1Chron 15

Full text search

1Chron 15
1Chron 15.1
וַיַּעַשׂ־לוֺ בָתִּים בְּעִיר דָּוִיד
וַיָּכֶן מָקוֺם לַאֲרוֺן הָאֱלֹהִים
וַיֶּט־לוֺ אֹהֶל׃
1Chron 15.2
אָז אָמַר דָּוִיד לֹא לָשֵׂאת
אֶת־אֲרוֺן הָאֱלֹהִים כִּי אִמ־הַלְוִיִּם
כִּי־בָם בָּחַר יְהוָה לָשֵׂאת אֶת־אֲרוֺן
יְהוָה וּלְשָׁרְתוֺ עַד־ולָם׃
ס
1Chron 15.3
וַיַּקְהֵל דָּוִיד אֶת־כָּל־יִשְׂרָאֵל
אֶל־יְרוּשָׁלִָם לְהַעֲלוֺת אֶת־אֲרוֺן
יְהוָה אֶל־מְקוֺמוֺ אֲשֶׁר־הֵכִין
לוֺ׃
1Chron 15.4
וַיֶּאֱסֹף דָּוִיד אֶת־בְּנֵי אַהֲרֹן
וְאֶת־הַלְוִיִּם׃
1Chron 15.5
לִבְנֵי קְהָת אוּרִיאֵל הַשָּׂר וְאֶחָיו
מֵאָה וְעֶשְׂרִים׃ ס
1Chron 15.6
לִבְנֵי מְרָרִי עֲשָׂיָה הַשָּׂר וְאֶחָיו
מָאתַיִם וְעֶשְׂרִים׃ ס
1Chron 15.7
לִבְנֵי גֵּרְשׁוֺם יֺואֵל הַשָּׂר וְאֶחָיו
מֵאָה וּשְׁלֹשִׁים׃ ס
1Chron 15.8
לִבְנֵי אֱלִיצָפָן שְׁמַעְיָה הַשָּׂר
וְאֶחָיו מָאתָיִם׃ ס
1Chron 15.9
לִבְנֵי חֶבְרוֺן אֱלִיאֵל הַשָּׂר
וְאֶחָיו שְׁמוֺנִים׃ ס
1Chron 15.10
לִבְנֵי עֻזִּיאֵל עַמִּינָדָב הַשָּׂר
וְאֶחָיו מֵאָה וּשְׁנֵים עָשָׂר׃
ס
1Chron 15.11
וַיִּקְרָא דָוִיד לְצָדוֺק וּלְאֶבְיָתָר
הַכֹּהֲנִים וְלַלְוִיִּם לְאוּרִיאֵל
עֲשָׂיָה וְיֺואֵל שְׁמַעְיָה וֶאֱלִיאֵל
וְעַמִּינָדָב׃
1Chron 15.12
וַיֺּאמֶר לָהֶם אַתֶּם רָאשֵׁי הָאָבוֺת
לַלְוִיִּם הִתְקַדְּשׁוּ אַתֶּם וַאֲחֵיכֶם
וְהַעֲלִיתֶם אֵת אֲרוֺן יְהוָה
אֱלֹהֵי יִשְׂרָאֵל אֶל־הֲכִינֺותִי
לוֺ׃
1Chron 15.13
כִּי לְמַבָּרִאשׁוֺנָה לֹא אַתֶּם
פָּרַץ יְהוָה אֱלֹהֵינוּ בָּנוּ כִּי־לֹא
דְרַשְׁנֻהוּ כַּמִּשְׁפָּט׃
1Chron 15.14
וַיִּתְקַדְּשׁוּ הַכֹּהֲנִים וְהַלְוִיִּם
לְהַעֲלוֺת אֶת־אֲרוֺן יְהוָה
אֱלֹהֵי יִשְׂרָאֵל׃
1Chron 15.15
וַיִּשְׂאוּ בְנֵי־הַלְוִיִּם אֵת אֲרוֺן
הָאֱלֹהִים כַּאֲשֶׁר צִוָּה מֹשֶׁה
כִּדְבַר יְהוָה בִּכְתֵפָם בַּמֹּטוֺת
עֲלֵיהֶם׃ ף
1Chron 15.16
וַיֺּאמֶר דָּוִיד לְשָׂרֵי הַלְוִיִּם
לְהַעֲמִיד אֶת־אֲחֵיהֶם הַמְשֹׁרְרִים
בִּכְלֵי־שִׁיר נְבָלִים וְכִנֺּרוֺת
וּמְצִלְתָּיִם מַשְׁמִיעִים לְהָרִימ־בְּקוֺל
לְשִׂמְחָה׃ ף
1Chron 15.17
וַיַּעֲמִידוּ הַלְוִיִּם אֵת הֵימָן
בֶּנ־יֺואֵל וּמִנ־אֶחָיו אָסָף
בֶּנ־בֶּרֶכְיָהוּ ס וּמִנ־בְּנֵי
מְרָרִי אֲחֵיהֶם אֵיתָן בֶּנ־קוּשָׁיָהוּ׃
1Chron 15.18
וְעִמָּהֶם אֲחֵיהֶם הַמִּשְׁנִים זְכַרְיָהוּ
בֵּן וְיַעֲזִיאֵל וּשְׁמִירָמוֺת וִיחִיאֵל
וְעֻנִּי אֱלִיאָב וּבְנָיָהוּ וּמַעֲשֵׂיָהוּ
וּמַתִּתְיָוּ וֶאֱלִיפְלֵהוּ וּמִקְנֵיָהוּ
וְעֹבֵד אֱדֹם וִיעִיאֵל הַשֹּׁעֲרִים׃
1Chron 15.19
וְהַמְשֹׁרְרִים הֵימָן אָסָף וְאֵיתָן
בִּמְצִלְתַּיִם נְחֹשֶׁת לְהַשְׁמִיעַ׃
1Chron 15.20
וּזְכַרְיָה וַעֲזִיאֵל וּשְׁמִירָמוֺת
וִיחִיאֵל וְעֻנִּי וֶאֱלִיאָב וּמַעֲשֵׂיָהוּ
וּבְנָיָהוּ בִּנְבָלִים עַל־עֲלָמוֺת׃
1Chron 15.21
וּמַתִּתְיָהוּ וֶאֱלִיפְלֵהוּ וּמִקְנֵיָהוּ
וְעֹבֵד אֱדֹם וִיעִיאֵל וַעֲזַזְיָהוּ
בְּכִנֺּרוֺת עַל־הַשְּׁמִינִית לְנַצֵּחַ׃
1Chron 15.22
וּכְנַנְיָהוּ שַׂר־הַלְוִיִּם בְּמַשָּׂא
יָסֹר בַּמַּשָּׂא כִּי מֵבִין הוּא׃
1Chron 15.23
וּבֶרֶכְיָה וְאֶלְקָנָה שֹׁעֲרִים
לָאָרוֺן׃
1Chron 15.24
וּשְׁבַנְיָהוּ וְיֺושָׁפָט וּנְתַנְאֵל
וַעֲמָשַׂי וּזְכַרְיָהוּ וּבְנָיָהוּ
וֶאֱלִיעֶזֶר הַכֹּהֲנִים 1 מַחֲצֹצְרִים 2 מַחְצְרִים
בַּחֲצֹצְרוֺת לִפְנֵי אֲרוֺן הָאֱלֹהִים
וְעֹבֵד אֱדֹם וִיחִיָּה שֹׁעֲרִים
לָאָרוֺן׃
1Chron 15.25
וַיְהִי דָוִיד וְזִקְנֵי יִשְׂרָאֵל
וְשָׂרֵי הָאֲלָפִים הַהֹלְכִים לְהַעֲלוֺת
אֶת־אֲרוֺן בְּרִית־יְהוָה מִנ־בֵּית
עֹבֵד־אֱדֹם בְּשִׂמְחָה׃ ס
1Chron 15.26
וַיְהִי בֶּעְזֺר הָאֱלֹהִים אֶת־הַלְוִיִּם
נֺשְׂאֵי אֲרוֺן בְּרִית־יְהוָה
וַיִּזְבְּחוּ שִׁבְעָה־פָרִים וְשִׁבְעָה
אֵילִים׃
1Chron 15.27
וְדָוִיד מְכֻרְבָּל בִּמְעִיל בּוּץ
וְכָל־הַלְוִיִּם הַנֺּשְׂאִים אֶת־הָאָרוֺן
וְהַמְשֹׁרְרִים וּכְנַנְיָה הַשַּׂר
הַמַּשָּׂא הַמְשֹׁרְרִים וְעַל־דָּיד
אֵפוֺד בָּד׃
1Chron 15.28
וְכָל־יִשְׂרָאֵל מַעֲלִים אֶת־אֲרוֺן
בְּרִית־יְהוָה בִּתְרוּעָה וּבְקוֺל
שׁוֺפָר וּבַחֲצֹצְרוֺת וּבִמְצִלְתָּיִם
מַשְׁמִעִים בִּנְבָלִים וְכִנֺּרוֺת׃
1Chron 15.29
וַיְהִי אֲרוֺן בְּרִית יְהוָה
בָּא עַד־עִיר דָּוִיד וּמִיכַל
בַּת־שָׁאוּל נִשְׁקְפָה בְּעַד הַחַלּוֺן
וַתֵּרֶא אֶת־הַמֶּלֶך דָּוִיד מְרַקֵּד
וּמְשַׂחֵק וַתִּבֶז לוֺ בְּלִבָּהּ׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages