2Chron 28

Full text search

2Chron 28
2Chron 28.1
בֶּנ־עֶשְׂרִים שָׁנָה אָחָז בְּמָלְכוֺ
וְשֵׁשׁ־עֶשְׂרֵה שָׁנָה מָלַך בִּירוּשָׁלִָם
וְלֹא־עָשָׂה הַיָּשָׁר בְּעֵינֵי יְהוָה
כְּדָוִיד אָבִיו׃
2Chron 28.2
וַיֵּלֶך בְּדַרְכֵי מַלְכֵי יִשְׂרָאֵל
וְגַם מַסֵּכוֺת עָשָׂה לַבְּעָלִים׃
2Chron 28.3
וְהוּא הִקְטִיר בְּגֵיא בֶנ־הִנֺּם
וַיַּבְעֵר אֶת־בָּנָיו בָּאֵשׁ כְּתֹעֲבוֺת
הַגֺּויִם אֲשֶׁר הֹרִישׁ יְהוָה
מִפְּנֵי בְּנֵי יִשְׂרָאֵל׃
2Chron 28.4
וַיְזַבֵּחַ וַיְקַטֵּר בַּבָּמוֺת וְעַל־הַגְּבָעוֺת
וְתַחַת כָּל־עֵץ רַעֲנָן׃
2Chron 28.5
וַיִּתְּנֵהוּ יְהוָה אֱלֹהָיו בְּיַד
מֶלֶך אֲרָם וַיַּכּוּ־בוֺ וַיִּשְׁבּוּ
מִמֶּנּוּ שִׁבְיָה גְדוֺלָה וַיָּבִיאוּ
דַּרְמָשֶׂק וְגַם בְּיַד־לֶך יִשְׂרָאֵל
נִתָּן וַיַּכְ־בּוֺ מַכָּה גְדוֺלָה׃
ס
2Chron 28.6
וַיַּהֲרֹג פֶּקַח בֶּנ־רְמַלְיָהוּ בִּיהוּדָה
מֵאָה וְעֶשְׂרִים אֶלֶף בְּיֺום
אֶחָד הַכֹּל בְּנֵי־חָיִל בְּעָזְבָם
אֶת־יְהוָה אֱלֹהֵי אֲבוֺתָם׃
2Chron 28.7
וַיַּהֲרֹג זִכְרִי גִּבּוֺר אֶפְרַיִם
אֶת־מַעֲשֵׂיָהוּ בֶּנ־הַמֶּלֶך וְאֶת־עַזְרִיקָם
נְגִיד הַבָּיִת וְאֶת־אֶלְקָנָה מִשְׁנֵה
הַמֶּלֶך׃ ס
2Chron 28.8
וַיִּשְׁבּוּ בְנֵי־יִשְׂרָאֵל מֵאֲחֵיהֶם
מָאתַיִם אֶלֶף נָשִׁים בָּנִים וּבָנֺות
וְגַמ־שָׁלָל רָב בָּזְזוּ מֵהֶם
וַיָּבִיאוּ אֶת־הַשָּׁלָל לְשֹׁמְרוֺ׃
ס
2Chron 28.9
וְשָׁם הָיָה נָבִיא לַיהוָה
עֹדֵד שְׁמוֺ וַיֵּצֵא לִפְנֵי הַצָּבָא
הַבָּא לְשֹׁמְרוֺן וַיֺּאמֶר לָהֶם
הִנֵּה בַּחֲמַת יְהוָה אֱלֹהֵי־אֲבוֺתֵיכֶם
עַל־יְהוּדָה נְתָנָם בְּיֶדְכֶם
וַתַּהַרְגוּ־בָם בְזַעַף עַד לַשָּׁמַיִם
הִגִּיעַ׃
2Chron 28.10
וְעַתָּה בְּנֵי־יְהוּדָה וִירוּשָׁלִַם
אַתֶּם אֹמְרִים לִכְבֹּשׁ לַעֲבָדִים
וְלִשְׁפָחוֺת לָכֶם הֲלֹא רַק־אַתֶּם
עִמָּכֶם אֲשָׁמוֺת לַיהוָה אֱהֵיכֶם׃
2Chron 28.11
וְעַתָּה שְׁמָעוּנִי וְהָשִׁיבוּ הַשִּׁבְיָה
אֲשֶׁר שְׁבִיתֶם מֵאֲחֵיכֶם כִּי חֲרוֺן
אַפ־יְהוָה עֲלֵיכֶם׃ ס
2Chron 28.12
וַיָּקֻמוּ אֲנָשִׁים מֵרָאשֵׁי בְנֵי־אֶפְרַיִם
עֲזַרְיָהוּ בֶנ־יְהוֺחָנָן בֶּרֶכְיָהוּ
בֶנ־מְשִׁלֵּמוֺת וִיחִזְקִיָּהוּ בֶּנ־שַׁלֻּם
וַעֲמָשָׂא בֶּנ־חַדְלָי עַל־הַבָּאִים
מִנ־הַצָּבָא׃
2Chron 28.13
וַיֺּאמְרוּ לָהֶם לֹא־תָבִיאוּ אֶת־הַשִּׁבְיָה
הֵנָּה כִּי לְאַשְׁמַת יְהוָה עָלֵינוּ
אַתֶּם אֹמְרִים לְהֹסִיף עַל־חַטֹּאתֵינוּ
וְעַל־אַשְׁמָתֵינוּ כִּי־רַבָּה אַשְׁמָה
לָנוּ וַחֲרוֺן אָף עַל־יִשְׂרָאֵל׃
ס
2Chron 28.14
וַיַּעֲזֺב הֶחָלוּץ אֶת־הַשִּׁבְיָה
וְאֶת־הַבִּזָּה לִפְנֵי הַשָּׂרִים וְכָל־הַקָּהָל׃
2Chron 28.15
וַיָּקֻמוּ הָאֲנָשִׁים אֲשֶׁר־נִקְּבוּ
בְשֵׁמוֺת וַיַּחֲזִיקוּ בַשִּׁבְיָה וְכָל־מַעֲרֻמֵּיהֶם
הִלְבִּישׁוּ מִנ־הַשָּׁלָל וַיַּלְבִּשׁוּם
וַיַּנְעִלוּם וַאֲכִלוּם וַיַּשְׁקוּם
וַיְסֻכוּם וַיְנַהֲלוּם בַּחֲמֹרִים
לְכָל־כּוֺשֵׁל וַיְבִיאוּם יְרֵחוֺ
עִיר־הַתְּמָרִים אֵצֶל אֲחֵיהֶם
וַיָּשׁוּבוּ שֹׁמְרוֺן׃ ף
2Chron 28.16
בָּעֵת הַהִיא שָׁלַח הַמֶּלֶך אָחָז
עַל־מַלְכֵי אַשּׁוּר לַעְזֺר לוֺ׃
2Chron 28.17
וְעוֺד אֲדוֺמִים בָּאוּ וַיַּכּוּ
בִיהוּדָה וַיִּשְׁבּוּ־שֶׁבִי׃
2Chron 28.18
וּפְלִשְׁתִּים פָּשְׁטוּ בְּעָרֵי הַשְּׁפֵלָה
וְהַנֶּגֶב לִיהוּדָה וַיִּלְכְּדוּ אֶת־בֵּית־שֶׁמֶשׁ
וְאֶת־אַיָּלוֺן וְאֶת־הַגְּדֵרוֺת
וְאֶת־שׂוֺכוֺ וּבְנֺותֶיהָ וְאֶת־תִּמְנָה
וּבְנֺותֶיהָ וְאֶת־גִּמְזֺו וְאֶת־בְּנֺתֶיהָ
וַיֵּשְׁבוּ שָׁם׃
2Chron 28.19
כִּי־הִכְנִיעַ יְהוָה אֶת־יְהוּדָה
בַּעֲבוּר אָחָז מֶלֶכְ־יִשְׂרָאֵל כִּי
הִפְרִיעַ בִּיהוּדָה וּמָעוֺל מַעַל
בַּיהוָה׃
2Chron 28.20
וַיָּבֹא עָלָיו תִּלְּגַת פִּלְנְאֶסֶר
מֶלֶך אַשּׁוּר וַיָּצַר לוֺ וְלֹא
חֲזָקוֺ׃
2Chron 28.21
כִּי־חָלַק אָחָז אֶת־בֵּית יְהוָה
וְאֶת־בֵּית הַמֶּלֶך וְהַשָּׂרִים
וַיִּתֵּן לְמֶלֶך אַשּׁוּר וְלֹא לְעֶזְרָה
לוֺ׃
2Chron 28.22
וּבְעֵת הָצֵר לוֺ וַיֺּוסֶף לִמְעוֺל
בַּיהוָה הוּא הַמֶּלֶך אָחָז׃
2Chron 28.23
וַיִּזְבַּח לֵאלֹהֵי דַרְמֶשֶׂק הַמַּכִּים
בּוֺ וַיֺּאמֶר כִּי אֱלֹהֵי מַלְכֵי־אֲרָם
הֵם מַעְזְרִים אוֺתָם לָהֶם אֲזַבֵּחַ
וְיַעְזְרוּנִי וְהֵם הָיוּ־לוֺ לְהַכְשִׁילוֺ
וּלְכָל־יִשְׂרָאֵל׃
2Chron 28.24
וַיֶּאֱסֹף אָחָז אֶת־כְּלֵי בֵית־הָאֱלֹהִים
וַיְקַצֵּץ אֶת־כְּלֵי בֵית־הָאֱלֹהִים
וַיִּסְגֺּר אֶת־דַּלְתוֺת בֵּית־יְהוָה
וַיַּעַשׂ לוֺ מִזְבְּחוֺ בְּכָל־פִּנָּה
בִּירוּשָׁלִָם׃
2Chron 28.25
וּבְכָל־עִיר וָעִיר לִיהוּדָה
עָשָׂה בָמוֺת לְקַטֵּר לֵאלֹהִים
אֲחֵרִים וַיַּכְעֵס אֶת־יְהוָה
אֱלֹהֵי אֲבֹתָיו׃
2Chron 28.26
וְיֶתֶר דְּבָרָיו וְכָל־דְּרָכָיו
הָרִאשֹׁנִים וְהָאַחֲרוֺנִים הִנָּם
כְּתוּבִים עַל־סֵפֶר מַלְכֵי־יְהוּדָה
וְיִשְׂרָאֵל׃
2Chron 28.27
וַיִּשְׁכַּב אָחָז עִמ־אֲבֹתָיו וַיִּקְבְּרֻהוּ
בָעִיר בִּירוּשָׁלִַם כִּי לֹא הֱבִיאֻהוּ
לְקִבְרֵי מַלְכֵי יִשְׂרָאֵל וַיִּמְלֹך
יְחִזְקִיָּה בְנֺו תַּחְתָּיו׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages