1Reg 7

Full text search

1Reg 7
1Reg 7.1
וְאֶת־בֵּיתוֺ בָּנָה שְׁלֹמֹה שְׁלֹשׁ
עֶשְׂרֵה שָׁנָה וַיְכַל אֶת־כָּל־בֵּיתוֺ׃
1Reg 7.2
וַיִּבֶן אֶת־בֵּית יַעַר הַלְּבָנֺון
מֵאָה אַמָּה אָרְכּוֺ וַחֲמִשִּׁים
אַמָּה רָחְבּוֺ וּשְׁלֹשִׁים אַמָּה קוֺמָתוֺ
עַל אַרְבָּעָה טוּרֵי עַמּוּדֵי
אֲרָזִים וּכְרֻתוֺת אֲרָזִים עַל־הָעַמּוּדִים׃
1Reg 7.3
וְסָפֻן בָּאֶרֶז מִמַּעַל עַל־הַצְּלָעֹת
אֲשֶׁר עַל־הָעַמּוּדִים אַרְבָּעִים
וַחֲמִשָּׁה חֲמִשָּׁה עָשָׂר הַטּוּר׃
1Reg 7.4
וּשְׁקֻפִים שְׁלֹשָׁה טוּרִים וּמֶחֱזָה
אֶל־מֶחֱזָה שָׁלֹשׁ פְּעָמִים׃
1Reg 7.5
וְכָל־הַפְּתָחִים וְהַמְּזוּזֺות
רְבֻעִים שָׁקֶף וּמוּל מֶחֱזָה אֶל־מֶחֱזָה
שָׁלֹשׁ פְּעָמִים׃
1Reg 7.6
וְאֵת אוּלָם הָעַמּוּדִים עָשָׂה
חֲמִשִּׁים אַמָּה אָרְכּוֺ וּשְׁלֹשִׁים
אַמָּה רָחְבּוֺ וְאוּלָם עַל־פְּנֵיהֶם
וְעַמֻּדִים וְעָב עַל־פְּנֵיהֶם׃
1Reg 7.7
וְאוּלָם הַכִּסֵּא אֲשֶׁר יִשְׁפָּט־שָׁם
אֻלָם הַמִּשְׁפָּט עָשָׂה וְסָפוּן
בָּאֶרֶז מֵהַקַּרְקַע עַד־הַקַּרְקָע׃
1Reg 7.8
וּבֵיתוֺ אֲשֶׁר־יֵשֶׁב שָׁם חָצֵר
הָאַחֶרֶת מִבֵּית לָאוּלָם כַּמַּעֲשֶׂה
הַזֶּה הָיָה וּבַיִת יַעֲשֶׂה לְבַת־פַּרְעֹה
אֲשֶׁר לָקַח שְׁלֹמֹה כָּוּלָם הַזֶּה׃
1Reg 7.9
כָּל־אֵלֶּה אֲבָנִים יְקָרֹת כְּמִדֹּת
גָּזִית מְגֺרָרוֺת בַּמְּגֵרָה מִבַּיִת
וּמִחוּץ וּמִמַּסָּד עַד־הַטְּפָחוֺת
וּמִחוּץ עַד־הֶחָצֵר הַגְּדוֺלָה
1Reg 7.10
וּמְיֻסָּד אֲבָנִים יְקָרוֺת אֲבָנִים
גְּדֹלוֺת אַבְנֵי עֶשֶׂר אַמּוֺת וְאַבְנֵי
שְׁמֹנֶה אַמּוֺת׃
1Reg 7.11
וּמִלְמַעְלָה אֲבָנִים יְקָרוֺת
כְּמִדּוֺת גָּזִית וָאָרֶז׃
1Reg 7.12
וְחָצֵר הַגְּדוֺלָה סָבִיב שְׁלֹשָׁה
טוּרִים גָּזִית וְטוּר כְּרֻתֹת
אֲרָזִים וְלַחֲצַר בֵּית־יְהוָה
הַפְּנִימִית וּלְאֻלָם הַבָּיִת׃
ף
1Reg 7.13
וַיִּשְׁלַח הַמֶּלֶך שְׁלֹמֹה וַיִּקַּח
אֶת־חִירָם מִצֹּר׃
1Reg 7.14
בֶּנ־אִשָּׁה אַלְמָנָה הוּא מִמַּטֵּה
נַפְתָּלִי וְאָבִיו אִישׁ־צֹרִי חֹרֵשׁ
נְחֹשֶׁת וַיִּמָּלֵא אֶת־הַחָכְמָה
וְאֶת־הַתְּבוּנָה וְאֶת־הַדַּעַת לַעֲשׂוֺ
כָּל־מְלָאכָה בַּנְּחֹשֶׁת וַיָּבוֺא
אֶל־הַמֶּלֶך שְׁלֹמֹה וַיַּעַשׂ אֶת־כָּל־מְלַאכְתּוֺ׃
1Reg 7.15
וַיָּצַר אֶת־שְׁנֵי הָעַמּוּדִים
נְחֹשֶׁת שְׁמֹנֶה עֶשְׂרֵה אַמָּה קוֺמַת
הָעַמּוּד הָאֶחָד וְחוּט שְׁתֵּימ־עֶשְׂרֵה
אַמָּה יָסֹב אֶת־הָעַמּוּד הַשֵּׁןִ׃
1Reg 7.16
וּשְׁתֵּי כֹתָרֹת עָשָׂה לָתֵת עַל־רָאשֵׁי
הָעַמּוּדִים מֻצַק נְחֹשֶׁת חָמֵשׁ
אַמּוֺת קוֺמַת הַכֹּתֶרֶת הָאֶחָת
וְחָמֵשׁ אַמּוֺת קוֺמַת הַכֹּתֶרֶת
הַשֵּׁנִית׃
1Reg 7.17
שְׂבָכִים מַעֲשֵׂה שְׂבָכָה גְּדִלִים
מַעֲשֵׂה שַׁרְשְׁרוֺת לַכֹּתָרֹת אֲשֶׁר
עַל־רֹאשׁ הָעַמּוּדִים שִׁבְעָה
לַכֹּתֶרֶת הָאֶחָת וְשִׁבְעָה לַכֹּתֶרֶת
שֵּׁנִית׃
1Reg 7.18
וַיַּעַשׂ אֶת־הָעַמּוּדִים וּשְׁנֵי
טוּרִים סָבִיב עַל־הַשְּׂבָכָה הָאֶחָת
לְכַסּוֺת אֶת־הַכֹּתָרֹת אֲשֶׁר עַל־רֹאשׁ
הָרִמֹּנִים וְכֵן עָשָׂה לַכֹּרֶת הַשֵּׁנִית׃
1Reg 7.19
וְכֹתָרֹת אֲשֶׁר עַל־רֹאשׁ הָעַמּוּדִים
מַעֲשֵׂה שׁוּשַׁן בָּאוּלָם אַרְבַּע
אַמּוֺת׃
1Reg 7.20
וְכֹתָרֹת עַל־שְׁנֵי הָעַמּוּדִים
גַּמ־מִמַּעַל מִלְּעֻמַּת הַבֶּטֶן אֲשֶׁר
לְעֵבֶר 1 שְׂבָכָה 2 הַשְּׂבָכָה וְהָרִמּוֺנִים
מָאתַיִם טֻרִים סָבִיב ל הַכֹּתֶרֶת
הַשֵּׁנִית׃
1Reg 7.21
וַיָּקֶם אֶת־הָעַמֻּדִים לְאֻלָם הַהֵיכָל
וַיָּקֶם אֶת־הָעַמּוּד הַיְמָנִי
וַיִּקְרָא אֶת־שְׁמוֺ יָכִין וַיָּקֶם
אֶת־הָעַמּוּד הַשְּׂמָאלִי וַיִּרָא
אֶת־שְׁמוֺ בֹּעַז׃
1Reg 7.22
וְעַל רֹאשׁ הָעַמּוּדִים מַעֲשֵׂה
שׁוֺשָׁן וַתִּתֹּם מְלֶאכֶת הָעַמּוּדִים׃
1Reg 7.23
וַיַּעַשׂ אֶת־הַיָּם מוּצָק עֶשֶׂר
בָּאַמָּה מִשְּׂפָתוֺ עַד־שְׂפָתוֺ עָגֺל
סָבִיב וְחָמֵשׁ בָּאַמָּה קוֺמָתוֺ 1 וּקְוֵה 2 וְקָו
שְׁלֹשִׁים בָּאַמָּהיָסֹב אֹתוֺ סָבִיב׃
1Reg 7.24
וּפְקָעִים מִתַּחַת לִשְׂפָתוֺ סָבִיב
סֹבְבִים אֹתוֺ עֶשֶׂר בָּאַמָּה מַקִּפִים
אֶת־הַיָּם סָבִיב שְׁנֵי טוּרִים
הַפְּקָעִים יְצֻקִים בִּיצֻקָתֹ׃
1Reg 7.25
עֹמֵד עַל־שְׁנֵי עָשָׂר בָּקָר שְׁלֹשָׁה
פֹנִים צָפוֺנָה וּשְׁלֹשָׁה פֹנִים
יָמָּה וּשְׁלֹשָׁה פֹּנִים נֶגְבָּה וּשְׁלֹשָׁה
פֹּנִים מִזְרָחָה וְהַם עֲלֵיהֶם
מִלְמָעְלָה וְכָל־אֲחֹרֵיהֶם בָּיְתָה׃
1Reg 7.26
וְעָבְיֺו טֶפַח וּשְׂפָתוֺ כְּמַעֲשֵׂה
שְׂפַת־כּוֺס פֶּרַח שׁוֺשָׁן אַלְפַּיִם
בַּת יָכִיל׃ ף
1Reg 7.27
וַיַּעַשׂ אֶת־הַמְּכֹנֺות עֶשֶׂר נְחֹשֶׁת
אַרְבַּע בָּאַמָּה אֹרֶך הַמְּכוֺנָה
הָאֶחָת וְאַרְבַּע בָּאַמָּה רָחְבָּהּ
וְשָׁלֹשׁ בָּאַמָּה קוֺמָתָהּ
1Reg 7.28
וְזֶה מַעֲשֵׂה הַמְּכוֺנָה מִסְגְּרֹת
לָהֶם וּמִסְגְּרֹת בֵּין הַשְׁלַבִּים׃
1Reg 7.29
וְעַל־הַמִּסְגְּרוֺת אֲשֶׁר בֵּין
הַשְׁלַבִּים אֲרָיֺות בָּקָר וּכְרוּבִים
וְעַל־הַשְׁלַבִּים כֵּן מִמָּעַל וּמִתַּחַת
לַאֲרָיֺות וְלַבָּקָר לֹיֺות מַעֲשֵׂה
מוֺרָד׃
1Reg 7.30
וְאַרְבָּעָה אוֺפַנֵּי נְחֹשֶׁת לַמְּכוֺנָה
הָאַחַת וְסַרְנֵי נְחֹשֶׁת וְאַרְבָּעָה
פַעֲמֹתָיו כְּתֵפֹת לָהֶם מִתַּחַת
לַכִּיֺּר הַכְּתֵפֹת יְצֻקֹת מֵעֵבֶר
אִישׁ לֹיֺות׃
1Reg 7.31
וּפִיהוּ מִבֵּית לַכֹּתֶרֶת וָמַעְלָה
בָּאַמָּה וּפִיהָ עָגֺל מַעֲשֵׂה־כֵן
אַמָּה וַחֲצִי הָאַמָּה וְגַמ־עַל־פִּיהָ
מִקְלָעוֺת וּמִסְגְּרֹתֵהֶם מְרֻבָּעוֺת
לֹא עֲגֻלּוֺת׃
1Reg 7.32
וְאַרְבַּעַת הָאוֺפַנִּים לְמִתַּחַת
לַמִּסְגְּרוֺת וִידוֺת הָאוֺפַנִּים
בַּמְּכוֺנָה וְקוֺמַת הָאוֺפַן הָאֶחָד
אַמָּה וַחֲצִי הָאַמָּה׃
1Reg 7.33
וּמַעֲשֵׂה הָאוֺפַנִּים כְּמַעֲשֵׂה אוֺפַן
הַמֶּרְכָּבָה יְדוֺתָם וְגַבֵּיהֶם וְחִשֻּׁקֵיהֶם
וְחִשֻּׁרֵיהֶם הַכֹּל מוּצָק׃
1Reg 7.34
וְאַרְבַּע כְּתֵפוֺת אֶל אַרְבַּע פִּנֺּות
הַמְּכֹנָה הָאֶחָת מִנ־הַמְּכֹנָה
כְּתֵפֶיהָ׃
1Reg 7.35
וּבְרֹאשׁ הַמְּכוֺנָה חֲצִי הָאַמָּה
קוֺמָה עָגֺל סָבִיב וְעַל רֹאשׁ
הַמְּכֹנָה יְדֹתֶיהָ וּמִסְגְּרֹתֶיהָ
מִמֶּנָּה׃
1Reg 7.36
וַיְפַתַּח עַל־הַלֻּחֹת יְדֹתֶיהָ
וְעַל 1 וַמִסְגְּרֹתֶיהָ 2 מִסְגְּרֹתֶיהָ
כְּרוּבִים אֲרָיֺות וְתִמֹרֹת כְּמַעַר־אִישׁ
וְלֹיֺות סָבִיב׃
1Reg 7.37
כָּזֺאת עָשָׂה אֵת עֶשֶׂר הַמְּכֹנֺות
מוּצָק אֶחָד מִדָּה אַחַת קֶצֶב
אֶחָד לְכֻלָּהְנָה׃ ס
1Reg 7.38
וַיַּעַשׂ עֲשָׂרָה כִיֺּרוֺת נְחֹשֶׁת
אַרְבָּעִים בַּת יָכִיל הַכִּיֺּור
הָאֶחָד אַרְבַּע בָּאַמָּה הַכִּיֺּור
הָאֶחָד כִּיֺּור אֶחָד עַל־הַמְּכֹנָה
הָאַחַת לְעֶשֶׂר הַמְּכוֺנֺות׃
1Reg 7.39
וַיִּתֵּן אֶת־הַמְּכֹנֺות חָמֵשׁ עַל־כֶּתֶף
הַבַּיִת מִיָּמִין וְחָמֵשׁ עַל־כֶּתֶף
הַבַּיִת מִשְּׂמֹאלוֺ וְאֶת־הַיָּם
נָתַן מִכֶּתֶף הַבַּיִת הַיְמָנִית
קֵדְמָה מִמּוּל נֶגֶב׃ ס
1Reg 7.40
וַיַּעַשׂ חִירוֺם אֶת־הַכִּיֺּרוֺת
וְאֶת־הַיָּעִים וְאֶת־הַמִּזְרָקוֺת
וַיְכַל חִירָם לַעֲשׂוֺת אֶת־כָּל־הַמְּלָאכָה
אֲשֶׁר עָשָׂה לַמֶּלֶך שְׁלֹמֹה בֵּית
יְהוָה׃
1Reg 7.41
עַמֻּדִים שְׁנַיִם וְגֻלֹּת הַכֹּתָרֹת
אֲשֶׁר־עַל־רֹאשׁ הָעַמֻּדִים שְׁתָּיִם
וְהַשְּׂבָכוֺת שְׁתַּיִם לְכַסּוֺת אֶת־שְׁתֵּי
גֻּלֹּת הַכֹּתָרֹת אֲשֶׁר עַל־רֹאשׁ
הָעַמּוּדִים׃
1Reg 7.42
וְאֶת־הָרִמֹּנִים אַרְבַּע מֵאוֺת
לִשְׁתֵּי הַשְּׂבָכוֺת שְׁנֵי־טוּרִים
רִמֹּנִים לַשְּׂבָכָה הָאֶחָת לְכַסּוֺת
אֶת־שְׁתֵּי גֻּלֹּת הַכֹּתָרֹת אֲשֶׁרעַל־פְּנֵי
הָעַמּוּדִים׃
1Reg 7.43
וְאֶת־הַמְּכֹנֺות עָשֶׂר וְאֶת־הַכִּיֺּרֹת
עֲשָׂרָה עַל־הַמְּכֹנֺות׃
1Reg 7.44
וְאֶת־הַיָּם הָאֶחָד וְאֶת־הַבָּקָר
שְׁנֵימ־עָשָׂר תַּחַת הַיָּם׃
1Reg 7.45
וְאֶת־הַסִּירוֺת וְאֶת־הַיָּעִים
וְאֶת־הַמִּזְרָקוֺת וְאֵת כָּל־הַכֵּלִים 1 הָאֹהֶל 2 הָאֵלֶּה
אֲשֶׁר עָשָׂה חִירָם לַמֶּלֶך שְׁלֹמֹה
בֵּית יְהוָה נְחֹשֶׁת מְמֹרָט׃
1Reg 7.46
בְּכִכַּר הַיַּרְדֵּן יְצָקָם הַמֶּלֶך
בְּמַעֲבֵה הָאֲדָמָה בֵּין סֻכּוֺת
וּבֵין צָרְתָן׃
1Reg 7.47
וַיַּנַּח שְׁלֹמֹה אֶת־כָּל־הַכֵּלִים
מֵרֹב מְאֹד מְאֹד לֹא נֶחְקַר מִשְׁקַל
הַנְּחֹשֶׁת׃
1Reg 7.48
וַיַּעַשׂ שְׁלֹמֹה אֵת כָּל־הַכֵּלִים
אֲשֶׁר בֵּית יְהוָה אֵת מִזְבַּח
הַזָּהָב וְאֶת־הַשֻּׁלְחָן אֲשֶׁר עָלָיו
לֶחֶם הַפָּנִים זָהָב׃
1Reg 7.49
וְאֶת־הַמְּנֺרוֺת חָמֵשׁ מִיָּמִין
וְחָמֵשׁ מִשְּׂמֹאול לִפְנֵי הַדְּבִיר
זָהָב סָגוּר וְהַפֶּרַח וְהַנֵּרֹת
וְהַמֶּלְקַחַיִם זָהָב׃
1Reg 7.50
וְהַסִּפּוֺת וְהַמְזַמְּרוֺת וְהַמִּזְרָקוֺת
וְהַכַּפּוֺת וְהַמַּחְתּוֺת זָהָב סָגוּר
וְהַפֹּתוֺת לְדַלְתוֺת הַבַּיִת הַפְּנִימִי
לְקֹדֶשׁ הַקֳּדָשִׁים לְדַלְתֵי הַבַּיִת
לַהֵיכָל זָהָב׃ ף
1Reg 7.51
וַתִּשְׁלַם כָּל־הַמְּלָאכָה אֲשֶׁר
עָשָׂה הַמֶּלֶך שְׁלֹמֹה בֵּית יְהוָה
וַיָּבֵא שְׁלֹמֹה אֶת־קָדְשֵׁי דָּוִד
אָבִיו אֶת־הַכֶּסֶף וְאֶת־הַזָּהָב
וְאֶת־הַכֵּלִים נָתַן בְּאֹצְרוֺת
בֵּית יְהוָה׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages