Prov 22

Full text search

Prov 22
Prov 22.1
נִבְחָר שֵׁם מֵעֹשֶׁר רָב מִכֶּסֶף
וּמִזָּהָב חֵן טוֺב׃
Prov 22.2
עָשִׁיר וָרָשׁ נִפְגָּשׁוּ עֹשֵׂה כֻלָּם
יְהוָה׃
Prov 22.3
עָרוּם רָאָה רָעָה 1 וְיִסָּתֵר 2 וְנִסְתָּר
וּפְתָיִים עָבְרוּ וְנֶעֱנָשׁוּ׃
Prov 22.4
עֵקֶב עֲנָוָה יִרְאַת יְהוָה עֹשֶׁר
וְכָבוֺד וְחַיִּים׃
Prov 22.5
צִנִּים פַּחִים בְּדֶרֶך עִקֵּשׁ שׁוֺמֵר
נַפְשׁוֺ יִרְחַק מֵהֶם׃
Prov 22.6
חֲנֺך לַנַּעַר עַל־פִּי דַרְכּוֺ גַּם
כִּי־יַזְקִין לֹא־יָסוּר מִמֶּנָּה׃
Prov 22.7
עָשִׁיר בְּרָשִׁים יִמְשׁוֺל וְעֶבֶד
לֹוֶה לְאִישׁ מַלְוֶה׃
Prov 22.8
זֺורֵעַ עַוְלָה 1 יִקְצוֺר 2 יִקְצָר־אָוֶן
וְשֵׁבֶט עֶבְרָתוֺ יִכְלֶה׃
Prov 22.9
טוֺב־עַיִן הוּא יְבֹרָך כִּי־נָתַן
מִלַּחְמוֺ לַדָּל׃
Prov 22.10
גָּרֵשׁ לֵץ וְיֵצֵא מָדוֺן וְיִשְׁבֹּת
דִּין וְקָלוֺן׃
Prov 22.11
אֹהֵב 1 טְהוֺר 2 טְהָר־לֵב חֵן שְׂפָתָיו
רֵעֵהוּ מֶלֶך׃
Prov 22.12
עֵינֵי יְהוָה נָצְרוּ דָעַת וַיְסַלֵּף
דִּבְרֵי בֹגֵד׃
Prov 22.13
אָמַר עָצֵל אֲרִי בַחוּץ בְּתוֺך
רְחֹבוֺת אֵרָצֵחַ׃
Prov 22.14
שׁוּחָה עֲמֻקָּה פִּי זָרוֺת זְעוּם
יְהוָה 1 יִפּוֺל 2 יִפָּל־שָׁם׃
Prov 22.15
אִוֶּלֶת קְשׁוּרָה בְלֶב־נָעַר שֵׁבֶט
מוּסָר יַרְחִיקֶנָּה מִמֶּנּוּ׃
Prov 22.16
עֹשֵׁק דָּל לְהַרְבּוֺת לוֺ נֺתֵן
לְעָשִׁיר אַכְ־לְמַחְסוֺר׃
Prov 22.17
הַט אָזְנְךָ וּשְׁמַע דִּבְרֵי חֲכָמִים
וְלִבְּךָ תָּשִׁית לְדַעְתִּי׃
Prov 22.18
כִּי־נָעִים כִּי־תִשְׁמְרֵם בְּבִטְנֶךָ
יִכֹּנוּ יַחְדָּו עַל־שְׂפָתֶיךָ׃
Prov 22.19
לִהְיֺות בַּיהוָה מִבְטַחֶךָ הוֺדַעְתִּיךָ
הַיֺּום אַפ־אָתָּה׃
Prov 22.20
הֲלֹא כָתַבְתִּי לְךָ 1 שִׁלְשׁוֺם 2 שָׁלִישִׁים
בְּמוֺעֵצוֺת וָדָעַת׃
Prov 22.21
לְהוֺדִיעֲךָ קֹשְׁטְ אִמְרֵי אֱמֶת
לְהָשִׁיב אֲמָרִים אֱמֶת לְשֹׁלְחֶיךָ׃
ף
Prov 22.22
אַל־תִּגְזָל־דָּל כִּי דַל־הוּא
וְאַל־תְּדַכֵּא עָנִי בַשָּׁעַר׃
Prov 22.23
כִּי־יְהוָה יָרִיב רִיבָם וְקָבַע
אֶת־קֹבְעֵיהֶם נָפֶשׁ׃
Prov 22.24
אַל־תִּתְרַע אֶת־בַּעַל אָף וְאֶת־אִישׁ
חֵמוֺת לֹא תָבוֺא׃
Prov 22.25
פֶּנ־תֶּאֱלַף 1 אָרְחָתוֺ 2 אֹרְחֹתָיו
וְלָקַחְתָּ מוֺקֵשׁ לְנַפְשֶׁךָ׃
Prov 22.26
אַל־תְּהִי בְתֹקְעֵי־כָף בַּעֹרְבִים
מַשָּׁאוֺת׃
Prov 22.27
אִמ־אֵינ־לְךָ לְשַׁלֵּם לָמָּה יִקַּח
מִשְׁכָּבְךָ מִתַּחְתֶּיךָ׃
Prov 22.28
אַל־תַּסֵּג גְּבוּל עוֺלָם אֲשֶׁר
עָשׂוּ אֲבוֺתֶיךָ׃
Prov 22.29
חָזִיתָ אִישׁ מָהִיר בִּמְלַאכְתּוֺ
לִפְנֵי־מְלָכִים יִתְיַצָּב בַּל־יִתְיַצֵּב
לִפְנֵי חֲשֻׁכִּים׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages