1Chron 2

Full text search

1Chron 2
1Chron 2.1
אֵלֶּה בְּנֵי יִשְׂרָאֵל רְאוּבֵן שִׁמְעוֺן
לֵוִי וִיהוּדָה יִשָׂשכָר וּזְבֻלוּן׃
1Chron 2.2
דָּן יֺוסֵף וּבִנְיָמִן נַפְתָּלִי
גָּד וְאָשֵׁר׃ ס
1Chron 2.3
בְּנֵי יְהוּדָה עֵר וְאוֺנָן וְשֵׁלָה
שְׁלוֺשָׁה נֺולַד לוֺ מִבַּת־שׁוּעַ
הַכְּנַעֲנִית וַיְהִי עֵר בְּכוֺר
יְהוּדָה רַע בְּעֵינֵי יְהוָה
וַיְמִיתֵהוּ׃ ס
1Chron 2.4
וְתָמָר כַּלָּתוֺ יָלְדָה לּוֺ אֶת־פֶּרֶץ
וְאֶת־זָרַח כָּל־בְּנֵי יְהוּדָה
חֲמִשָּׁה׃ ס
1Chron 2.5
בְּנֵי־פֶרֶץ חֶצְרוֺן וְחָמוּל׃
ס
1Chron 2.6
וּבְנֵי זֶרַח זִמְרִי וְאֵיתָן וְהֵימָן
וְכַלְכֹּל וָדָרַע כֻּלָּם חֲמִשָּׁה׃
ס
1Chron 2.7
וּבְנֵי כַּרְמִי עָכָר עוֺכֵר יִשְׂרָאֵל
אֲשֶׁר מָעַל בַּחֵרֶם׃ ס
1Chron 2.8
וּבְנֵי אֵיתָן עֲזַרְיָה׃
1Chron 2.9
וּבְנֵי חֶצְרוֺן אֲשֶׁר נֺולַד־לוֺ
אֶת־יְרַחְמְאֵל וְאֶת־רָם וְאֶת־כְּלוּבָי׃
1Chron 2.10
וְרָם הוֺלִיד אֶת־עַמִּינָדָב
וְעַמִּינָדָב הוֺלִיד אֶת־נַחְשׁוֺן
נְשִׂיא בְּנֵי יְהוּדָה׃
1Chron 2.11
וְנַחְשׁוֺן הוֺלִיד אֶת־שַׂלְמָא
וְשַׂלְמָא הוֺלִיד אֶת־בֹּעַז׃
1Chron 2.12
וּבֹעַז הוֺלִיד אֶת־עוֺבֵד וְעוֺבֵד
הוֺלִיד אֶת־יִשָׁי׃
1Chron 2.13
וְאִישַׁי הוֺלִיד אֶת־בְּכֹרוֺ אֶת־אֱלִיאָב
וַאֲבִינָדָב הַשֵּׁנִי וְשִׁמְעָא הַשְּׁלִישִׁי׃
1Chron 2.14
נְתַנְאֵל הָרְבִיעִי רַדַּי הַחֲמִישִׁי׃
1Chron 2.15
אֹצֶם הַשִּׁשִּׁי דָּוִיד הַשְּׁבִעִי׃
1Chron 2.16
וְאַחְיֺתֵיהֶם 2 וְאַחְיֺותֵיהֶם צְרוּיָה
וַאֲבִיגָיִל וּבְנֵי צְרוּיָה אַבְשַׁי
וְיֺואָב וַעֲשָׂה־אֵל שְׁלֹשָׁה׃
1Chron 2.17
וַאֲבִיגַיִל יָלְדָה אֶת־עֲמָשָׂא
וַאֲבִי עֲמָשָׂא יֶתֶר הַיִּשְׁמְעֵאלִי׃
1Chron 2.18
וְכָלֵב בֶּנ־חֶצְרוֺן הוֺלִיד
אֶת־עֲזוּבָה אִשָּׁה וְאֶת־יְרִיעוֺת
וְאֵלֶּה בָנֶיהָ יֵשֶׁר וְשׁוֺבָב
וְאַרְדּוֺן׃
1Chron 2.19
וַתָּמָת עֲזוּבָה וַיִּקַּח־לוֺ כָלֵב
אֶת־אֶפְרָת וַתֵּלֶד לוֺ אֶת־חוּר׃
1Chron 2.20
וְחוּר הוֺלִיד אֶת־אוּרִי וְאוּרִי
הוֺלִיד אֶת־בְּצַלְאֵל׃ ס
1Chron 2.21
וְאַחַר בָּא חֶצְרוֺן אֶל־בַּת־מָכִיר
אֲבִי גִלְעָד וְהוּא לְקָחָהּ וְהוּא
בֶּנ־שִׁשִּׁים שָׁנָה וַתֵּלֶד לוֺ אֶת־שְׂגוּב׃
1Chron 2.22
וּשְׂגוּב הוֺלִיד אֶת־יָאִיר
וַיְהִי־לוֺ עֶשְׂרִים וְשָׁלוֺשׁ עָרִים
בְּאֶרֶץ הַגִּלְעָד׃
1Chron 2.23
וַיִּקַּח גְּשׁוּר־וַאֲרָם אֶת־חַוֺּת
יָאִיר מֵאִתָּם אֶת־קְנָת וְאֶת־בְּנֺתֶיהָ
שִׁשִּׁים עִיר כָּל־אֵלֶּה בְּנֵי
מָכִיר אֲבִי־גִלְעָד׃
1Chron 2.24
וְאַחַר מוֺת־חֶצְרוֺן בְּכָלֵב אֶפְרָתָה
וְאֵשֶׁת חֶצְרוֺן אֲבִיָּה וַתֵּלֶד
לוֺ אֶת־אַשְׁחוּר אֲבִי תְקוֺעַ׃
1Chron 2.25
וַיִּהְיוּ בְנֵי־יְרַחְמְאֵל בְּכוֺר
חֶצְרוֺן הַבְּכוֺר רָם וּבוּנָה
וָאֹרֶן וָאֹצֶם אֲחִיָּה׃
1Chron 2.26
וַתְּהִי אִשָּׁה אַחֶרֶת לִירַחְמְאֵל
וּשְׁמָהּ עֲטָרָה הִיא אֵם אוֺנָם׃
ס
1Chron 2.27
וַיִּהְיוּ בְנֵי־רָם בְּכוֺר יְרַחְמְאֵל
מַעַץ וְיָמִין וָעֵקֶר׃
1Chron 2.28
וַיִּהְיוּ בְנֵי־אוֺנָם שַׁמַּי וְיָדָע
וּבְנֵי שַׁמַּי נָדָב וַאֲבִישׁוּר׃
1Chron 2.29
וְשֵׁם אֵשֶׁת אֲבִישׁוּר אֲבִיהָיִל
וַתֵּלֶד לוֺ אֶת־אַחְבָּן וְאֶת־מוֺלִיד׃
1Chron 2.30
וּבְנֵי נָדָב סֶלֶד וְאַפָּיִם וַיָּמָת
סֶלֶד לֹא בָנִים׃ ס
1Chron 2.31
וּבְנֵי אַפַּיִם יִשְׁעִי וּבְנֵי יִשְׁעִי
שֵׁשָׁן וּבְנֵי שֵׁשָׁן אַחְלָי׃
1Chron 2.32
וּבְנֵי יָדָע אֲחִי שַׁמַּי יֶתֶר
וְיֺונָתָן וַיָּמָת יֶתֶר לֹא בָנִים׃
ס
1Chron 2.33
וּבְנֵי יֺונָתָן פֶּלֶת וְזָזָא אֵלֶּה
הָיוּ בְּנֵי יְרַחְמְאֵל׃
1Chron 2.34
וְלֹא־הָיָה לְשֵׁשָׁן בָּנִים כִּי
אִמ־בָּנֺות וּלְשֵׁשָׁן עֶבֶד מִצְרִי
וּשְׁמוֺ יַרְחָע׃
1Chron 2.35
וַיִתֵּן שֵׁשָׁן אֶת־בִּתּוֺ לְיַרְחָע
עַבְדּוֺ לְאִשָּׁה וַתֵּלֶד לוֺ אֶת־עַתָּי׃
1Chron 2.36
וְעַתַּי הֹלִיד אֶת־נָתָן וְנָתָן
הוֺלִיד אֶת־זָבָד׃
1Chron 2.37
וְזָבָד הוֺלִיד אֶת־אֶפְלָל וְאֶפְלָל
הוֺלִיד אֶת־עוֺבֵד׃
1Chron 2.38
וְעוֺבֵד הוֺלִיד אֶת־יֵהוּא וְיֵהוּא
הוֺלִיד אֶת־עֲזַרְיָה׃
1Chron 2.39
וַעֲזַרְיָה הֹלִיד אֶת־חָלֶץ וְחֶלֶץ
הֹלִיד אֶת־אֶלְעָשָׂה׃
1Chron 2.40
וְאֶלְעָשָׂה הֹלִיד אֶת־סִסְמָי וְסִסְמַי
הֹלִיד אֶת־שַׁלּוּם׃
1Chron 2.41
וְשַׁלּוּם הוֺלִיד אֶת־יְקַמְיָה
וִיקַמְיָה הֹלִיד אֶת־אֱלִישָׁמָע׃
1Chron 2.42
וּבְנֵי כָלֵב אֲחִי יְרַחְמְאֵל מֵישָׁע
בְּכֹרוֺ הוּא אֲבִי־זִיף וּבְנֵי
מָרֵשָׁה אֲבִי חֶבְרוֺן׃
1Chron 2.43
וּבְנֵי חֶבְרוֺן קֹרַח וְתַפֻּחַ וְרֶקֶם
וָשָׁמַע׃
1Chron 2.44
וְשֶׁמַע הוֺלִיד אֶת־רַחַם אֲבִי
יָרְקֳעָם וְרֶקֶם הוֺלִיד אֶת־שַׁמָּי׃
1Chron 2.45
וּבֶנ־שַׁמַּי מָעוֺן וּמָעוֺן אֲבִי
בֵית־צוּר׃
1Chron 2.46
וְעֵיפָה פִּילֶגֶשׁ כָּלֵב יָלְדָה
אֶת־חָרָן וְאֶת־מוֺצָא וְאֶת־גָּזֵז
וְחָרָן הֹלִיד אֶת־גָּזֵז׃ ס
1Chron 2.47
וּבְנֵי יָהְדָּי רֶגֶם וְיֺותָם
וְגֵישָׁן וָפֶלֶט וְעֵיפָה וָשָׁעַף׃
1Chron 2.48
פִּלֶגֶשׁ כָּלֵב מַעֲכָה יָלַד שֶׁבֶר
וְאֶת־תִּרְחֲנָה׃
1Chron 2.49
וַתֵּלֶד שַׁעַף אֲבִי מַדְמַנָּה אֶת־שְׁוָא
אֲבִי מַכְבֵּנָה וַאֲבִי גִבְעָא
וּבַת־כָּלֵב עַכְסָה׃ ס
1Chron 2.50
אֵלֶּה הָיוּ בְּנֵי כָלֵב בֶּנ־חוּר
בְּכוֺר אֶפְרָתָה שׁוֺבָל אֲבִי קִרְיַת
יְעָרִים׃
1Chron 2.51
שַׂלְמָא אֲבִי בֵית־לָחֶם חָרֵף
אֲבִי בֵית־גָּדֵר׃
1Chron 2.52
וַיִּהְיוּ בָנִים לְשׁוֺבָל אֲבִי
קִרְיַת יְעָרִים הָרֹאֶה חֲצִי
הַמְּנֻחוֺת׃
1Chron 2.53
וּמִשְׁפְּחוֺת קִרְיַת יְעָרִים הַיִּתְרִי
וְהַפּוּתִי וְהַשֻּׁמָתִי וְהַמִּשְׁרָעִי
מֵאֵלֶּה יָצְאוּ הַצָּרְעָתִי וְהָאֶשְׁתָּאֻלִי׃
ס
1Chron 2.54
בְּנֵי שַׂלְמָא בֵּית לֶחֶם וּנְטוֺפָתִי
עַטְרוֺת בֵּית יֺואָב וַחֲצִי הַמָּנַחְתִּי
הַצָּרְעִי׃
1Chron 2.55
וּמִשְׁפְּחוֺת סֹפְרִים 1 יֺשְׁבוּ 2 יֺשְׁבֵי
יַעְבֵּץ תִּרְעָתִים שִׁמְעָתִים שׂוּכָתִים
הֵמָּה הַקִּינִים הַבָּאִים מֵחַמַּת
אֲבִי בֵית־רֵכָב׃ ס

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages