Job 21

Full text search

Job 21
Job 21.1
וַיַּעַן אִיֺּוב וַיֺּאמַר׃
Job 21.2
שִׁמְעוּ שָׁמוֺעַ מִלָּתִי וּתְהִי־זֺאת
תַּנְחוּמֹתֵיכֶם׃
Job 21.3
שָׂאוּנִי וְאָנֺכִי אֲדַבֵּר וְאַחַר
דַּבְּרִי תַלְעִיג׃
Job 21.4
הֶאָנֺכִי לְאָדָם שִׂיחִי וְאִמ־מַדּוּעַ
לֹא־תִקְצַר רוּחִי׃
Job 21.5
פְּנוּ־אֵלַי וְהָשַׁמּוּ וְשִׂימוּ יָד
עַל־פֶּה׃
Job 21.6
וְאִמ־זָכַרְתִּי וְנִבְהָלְתִּי וְאָחַז
בְּשָׂרִי פַּלָּצוּת׃
Job 21.7
מַדּוּעַ רְשָׁעִים יִחְיוּ עָתְקוּ
גַּמ־גָּבְרוּ חָיִל׃
Job 21.8
זַרְעָם נָכוֺן לִפְנֵיהֶם עִמָּם
וְצֶאֱצָאֵיהֶם לְעֵינֵיהֶם׃
Job 21.9
בָּתֵּיהֶם שָׁלוֺם מִפָּחַד וְלֹא שֵׁבֶט
אֱלוֺהַּ עֲלֵיהֶם׃
Job 21.10
שׁוֺרוֺ עִבַּר וְלֹא יַגְעִל תְּפַלֵּט
פָּרָתוֺ וְלֹא תְשַׁכֵּל׃
Job 21.11
יְשַׁלְּחוּ כַצֹּאן עֲוִילֵיהֶם וְיַלְדֵיהֶם
יְרַקֵּדוּן׃
Job 21.12
יִשְׂאוּ כְּתֹף וְכִנֺּור וְיִשְׂמְחוּ
לְקוֺל עוּגָב׃
Job 21.13
יְבַלּוּ 2 יְכַלּוּ בַטּוֺב יְמֵיהֶם
וּבְרֶגַע שְׁאוֺל יֵחָתּוּ׃
Job 21.14
וַיֺּאמְרוּ לָאֵל סוּר מִמֶּנּוּ וְדַעַת
דְּרָכֶיךָ לֹא חָפָצְנוּ׃
Job 21.15
מַה־שַׁדַּי כִּי־נַעַבְדֶנּוּ וּמַה־נֺּועִיל
כִּי נִפְגַּע־בּוֺ׃
Job 21.16
הֵן לֹא בְיָדָם טוּבָם עֲצַת רְשָׁעִים
רָחֲקָה מֶנִּי׃
Job 21.17
כַּמָּה נֵר־רְשָׁעִים יִדְעָך וְיָבֹא
עָלֵימוֺ אֵידָם חֲבָלִים יְחַלֵּק
בְּאַפּוֺ׃
Job 21.18
יִהְיוּ כְּתֶבֶן לִפְנֵי־רוּחַ וּכְמֹץ
גְּנָבַתּוּ סוּפָה׃
Job 21.19
אֱלוֺהַּ יִצְפֹּנ־לְבָנָיו אוֺנֺו
יְשַׁלֵּם אֵלָיו וְיֵדָע׃
Job 21.20
יִרְאוּ 1 עֵינֺו 2 עֵינָיו כִּידוֺ
וּמֵחֲמַת שַׁדַּי יִשְׁתֶּה׃
Job 21.21
כִּי מַה־חֶפְצוֺ בְּבֵיתוֺ אַחֲרָיו
וּמִסְפַּר חֳדָשָׁיו חֻצָּצוּ׃
Job 21.22
הַלְאֵל יְלַמֶּד־דָּעַת וְהוּא רָמִים
יִשְׁפּוֺט׃
Job 21.23
זֶה יָמוּת בְּעֶצֶם תֻּמּוֺ כֻּלּוֺ
שַׁלְאֲנַן וְשָׁלֵיו׃
Job 21.24
עֲטִינָיו מָלְאוּ חָלָב וּמֹחַ
עַצְמוֺתָיו יְשֻׁקֶּה׃
Job 21.25
וְזֶה יָמוּת בְּנֶפֶשׁ מָרָה וְלֹא־אָכַל
בַּטּוֺבָה׃
Job 21.26
יַחַד עַל־עָפָר יִשְׁכָּבוּ וְרִמָּה
תְּכַסֶּה עֲלֵיהֶם׃
Job 21.27
הֵן יָדַעְתִּי מַחְשְׁבוֺתֵיכֶם וּמְזִמּוֺת
עָלַי תַּחְמֹסוּ׃
Job 21.28
כִּי תֹאמְרוּ אַיֵּה בֵית־נָדִיב
וְאַיֵּה אֹהֶל מִשְׁכְּנֺות רְשָׁעִים׃
Job 21.29
הֲלֹא שְׁאֶלְתֶּם עוֺבְרֵי דָרֶך וְאֹתֹתָם
לֹא תְנַכֵּרוּ׃
Job 21.30
כִּי לְיֺום אֵיד יֵחָשֶׂך רָע לְיֺום
עֲבָרוֺת יוּבָלוּ׃
Job 21.31
מִי־יַגִּיד עַל־פָּנָיו דַּרְכּוֺ
וְהוּא־עָשָׂה מִי יְשַׁלֶּמ־לוֺ׃
Job 21.32
וְהוּא לִקְבָרוֺת יוּבָל וְעַל־גָּדִישׁ
יִשְׁקוֺד׃
Job 21.33
מָתְקוּ־לוֺ רִגְבֵי נָחַל וְאַחֲרָיו
כָּל־אָדָם יִמְשׁוֺך וּלְפָנָיו אֵין
מִסְפָּר׃
Job 21.34
וְאֵיך תְּנַחֲמוּנִי הָבֶל וּתְשׁוּבֹתֵיכֶם
נִשְׁאַר־מָעַל׃ ס

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages