Jes 30

Full text search

Jes 30
Jes 30.1
הוֺי בָּנִים סוֺרְרִים נְאֻמ־יְהוָה
לַעֲשׂוֺת עֵצָה וְלֹא מִנִּי וְלִנְסֹך
מַסֵּכָה וְלֹא רוּחִי לְמַעַן סְפוֺת
חַטָּאת עַל־חַטָּאת׃
Jes 30.2
הַהֹלְכִים לָרֶדֶת מִצְרַיִם וּפִי
לֹא שָׁאָלוּ לָעוֺז בְּמָעוֺז פַּרְעֹה
וְלַחְסוֺת בְּצֵל מִצְרָיִם׃
Jes 30.3
וְהָיָה לָכֶם מָעוֺז פַּרְעֹה לְבֹשֶׁת
וְהֶחָסוּת בְּצֵל־מִצְרַיִם לִכְלִמָּה׃
Jes 30.4
כִּי־הָיוּ בְצֹעַן שָׂרָיו וּמַלְאָכָיו
חָנֵס יַגִּיעוּ׃
Jes 30.5
כֹּל הֹבִאִישׁ עַל־עַם לֹא־יֺועִילוּ
לָמוֺ לֹא לְעֵזֶר וְלֹא לְהוֺעִיל
כִּי לְבֹשֶׁת וְגַמ־לְחֶרְפָּה׃ ס
Jes 30.6
מַשָּׂא בַּהֲמוֺת נֶגֶב בְּאֶרֶץ צָרָה
וְצוּקָה לָבִיא וָלַיִשׁ מֵהֶם
אֶפְעֶה וְשָׂרָף מְעוֺפֵף יִשְׂאוּ
עַל־כֶּתֶף עֲיָרִים חֵילֵהֶם וְעַל־דַּבֶּשֶׁת
גְּמַלִּים אוֺצְרֹתָם עַל־עַם לֹא
יֺועִילוּ׃
Jes 30.7
וּמִצְרַיִם הֶבֶל וָרִיק יַעְזֺרוּ
לָכֵן קָרָאתִי לָזֺאת רַהַב הֵם
שָׁבֶת׃
Jes 30.8
עַתָּה בּוֺא כָתְבָהּ עַל־לוּחַ אִתָּם
וְעַל־סֵפֶר חֻקָּהּ וּתְהִי לְיֺום
אַחֲרוֺן לָעַד עַד־עוֺלָם׃
Jes 30.9
כִּי עַם מְרִי הוּא בָּנִים כֶּחָשִׁים
בָּנִים לֹא־אָבוּ שְׁמוֺעַ תּוֺרַת
יְהוָה׃
Jes 30.10
אֲשֶׁר אָמְרוּ לָרֹאִים לֹא תִרְאוּ
וְלַחֹזִים לֹא תֶחֱזוּ־לָנוּ נְכֹחוֺת
דַּבְּרוּ־לָנוּ חֲלָקוֺת חֲזוּ מַהֲתַלּוֺת׃
Jes 30.11
סוּרוּ מִנֵּי־דֶרֶך הַטּוּ מִנֵּי־אֹרַח
הַשְׁבִּיתוּ מִפָּנֵינוּ אֶת־קְדוֺשׁ
יִשְׂרָאֵל׃ ס
Jes 30.12
לָכֵן כֹּה אָמַר קְדוֺשׁ יִשְׂרָאֵל
יַעַן מָאָסְכֶם בַּדָּבָר הַזֶּה וַתִּבְטְחוּ
בְּעֹשֶׁק וְנָלוֺז וַתִּשָּׁעֲנוּ עָלָיו׃
Jes 30.13
לָכֵן יִהְיֶה לָכֶם הֶעָוֺן הַזֶּה
כְּפֶרֶץ נֺפֵל נִבְעֶה בְּחוֺמָה נִשְׂגָּבָה
אֲשֶׁר־פִּתְאֹם לְפֶתַע יָבוֺא שִׁבְרָהּ׃
Jes 30.14
וּשְׁבָרָהּ כְּשֵׁבֶר נֵבֶל יֺוצְרִים
כָּתוּת לֹא יַחְמֹל וְלֹא־יִמָּצֵא
בִמְכִתָּתוֺ חֶרֶשׂ לַחְתּוֺת אֵשׁ
מִיָּקוּד וְלַחְשֹׂף מַיִם מִגֶּבֶא׃
ף
Jes 30.15
כִּי כֹה־אָמַר אֲדֹנָי יְהוִה קְדוֺשׁ
יִשְׂרָאֵל בְּשׁוּבָה וָנַחַת תִּוָּשֵׁעוּן
בְּהַשְׁקֵט וּבְבִטְחָה תִּהְיֶה גְּבוּרַתְכֶם
וְלֹא אֲבִיתֶ׃
Jes 30.16
וַתֹּאמְרוּ לֹא־כִי עַל־סוּס
נָנוּס עַל־כֵּן תְּנוּסוּן וְעַל־קַל
נִרְכָּב עַל־כֵּן יִקַּלּוּ רֹדְפֵיכֶם׃
Jes 30.17
אֶלֶף אֶחָד מִפְּנֵי גַּעֲרַת אֶחָד
מִפְּנֵי גַּעֲרַת חֲמִשָּׁה תָּנֻסוּ עַד
אִמ־נֺותַרְתֶּם כַּתֹּרֶן עַל־רֹאשׁ
הָהָר וְכַנֵּס עַל־הַגִּבְעָה
Jes 30.18
וְלָכֵן יְחַכֶּה יְהוָה לַחֲנַנְכֶם
וְלָכֵן יָרוּם לְרַחֶמְכֶם כִּי־אֱלֹהֵי
מִשְׁפָּט יְהוָה אַשְׁרֵי כָּל־חוֺכֵי
לוֺ׃ ס
Jes 30.19
כִּי־עַם בְּצִיֺּון יֵשֵׁב בִּירוּשָׁלִָם
בָּכוֺ לֹא־תִבְכֶּה חָנֺון יָחְנְךָ
לְקוֺל זַעֲקֶךָ כְּשָׁמְעָתוֺ עָנָך׃
Jes 30.20
וְנָתַן לָכֶם אֲדֹנָי לֶחֶם צָר
וּמַיִם לָחַץ וְלֹא־יִכָּנֵף עוֺד
מוֺרֶיךָ וְהָיוּ עֵינֶיךָ רֹאוֺת
אֶת־מוֺרֶיךָ׃
Jes 30.21
וְאָזְנֶיךָ תִּשְׁמַעְנָה דָבָר מֵאַחֲרֶיךָ
לֵאמֹר זֶה הַדֶּרֶך לְכוּ בוֺ
כִּי תַאֲמִינוּ וְכִי תַשְׂמְאִילוּ׃
Jes 30.22
וְטִמֵּאתֶם אֶת־צִפּוּי פְּסִילֵי
כַסְפֶּךָ וְאֶת־אֲפֻדַּת מַסֵּכַת זְהָבֶךָ
תִּזְרֵם כְּמוֺ דָוָה צֵא תֹּאמַר
לוֺ׃
Jes 30.23
וְנָתַן מְטַר זַרְעֲךָ אֲשֶׁר־תִּזְרַע
אֶת־הָאֲדָמָה וְלֶחֶם תְּבוּאַת
הָאֲדָמָה וְהָיָה דָשֵׁן וְשָׁמֵן
יִרְעֶה מִקְנֶיךָ בַּיֺּום הַהוּא
כַּר נִרְחָב׃
Jes 30.24
וְהָאֲלָפִים וְהָעֲיָרִים עֹבְדֵי
הָאֲדָמָה בְּלִיל חָמִיץ יֺאכֵלוּ
אֲשֶׁר־זֺרֶה בָרַחַת וּבַמִּזְרֶה׃
Jes 30.25
וְהָיָה עַל־כָּל־הַר גָּבֹהַ וְעַל
כָּל־גִּבְעָה נִשָּׂאָה פְּלָגִים יִבְלֵי־מָיִם
בְּיֺום הֶרֶג רָב בִּנְפֹל מִגְדָּלִים׃
Jes 30.26
וְהָיָה אוֺר־הַלְּבָנָה כְּאוֺר הַחַמָּה
וְאוֺר הַחַמָּה יִהְיֶה שִׁבְעָתַיִם
כְּאוֺר שִׁבְעַת הַיָּמִים בְּיֺום
חֲבֹשׁ יְהוָה אֶת־שֶׁבֶר עַוּ וּמַחַץ
מַכָּתוֺ יִרְפָּא׃ ס
Jes 30.27
הִנֵּה שֵׁמ־יְהוָה בָּא מִמֶּרְחָק
בֹּעֵר אַפּוֺ וְכֹבֶד מַשָּׂאָה שְׂפָתָיו
מָלְאוּ זַעַם וּלְשׁוֺנֺו כְּאֵשׁ אֹכָלֶת׃
Jes 30.28
וְרוּחוֺ כְּנַחַל שׁוֺטֵף עַד־צַוָּאר
יֶחֱצֶה לַהֲנָפָה גֺויִם בְּנָפַת
שָׁוְא וְרֶסֶן מַתְעֶה עַל לְחָיֵי
עַמִּים׃
Jes 30.29
הַשִּׁיר יִהְיֶה לָכֶם כְּלֵיל הִתְקַדֶּשׁ־חָג
וְשִׂמְחַת לֵבָב כַּהוֺלֵך בֶּחָלִיל
לָבוֺא בְהַר־יְהוָה אֶל־צוּר
יִשְׂרָאֵל׃
Jes 30.30
וְהִשְׁמִיעַ יְהוָה אֶת־הוֺד קוֺלוֺ
וְנַחַת זְרוֺעוֺ יַרְאֶה בְּזַעַף
אַף וְלַהַב אֵשׁ אוֺכֵלָה נֶפֶץ
וָזֶרֶם וְאֶבֶן בָּרָד׃
Jes 30.31
כִּי־מִקּוֺל יְהוָה יֵחַת אַשּׁוּר
בַּשֵּׁבֶט יַכֶּה׃
Jes 30.32
וְהָיָה כֹּל מַעֲבַר מַטֵּה מוּסָדָה
אֲשֶׁר יָנִיחַ יְהוָה עָלָיו בְּתֻפִּים
וּבְכִנֺּרוֺת וּבְמִלְחֲמוֺת תְּנוּפָה
נִלְחַמ־בָּהּ 2 בָּם׃
Jes 30.33
כִּי־עָרוּך מֵאֶתְמוּל תָּפְתֶּה גַּמ־הוּא 2 הִיא
לַמֶּלֶך הוּכָן הֶעְמִיק הִרְחִב
מְדֻרָתָהּ אֵשׁ וְעֵצִים הַרְבֵּה
נִשְׁמַת יְהוָה כְּנַחַלגָּפְרִית בֹּעֲרָה
בָּהּ׃ ס

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages