Jer 3

Full text search

Jer 3
Jer 3.1
לֵאמֹר הֵן יְשַׁלַּח אִישׁ אֶת־אִשְׁתּוֺ
וְהָלְכָה מֵאִתּוֺ וְהָיְתָה לְאִישׁ־אַחֵר
הֲיָשׁוּב אֵלֶיהָ עוֺד הֲלוֺא
חָנֺוף תֶּחֱנַף הָאָרֶץ הַהִא וְאַתְּ
זָנִית רֵעִים רַבִּים וְשׁוֺב אֵלַי
נְאֻמ־יְהֹוָה׃
Jer 3.2
שְׂאִי־עֵינַיִך עַל־שְׁפָיִם וּרְאִי
אֵיפֹה לֹא 1 שֻׁגַּלְתְּ 2 שֻׁכַּבְּתְּ עַל־דְּרָכִים
יָשַׁבְתְּ לָהֶם כַּעֲרָבִי בַּמִּדְבָּר
וַתַּחֲנִיפִי אֶרֶץ בִּזְנוּתַיִך וּבְרָעָתֵך׃
Jer 3.3
וַיִּמָּנְעוּ רְבִבִים וּמַלְקוֺשׁ לוֺא
הָיָה וּמֵצַח אִשָּׁה זֺונָה הָיָה
לָך מֵאַנְתְּ הִכָּלֵם׃
Jer 3.4
הֲלוֺא מֵעַתָּה 1 קָרָאתי 2 קָרָאת
לִי אָבִי אַלּוּף נְעֻרַי אָתָּה׃
Jer 3.5
הֲיִנְטֹר לְעוֺלָם אִמ־יִשְׁמֹר לָנֶצַח
הִנֵּה 1 דִבַּרְתִּי 2 דִבַּרְתְּ וַתַּעֲשִׂי
הָרָעוֺת וַתּוּכָל׃ ף
Jer 3.6
וַיֺּאמֶר יְהוָה אֵלַי בִּימֵי יֺאשִׁיָּהוּ
הַמֶּלֶך הֲרָאִיתָ אֲשֶׁר עָשְׂתָה
מְשֻׁבָה יִשְׂרָאֵל הֹלְכָה הִיא עַל־כָּל־הַר
גָּבֹהַּ וְאֶל־תַּחַתכָּל־עֵץ רַעֲנָן
וַתִּזְנִי־שָׁם׃
Jer 3.7
וָאֹמַר אַחֲרֵי עֲשׂוֺתָהּ אֶת־כָּל־אֵלֶּה
אֵלַי תָּשׁוּב וְלֹא־שָׁבָה 1 וַתֵּרֶאה 2 וַתֵּרֶא
בָּגֺודָה אֲחוֺתָהּ יְהוּדָה׃
Jer 3.8
וָאֵרֶא כִּי עַל־כָּל־אֹדוֺת אֲשֶׁר
נִאֲפָה מְשֻׁבָה יִשְׂרָאֵל שִׁלַּחְתִּיהָ
וָאֶתֵּן אֶת־סֵפֶר כְּרִיתֻתֶיהָ אֵלֶיהָ
וְלֹא יָרְאָה בֹּגֵדָה יְהוּדָה אֲחוֺתָהּ
וַתֵּלֶך וַתִּזֶן גַּמ־הִיא׃
Jer 3.9
וְהָיָה מִקֹּל זְנוּתָהּ וַתֶּחֱנַף
אֶת־הָאָרֶץ וַתִּנְאַף אֶת־הָאֶבֶן
וְאֶת־הָעֵץ׃
Jer 3.10
וְגַמ־בְּכָל־זֺאת לֹא־שָׁבָה אֵלַי
בָּגֺודָה אֲחוֺתָהּ יְהוּדָה בְּכָל־לִבָּהּ
כִּי אִמ־בְּשֶׁקֶר נְאֻמ־יְהוָה׃
ף
Jer 3.11
וַיֺּאמֶר יְהוָה אֵלַי צִדְּקָה נַפְשָׁהּ
מְשֻׁבָה יִשְׂרָאֵל מִבֹּגֵדָה יְהוּדָה׃
Jer 3.12
הָלֹך וְקָרָאתָ אֶת־הַדְּבָרִים הָאֵלֶּה
צָפוֺנָה וְאָמַרְתָּ שׁוּבָה מְשֻׁבָה
יִשְׂרָאֵל נְאֻמ־יְהוָה לוֺא־אַפִּיל
פָּנַי בָּכֶם כִּי־חָסִיד נִי נְאֻמ־יְהוָה
לֹא אֶטּוֺר לְעוֺלָם׃
Jer 3.13
אַך דְּעִי עֲוֺנֵך כִּי בַּיהוָה
אֱלֹהַיִך פָּשָׁעַתְּ וַתְּפַזְּרִי אֶת־דְּרָכַיִך
לַזָּרִים תַּחַת כָּל־עֵץ רַעֲנָן
וּבְקוֺלִי לֹא־שְׁמַעְם נְאֻמ־יְהֹוָה׃
Jer 3.14
שׁוּבוּ בָנִים שׁוֺבָבִים נְאֻמ־יְהוָה
כִּי אָנֺכִי בָּעַלְתִּי בָכֶם וְלָקַחְתִּי
אֶתְכֶם אֶחָד מֵעִיר וּשְׁנַיִם מִמִּשְׁפָּחָה
וְהֵבֵאתִי אֶתְכֶמצִיֺּון׃
Jer 3.15
וְנָתַתִּי לָכֶם רֹעִים כְּלִבִּי
וְרָעוּ אֶתְכֶם דֵּעָה וְהַשְׂכֵּיל׃
Jer 3.16
וְהָיָה כִּי תִרְבּוּ וּפְרִיתֶם
בָּאָרֶץ בַּיָּמִים הָהֵמָּה נְאֻמ־יְהוָה
לֹא־יֺאמְרוּ עוֺד אֲרוֺן בְּרִית־יְהוָה
וְלֹא יַעֲלֶה עַל־לֵב וְלֹ יִזְכְּרוּ־בוֺ
וְלֹא יִפְקֹדוּ וְלֹא יֵעָשֶׂה עוֺד׃
Jer 3.17
בָּעֵת הַהִיא יִקְרְאוּ לִירוּשָׁלִַם
כִּסֵּא יְהוָה וְנִקְוּוּ אֵלֶיהָ
כָל־הַגֺּויִם לְשֵׁם יְהוָה לִירוּשָׁלִָם
וְלֹא־יֵלְכוּ עוֺד אַחֲרֵי שְׁרִרוּת
לִבָּם הָרָע׃ ס
Jer 3.18
בַּיָּמִים הָהֵמָּה יֵלְכוּ בֵית־יְהוּדָה
עַל־בֵּית יִשְׂרָאֵל וְיָבֹאוּ יַחְדָּו
מֵאֶרֶץ צָפוֺן עַל־הָאָרֶץ אֲשֶׁר
הִנְחַלְתִּי אֶת־אֲבוֺתֵיכֶם׃
Jer 3.19
וְאָנֺכִי אָמַרְתִּי אֵיך אֲשִׁיתֵך
בַּבָּנִים וְאֶתֶּנ־לָך אֶרֶץ חֶמְדָּה
נַחֲלַת צְבִי צִבְאוֺת גֺּויִם
וָאֹמַר אָבִי 1 תִּקְרְאִו־לִי 2 תִּקְרְאִי־לִי
וּמֵאַחֲרַי לֹא 1 תָשׁוּבוּ 2 תָשׁוּבִי׃
Jer 3.20
אָכֵן בָּגְדָה אִשָּׁה מֵרֵעָהּ כֵּן
בְּגַדְתֶּם בִּי בֵּית יִשְׂרָאֵל נְאֻמ־יְהוָה׃
Jer 3.21
קוֺל עַל־שְׁפָיִים נִשְׁמָע בְּכִי
תַחֲנוּנֵי בְּנֵי יִשְׂרָאֵל כִּי
הֶעֱוּוּ אֶת־דַּרְכָּם שָׁכְחוּ אֶת־יְהֹוָה
אֱלֹהֵיהֶם׃
Jer 3.22
שׁוּבוּ בָּנִים שׁוֺבָבִים אֶרְפָּה
מְשׁוּבֹתֵיכֶם הִנְנוּ אָתָנוּ לָך
כִּי אַתָּה יְהֹוָה אֱלֹהֵינוּ׃
Jer 3.23
אָכֵן לַשֶּׁקֶר מִגְּבָעוֺת הָמוֺן
הָרִים אָכֵן בַּיהֹוָה אֱלֹהֵינוּ
תְּשׁוּעַת יִשְׂרָאֵל׃
Jer 3.24
וְהַבֹּשֶׁת אָכְלָה אֶת־יְגִיעַ אֲבוֺתֵינוּ
מִנְּעוּרֵינוּ אֶת־צֹאנָם וְאֶת־בְּקָרָם
אֶת־בְּנֵיהֶם וְאֶת־בְּנֺותֵיהֶם׃
Jer 3.25
נִשְׁכְּבָה בְּבָשְׁתֵּנוּ וּתְכַסֵּנוּ כְּלִמָּתֵנוּ
כִּי לַיהוָה אֱלֹהֵינוּ חָטָאנוּ
אֲנַחְנוּ וַאֲבוֺתֵינוּ מִנְּעוּרֵינוּ
וְעַד־הַיֺּום הַזֶּה וְלֹא שָׁמַעְנוּ
בְּקוֺל יְהֹוָה אֱלֹהֵינוּ׃ ס

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages