Prov 30

Full text search

Prov 30
Prov 30.1
דִּבְרֵי אָגוּר בִּנ־יָקֶה הַמַּשָּׂא
נְאֻם הַגֶּבֶר לְאִיתִיאֵל לְאִיתִיאֵל
וְאֻכָל׃
Prov 30.2
כִּי בַעַר אָנֺכִי מֵאִישׁ וְלֹא־בִינַת
אָדָם לִי׃
Prov 30.3
וְלֹא־לָמַדְתִּי חָכְמָה וְדַעַת קְדֹשִׁים
אֵדָע׃
Prov 30.4
מִי עָלָה־שָׁמַיִם וַיֵּרַד מִי אָסַפ־רוּחַ
בְּחָפְנָיו מִי צָרַר־מַיִם בַּשִּׂמְלָה
מִי הֵקִים כָּל־אַפְסֵי־אָרֶץ
מַה־שְּׁמוֺ וּמַה־שֶּׁמ־בְּנֺו כִּי
תֵדָע׃
Prov 30.5
כָּל־אִמְרַת אֱלוֺהַּ צְרוּפָה מָגֵן
הוּא לַחֹסִים בּוֺ׃
Prov 30.6
אַל־תּוֺסְְֳ עַל־דְּבָרָיו פֶּנ־יֺוכִיחַ
בְּךָ וְנִכְזָבְתָּ׃ ף
Prov 30.7
שְׁתַּיִם שָׁאַלְתִּי מֵאִתָּך אַל־תִּמְנַע
מִמֶּנִּי בְּטֶרֶם אָמוּת׃
Prov 30.8
שָׁוְא וּדְבַר־כָּזָב הַרְחֵק מִמֶּנִּי
רֵאשׁ וָעֹשֶׁר אַל־תִּתֶּנ־לִי הַטְרִיפֵנִי
לֶחֶם חֻקִּי׃
Prov 30.9
פֶּן אֶשְׂבַּע וְכִחַשְׁתִּי וְאָמַרְתִּי
מִי יְהוָה וּפֶנ־אִוָּרֵשׁ וְגָנַבְתִּי
וְתָפַשְׂתִּי שֵׁם אֱלֹהָי׃ ף
Prov 30.10
אַל־תַּלְשֵׁן עֶבֶד אֶל־אֲדֹנֺו 2 אֲדֹנָיו
פֶּנ־יְקַלֶּלְךָ וְאָשָׁמְתָּ׃
Prov 30.11
דּוֺר אָבִיו יְקַלֵּל וְאֶת־אִמּוֺ
לֹא יְבָרֵך׃
Prov 30.12
דּוֺר טָהוֺר בְּעֵינָיו וּמִצֹּאָתוֺ
לֹא רֻחָץ׃
Prov 30.13
דּוֺר מָה־רָמוּ עֵינָיו וְעַפְעַפָּיו
יִנָּשֵׂאוּ׃
Prov 30.14
דּוֺר חֲרָבוֺת שִׁנָּיו וּמַאֲכָלוֺת
מְתַלְּעֹתָיו לֶאֱכֹל עֲנִיִּים מֵאֶרֶץ
וְאֶבְיֺונִים מֵאָדָם׃ ף
Prov 30.15
לַעֲלוּקָה שְׁתֵּי בָנֺות הַב הַב
שָׁלוֺשׁ הֵנָּה לֹא תִשְׂבַּעְנָה אַרְבַּע
לֹא־אָמְרוּ הוֺן׃
Prov 30.16
שְׁאוֺל וְעֹצֶר רָחַם אֶרֶץ לֹא־שָׂבְעָה
מַּיִם וְאֵשׁ לֹא־אָמְרָה הוֺן׃
Prov 30.17
עַיִן תִּלְעַג לְאָב וְתָבוּז לִיקֲּהַת־אֵם
יִקְּרוּהָ עֹרְבֵי־נַחַל וְיֺאכְלוּהָ
בְנֵי־נָשֶׁר׃ ף
Prov 30.18
שְׁלֹשָׁה הֵמָּה נִפְלְאוּ מִמֶּנִּוּ 1 וְאַרְבָּע 2 וְאַרְבָּעָה
לֹא יְדַעְתִּים׃
Prov 30.19
דֶּרֶך הַנֶּשֶׁר בַּשָּׁמַיִם דֶּרֶך נָחָשׁ
עֲלֵי צוּר דֶּרֶכְ־אֳנִיָּה בְלֶב־יָם
וְדֶרֶך גֶּבֶר בְּעַלְמָה׃
Prov 30.20
כֵּן דֶּרֶך אִשָּׁה מְנָאָפֶת אָכְלָה
וּמָחֲתָה פִיהָ וְאָמְרָה לֹא־פָעַלְתִּי
אָוֶן׃ ף
Prov 30.21
תַּחַת שָׁלוֺשׁ רָגְזָה אֶרֶץ וְתַחַת
אַרְבַּע לֹא־תוּכַל שְׂאֵת׃
Prov 30.22
תַּחַת־עֶבֶד כִּי יִמְלוֺך וְנָבָל
כִּי יִשְׂבַּע־לָחֶם׃
Prov 30.23
תַּחַת שְׂנוּאָה כִּי תִבָּעֵל וְשִׁפְחָה
כִּי־תִירַשׁ גְּבִרְתָּהּ׃ ף
Prov 30.24
אַרְבָּעָה הֵם קְטַנֵּי־אָרֶץ וְהֵמָּה
חֲכָמִים מְחֻכָּמִים׃
Prov 30.25
הַנְּמָלִים עַם לֹא־עָז וַיָּכִינוּ
בַקַּיִץ לַחְמָם׃
Prov 30.26
שְׁפַנִּים עַם לֹא־עָצוּם וַיָּשִׂימוּ
בַסֶּלַע בֵּיתָם׃
Prov 30.27
מֶלֶך אֵין לָאַרְבֶּה וַיֵּצֵא חֹצֵץ
כֻּלּוֺ׃
Prov 30.28
שְׂמָמִית בְּיָדַיִם תְּתַפֵּשׂ וְהִיא
בְּהֵיכְלֵי מֶלֶך׃ ף
Prov 30.29
שְׁלֹשָׁה הֵמָּה מֵיטִיבֵי צָעַד וְאַרְבָּעָה
מֵיטִבֵי לָכֶת׃
Prov 30.30
לַיִשׁ גִּבּוֺר בַּבְּהֵמָה וְלֹא־יָשׁוּב
מִפְּנֵי־כֹל׃
Prov 30.31
זַרְזִיר מָתְנַיִם אוֺ־תָיִשׁ וּמֶלֶך
אַלְקוּם עִמּוֺ׃
Prov 30.32
אִמ־נָבַלְתָּ בְהִתְנַשֵּׂא וְאִמ־זַמּוֺתָ
יָד לְפֶה׃
Prov 30.33
כִּי מִיץ חָלָב יֺוצִיא חֶמְאָה
וּמִיצ־אַף יֺוצִיא דָם וּמִיץ
אַפַּיִם יֺוצִיא רִיב׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages