1Chron 12

Full text search

1Chron 12
1Chron 12.1
וְאֵלֶּה הַבָּאִים אֶל־דָּוִיד לְצִיקְלַג
עוֺד עָצוּר מִפְּנֵי שָׁאוּל בֶּנ־קִישׁ
וְהֵמָּה בַּגִּבּוֺרִים עֹזְרֵי הַמִּלְחָמָה׃
1Chron 12.2
נֺשְׁקֵי קֶשֶׁת מַיְמִינִים וּמַשְׂמִאלִים
בָּאֲבָנִים וּבַחִצִּים בַּקָּשֶׁת מֵאֲחֵי
שָׁאוּל מִבִּנְיָמִן׃
1Chron 12.3
הָרֹאשׁ אֲחִיעֶזֶר וְיֺואָשׁ בְּנֵי
הַשְּׁמָעָה הַגִּבְעָתִי 1 וִיזוּאֵל 2 וִיזִיאֵל
וָפֶלֶט בְּנֵי עַזְמָוֶת וּבְרָכָה
וְיֵהוּא הָעֲנְּתֹתִי׃
1Chron 12.4
וְיִשְׁמַעְיָה הַגִּבְעוֺנִי גִּבּוֺר
בַּשְּׁלֹשִׁים וְעַל־הַשְּׁלֹשִׁים׃
1Chron 12.5
וְיִרְמְיָה וְיַחֲזִיאֵל וְיֺוחָנָן
וְיֺוזָבָד הַגְּדֵרָתִי׃
1Chron 12.6
אֶלְעוּזַי וִירִימוֺת וּבְעַלְיָה
וּשְׁמַרְיָהוּ וּשְׁפַטְיָהוּ 1 הַחֲרִיפִי 2 הַחֲרוּפִי׃
1Chron 12.7
אֶלְקָנָה וְיִשִּׁיָּהוּ וַעֲזַרְאֵל
וְיֺועֶזֶר וְיָשָׁבְעָם הַקָּרְחִים׃
1Chron 12.8
וְיֺועֵאלָה וּזְבַדְיָה בְּנֵי יְרֹחָם
מִנ־הַגְּדוֺר׃
1Chron 12.9
וּמִנ־הַגָּדִי נִבְדְּלוּ אֶל־דָּוִיד
לַמְצַד מִדְבָּרָה גִּבֹּרֵי הַחַיִל
אַנְשֵׁי צָבָא לַמִּלְחָמָה עֹרְכֵי
צִנָּה וָרֹמַח וּפְנֵי אַרְיֵה פְּנֵיהֶם
וְכִצְבָאיִם עַל־הֶהָרִים לְמַהֵר׃
ס
1Chron 12.10
עֵזֶר הָרֹאשׁ עֹבַדְיָה הַשֵּׁנִי
אֱלִיאָב הַשְּׁלִשִׁי׃
1Chron 12.11
מִשְׁמַנָּה הָרְבִיעִי יִרְמְיָה הַחֲמִשִׁי׃
1Chron 12.12
עַתַּי הַשִּׁשִּׁי אֱלִיאֵל הַשְּׁבִעִי׃
1Chron 12.13
יֺוחָנָן הַשְּׁמִינִי אֶלְזָבָד הַתְּשִׁיעִי׃
1Chron 12.14
יִרְמְיָהוּ הָעֲשִׂירִי ס מַכְבַּנַּי
עַשְׁתֵּי עָשָׂר׃
1Chron 12.15
אֵלֶּה מִבְּנֵי־גָד רָאשֵׁי הַצָּבָא
אֶחָד לְמֵאָה הַקָּטָן וְהַגָּדוֺל
לְאָלֶף׃
1Chron 12.16
אֵלֶּה הֵם אֲשֶׁר עָבְרוּ אֶת־הַיַּרְדֵּן
בַּחֹדֶשׁ הָרִאשׁוֺן וְהוּא מְמַלֵּא
עַל־כָּל־גִּדיֺתָיו 2 גְּדוֺתָיו וַיַּבְרִיחוּ
אֶת־כָּל־הָעֲמָקִים לַמִּזְרָח וְלַמַּעֲרָב׃
ס
1Chron 12.17
וַיָּבֹאוּ מִנ־בְּנֵי בִנְיָמִן וִיהוּדָה
עַד־לַמְצָד לְדָוִיד׃
1Chron 12.18
וַיֵּצֵא דָוִיד לִפְנֵיהֶם וַיַּעַן
וַיֺּאמֶר לָהֶם אִמ־לְשָׁלוֺם בָּאתֶם
אֵלַי לְעָזְרֵנִי יִהְיֶה־לִּי עֲלֵיכֶם
לֵבָב לְיָחַד וְאִמ־לְרַמּוֺתַנִי
לְצָרַי בְּלֹא חָמָס בְּכַפַּי יֵרֶא
אֱלֹהֵי אֲבוֺתֵינוּ וְיֺוכַח׃ ס
1Chron 12.19
וְרוּחַ לָבְשָׁה אֶת־עֲמָשַׂי רֹאשׁ 1 הַשְּׁלוֺשִׁים 2 הַשָּׁלִישִׁים
לְךָ דָוִיד וְעִמְּךָ בֶנ־יִשַׁי
שָׁלוֺם שָׁלוֺם לְךָ וְשָׁלוֺם לְעֹזְרֶךָ
כִּי עֲזָרְךָ אֱלֹהֶיךָ וַיְקַבְּלֵם
דָּוִיד וַיִּתְּנֵם בְּרָאשֵׁי הַגְּדוּד׃
ף
1Chron 12.20
וּמִמְּנַשֶּׁה נָפְלוּ עַל־דָּוִיד
בְּבֹאוֺ עִמ־פְּלִשְׁתִּים עַל־שָׁאוּל
לַמִּלְחָמָה וְלֹא עֲזָרֻם כִּי בְעֵצָה
שִׁלְּחֻהוּ סַרְנֵי פְלִשְׁתִּים לֵאמֹר
בְּרָאשֵׁינוּ יִפּוֺל אֶל־אֲדֹנָיו
שָׁאוּל׃
1Chron 12.21
בְּלֶכְתּוֺ אֶל־צִיקְלַג נָפְלוּ עָלָיו
מִמְּנַשֶּׁה עַדְנַח וְיֺוזָבָד וִידִיעֲאֵל
וּמִיכָאֵל וְיֺוזָבָד וֶאֱלִיהוּא
וְצִלְּתָי רָאשֵׁי הָאֲלָפִים אֲשֶׁר
לִמְנַשֶּׁה׃
1Chron 12.22
וְהֵמָּה עָזְרוּ עִמ־דָּוִיד עַל־הַגְּדוּד
כִּי־גִבּוֺרֵי חַיִל כֻּלָּם וַיִּהְיוּ
שָׂרִים בַּצָּבָא׃
1Chron 12.23
כִּי לְעֶת־יֺום בְּיֺום יָבֹאוּ
עַל־דָּוִיד לְעָזְרוֺ עַד־לְמַחֲנֶה
גָדוֺל כְּמַחֲנֵה אֱלֹהִים׃ ף
1Chron 12.24
וְאֵלֶּה מִסְפְּרֵי רָאשֵׁי הֶחָלוּץ
לַצָּבָא בָּאוּ עַל־דָּוִיד הֶבְרוֺנָה
לְהָסֵב מַלְכוּת שָׁאוּל אֵלָיו
כְּפִי יְהוָה׃ ס
1Chron 12.25
בְּנֵי יְהוּדָה נֺשְׂאֵי צִנָּה וָרֹמַח
שֵׁשֶׁת אֲלָפִים וּשְׁמוֺנֶה מֵאוֺת
חֲלוּצֵי צָבָא׃ ס
1Chron 12.26
מִנ־בְּנֵי שִׁמְעוֺן גִּבּוֺרֵי חַיִל
לַצָּבָא שִׁבְעַת אֲלָפִים וּמֵאָה׃
ס
1Chron 12.27
מִנ־בְּנֵי הַלֵּוִי אַרְבַּעַת אֲלָפִים
וְשֵׁשׁ מֵאוֺת׃ ס
1Chron 12.28
וִיהוֺיָדָע הַנָּגִיד לְאַהֲרֹן
וְעִמּוֺ שְׁלֹשׁת אֲלָפִים וּשְׁבַע
מֵאוֺת׃ ס
1Chron 12.29
וְצָדוֺק נַעַר גִּבּוֺר חָיִל וּבֵית־אָבִיו
שָׂרִים עֶשְׂרִים וּשְׁנָיִם׃ ס
1Chron 12.30
וּמִנ־בְּנֵי בִנְיָמִן אֲחֵי שָׁאוּל
שְׁלֹשֶׁת אֲלָפִים וְעַד־הֵנָּה מַרְבִּיתָם
שֹׁמְרִים מִשְׁמֶרֶת בֵּית שָׁאוּל׃
ס
1Chron 12.31
וּמִנ־בְּנֵי אֶפְרַיִם עֶשְׂרִים אֶלֶף
וּשְׁמוֺנֶה מֵאוֺת גִּבּוֺרֵי חַיִל
אַנְשֵׁי שֵׁמוֺת לְבֵית אֲבוֺתָם׃
ס
1Chron 12.32
וּמֵחֲצִי מַטֵּה מְנַשֶּׁה שְׁמוֺנָה
עָשָׂר אָלֶף אֲשֶׁר נִקְּבוּ בְּשֵׁמוֺת
לָבוֺא לְהַמְלִיך אֶת־דָּוִיד׃
ס
1Chron 12.33
וּמִבְּנֵי יִשָּׂשכָר יֺודְעֵי בִינָה
לַעִתִּים לָדַעַת מַה־יַּעֲשֶׂה יִשְׂרָאֵל
רָאשֵׁיהֶם מָאתַיִם וְכָל־אֲחֵיהֶם
עַל־פִּיהֶם׃ ס
1Chron 12.34
מִזְּבֻלוּן יֺוצְאֵי צָבָא עֹרְכֵי
מִלְחָמָה בְּכָל־כְּלֵי מִלְחָמָה חֲמִשִּׁים
אָלֶף וְלַעֲדֹר בְּלֹא־לֵב וָלֵב׃
ס
1Chron 12.35
וּמִנַּפְתָּלִי שָׂרִים אָלֶף וְעִמָּהֶם
בְּצִנָּה וַחֲנִית שְׁלֹשִׁים וְשִׁבְעָה
אָלֶף׃ ס
1Chron 12.36
וּמִנ־הַדָּנִי עֹרְכֵי מִלְחָמָה
עֶשְׂרִימ־וּשְׁמוֺנָה אֶלֶף וְשֵׁשׁ
מֵאוֺת׃ ס
1Chron 12.37
וּמֵאָשֵׁר יֺוצְאֵי צָבָא לַעֲרֹך
מִלְחָמָה אַרְבָּעִים אָלֶף׃ ס
1Chron 12.38
וּמֵעֵבֶר לַיַּרְדֵּן מִנ־הָראוּבֵנִי
וְהַגָּדִי וַחֲצִי שֵׁבֶט מְנַשֶּׁה בְּכֹל
כְּלֵי צְבָא מִלְחָמָה מֵאָה וְעֶשְׂרִים
אָלֶף׃
1Chron 12.39
כָּל־אֵלֶּה אַנְשֵׁי מִלְחָמָה עֹדְרֵי
מַעֲרָכָה בְּלֵבָב שָׁלֵם בָּאוּ חֶבְרוֺנָה
לְהַמְלִיך אֶת־דָּוִיד עַל־כָּל־יִשְׂרָאֵל
וְגַם כָּל־שֵׁרִית יִשְׂרָאֵל לֵב
אֶחָד לְהַמְלִיך אֶת־דָּוִיד׃
1Chron 12.40
וַיִּהְיוּ־שָׁם עִמ־דָּוִיד יָמִים
שְׁלוֺשָׁה אֹכְלִים וְשׁוֺתִים כִּי־הֵכִינוּ
לָהֶם אֲחֵיהֶם׃
1Chron 12.41
וְגַם הַקְּרוֺבִימ־אֲלֵיהֶם עַד־יִשָׂשכָר
וּזְבֻלוּן וְנַפְתָּלִי מְבִיאִים
לֶחֶם בַּחֲמוֺרִים וּבַגְּמַלִּים
וּבַפְּרָדִים וּבַבָּקָר מַאֲכָל קֶמַח
דְּבֵלִים וְצִמּוּקִים וְיַיִנ־וְשֶׁמֶן
וּבָקָר וְצֹאן לָרֹב כִּי שִׂמְחָה
בְּיִשְׂרָאֵל׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages