Prov 18

Full text search

Prov 18
Prov 18.1
לְתַאֲוָה יְבַקֵּשׁ נִפְרָד בְּכָל־תּוּשִׁיָּה
יִתְגַּלָּע׃
Prov 18.2
לֹא־יַחְפֹּץ כְּסִיל בִּתְבוּנָה כִּי
אִמ־בְּהִתְגַּלּוֺת לִבּוֺ׃
Prov 18.3
בְּבוֺא־רָשָׁע בָּא גַמ־בּוּז וְעִמ־קָלוֺן
חֶרְפָּה׃
Prov 18.4
מַיִם עֲמֻקִּים דִּבְרֵי פִי־אִישׁ
נַחַל נֺבֵעַ מְקוֺר חָכְמָה׃
Prov 18.5
שְׂאֵת פְּנֵי־רָשָׁע לֹא־טוֺב לְהַטּוֺת
צַדִּיק בַּמִּשְׁפָּט׃
Prov 18.6
שִׂפְתֵי כְסִיל יָבֹאוּ בְרִיב וּפִיו
לְמַהֲלֻמוֺת יִקְרָא׃
Prov 18.7
פִּי־כְסִיל מְחִתָּה־לוֺ וּשְׂפָתָיו
מוֺקֵשׁ נַפְשׁוֺ׃
Prov 18.8
דִּבְרֵי נִרְגָּן כְּמִתְלַהֲמִים וְהֵם
יָרְדוּ חַדְרֵי־בָטֶן׃
Prov 18.9
גַּם מִתְרַפֶּה בִמְלַאכְתּוֺ אָח
הוּא לְבַעַל מַשְׁחִית׃
Prov 18.10
מִגְדַּל־עֹז שֵׁם יְהוָה בּוֺ־יָרוּץ
צַדִּיק וְנִשְׂגָּב׃
Prov 18.11
הוֺן עָשִׁיר קִרְיַת עֻזֺּו וּכְחוֺמָה
נִשְׂגָּבָה בְּמַשְׂכִּיתוֺ׃
Prov 18.12
לִפְנֵי־שֶׁבֶר יִגְבַּהּ לֵב־אִישׁ
וְלִפְנֵי כָבוֺד עֲנָוָה׃
Prov 18.13
מֵשִׁיב דָּבָר בְּטֶרֶם יִשְׁמָע אִוֶּלֶת
הִיא־לוֺ וּכְלִמָּה׃
Prov 18.14
רוּחַ־אִישׁ יְכַלְכֵּל מַחֲלֵהוּ וְרוּחַ
נְכֵאָה מִי יִשָּׂאֶנָּה׃
Prov 18.15
לֵב נָבוֺן יִקְנֶה־דָּעַת וְאֹזֶן
חֲכָמִים תְּבַקֶּשׁ־דָּעַת׃
Prov 18.16
מַתָּן אָדָם יַרְחִיב לוֺ וְלִפְנֵי
גְדֹלִים יַנְחֶנּוּ׃
Prov 18.17
צַדִּיק הָרִאשׁוֺן בְּרִיבוֺ 1 יָבֹא 2 וּבָא־רֵעֵהוּ
וַחֲקָרוֺ׃
Prov 18.18
מִדְיָנִים יַשְׁבִּית הַגֺּורָל וּבֵין
עֲצוּמִים יַפְרִיד׃
Prov 18.19
אָח נִפְשָׁע מִקִּרְיַת־עֹז 1 וּמְדוֺנִים 2 וּמִדְיָנִים
כִּבְרִיחַ אַרְמוֺן׃
Prov 18.20
מִפְּרִי פִי־אִישׁ תִּשְׂבַּע בִּטְנֺו
תְּבוּאַת שְׂפָתָיו יִשְׂבָּע׃
Prov 18.21
מָוֶת וְחַיִּים בְּיַד־לָשׁוֺן וְאֹהֲבֶיהָ
יֺאכַל פִּרְיָהּ׃
Prov 18.22
מָצָא אִשָּׁה מָצָא טוֺב וַיָּפֶק
רָצוֺן מֵיְהוָה׃
Prov 18.23
תַּחֲנוּנִים יְדַבֶּר־רָשׁ וְעָשִׁיר
יַעֲנֶה עַזֺּות׃
Prov 18.24
אִישׁ רֵעִים לְהִתְרֹעֵעַ וְיֵשׁ אֹהֵב
דָּבֵק מֵאָח׃

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages