Prov 19

Full text search

Prov 19
Prov 19.1
טוֺב־רָשׁ הוֺלֵך בְּתֻמּוֺ מֵעִקֵּשׁ
שְׂפָתָיו וְהוּא כְסִיל׃
Prov 19.2
גַּם בְּלֹא־דַעַת נֶפֶשׁ לֹא־טוֺב
וְאָץ בְּרַגְלַיִם חוֺטֵא׃
Prov 19.3
אִוֶּלֶת אָדָם תְּסַלֵּף דַּרְכּוֺ וְעַל־יְהוָה
יִזְעַף לִבּוֺ׃
Prov 19.4
הוֺן יֺסִיף רֵעִים רַבִּים וְדָל
מֵרֵעהוּ יִפָּרֵד׃
Prov 19.5
עֵד שְׁקָרִים לֹא יִנָּקֶה וְיָפִיחַ
כְּזָבִים לֹא יִמָּלֵט׃
Prov 19.6
רַבִּים יְחַלּוּ פְנֵי־נָדִיב וְכָל־הָרֵעַ
לְאִישׁ מַתָּן׃
Prov 19.7
כָּל אֲחֵי־רָשׁ שְׂנֵאֻהוּ אַף כִּי
מְרֵעֵהוּ רָחֲקוּ מִמֶּנּוּ מְרַדֵּף
אֲמָרִים 1 לֹא 2 לוֺ־הֵמָּה׃
Prov 19.8
קֹנֶה־לֵּב אֹהֵב נַפְשׁוֺ שֹׁמֵר תְּבוּנָה
לִמְצֹא־טוֺב׃
Prov 19.9
עֵד שְׁקָרִים לֹא יִנָּקֶה וְיָפִיחַ
כְּזָבִים יֺאבֵד׃ ף
Prov 19.10
לֹא־נָאוֶה לִכְסִיל תַּעֲנוּג אַף
כִּי־לְעֶבֶד מְשֹׁל בְּשָׂרִים׃
Prov 19.11
שֵׂכֶל אָדָם הֶאֱרִיך אַפּוֺ וְתִפאַרְתּוֺ
עֲבֹר עַל־פָּשַׁע׃
Prov 19.12
נַהַם כַּכְּפִיר זַעַף מֶלֶך וּכְטַל
עַל־עֵשֶׂב רְצוֺנֺו׃
Prov 19.13
הַוֺּת לְאָבִיו בֵּן כְּסִיל וְדֶלֶף
טֹרֵד מִדְיְנֵי אִשָּׁה׃
Prov 19.14
בַּיִת וָהוֺן נַחֲלַת אָבוֺת וּמֵיְהוָה
אִשָּׁה מַשְׂכָּלֶת׃
Prov 19.15
עַצְלָה תַּפִּיל תַּרְדֵּמָה וְנֶפֶשׁ
רְמִיָּה תִרְעָב׃
Prov 19.16
שֹׁמֵר מִצְוָה שֹׁמֵר נַפְשׁוֺ בּוֺזֵה
דְרָכָיו 1 יוּמָת 2 יָמוּת׃
Prov 19.17
מַלְוֵה יְהוָה חוֺנֵן דָּל וּגְמֻלוֺ
יְשַׁלֶּמ־לוֺ׃
Prov 19.18
יַסֵּר בִּנְךָ כִּי־יֵשׁ תִּקְוָה וְאֶל־הֲמִיתוֺ
אַל־תִּשָּׂא נַפְשֶׁךָ׃
Prov 19.19
גֺּרַל 2 גְּדָל־חֵמָה נֺשֵׂא עֹנֶשׁ
כִּי אִמ־תַּצִּיל וְעוֺד תּוֺסִף׃
Prov 19.20
שְׁמַע עֵצָה וְקַבֵּל מוּסָר לְמַעַן
תֶּחְכַּם בְּאַחֲרִיתֶךָ׃
Prov 19.21
רַבּוֺת מַחֲשָׁבוֺת בְּלֶב־אִישׁ וַעֲצַת
יְהוָה הִיא תָקוּם׃
Prov 19.22
תַּאֲוַת אָדָם חַסְדּוֺ וְטוֺב־רָשׁ
מֵאִישׁ כָּזָב׃
Prov 19.23
יִרְאַת יְהוָה לְחַיִּים וְשָׂבֵעַ
יָלִין בַּל־יִפָּקֶד רָע׃
Prov 19.24
טָמַן עָצֵל יָדוֺ בַּצַּלָּחַת גַּמ־אֶל־פִּיהוּ
לֹא יְשִׁיבֶנָּה׃
Prov 19.25
לֵץ תַּכֶּה וּפֶתִי יַעְרִם וְהוֺכִיחַ
לְנָבוֺן יָבִין דָּעַת׃
Prov 19.26
מְשַׁדֶּד־אָב יַבְרִיחַ אֵם בֵּן מֵבִישׁ
וּמַחְפִּיר׃
Prov 19.27
חַדַל־בְּנִי לִשְׁמֹעַ מוּסָר לִשְׁגֺות
מֵאִמְרֵי־דָעַת׃
Prov 19.28
עֵד בְּלִיַּעַל יָלִיץ מִשְׁפָּט וּפִי
רְשָׁעִים יְבַלַּע־אָוֶן׃
Prov 19.29
נָכוֺנוּ לַלֵּצִים שְׁפָטִים וּמַהֲלֻמוֺת
לְגֵו כְּסִילִים׃

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages