Prov 21

Full text search

Prov 21
Prov 21.1
פַּלְגֵי־מַיִם לֶב־מֶלֶך בְּיַד־יְהוָה
עַל־כָּל־אֲשֶׁר יַחְפֹּץ יַטֶּנּוּ׃
Prov 21.2
כָּל־דֶּרֶכְ־אִישׁ יָשָׁר בְּעֵינָיו
וְתֹכֵן לִבּוֺת יְהוָה׃
Prov 21.3
עֲשֹׂה צְדָקָה וּמִשְׁפָּט נִבְחָר
לַיהוָה מִזָּבַח׃
Prov 21.4
רוּמ־עֵינַיִם וּרְחַב־לֵב נִר
רְשָׁעִים חַטָּאת׃
Prov 21.5
מַחְשְׁבוֺת חָרוּץ אַכְ־לְמוֺתָר
וְכָל־אָץ אַכְ־לְמַחְסוֺר׃
Prov 21.6
פֹּעַל אוֺצָרוֺת בִּלְשׁוֺן שָׁקֶר
הֶבֶל נִדָּף מְבַקְשֵׁי־מָוֶת׃
Prov 21.7
שֹׁד־רְשָׁעִים יְגֺורֵם כִּי מֵאֲנוּ
לַעֲשׂוֺת מִשְׁפָּט׃
Prov 21.8
הֲפַכְפַּך דֶּרֶך אִישׁ וָזָר וְזַך
יָשָׁר פָּעֳלוֺ׃
Prov 21.9
טוֺב לָשֶׁבֶת עַל־פִּנַּת־גָּג מֵאֵשֶׁת
מִדְיָנִים וּבֵית חָבֶר׃
Prov 21.10
נֶפֶשׁ רָשָׁע אִוְּתָה־רָע לֹא־יֻחַן
בְּעֵינָיו רֵעֵהוּ׃
Prov 21.11
בַּעְנָשׁ־לֵץ יֶחְכַּמ־פֶּתִי וּבְהַשְׂכִּיל
לְחָכָם יִקַּח־דָּעַת׃
Prov 21.12
מַשְׂכִּיל צַדִּיק לְבֵית רָשָׁע מְסַלֵּף
רְשָׁעִים לָרָע׃
Prov 21.13
אֹטֵם אָזְנֺו מִזַּעֲקַת־דָּל גַּמ־הוּא
יִקְרָא וְלֹא יֵעָנֶה׃
Prov 21.14
מַתָּן בַּסֵּתֶר יִכְפֶּה־אָף וְשֹׁחַד
בַּחֵק חֵמָה עַזָּה׃
Prov 21.15
שִׂמְחָה לַצַּדִּיק עֲשׂוֺת מִשְׁפָּט
וּמְחִתָּה לְפֹעֲלֵי אָוֶן׃
Prov 21.16
אָדָם תּוֺעֶה מִדֶּרֶך הַשְׂכֵּל בִּקְהַל
רְפָאִים יָנוּחַ׃
Prov 21.17
אִישׁ מַחְסוֺר אֹהֵב שִׂמְחָה אֹהֵב
יַיִנ־וָשֶׁמֶן לֹא יַעֲשִׁיר׃
Prov 21.18
כֹּפֶר לַצַּדִּיק רָשָׁע וְתַחַת יְשָׁרִים
בּוֺגֵד׃
Prov 21.19
טוֺב שֶׁבֶת בְּאֶרֶצ־מִדְבָּר מֵאֵשֶׁת 1 מְדוֺנִים 2 מִדְיָנִים
וָכָעַס׃
Prov 21.20
אוֺצָר נֶחְמָד וָשֶׁמֶן בִּנְוֵה חָכָם
וּכְסִיל אָדָם יְבַלְּעֶנּוּ׃
Prov 21.21
רֹדֵף צְדָקָה וָחָסֶד יִמְצָא חַיִּים
צְדָקָה וְכָבוֺד׃
Prov 21.22
עִיר גִּבֹּרִים עָלָה חָכָם וַיֺּרֶד
עֹז מִבְטֶחָה׃
Prov 21.23
שֹׁמֵר פִּיו וּלְשׁוֺנֺו שֹׁמֵר מִצָּרוֺת
נַפְשׁוֺ׃
Prov 21.24
זֵד יָהִיר לֵץ שְׁמוֺ עוֺשֶׂה בְּעֶבְרַת
זָדוֺן׃
Prov 21.25
תַּאֲוַת עָצֵל תְּמִיתֶנּוּ כִּי־מֵאֲנוּ
יָדָיו לַעֲשׂוֺת׃
Prov 21.26
כָּל־הַיֺּום הִתְאַוָּה תַאֲוָה וְצַדִּיק
יִתֵּן וְלֹא יַחְשֹׂך׃
Prov 21.27
זֶבַח רְשָׁעִים תּוֺעֵבָה אַף כִּי־בְזִמָּה
יְבִיאֶנּוּ׃
Prov 21.28
עֵד־כְּזָבִים יֺאבֵד וְאִישׁ שׁוֺמֵעַ
לָנֶצַח יְדַבֵּר׃
Prov 21.29
הֵעֵז אִישׁ רָשָׁע בְּפָנָיו וְיָשָׁר
הוּא 1 יָכִין 2 יָבִין 1 דְּרָכָיו 2 דַּרְכּוֺ׃
Prov 21.30
אֵין חָכְמָה וְאֵין תְּבוּנָה וְאֵין
עֵצָה לְנֶגֶד יְהוָה׃ ף
Prov 21.31
סוּס מוּכָן לְיֺום מִלְחָמָה וְלַיהוָה
הַתְּשׁוּעָה׃

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages