1Chron 4

Full text search

1Chron 4
1Chron 4.1
בְּנֵי יְהוּדָה פֶּרֶץ חֶצְרוֺן וְכַרְמִי
וְחוּר וְשׁוֺבָל׃
1Chron 4.2
וּרְאָיָה בֶנ־שׁוֺבָל הוֺלִיד אֶת־יַחַת
וְיַחַת הֹלִיד אֶת־אֲחוּמַי וְאֶת־לָהַד
אֵלֶּה מִשְׁפְּחוֺת הַצָּרְעָתִי׃ ס
1Chron 4.3
וְאֵלֶּה אֲבִי עֵיטָם יִזְרְעֶאל
וְיִשְׁמָא וְיִדְבָּשׁ וְשֵׁם אֲחוֺתָם
הַצְלֶלְפּוֺנִי׃
1Chron 4.4
וּפְנוּאֵל אֲבִי גְדֹר וְעֵזֶר
אֲבִי חוּשָׁה אֵלֶּה בְנֵי־חוּר
בְּכוֺר אֶפְרָתָה אֲבִי בֵּית לָחֶם׃
1Chron 4.5
וּלְאַשְׁחוּר אֲבִי תְקוֺעַ הָיוּ
שְׁתֵּי נָשִׁים חֶלְאָה וְנַעֲרָה׃
1Chron 4.6
וַתֵּלֶד לוֺ נַעֲרָה אֶת־אֲחֻזָּם
וְאֶת־חֵפֶר וְאֶת־תֵּימְנִי וְאֶת־הָאֲחַשְׁתָּרִי
אֵלֶּה בְּנֵי נַעֲרָה׃
1Chron 4.7
וּבְנֵי חֶלְאָה צֶרֶת 1 יִצְחָר 2 וְצֹחַר
וְאֶתְנָן׃
1Chron 4.8
וְקוֺץ הוֺלִיד אֶת־עָנוּב וְאֶת־הַצֹּבֵבָה
וּמִשְׁפְּחוֺת אֲחַרְחֵל בֶּנ־הָרוּם׃
1Chron 4.9
וַיְהִי יַעְבֵּץ נִכְבָּד מֵאֶחָיו
וְאִמּוֺ קָרְאָה שְׁמוֺ יַעְבֵּץ לֵאמֹר
כִּי יָלַדְתִּי בְּעֹצֶב׃
1Chron 4.10
וַיִּקְרָא יַעְבֵּץ לֵאלֹהֵי יִשְׂרָאֵל
לֵאמֹר אִמ־בָּרֵך תְּבָרֲכֵנִי וְהִרְבִּיתָ
אֶת־גְּבוּלִי וְהָיְתָה יָדְךָ עִמִּי
וְעָשִׂיתָ מֵּרָעָה לְבִלְתִּי עָצְבִּי
וַיָּבֵא אֱלֹהִים אֵת אֲשֶׁר־שָׁאָל׃
1Chron 4.11
וּכְלוּב אֲחִי־שׁוּחָה הוֺלִיד
אֶת־מְחִיר הוּא אֲבִי אֶשְׁתּוֺן׃
1Chron 4.12
וְאֶשְׁתּוֺן הוֺלִיד אֶת־בֵּית רָפָא
וְאֶת־פָּסֵחַ וְאֶת־תְּחִנָּה אֲבִי
עִיר נָחָשׁ אֵלֶּה אַנְשֵׁי רֵכָה׃
ס
1Chron 4.13
וּבְנֵי קְנַז עָתְנִיאֵל וּשְׂרָיָה
וּבְנֵי עָתְנִיאֵל חֲתַת׃
1Chron 4.14
וּמְעוֺנֺתַי הוֺלִיד אֶת־עָפְרָה
וּשְׂרָיָה הוֺלִיד אֶת־יֺואָב
אֲבִי גֵּיא חֲרָשִׁים כִּי חֲרָשִׁים
הָיוּ׃ ף
1Chron 4.15
וּבְנֵי כָּלֵב בֶּנ־יְפֻנֶּה עִירוּ
אֵלָה וָנָעַם וּבְנֵי אֵלָה וּקְנַז׃
1Chron 4.16
וּבְנֵי יְהַלֶּלְאֵל זִיף וְזִיפָה
תִּירְיָא וַאֲשַׂרְאֵל׃
1Chron 4.17
וּבֶנ־עֶזְרָה יֶתֶר וּמֶרֶד וְעֵפֶר
וְיָלוֺן וַתַּהַר אֶת־מִרְיָם וְאֶת־שַׁמַּי
וְאֶת־יִשְׁבָּח אֲבִי אֶשְׁתְּמֹעַ׃
1Chron 4.18
וְאִשְׁתּוֺ הַיְהֻדִיָּה יָלְדָה אֶת־יֶרֶד
אֲבִי גְדוֺר וְאֶת־חֶבֶר אֲבִי
שׂוֺכוֺ וְאֶת־יְקוּתִיאֵל אֲבִי
זָנֺוחַ וְאֵלֶּה בְּנֵי בִּתְיָה בַת־פַּרְעֹה
אֲשֶׁר לָקַח מָרֶד׃ ס
1Chron 4.19
וּבְנֵי אֵשֶׁת הוֺדִיָּה אֲחוֺת נַחַם
אֲבִי קְעִילָה הַגַּרְמִי וְאֶשְׁתְּמֹעַ
הַמַּעֲכָתִי׃
1Chron 4.20
וּבְנֵי שִׁימוֺן אַמְנֺון וְרִנָּה
בֶּנ־חָנָן 1 וְתוֺלוֺן 2 וְתִילוֺן
וּבְנֵי יִשְׁעִי זֺוחֵת וּבֶנ־זֺוחֵת׃
1Chron 4.21
בְּנֵי שֵׁלָה בֶנ־יְהוּדָה עֵר
אֲבִי לֵכָה וְלַעְדָּה אֲבִי מָרֵשָׁה
וּמִשְׁפְּחוֺת בֵּית־עֲבֹדַת הַבֻּץ
לְבֵית אַשְׁבֵּעַ׃
1Chron 4.22
וְיֺוקִים וְאַנְשֵׁי כֹזֵבָא וְיֺואָשׁ
וְשָׂרָף אֲשֶׁר־בָּעֲלוּ לְמוֺאָב
וְיָשֻׁבִי לָחֶם וְהַדְּבָרִים עַתִּיקִים׃
1Chron 4.23
הֵמָּה הַיֺּוצְרִים וְיֺשְׁבֵי נְטָעִים
וּגְדֵרָה עִמ־הַמֶּלֶך בִּמְלַאכְתּוֺ
יָשְׁבוּ שָׁם׃ ס
1Chron 4.24
בְּנֵי שִׁמְעוֺן נְמוּאֵל וְיָמִין
יָרִיב זֶרַח שָׁאוּל׃
1Chron 4.25
שַׁלֻּם בְּנֺו מִבְשָׂם בְּנֺו מִשְׁמָע
בְּנֺו׃
1Chron 4.26
וּבְנֵי מִשְׁמָע חַמּוּאֵל בְּנֺו זַכּוּר
בְּנֺו שִׁמְעִי בְנֺו׃
1Chron 4.27
וּלְשִׁמְעִי בָּנִים שִׁשָּׁה עָשָׂר
וּבָנֺות שֵׁשׁ וּלְאֶחָיו אֵין בָּנִים
רַבִּים וְכֹל מִשְׁפַּחְתָּם לֹא הִרְבּוּ
עַד־בְּנֵי יְהוּדָה׃ ס
1Chron 4.28
וַיֵּשְׁבוּ בִּבְאֵר־שֶׁבַע וּמוֺלָדָה
וַחֲצַר שׁוּעָל׃
1Chron 4.29
וּבְבִלְהָה וּבְעֶצֶם וּבְתוֺלָד׃
1Chron 4.30
וּבִבְתוּאֵל וּבְחָרְמָה וּבְצִיקְלָג׃
1Chron 4.31
וּבְבֵית מַרְכָּבוֺת וּבַחֲצַר סוּסִים
וּבְבֵית בִּרְאִי וּבְשַׁעֲרָיִם אֵלֶּה
עָרֵיהֶם עַד־מְלֹך דָּוִיד׃
1Chron 4.32
וְחַצְרֵיהֶם עֵיטָם וָעַיִן רִמּוֺן
וְתֹכֶן וְעָשָׁן עָרִים חָמֵשׁ׃
1Chron 4.33
וְכָל־חַצְרֵיהֶם אֲשֶׁר סְבִיבוֺת
הֶעָרִים הָאֵלֶּה עַד־בָּעַל זֺאת
מוֺשְׁבֹתָם וְהִתְיַחְשָׂם לָהֶם׃
1Chron 4.34
וּמְשׁוֺבָב וְיַמְלֵך וְיֺושָׁה בֶּנ־אֲמַצְיָה׃
1Chron 4.35
וְיֺואֵל וְיֵהוּא בֶּנ־יֺושִׁבְיָה
בֶּנ־שְׂרָיָה בֶּנ־עֲשִׂיאֵל׃
1Chron 4.36
וְאֶלְיֺועֵינַי וְיַעֲקֹבָה וִישׁוֺחָיָה
וַעֲשָׂיָה וַעֲדִיאֵל וִישִׂימִאֵל
וּבְנָיָה׃
1Chron 4.37
וְזִיזָא בֶנ־שִׁפְעִי בֶנ־אַלּוֺן
בֶּנ־יְדָיָה בֶנ־שִׁמְרִי בֶּנ־שְׁמַעְיָה׃
1Chron 4.38
אֵלֶּה הַבָּאִים בְּשֵׁמוֺת נְשִׂיאִים
בְּמִשְׁפְּחוֺתָם וּבֵית אֲבוֺתֵיהֶם
פָּרְצוּ לָרוֺב׃
1Chron 4.39
וַיֵּלְכוּ לִמְבוֺא גְדֹר עַד לְמִזְרַח
הַגָּיְא לְבַקֵּשׁ מִרְעֶה לְצֹאנָם׃
1Chron 4.40
וַיִּמְצְאוּ מִרְעֶה שָׁמֵן וָטוֺב
וְהָאָרֶץ רַחֲבַת יָדַיִם וְשֹׁקֶטֶת
וּשְׁלֵוָה כִּי מִנ־חָם הַיֺּשְׁבִים
שָׁם לְפָנִים׃
1Chron 4.41
וַיָּבֹאוּ אֵלֶּה הַכְּתוּבִים בְּשֵׁמוֺת
בִּימֵי יְחִזְקִיָּהוּ מֶלֶכְ־יְהוּדָה
וַיַּכּוּ אֶת־אָהֳלֵיהֶם וְאֶת־הַמְּעִינִים 2 הַמְּעוּנִים
אֲשֶׁר נִצְאוּ־שָׁמָּה וַיַּחֲרִימֻם
עַד־הַיֺּום הַזֶּה וַיֵּשְׁבוּ תַּחְתֵּיהֶם
כִּי־מִרְעֶה לְצֹאנָם שָׁם׃
1Chron 4.42
וּמֵהֶם מִנ־בְּנֵי שִׁמְעוֺן הָלְכוּ
לְהַר שֵׂעִיר אֲנָשִׁים חֲמֵשׁ מֵאוֺת
וּפְלַטְיָה וּנְעַרְיָה וּרְפָיָה וְעֻזִּיאֵל
בְּנֵי יִשְׁעִי בְּרֹאשָׁם
1Chron 4.43
וַיַּכּוּ אֶת־שְׁאֵרִית הַפְּלֵטָה לַעֲמָלֵק
וַיֵּשְׁבוּ שָׁם עַד הַיֺּום הַזֶּה׃

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages