1Chron 29

Full text search

1Chron 29
1Chron 29.1
וַיֺּאמֶר דָּוִיד הַמֶּלֶך לְכָל־הַקָּהָל
שְׁלֹמֹה בְנִי אֶחָד בָּחַר־בּוֺ
אֱלֹהִים נַעַר וָרָך וְהַמְּלָאכָה
גְדוֺלָה כִּי לֹא לְאָדָם הַבִּירָה
כִּי לַיהוָה אֱלֹהִים׃
1Chron 29.2
וּכְכָל־כֹּחִי הֲכִינֺותִי לְבֵית־אֱלֹהַי
הַזָּהָב לַזָּהָב וְהַכֶּסֶף לַכֶּסֶף
וְהַנְּחֹשֶׁת לַנְּחֹשֶׁת הַבַּרְזֶל לַבַּרְזֶל
וְהָעֵצִים לָעֵצִימאַבְנֵי־שֹׁהַם
וּמִלּוּאִים אַבְנֵי־פוּך וְרִקְמָה
וְכֹל אֶבֶן יְקָרָה וְאַבְנֵי־שַׁיִשׁ
לָרֹב׃
1Chron 29.3
וְעוֺד בִּרְצוֺתִי בְּבֵית אֱלֹהַי
יֶשׁ־לִי סְגֻלָּה זָהָב וָכָסֶף
נָתַתִּי לְבֵית־אֱלֹהַי לְמַעְלָה
מִכָּל־הֲכִינֺותִי לְבֵית הַקֹּדֶשׁ׃
1Chron 29.4
שְׁלֹשֶׁת אֲלָפִים כִּכְּרֵי זָהָב מִזְּהַב
אוֺפִיר וְשִׁבְעַת אֲלָפִים כִּכַּר־כֶּסֶף
מְזֻקָּק לָטוּחַ קִירוֺת הַבָּתִּים׃
1Chron 29.5
לַזָּהָב לַזָּהָב וְלַכֶּסֶף לַכֶּסֶף
וּלְכָל־מְלָאכָה בְּיַד חָרָשִׁים
וּמִי מִתְנַדֵּב לְמַלֹּאות יָדוֺ
הַיֺּום לַיהוָה׃
1Chron 29.6
וַיִּתְנַדְּבוּ שָׂרֵי הָאָבוֺת וְשָׂרֵי
שִׁבְטֵי יִשְׂרָאֵל וְשָׂרֵי הָאֲלָפִים
וְהַמֵּאוֺת וּלְשָׂרֵי מְלֶאכֶת הַמֶּלֶך׃
1Chron 29.7
וַיִּתְּנוּ לַעֲבוֺדַת בֵּית־הָאֱלֹהִים
זָהָב כִּכָּרִים חֲמֵשֶׁת־אֲלָפִים
וַאֲדַרְכֹנִים רִבּוֺ וְכֶסֶף כִּכָּרִים
עֲשֶׂרֶת אֲלָפִים וּנְחֹשֶׁ רִבּוֺ
וּשְׁמוֺנַת אֲלָפִים כִּכָּרִים וּבַרְזֶל
מֵאָה־אֶלֶף כִּכָּרִים׃
1Chron 29.8
וְהַנִּמְצָא אִתּוֺ אֲבָנִים נָתְנוּ
לְאוֺצַר בֵּית־יְהוָה עַל יַד־יְחִיאֵל
הַגֵּרְשֻׁנִּי׃
1Chron 29.9
וַיִּשְׂמְחוּ הָעָם עַל־הִתְנַדְּבָם
כִּי בְּלֵב שָׁלֵם הִתְנַדְּבוּ לַיהוָה
וְגַם דָּוִיד הַמֶּלֶך שָׂמַח שִׂמְחָה
גְדוֺלָה׃ ף
1Chron 29.10
וַיְבָרֶך דָּוִיד אֶת־יְהוָה לְעֵינֵי
כָּל־הַקָּהָל וַיֺּאמֶר דָּוִיד בָּרוּך
אַתָּה יְהוָה אֱלֹהֵי יִשְׂרָאֵל
אָבִינוּ מֵעוֺלָם וְעַד־עוֺלָם׃
1Chron 29.11
לְךָ יְהוָה הַגְּדֻלָּה וְהַגְּבוּרָה
וְהַתִּפְאֶרֶת וְהַנֵּצַח וְהַהוֺד כִּי־כֹל
בַּשָּׁמַיִם וּבָאָרֶץ לְךָ יְהוָה הַמַּמְלָכָה
וְהַמִּתְנַשֵּׂא לְכֹל לְרֹאשׁ׃
1Chron 29.12
וְהָעֹשֶׁר וְהַכָּבוֺד מִלְּפָנֶיךָ וְאַתָּה
מוֺשֵׁל בַּכֹּל וּבְיָדְךָ כֹּחַ וּגְבוּרָה
וּבְיָדְךָ לְגַדֵּל וּלְחַזֵּק לַכֹּל׃
1Chron 29.13
וְעַתָּה אֱלֹהֵינוּ מוֺדִים אֲנַחְנוּ
לָך וּמְהַלְלִים לְשֵׁם תִּפְאַרְתֶּךָ׃
1Chron 29.14
וְכִי מִי אֲנִי וּמִי עַמִּי כִּי־נַעְצֹר
כֹּחַ לְהִתְנַדֵּב כָּזֺאת כִּי־מִמְּךָ
הַכֹּל וּמִיָּדְךָ נָתַנּוּ לָך׃
1Chron 29.15
כִּי־גֵרִים אֲנַחְנוּ לְפָנֶיךָ וְתוֺשָׁבִים
כְּכָל־אֲבֹתֵינוּ כַּצֵּל יָמֵינוּ
עַל־הָאָרֶץ וְאֵין מִקְוֶה׃
1Chron 29.16
יְהוָה אֱלֹהֵינוּ כֹל הֶהָמוֺן
הַזֶּה אֲשֶׁר הֲכִינֺנוּ לִבְנֺות־לְךָ
בַיִת לְשֵׁם קָדְשֶׁךָ מִיָּדְךָ 1 הִיא 2 הוּא
וּלְךָ הַכֹּל׃
1Chron 29.17
וְיָדַעְתִּי אֱלֹהַי כִּי אַתָּה בֹּחֵן
לֵבָב וּמֵישָׁרִים תִּרְצֶה אֲנִי
בְּיֺשֶׁר לְבָבִי הִתְנַדַּבְתִּי כָל־אֵלֶּה
וְעַתָּה עַמְּךָ הַנִּמְצְא־פֹה רָאִיתִי
בְשִׂמְחָה לְהִתְנַדֶּב־לָך׃
1Chron 29.18
יְהוָה אֱלֹהֵי אַבְרָהָם יִצְחָק
וְיִשְׂרָאֵל אֲבֹתֵינוּ שֳׁמְרָה־זֺּאת
לְעוֺלָם לְיֵצֶר מַחְשְׁבוֺת לְבַב
עַמֶּךָ וְהָכֵן לְבָבָם אֵלֶיךָ׃
1Chron 29.19
וְלִשְׁלֹמֹה בְנִי תֵּן לֵבָב שָׁלֵם
לִשְׁמוֺר מִצְוֺתֶיךָ עֵדְוֺתֶיךָ וְחֻקֶּיךָ
וְלַעֲשׂוֺת הַכֹּל וְלִבְנֺות הַבִּירָה
אֲשֶׁר־הֲכִינֺותִי׃ ף
1Chron 29.20
וַיֺּאמֶר דָּוִיד לְכָל־הַקָּהָל בָּרְכוּ־נָא
אֶת־יְהוָה אֱלֹהֵיכֶם וַיְבָרֲכוּ
כָל־הַקָּהָל לַיהוָה אֱלֹהֵי אֲבֹתֵיהֶם
וַיִּקְּדוּ וַיִּשְׁחֲווּ לַיהוָה וְלַמֶּלֶך׃
1Chron 29.21
וַיִּזְבְּחוּ לַיהוָה זְבָחִים וַיַּעֲלוּ
עֹלוֺת לַיהוָה לְמָחֳרַת הַיֺּום
הַהוּא פָּרִים אֶלֶף אֵילִים אֶלֶף
כְּבָשִׂים אֶלֶף וְנִסְכֵּיהֶמוּזְבָחִים
לָרֹב לְכָל־יִשְׂרָאֵל׃
1Chron 29.22
וַיֺּאכְלוּ וַיִּשְׁתּוּ לִפְנֵי יְהוָה
בַּיֺּום הַהוּא בְּשִׂמְחָה גְדוֺלָה
וַיַּמְלִיכוּ שֵׁנִית לִשְׁלֹמֹה בֶנ־דָּוִיד
וַיִּמְשְׁחוּ לַיהוָה לְנָגִידוּלְצָדוֺק
לְכֹהֵן׃
1Chron 29.23
וַיֵּשֶׁב שְׁלֹמֹה עַל־כִּסֵּא יְהוָה
לְמֶלֶך תַּחַת־דָּוִיד אָבִיו וַיַּצְלַח
וַיִּשְׁמְעוּ אֵלָיו כָּל־יִשְׂרָאֵל׃
1Chron 29.24
וְכָל־הַשָּׂרִים וְהַגִּבֹּרִים וְגַם
כָּל־בְּנֵי הַמֶּלֶך דָּוִיד נָתְנוּ
יָד תַּחַת שְׁלֹמֹה הַמֶּלֶך׃
1Chron 29.25
וַיְגַדֵּל יְהוָה אֶת־שְׁלֹמֹה לְמַעְלָה
לְעֵינֵי כָּל־יִשְׂרָאֵל וַיִּתֵּן
עָלָיו הוֺד מַלְכוּת אֲשֶׁר לֹא־הָיָה
עַל־כָּל־מֶלֶך לְפָנָיו עַל־יִשְׂרָאֵל׃
ף
1Chron 29.26
וְדָוִיד בֶּנ־יִשָׁי מָלַך עַל־כָּל־יִשְׂרָאֵל׃
1Chron 29.27
וְהַיָּמִים אֲשֶׁר מָלַך עַל־יִשְׂרָאֵל
אַרְבָּעִים שָׁנָה בְּחֶבְרוֺן מָלַך
שֶׁבַע שָׁנִים וּבִירוּשָׁלִַם מָלַך
שְׁלֹשִׁים וְשָׁלוֺשׁ׃
1Chron 29.28
וַיָּמָת בְּשֵׂיבָה טוֺבָה שְׂבַע
יָמִים עֹשֶׁר וְכָבוֺד וַיִּמְלֹך
שְׁלֹמֹה בְנֺו תַחְתָּיו׃
1Chron 29.29
וְדִבְרֵי דָּוִיד הַמֶּלֶך הָרִאשֹׁנִים
וְהָאֲחרֹנִים הִנָּם כְּתוּבִים עַל־דִּבְרֵי
שְׁמוּאֵל הָרֹאֶה וְעַל־דִּבְרֵי
נָתָן הַנָּבִיא וְעַל־דִּבְרֵי גָּד
הַחֹזֶה׃
1Chron 29.30
עִם כָּל־מַלְכוּתוֺ וּגְבוּרָתוֺ
וְהָעִתִּים אֲשֶׁר עָבְרוּ עָלָיו
וְעַל־יִשְׂרָאֵל וְעַל כָּל־מַמְלְכוֺת
הָאֲרָצוֺת׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages