1Reg 11

Full text search

1Reg 11
1Reg 11.1
וְהַמֶּלֶך שְׁלֹמֹה אָהַב נָשִׁים נָכְרִיֺּות
רַבּוֺת וְאֶת־בַּת־פַּרְעֹה מוֺאֲבִיֺּות
עַמֳּנִיֺּות אֲדֹמִיֺּת צֵדְנִיֺּת חִתִּיֺּת׃
1Reg 11.2
מִנ־הַגֺּויִם אֲשֶׁר אָמַר־יְהוָה
אֶל־בְּנֵי יִשְׂרָאֵל לֹא־תָבֹאוּ
בָהֶם וְהֵם לֹא־יָבֹאוּ בָכֶם
אָכֵן יַטּוּ אֶת־לְבַבְכֶם אַחֲרֵי
אֱלֹהֵיהֶ בָּהֶם דָּבַק שְׁלֹמֹה לְאַהֲבָה׃
1Reg 11.3
וַיְהִי־לוֺ נָשִׁים שָׂרוֺת שְׁבַע
מֵאוֺת וּפִלַגְשִׁים שְׁלֹשׁ מֵאוֺת
וַיַּטּוּ נָשָׁיו אֶת־לִבּוֺ׃
1Reg 11.4
וַיְהִי לְעֵת זִקְנַת שְׁלֹמֹה נָשָׁיו
הִטּוּ אֶת־לְבָבוֺ אַחֲרֵי אֱלֹהִים
אֲחֵרִים וְלֹא־הָיָה לְבָבוֺ שָׁלֵם
עִמ־יְהוָה אֱלֹהָיו כִּלְבַב דָּוִיד
אָבִיו׃
1Reg 11.5
וַיֵּלֶך שְׁלֹמֹה אַחֲרֵי עַשְׁתֹּרֶת
אֱלֹהֵי צִדֹנִים וְאַחֲרֵי מִלְכֹּם
שִׁקֻּץ עַמֹּנִים׃
1Reg 11.6
וַיַּעַשׂ שְׁלֹמֹה הָרַע בְּעֵינֵי יְהוָה
וְלֹא מִלֵּא אַחֲרֵי יְהוָה כְּדָוִד
אָבִיו׃ ס
1Reg 11.7
אָז יִבְנֶה שְׁלֹמֹה בָּמָה לִכְמוֺשׁ
שִׁקֻּץ מוֺאָב בָּהָר אֲשֶׁר עַל־פְּנֵי
יְרוּשָׁלִָם וּלְמֹלֶך שִׁקֻּץ בְּנֵי
עַמּוֺן׃
1Reg 11.8
וְכֵן עָשָׂה לְכָל־נָשָׁיו הַנָּכְרִיֺּות
מַקְטִירוֺת וּמְזַבְּחוֺת לֵאלֹהֵיהֶן׃
1Reg 11.9
וַיִּתְאַנַּף יְהוָה בִּשְׁלֹמֹה כִּי־נָטָה
לְבָבוֺ מֵעִם יְהוָה אֱלֹהֵי יִשְׂרָאֵל
הַנִּרְאָה אֵלָיו פַּעֲמָיִם׃
1Reg 11.10
וְצִוָּה אֵלָיו עַל־הַדָּבָר הַזֶּה
לְבִלְתִּי־לֶכֶת אַחֲרֵי אֱלֹהִים
אֲחֵרִים וְלֹא שָׁמַר אֵת אֲשֶׁר־צִוָּה
יְהוָה׃ ף
1Reg 11.11
וַיֺּאמֶר יְהוָה לִשְׁלֹמֹה יַעַן
אֲשֶׁר הָיְתָה־זֺּאת עִמָּך וְלֹא
שָׁמַרְתָּ בְּרִיתִי וְחֻקֹּתַי אֲשֶׁר
צִוִּיתִי עָלֶיךָ קָרֹעַ אֶקְרַע אֶ־הַמַּמְלָכָה
מֵעָלֶיךָ וּנְתַתִּיהָ לְעַבְדֶּךָ׃
1Reg 11.12
אַכְ־בְּיָמֶיךָ לֹא אֶעֱשֶׂנָּה לְמַעַן
דָּוִד אָבִיךָ מִיַּד בִּנְךָ אֶקְרָעֶנָּה׃
1Reg 11.13
רַק אֶת־כָּל־הַמַּמְלָכָה לֹא אֶקְרָע
שֵׁבֶט אֶחָד אֶתֵּן לִבְנֶךָ לְמַעַן
דָּוִד עַבְדִּי וּלְמַעַן יְרוּשָׁלִַם
אֲשֶׁר בָּחָרְתִּי׃
1Reg 11.14
וַיָּקֶם יְהוָה שָׂטָן לִשְׁלֹמֹה
אֵת הֲדַד הָאֲדֹמִי מִזֶּרַע הַמֶּלֶך
הוּא בֶּאֱדוֺם׃
1Reg 11.15
וַיְהִי בִּהְיֺות דָּוִד אֶת־אֱדוֺם
בַּעֲלוֺת יֺואָב שַׂר הַצָּבָא לְקַבֵּר
אֶת־הַחֲלָלִים וַיַּך כָּל־זָכָר
בֶּאֱדוֺם׃
1Reg 11.16
כִּי שֵׁשֶׁת חֳדָשִׁים יָשַׁב־שָׁם
יֺואָב וְכָל־יִשְׂרָאֵל עַד־הִכְרִית
כָּל־זָכָר בֶּאֱדוֺם׃
1Reg 11.17
וַיִּבְרַח אֲדַד הוּא וַאֲנָשִׁים
אֲדֹמִיִּים מֵעַבְדֵי אָבִיו אִתּוֺ
לָבוֺא מִצְרָיִם וַהֲדַד נַעַר
קָטָן׃
1Reg 11.18
וַיָּקֻמוּ מִמִּדְיָן וַיָּבֹאוּ פָּארָן
וַיִּקְחוּ אֲנָשִׁים עִמָּם מִפָּארָן
וַיָּבֹאוּ מִצְרַיִם אֶל־פַּרְעֹה מֶלֶכְ־מִצְרַיִם
וַיִּתֶּנ־לוֺ בַיִת וְלֶחֶם אָמַר
לוֺ וְאֶרֶץ נָתַן לוֺ׃
1Reg 11.19
וַיִּמְצָא הֲדַד חֵן בְּעֵינֵי פַרְעֹה
מְאֹד וַיִּתֶּנ־לוֺ אִשָּׁה אֶת־אֲחוֺת
אִשְׁתּוֺ אֲחוֺת תַּחְפְּנֵיס הַגְּבִירָה׃
1Reg 11.20
וַתֵּלֶד לוֺ אֲחוֺת תַּחְפְּנֵיס
אֵת גְּנֻבַת בְּנֺו וַתִּגְמְלֵהוּ תַחְפְּנֵס
בְּתוֺך בֵּית פַּרְעֹה וַיְהִי גְנֻבַת
בֵּית פַּרְעֹה בְּתוֺכְבְּנֵי פַרְעֹה׃
1Reg 11.21
וַהֲדַד שָׁמַע בְּמִצְרַיִם כִּי־שָׁכַב
דָּוִד עִמ־אֲבֹתָיו וְכִי־מֵת יֺואָב
שַׂר־הַצָּבָא וַיֺּאמֶר הֲדַד אֶל־פַּרְעֹה
שַׁלְּחֵנִי וְאֵלֵך אֶל־רְצִי׃
1Reg 11.22
וַיֺּאמֶר לוֺ פַרְעֹה כִּי מָה־אַתָּה
חָסֵר עִמִּי וְהִנְּךָ מְבַקֵּשׁ לָלֶכֶת
אֶל־אַרְצֶךָ וַיֺּאמֶר לֹא כִּי שַׁלֵּחַ
תְּשַׁלְּחֵנִי׃
1Reg 11.23
וַיָּקֶם אֱלֹהִים לוֺ שָׂטָן אֶת־רְזֺון
בֶּנ־אֶלְיָדָע אֲשֶׁר בָּרַח מֵאֵת
הֲדַדְעֶזֶר מֶלֶכְ־צוֺבָה אֲדֹנָיו׃
1Reg 11.24
וַיִּקְבֹּץ עָלָיו אֲנָשִׁים וַיְהִי
שַׂר־גְּדוּד בַּהֲרֹג דָּוִד אֹתָם
וַיֵּלְכוּ דַמֶּשֶׂק וַיֵּשְׁבוּ בָהּ וַיִּמְלְכוּ
בְּדַמָּשֶׂק׃
1Reg 11.25
וַיְהִי שָׂטָן לְיִשְׂרָאֵל כָּל־יְמֵי
שְׁלֹמֹה וְאֶת־הָרָעָה אֲשֶׁר הֲדָד
וַיָּקָץ בְּיִשְׂרָאֵל וַיִּמְלֹך עַל־אֲרָם׃
ף
1Reg 11.26
וְיָרָבְעָם בֶּנ־נְבָט אֶפְרָתִי
מִנ־הַצְּרֵדָה וְשֵׁם אִמּוֺ צְרוּעָה
אִשָּׁה אַלְמָנָה עֶבֶד לִשְׁלֹמֹה
וַיָּרֶם יָד בַּמֶּלֶך׃
1Reg 11.27
וְזֶה הַדָּבָר אֲשֶׁר־הֵרִים יָד
בַּמֶּלֶך שְׁלֹמֹה בָּנָה אֶת־הַמִּלּוֺא
סָגַר אֶת־פֶּרֶץ עִיר דָּוִד אָבִיו׃
1Reg 11.28
וְהָאִישׁ יָרָבְעָם גִּבּוֺר חָיִל
וַיַּרְא שְׁלֹמֹה אֶת־הַנַּעַר כִּי־עֹשֵׂה
מְלָאכָה הוּא וַיַּפְקֵד אֹתוֺ לְכָל־סֵבֶל
בֵּית יֺוסֵף׃ ס
1Reg 11.29
וַיְהִי בָּעֵת הַהִיא וְיָרָבְעָם
יָצָא מִירוּשָׁלִָם וַיִּמְצָא אֹתוֺ
אֲחִיָּה הַשִּׁילֹנִי הַנָּבִיא בַּדֶּרֶך
וְהוּא מִתְכַּסֶּה בְּשַׂלְמָה חֲדָשָׁה
וּשְׁנֵיהֶם לְבַדָּם בַּשָּׂדֶה׃
1Reg 11.30
וַיִּתְפֹּשׂ אֲחִיָּה בַּשַּׂלְמָה הַחֲדָשָׁה
אֲשֶׁר עָלָיו וַיִּקְרָעֶהָ שְׁנֵים
עָשָׂר קְרָעִים׃
1Reg 11.31
וַיֺּאמֶר לְיָרָבְעָם קַח־לְךָ עֲשָׂרָה
קְרָעִים כִּי כֹה אָמַר יְהוָה
אֱלֹהֵי יִשְׂרָאֵל הִנְנִי קֹרֵעַ אֶת־הַמַּמְלָכָה
מִיַּד שְׁלֹמֹה וְנָתִּי לְךָ אֵת
עֲשָׂרָה הַשְּׁבָטִים׃
1Reg 11.32
וְהַשֵּׁבֶט הָאֶחָד יִהְיֶה־לּוֺ לְמַעַן
עַבְדִּי דָוִד וּלְמַעַן יְרוּשָׁלִַם
הָעִיר אֲשֶׁר בָּחַרְתִּי בָהּ מִכֹּל
שִׁבְטֵי יִשְׂרָאֵל׃
1Reg 11.33
יַעַן אֲשֶׁר עֲזָבוּנִי וַיִּשְׁתַּחֲווּ
לְעַשְׁתֹּרֶת אֱלֹהֵי צִדֹנִין לִכְמוֺשׁ
אֱלֹהֵי מוֺאָב וּלְמִלְכֹּם אֱלֹהֵי
בְנֵי־עַמּוֺן וְלֹא־הָלְכוּ בִדְרָכַי
לַעֲשׂוֺת הַיָּשָׁר בְּעֵינַי וְחֻקֹּתַי
וּמִשְׁפָּטַי כְּדָוִד אָבִיו׃
1Reg 11.34
וְלֹא־אֶקַּח אֶת־כָּל־הַמַּמְלָכָה
מִיָּדוֺ כִּי נָשִׂיא אֲשִׁתֶנּוּ כֹּל
יְמֵי חַיָּיו לְמַעַן דָּוִד עַבְדִּי
אֲשֶׁר בָּחַרְתִּי אֹתוֺ אֲשֶׁ שָׁמַר
מִצְוֺתַי וְחֻקֹּתָי׃
1Reg 11.35
וְלָקַחְתִּי הַמְּלוּכָה מִיַּד בְּנֺו
וּנְתַתִּיהָ לְּךָ אֵת עֲשֶׂרֶת הַשְּׁבָטִים׃
1Reg 11.36
וְלִבְנֺו אֶתֵּן שֵׁבֶט־אֶחָד לְמַעַן
הֱיֺות־נִיר לְדָוִיד־עַבְדִּי כָּל־הַיָּמִים
לְפָנַי בִּירוּשָׁלִַם הָעִיר אֲשֶׁר
בָּחַרְתִּי לִי לָוּם שְׁמִי שָׁם׃
1Reg 11.37
וְאֹתְךָ אֶקַּח וּמָלַכְתָּ בְּכֹל אֲשֶׁר־תְּאַוֶּה
נַפְשֶׁךָ וְהָיִיתָ מֶּלֶך עַל־יִשְׂרָאֵל׃
1Reg 11.38
וְהָיָה אִמ־תִּשְׁמַע אֶת־כָּל־אֲשֶׁר
אֲצַוֶּךָ וְהָלַכְתָּ בִדְרָכַי וְעָשִׂיתָ
הַיָּשָׁר בְּעֵינַי לִשְׁמוֺר חֻקּוֺתַי
וּמִצְוֺתַי כַּאֲשֶׁר עָשָׂה דָּוִד עַבְדִּי
וְהָיִיתִי עִמָּך וּבָנִיתִי לְךָ
בַיִת־נֶאֱמָן כַּאֲשֶׁר בָּנִיתִי
לְדָוִד וְנָתַתִּי לְךָ אֶת־יִשְׂרָאֵל׃
1Reg 11.39
וַאעַנֶּה אֶת־זֶרַע דָּוִד לְמַעַן
זֺאת אַך לֹא כָל־הַיָּמִים׃ ס
1Reg 11.40
וַיְבַקֵּשׁ שְׁלֹמֹה לְהָמִית אֶת־יָרָבְעָם
וַיָּקָם יָרָבְעָם וַיִּבְרַח מִצְרַיִם
אֶל־שִׁישַׁק מֶלֶכְ־מִצְרַיִם וַיְהִי
בְמִצְרַיִם עַד־מוֺת שְׁלֹםֹ׃
1Reg 11.41
וְיֶתֶר דִּבְרֵי שְׁלֹמֹה וְכָל־אֲשֶׁר
עָשָׂה וְחָכְמָתוֺ הֲלוֺא־הֵם כְּתֻבִים
עַל־סֵפֶר דִּבְרֵי שְׁלֹמֹה׃
1Reg 11.42
וְהַיָּמִים אֲשֶׁר מָלַך שְׁלֹמֹה בִירוּשָׁלִַם
עַל־כָּל־יִשְׂרָאֵל אַרְבָּעִים שָׁנָה׃
1Reg 11.43
וַיִּשְׁכַּב שְׁלֹמֹה עִמ־אֲבֹתָיו וַיִּקָּבֵר
בְּעִיר דָּוִד אָבִיו וַיִּמְלֹך
רְחַבְעָם בְּנֺו תַּחְתָּיו׃ ס

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages