Ps 96

Full text search

Ps 96
Ps 96.1
שִׁירוּ לַיהוָה שִׁיר חָדָשׁ שִׁירוּ
לַיהוָה כָּל־הָאָרֶץ׃
Ps 96.2
שִׁירוּ לַיהוָה בָּרֲכוּ שְׁמוֺ בַּשְּׂרוּ
מִיֺּומ־לְיֺום יְשׁוּעָתוֺ׃
Ps 96.3
סַפְּרוּ בַגֺּויִם כְּבוֺדוֺ בְּכָל־הָעַמִּים
נִפְלְאוֺתָיו׃
Ps 96.4
כִּי גָדוֺל יְהוָה וּמְהֻלָּל מְאֹד
נֺורָא הוּא עַל־כָּל־אֱלֹהִים׃
Ps 96.5
כִּי כָּל־אֱלֹהֵי הָעַמִּים אֱלִילִים
וַיהוָה שָׁמַיִם עָשָׂה׃
Ps 96.6
הוֺד־וְהָדָר לְפָנָיו עֹז וְתִפְאֶרֶת
בְּמִקְדָּשׁוֺ׃
Ps 96.7
הָבוּ לַיהוָה מִשְׁפְּחוֺת עַמִּים
הָבוּ לַיהוָה כָּבוֺד וָעֹז׃
Ps 96.8
הָבוּ לַיהוָה כְּבוֺד שְׁמוֺ שְׂאוּ־מִנְחָה
וּבֹאוּ לְחַצְרוֺתָיו׃
Ps 96.9
הִשְׁתַּחֲווּ לַיהוָה בְּהַדְרַת־קֹדֶשׁ
חִילוּ מִפָּנָיו כָּל־הָאָרֶץ׃
Ps 96.10
אִמְרוּ בַגֺּויִם יְהוָה מָלָך אַפ־תִּכּוֺן
תֵּבֵל בַּל־תִּמּוֺט יָדִין עַמִּים
בְּמֵישָׁרִים׃
Ps 96.11
יִשְׂמְחוּ הַשָּׁמַיִם וְתָגֵל הָאָרֶץ
יִרְעַם הַיָּם וּמְלֹאוֺ׃
Ps 96.12
יַעֲלֹז שָׂדַי וְכָל־אֲשֶׁר־בּוֺ אָז
יְרַנְּנוּ כָּל־עֲצֵי־יָעַר׃
Ps 96.13
לִפְנֵי יְהוָה כִּי בָא כִּי בָא
לִשְׁפֹּט הָאָרֶץ יִשְׁפֹּט־תֵּבֵל בְּצֶדֶק
וְעַמִּים בֶּאֱמוּנָתוֺ׃

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages