Prov 15

Full text search

Prov 15
Prov 15.1
מַעֲנֶה־רַּך יָשִׁיב חֵמָה וּדְבַר־עֶצֶב
יַעֲלֶה־אָף׃
Prov 15.2
לְשׁוֺן חֲכָמִים תֵּיטִיב דָּעַת
וּפִי כְסִילִים יַבִּיעַ אִוֶּלֶת׃
Prov 15.3
בְּכָל־מָקוֺם עֵינֵי יְהוָה צֹפוֺת
רָעִים וטוֺבִים׃
Prov 15.4
מַרְפֵּא לָשׁוֺן עֵץ חַיִּים וְסֶלֶף
בָּהּ שֶׁבֶר בְּרוּחַ׃
Prov 15.5
אֱוִיל יִנְאַץ מוּסַר אָבִיו וְשֹׁמֵר
תּוֺכַחַת יַעְרִם׃
Prov 15.6
בֵּית צַדִּיק חֹסֶן רָב וּבִתְבוּאַת
רָשָׁע נֶעְכָּרֶת׃
Prov 15.7
שִׂפְתֵי חֲכָמִים יְזָרוּ דָעַת וְלֵב
כְּסִילִים לֹא־כֵן׃
Prov 15.8
זֶבַח רְשָׁעִים תּוֺעֲבַת יְהוָה
וּתְפִלַּת יְשָׁרִים רְצוֺנֺו׃
Prov 15.9
תּוֺעֲבַת יְהוָה דֶּרֶך רָשָׁע וּמְרַדֵּף
צְדָקָה יֶאֱהָב׃
Prov 15.10
מוּסָר רָע לְעֹזֵב אֹרַח שׂוֺנֵא
תוֺכַחַת יָמוּת׃
Prov 15.11
שְׁאוֺל וַאֲבַדּוֺן נֶגֶד יְהוָה
אַף כִּי־לִבּוֺת בְּנֵי־אָדָם׃
Prov 15.12
לֹא יֶאֱהַב־לֵץ הוֺכֵחַ לוֺ אֶל־חֲכָמִים
לֹא יֵלֵך׃
Prov 15.13
לֵב שָׂמֵחַ יֵיטִב פָּנִים וּבְעַצְּבַת־לֵב
רוּחַ נְכֵאָה׃
Prov 15.14
לֵב נָבוֺן יְבַקֶּשׁ־דָּעַת 1 וּפְנֵי 2 וּפִי
כְסִילִים יִרְעֶה אִוֶּלֶת׃
Prov 15.15
כָּל־יְמֵי עָנִי רָעִים וְטוֺב־לֵב
מִשְׁתֶּה תָמִיד׃
Prov 15.16
טוֺב־מְעַט בְּיִרְאַת יְהוָה מֵאוֺצָר
רָב וּמְהוּמָה בוֺ׃
Prov 15.17
טוֺב אֲרֻחַת יָרָק וְאַהֲבָה־שָׁם
מִשּׁוֺר אָבוּס וְשִׂנְאָה־בוֺ׃
Prov 15.18
אִישׁ חֵמָה יְגָרֶה מָדוֺן וְאֶרֶד
אַפַּיִם יַשְׁקִיט רִיב׃
Prov 15.19
דֶּרֶך עָצֵל כִּמְשֻׂכַת חָדֶק וְאֹרַח
יְשָׁרִים סְלֻלָה׃
Prov 15.20
בֵּן חָכָם יְשַׂמַּח־אָב וּכְסִיל
אָדָם בּוֺזֶה אִמּוֺ׃
Prov 15.21
אִוֶּלֶת שִׂמְחָה לַחֲסַר־לֵב וְאִישׁ
תְּבוּנָה יְיַשֶּׁר־לָכֶת׃
Prov 15.22
הָפֵר מַחֲשָׁבוֺת בְּאֵין סוֺד וּבְרֹב
יֺועֲצִים תָּקוּם׃
Prov 15.23
שִׂמְחָה לָאִישׁ בְּמַעֲנֵה־פִיו וְדָבָר
בְּעִתּוֺ מַה־טּוֺב׃
Prov 15.24
אֹרַח חַיִּים לְמַעְלָה לְמַשְׂכִּיל
לְמַעַן סוּר מִשְּׁאוֺל מָטָּה׃
Prov 15.25
בֵּית גֵּאִים יִסַּח יְהוָה וְיַצֵּב
גְּבוּל אַלְמָנָה׃
Prov 15.26
תּוֺעֲבַת יְהוָה מַחְשְׁבוֺת רָע
וּטְהֹרִים אִמְרֵי־נֺעַם׃
Prov 15.27
עֹכֵר בֵּיתוֺ בּוֺצֵעַ בָּצַע וְשׂוֺנֵא
מַתָּנֺת יִחְיֶה׃
Prov 15.28
לֵב צַדִּיק יֶהְגֶּה לַעֲנֺות וּפִי
רְשָׁעִים יַבִּיעַ רָעוֺת׃
Prov 15.29
רָחוֺק יְהוָה מֵרְשָׁעִים וּתְפִלַּת
צַדִּיקִים יִשְׁמָע׃
Prov 15.30
מְאוֺר־עֵינַיִם יְשַׂמַּח־לֵב שְׁמוּעָה
טוֺבָה תְּדַשֶּׁנ־עָצֶם׃
Prov 15.31
אֹזֶן שֹׁמַעַת תּוֺכַחַת חַיִּים בְּקֶרֶב
חֲכָמִים תָּלִין׃
Prov 15.32
פּוֺרֵעַ מוּסָר מוֺאֵס נַפְשׁוֺ וְשׁוֺמֵעַ
תּוֺכַחַת קוֺנֶה לֵּב׃
Prov 15.33
יִרְאַת יְהוָה מוּסַר חָכְמָה וְלִפְנֵי
כָבוֺד עֲנָוָה׃

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages