Jes 59

Full text search

Jes 59
Jes 59.1
הֵן לֹא־קָצְרָה יַד־יְהוָה מֵהוֺשִׁיעַ
וְלֹא־כָבְדָה אָזְנֺו מִשְּׁמוֺעַ׃
Jes 59.2
כִּי אִמ־עֲוֺנֺתֵיכֶם הָיוּ מַבְדִּלִים
בֵּינֵכֶם לְבֵין אֱלֹהֵיכֶם וְחַטֹּאותֵיכֶם
הִסְתִּירוּ פָנִים מִכֶּם מִשְּׁמוֺעַ׃
Jes 59.3
כִּי כַפֵּיכֶם נְגֺאֲלוּ בַדָּם וְאֶצְבְּעוֺתֵיכֶם
בֶּעָוֺן שִׂפְתוֺתֵיכֶם דִּבְּרוּ־שֶׁקֶר
לְשׁוֺנְכֶם עַוְלָה תֶהְגֶּה׃
Jes 59.4
אֵינ־קֹרֵא בְצֶדֶק וְאֵין נִשְׁפָּט
בֶּאֱמוּנָה בָּטוֺחַ עַל־תֹּהוּ וְדַבֶּר־שָׁוְא
הָרוֺ עָמָל וְהוֺלֵיד אָוֶן׃
Jes 59.5
בֵּיצֵי צִפְעוֺנִי בִּקֵּעוּ וְקוּרֵי
עַכָּבִישׁ יֶאֱרֹגוּ הָאֹכֵל מִבֵּיצֵיהֶם
יָמוּת וְהַזּוּרֶה תִּבָּקַע אֶפְעֶה׃
Jes 59.6
קוּרֵיהֶם לֹא־יִהְיוּ לְבֶגֶד וְלֹא
יִתְכַּסּוּ בְּמַעֲשֵׂיהֶם מַעֲשֵׂיהֶם
מַעֲשֵׂי־אָוֶן וּפֹעַל חָמָס בְּכַפֵּיהֶם׃
Jes 59.7
רַגְלֵיהֶם לָרַע יָרֻצוּ וִימַהֲרוּ
לִשְׁפֹּך דָּם נָקִי מַחְשְׁבוֺתֵיהֶם
מַחְשְׁבוֺת אָוֶן שֹׁד וָשֶׁבֶר בִּמְסִלּוֺתָם׃
Jes 59.8
דֶּרֶך שָׁלוֺם לֹא יָדָעוּ וְאֵין
מִשְׁפָּט בְּמַעְגְּלוֺתָם נְתִיבוֺתֵיהֶם
עִקְּשׁוּ לָהֶם כֹּל דֹּרֵך בָּהּ לֹא
יָדַע שָׁלוֺם׃
Jes 59.9
עַל־כֵּן רָחַק מִשְׁפָּט מִמֶּנּוּ וְלֹא
תַשִּׂיגֵנוּ צְדָקָה נְקַוֶּה לָאוֺר
וְהִנֵּה־חֹשֶׁך לִנְגֺהוֺת בָּאֲפֵלוֺת
נְהַלֵּך׃
Jes 59.10
נְגַשְׁשָׁה כַעִוְרִים קִיר וּכְאֵין
עֵינַיִם נְגַשֵּׁשָׁה כָּשַׁלְנוּ בַצָּהֳרַיִם
כַּנֶּשֶׁף בָּאַשְׁמַנִּים כַּמֵּתִים׃
Jes 59.11
נֶהֱמֶה כַדֻּבִּים כֻּלָּנוּ וְכַיֺּונִים
הָגֺה נֶהְגֶּה נְקַוֶּה לַמִּשְׁפָּט
וָאַיִן לִישׁוּעָה רָחֲקָה מִמֶּנּוּ׃
Jes 59.12
כִּי־רַבּוּ פְשָׁעֵינוּ נֶגְדֶּךָ וְחַטֹּאותֵינוּ
עָנְתָה בָּנוּ כִּי־פְשָׁעֵינוּ אִתָּנוּ
וַעֲוֺנֺתֵינוּ יְדַעֲנוּם׃
Jes 59.13
פָּשֹׁעַ וְכַחֵשׁ בַּיהוָה וְנָסוֺג
מֵאַחַר אֱלֹהֵינוּ דַּבֶּר־עֹשֶׁק
וְסָרָה הֹרוֺ וְהֹגֺו מִלֵּב דִּבְרֵי־שָׁקֶר׃
Jes 59.14
וְהֻסַּג אָחוֺר מִשְׁפָּט וּצְדָקָה
מֵרָחוֺק תַּעֲמֹד כִּי־כָשְׁלָה בָרְחוֺב
אֱמֶת וּנְכֹחָה לֹא־תוּכַל לָבוֺא׃
Jes 59.15
וַתְּהִי הָאֱמֶת נֶעְדֶּרֶת וְסָר מֵרָע
מִשְׁתּוֺלֵל וַיַּרְא יְהוָה וַיֵּרַע
בְּעֵינָיו כִּי־אֵין מִשְׁפָּט׃
Jes 59.16
וַיַּרְא כִּי־אֵין אִישׁ וַיִּשְׁתּוֺמֵם
כִּי אֵין מַפְגִּיעַ וַתּוֺשַׁע לוֺ
זְרֹעוֺ וְצִדְקָתוֺ הִיא סְמָכָתְהוּ׃
Jes 59.17
וַיִּלְבַּשׁ צְדָקָה כַּשִּׁרְיָן וְכוֺבַע
יְשׁוּעָה בְּרֹאשׁוֺ וַיִּלְבַּשׁ בִּגְדֵי
נָקָם תִּלְבֹּשֶׁת וַיַּעַט כַּמְעִיל
קִנְאָה׃
Jes 59.18
כְּעַל גְּמֻלוֺת כְּעַל יְשַׁלֵּם חֵמָה
לְצָרָיו גְּמוּל לְאֹיְבָיו לָאִיִּים
גְּמוּל יְשַׁלֵּם׃
Jes 59.19
וְיִירְאוּ מִמַּעֲרָב אֶת־שֵׁם יְהוָה
וּמִמִּזְרַח־שֶׁמֶשׁ אֶת־כְּבוֺדוֺ
כִּי־יָבוֺא כַנָּהָר צָר רוּחַ יְהוָה
נֺסְסָה בוֺ׃
Jes 59.20
וּבָא לְצִיֺּון גֺּואֵל וּלְשָׁבֵי
פֶשַׁע בְּיַעֲקֹב נְאֻם יְהוָה׃
Jes 59.21
וַאֲנִי זֺאת בְּרִיתִי אוֺתָם אָמַר
יְהוָה רוּחִי אֲשֶׁר עָלֶיךָ וּדְבָרַי
אֲשֶׁר־שַׂמְתִּי בְּפִיךָ לֹא־יָמוּשׁוּ
מִפִּיךָ וּמִפִּי זַרְעֲךָ וּמִפִּי זֶרַע
זַרְעֲךָ אָמַר יְהוָה מֵעַתָּה וְעַד־עוֺלָם׃
ס

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages