jer 43.10
וְאָמַרְתָּ אֲלֵיהֶם כֹּה־אָמַר יְהוָה
צְבָאוֺת אֱלֹהֵי יִשְׂרָאֵל הִנְנִי
שֹׁלֵחַ וְלָקַחְתִּי אֶת־נְבוּכַדְרֶאצַּר
מֶלֶכְ־בָּבֶל עַבְדִּי וְשַׂתִּי כִסְאוֺ
מִמַּעַל לָאֲבָנִים הָאֵלֶּה אֲשֶׁר
טָמָנְתִּי וְנָטָה אֶת־שַׁפְרוּרוֺ 2 שַׁפְרִירוֺ
עֲלֵיהֶם׃
Jer 43.11
וּבָאָה 2 וּבָא וְהִכָּה אֶת־אֶרֶץ
מִצְרָיִם אֲשֶׁר לַמָּוֶת לַמָּוֶת
וַאֲשֶׁר לַשְּׁבִי לַשֶּׁבִי וַאֲשֶׁר לַחֶרֶב
לֶחָרֶב׃
Jer 43.12
וְהִצַּתִּי אֵשׁ בְּבָתֵּי אֱלֹהֵי מִצְרַיִם
וּשְׂרָפָם וְשָׁבָם וְעָטָה אֶת־אֶרֶץ
מִצְרַיִם כַּאֲשֶׁר־יַעְטֶה הָרֹעֶה
אֶת־בִּגְדוֺ וְיָצָא מִשָּׁם בְּשָׁלוֺם׃
Jer 43.13
וְשִׁבַּר אֶת־מַצְּבוֺת בֵּית שֶׁמֶשׁ
אֲשֶׁר בְּאֶרֶץ מִצְרָיִם וְאֶת־בָּתֵּי
אֱלֹהֵי־מִצְרַיִם יִשְׂרֹף בָּאֵשׁ׃
ס

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages