Prov 17

Full text search

Prov 17
Prov 17.1
טוֺב פַּת חֲרֵבָה וְשַׁלְוָה־בָהּ
מִבַּיִת מָלֵא זִבְחֵי־רִיב׃
Prov 17.2
עֶבֶד־מַשְׂכִּיל יִמְשֹׁל בְּבֵן מֵבִישׁ
וּבְתוֺך אַחִים יַחֲלֹק נַחֲלָה׃
Prov 17.3
מַצְרֵף לַכֶּסֶף וְכוּר לַזָּהָב וּבֹחֵן
לִבּוֺת יְהוָה׃
Prov 17.4
מֵרַע מַקְשִׁיב עַל־שְׂפַת־אָוֶן
שֶׁקֶר מֵזִין עַל־לְשׁוֺן הַוֺּת׃
Prov 17.5
לֹעֵג לָרָשׁ חֵרֵף עֹשֵׂהוּ שָׂמֵחַ
לְאֵיד לֹא יִנָּקֶה׃
Prov 17.6
עֲטֶרֶת זְקֵנִים בְּנֵי בָנִים וְתִפְאֶרֶת
בָּנִים אֲבוֺתָם׃
Prov 17.7
לֹא־נָאוָה לְנָבָל שְׂפַת־יֶתֶר
אַף כִּי־לְנָדִיב שְׂפַת־שָׁקֶר׃
Prov 17.8
אֶבֶנ־חֵן הַשֹּׁחַד בְּעֵינֵי בְעָלָיו
אֶל־כָּל־אֲשֶׁר יִפְנֶה יַשְׂכִּיל׃
Prov 17.9
מְכַסֶּה־פֶּשַׁע מְבַקֵּשׁ אַהֲבָה וְשֹׁנֶה
בְדָבָר מַפְרִיד אַלּוּף׃
Prov 17.10
תֵּחַת גְּעָרָה בְמֵבִין מֵהַכּוֺת
כְּסִיל מֵאָה׃
Prov 17.11
אַכְ־מְרִי יְבַקֶּשׁ־רָע וּמַלְאָך
אַכְזָרִי יְשֻׁלַּח־בּוֺ׃
Prov 17.12
פָּגֺושׁ דֹּב שַׁכּוּל בְּאִישׁ וְאַל־כְּסִיל
בְּאִוַּלְתּוֺ׃
Prov 17.13
מֵשִׁיב רָעָה תַּחַת טוֺבָה לֹא־תָמִישׁ 2 תָמוּשׁ
רָעָה מִבֵּיתוֺ׃
Prov 17.14
פּוֺטֵר מַיִם רֵאשִׁית מָדוֺן וְלִפְנֵי
הִתְגַּלַּע הָרִיב נְטוֺשׁ׃
Prov 17.15
מַצְדִּיק רָשָׁע וּמַרְשִׁיעַ צַדִּיק
תּוֺעֲבַת יְהוָה גַּמ־שְׁנֵיהֶם׃
Prov 17.16
לָמָּה־זֶּה מְחִיר בְּיַד־כְּסִיל
לִקְנֺות חָכְמָה וְלֶב־אָיִן׃
Prov 17.17
בְּכָל־עֵת אֹהֵב הָרֵעַ וְאָח לְצָרָה
יִוָּלֵד׃
Prov 17.18
אָדָם חֲסַר־לֵב תּוֺקֵעַ כָּף עֹרֵב
עֲרֻבָּה לִפְנֵי רֵעֵהוּ׃
Prov 17.19
אֹהֵב פֶּשַׁע אֹהֵב מַצָּה מַגְבִּיהַּ
פִּתְחוֺ מְבַקֶּשׁ־שָׁבֶר׃
Prov 17.20
עִקֶּשׁ־לֵב לֹא יִמְצָא־טוֺב וְנֶהְפָּך
בִּלְשׁוֺנֺו יִפּוֺל בְּרָעָה׃
Prov 17.21
יֺלֵד כְּסִיל לְתוּגָה לוֺ וְלֹא־יִשְׂמַח
אֲבִי נָבָל׃
Prov 17.22
לֵב שָׂמֵחַ יֵיטִב גֵּהָה וְרוּחַ
נְכֵאָה תְּיַבֶּשׁ־גָּרֶם׃
Prov 17.23
שֹׁחַד מֵחֵיק רָשָׁע יִקָּח לְהַטּוֺת
אָרְחוֺת מִשְׁפָּט׃
Prov 17.24
אֶת־פְּנֵי מֵבִין חָכְמָה וְעֵינֵי
כְסִיל בִּקְצֵה־אָרֶץ׃
Prov 17.25
כַּעַס לְאָבִיו בֵּן כְּסִיל וּמֶמֶר
לְיֺולַדְתּוֺ׃
Prov 17.26
גַּם עֲנֺושׁ לַצַּדִּיק לֹא־טוֺב
לְהַכּוֺת נְדִיבִים עַל־יֺשֶׁר׃
Prov 17.27
חוֺשֵׂך אֲמָרָיו יֺודֵעַ דָּעַת 1 וְקַר 2 יְקַר־רוּחַ
אִישׁ תְּבוּנָה׃
Prov 17.28
גַּם אֱוִיל מַחֲרִישׁ חָכָם יֵחָשֵׁב
אֹטֵם שְׂפָתָיו נָבוֺן׃

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages