Jes 37

Full text search

Jes 37
Jes 37.1
וַיְהִי כִּשְׁמֹעַ הַמֶּלֶך חִזְקִיָּהוּ
וַיִּקְרַע אֶת־בְּגָדָיו וַיִּתְכַּס
בַּשָּׂק וַיָּבֹא בֵּית יְהוָה׃
Jes 37.2
וַיִּשְׁלַח אֶת־אֶלְיָקִים אֲשֶׁר־עַל־הַבַּיִת
וְאֵת שֶׁבְנָא הַסּוֺפֵר וְאֵת זִקְנֵי
הַכֹּהֲנִים מִתְכַּסִּים בַּשַּׂקִּים אֶל־יְשַׁעְיָהוּ
בֶנ־אָמוֺצהַנָּבִיא׃
Jes 37.3
וַיֺּאמְרוּ אֵלָיו כֹּה אָמַר חִזְקִיָּהוּ
יֺומ־צָרָה וְתוֺכֵחָה וּנְאָצָה
הַיֺּום הַזֶּה כִּי בָאוּ בָנִים
עַד־מַשְׁבֵּר וְכֹחַ אַיִן לְלֵדָה׃
Jes 37.4
אוּלַי יִשְׁמַע יְהוָה אֱלֹהֶיךָ
אֵת דִּבְרֵי רַב־שָׁקֵה אֲשֶׁר שְׁלָחוֺ
מֶלֶכְ־אַשּׁוּר אֲדֹנָיו לְחָרֵף אֱלֹהִים
חַי וְהוֺכִיחַ בַּדְּבָרִים אֲשֶׁר
שָׁמַע יְהוָה אֱלֹהֶיךָ וְנָשָׂאתָ
תְפִלָּה בְּעַד הַשְּׁאֵרִית הַנִּמְצָאָה׃
Jes 37.5
וַיָּבֹאוּ עַבְדֵי הַמֶּלֶך חִזְקִיָּהוּ
אֶל־יְשַׁעְיָהוּ׃
Jes 37.6
וַיֺּאמֶר אֲלֵיהֶם יְשַׁעְיָהוּ כֹּה
תֹאמְרוּן אֶל־אֲדֹנֵיכֶם כֹּה אָמַר
יְהוָה אַל־תִּירָא מִפְּנֵי הַדְּבָרִים
אֲשֶׁר שָׁמַעְתָּ אֲשֶׁר גִּדְּפוּ נַעֲרֵי
מֶלֶכְ־אַשּׁוּר אוֺתִי׃
Jes 37.7
הִנְנִי נֺותֵן בּוֺ רוּחַ וְשָׁמַע
שְׁמוּעָה וְשָׁב אֶל־אַרְצוֺ וְהִפַּלְתִּיו
בַּחֶרֶב בְּאַרְצוֺ׃
Jes 37.8
וַיָּשָׁב רַב־שָׁקֵה וַיִּמְצָא אֶת־מֶלֶך
אַשּׁוּר נִלְחָם עַל־לִבְנָה כִּי
שָׁמַע כִּי נָסַע מִלָּכִישׁ׃
Jes 37.9
וַיִּשְׁמַע עַל־תִּרְהָקָה מֶלֶכְ־כּוּשׁ
לֵאמֹר יָצָא לְהִלָּחֵם אִתָּך וַיִּשְׁמַע
וַיִּשְׁלַח מַלְאָכִים אֶל־חִזְקִיָּהוּ
לֵאמֹר׃
Jes 37.10
כֹּה תֹאמְרוּן אֶל־חִזְקִיָּהוּ מֶלֶכְ־יְהוּדָה
לֵאמֹר אַל־יַשִּׁאֲךָ אֱלֹהֶיךָ אֲשֶׁר
אַתָּה בּוֺטֵחַ בּוֺ לֵאמֹר לֹא תִנָּתֵן
יְרוּשָׁלִַם בְּיַד מֶלֶך אַשּׁוּר׃
Jes 37.11
הִנֵּה אַתָּה שָׁמַעְתָּ אֲשֶׁר עָשׂוּ
מַלְכֵי אַשּׁוּר לְכָל־הָאֲרָצוֺת
לְהַחֲרִימָם וְאַתָּה תִּנָּצֵל׃
Jes 37.12
הַהִצִּילוּ אוֺתָם אֱלֹהֵי הַגֺּויִם
אֲשֶׁר הִשְׁחִיתוּ אֲבוֺתַי אֶת־גֺּוזָן
וְאֶת־חָרָן וְרֶצֶף וּבְנֵי־עֶדֶן
אֲשֶׁר בִּתְלַשָּׂר׃
Jes 37.13
אַיֵּה מֶלֶכְ־חֲמָת וּמֶלֶך אַרְפָּד
וּמֶלֶך לָעִיר סְפַרְוָיִם הֵנַע
וְעִוָּה׃
Jes 37.14
וַיִּקַּח חִזְקִיָּהוּ אֶת־הַסְּפָרִים
מִיַּד הַמַּלְאָכִים וַיִּקְרָאֵהוּ וַיַּעַל
בֵּית יְהוָה וַיִּפְרְשֵׂהוּ חִזְקִיָּהוּ
לִפְנֵי יְהוָה׃
Jes 37.15
וַיִּתְפַּלֵּל חִזְקִיָּהוּ אֶל־יְהוָה
לֵאמֹר׃
Jes 37.16
יְהוָה צְבָאוֺת אֱלֹהֵי יִשְׂרָאֵל
יֺשֵׁב הַכְּרֻבִים אַתָּה־הוּא הָאֱלֹהִים
לְבַדְּךָ לְכֹל מַמְלְכוֺת הָאָרֶץ
אַתָּה עָשִׂיתָ אֶת־הַשָּׁמַיִם וְאֶ־הָאָרֶץ׃
Jes 37.17
הַטֵּה יְהוָה אָזְנְךָ וּשְׁמָע פְּקַח
יְהוָה עֵינֶךָ וּרְאֵה וּשְׁמַע אֵת
כָּל־דִּבְרֵי סַנְחֵרִיב אֲשֶׁר שָׁלַח
לְחָרֵף אֱלֹהִים חָי׃
Jes 37.18
אָמְנָם יְהוָה הֶחֱרִיבוּ מַלְכֵי
אַשּׁוּר אֶת־כָּל־הָאֲרָצוֺת וְאֶת־אַרְצָם׃
Jes 37.19
וְנָתֹן אֶת־אֱלֹהֵיהֶם בָּאֵשׁ כִּי
לֹא אֱלֹהִים הֵמָּה כִּי אִמ־מַעֲשֵׂה
יְדֵי־אָדָם עֵץ וָאֶבֶן וַיְאַבְּדוּם׃
Jes 37.20
וְעַתָּה יְהוָה אֱלֹהֵינוּ הוֺשִׁיעֵנוּ
מִיָדוֺ וְיֵדְעוּ כָּל־מַמְלְכוֺת
הָאָרֶץ כִּי־אַתָּה יְהוָה לְבַדֶּךָ׃
Jes 37.21
וַיִּשְׁלַח יְשַׁעְיָהוּ בֶנ־אָמוֺץ
אֶל־חִזְקִיָּהוּ לֵאמֹר כֹּה־אָמַר
יְהוָה אֱלֹהֵי יִשְׂרָאֵל אֲשֶׁר הִתְפַּלַּלְתָּ
אֵלַי אֶל־סַנְחֵרִיב מֶלֶכְאַשּׁוּר׃
Jes 37.22
זֶה הַדָּבָר אֲשֶׁר־דִּבֶּר יְהוָה
עָלָיו בָּזָה לְךָ לָעֲגָה לְךָ
בְּתוּלַת בַּת־צִיֺּון אַחֲרֶיךָ
רֹאשׁ הֵנִיעָה בַּת יְרוּשָׁלִָם׃
Jes 37.23
אֶת־מִי חֵרַפְתָּ וְגִדַּפְתָּ וְעַל־מִי
הֲרִימוֺתָה קּוֺל וַתִּשָּׂא מָרוֺם
עֵינֶיךָ אֶל־קְדוֺשׁ יִשְׂרָאֵל׃
Jes 37.24
בְּיַד עֲבָדֶיךָ חֵרַפְתָּ אֲדֹנָי וַתֹּאמֶר
בְּרֹב רִכְבִּי אֲנִי עָלִיתִי מְרוֺם
הָרִים יַרְכְּתֵי לְבָנֺון וְאֶכְרֹת
קוֺמַת אֲרָזָיו מִחַר בְּרֹשָׁיו
וְאָבוֺא מְרוֺם קִצּוֺ יַעַר כַּרְמִלּוֺ׃
Jes 37.25
אֲנִי קַרְתִּי וְשָׁתִיתִי מָיִם
וְאַחְרִב בְּכַפ־פְּעָמַי כֹּל יְאֹרֵי
מָצוֺר׃
Jes 37.26
הֲלוֺא־שָׁמַעְתָּ לְמֵרָחוֺק אוֺתָהּ
עָשִׂיתִי מִימֵי קֶדֶם וִיצַרְתִּיהָ
עַתָּה הֲבֵאתִיהָ וּתְהִי לְהַשְׁאוֺת
גַּלִּים נִצִּים עָרִים בְּצֻרוֺ׃
Jes 37.27
וְיֺשְׁבֵיהֶן קִצְרֵי־יָד חַתּוּ וָבֹשׁוּ
הָיוּ עֵשֶׂב שָׂדֶה וִירַק דֶּשֶׁא
חֲצִיר גַּגֺּות וּשְׁדֵמָה לִפְנֵי
קָמָה׃
Jes 37.28
וְשִׁבְתְּךָ וְצֵאתְךָ וּבוֺאֲךָ יָדָעְתִּי
וְאֵת הִתְרַגֶּזְךָ אֵלָי׃
Jes 37.29
יַעַן הִתְרַגֶּזְךָ אֵלַי וְשַׁאֲנַנְךָ
עָלָה בְאָזְנָי וְשַׂמְתִּי חַחִי
בְּאַפֶּךָ וּמִתְגִּי בִּשְׂפָתֶיךָ וַהֲשִׁיבֹתִיךָ
בַּדֶּרֶך אֲשֶׁר־בָּא בָּהּ׃
Jes 37.30
וְזֶה־לְּךָ הָאוֺת אָכוֺל הַשָּׁנָה
סָפִיחַ וּבַשָּׁנָה הַשֵּׁנִית שָׁחִיס
וּבַשָּׁנָה הַשְּׁלִישִׁית זִרְעוּ וְקִצְרוּ
וְנִטְעוּ כְרָמִים 1 וְאָכוֺל 2 וְאִלוּ
פִרְיָם׃
Jes 37.31
וְיָסְפָה פְּלֵיטַת בֵּית־יְהוּדָה
הַנִּשְׁאָרָה שֹׁרֶשׁ לְמָטָּה וְעָשָׂה
פְרִי לְמָעְלָה׃
Jes 37.32
כִּי מִירוּשָׁלִַם תֵּצֵא שְׁאֵרִית
וּפְלֵיטָה מֵהַר צִיֺּון קִנְאַת
יְהוָה צְבָאוֺת תַּעֲשֶׂה־זֺּאת׃
ס
Jes 37.33
לָכֵן כֹּה־אָמַר יְהוָה אֶל־מֶלֶך
אַשּׁוּר לֹא יָבוֺא אֶל־הָעִיר
הַזֺּאת וְלֹא־יֺורֶה שָׁם חֵץ
וְלֹא־יְקַדְּמֶנָּה מָגֵן וְלֹא־יִשְׁפֹּך
עֳלֶיהָ סֹלְלָה׃
Jes 37.34
בַּדֶּרֶך אֲשֶׁר־בָּא בָּהּ יָשׁוּב וְאֶל־הָעִיר
הַזֺּאת לֹא יָבוֺא נְאֻמ־יְהוָה׃
Jes 37.35
וְגַנֺּותִי עַל־הָעִיר הַזֺּאת לְהוֺשִׁיעָהּ
לְמַעֲנִי וּלְמַעַן דָּוִד עַבְדִּי׃
ס
Jes 37.36
וַיֵּצֵא מַלְאַך יְהוָה וַיַּכֶּה בְּמַחֲנֵה
אַשּׁוּר מֵאָה וּשְׁמֹנִים וַחֲמִשָּׁה
אָלֶף וַיַּשְׁכִּימוּ בַבֹּקֶר וְהִנֵּה
כֻלָּם פְּגָרִים מֵתִם׃
Jes 37.37
וַיִּסַּע וַיֵּלֶך וַיָּשָׁב סַנְחֵרִיב
מֶלֶכְ־אַשּׁוּר וַיֵּשֶׁב בְּנִינְוֵה׃
Jes 37.38
וַיְהִי הוּא מִשְׁתַּחֲוֶה בֵּית נִסְרֹך
אֱלֹהָיו וְאַדְרַמֶּלֶך וְשַׂרְאֶצֶר
בָּנָיו הִכֻּהוּ בַחֶרֶב וְהֵמָּה נִמְלְטוּ
אֶרֶץ אֲרָרָט וַיִּמְלֹך אֵסַר־חַדֹּן
בְּנֺו תַּחְתָּיו׃ ס

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages