1Reg 1

Full text search

1Reg 1
1Reg 1.1
וְהַמֶּלֶך דָּוִד זָקֵן בָּא בַּיָּמִים
וַיְכַסֻּהוּ בַּבְּגָדִים וְלֹא יִחַם
לוֺ׃
1Reg 1.2
וַיֺּאמְרוּ לוֺ עֲבָדָיו יְבַקְשׁוּ
לַאדֹנִי הַמֶּלֶך נַעֲרָה בְתוּלָה
וְעָמְדָה לִפְנֵי הַמֶּלֶך וּתְהִי־לוֺ
סֹכֶנֶת וְשָׁכְבָה בְחֵיקֶךָ וְחַם
לַאדֹנִי הַמֶּלֶך׃
1Reg 1.3
וַיְבַקְשׁוּ נַעֲרָה יָפָה בְּכֹל גְּבוּל
יִשְׂרָאֵל וַיִּמְצְאוּ אֶת־אֲבִישַׁג
הַשּׁוּנַמִּית וַיָּבִאוּ אֹתָהּ לַמֶּלֶך׃
1Reg 1.4
וְהַנַּעֲרָה יָפָה עַד־מְאֹד וַתְּהִי
לַמֶּלֶך סֹכֶנֶת וַתְּשָׁרְתֵהוּ וְהַמֶּלֶך
לֹא יְדָעָהּ׃
1Reg 1.5
וַאֲדֹנִיָּה בֶנ־חַגִּית מִתְנַשֵּׂא
לֵאמֹר אֲנִי אֶמְלֹך וַיַּעַשׂ לוֺ
רֶכֶב וּפָרָשִׁים וַחֲמִשִּׁים אִישׁ
רָצִים לְפָנָיו׃
1Reg 1.6
וְלֹא־עֲצָבוֺ אָבִיו מִיָּמָיו לֵאמֹר
מַדּוּעַ כָּכָה עָשִׂיתָ וְגַמ־הוּא
טוֺב־תֹּאַר מְאֹד וְאֹתוֺ יָלְדָה
אַחֲרֵי אַבְשָׁלוֺם׃
1Reg 1.7
וַיִּהְיוּ דְבָרָיו עִם יֺואָב
בֶּנ־צְרוּיָה וְעִם אֶבְיָתָר הַכֹּהֵן
וַיַּעְזְרוּ אַחֲרֵי אֲדֹנִיָּה׃
1Reg 1.8
וְצָדוֺק הַכֹּהֵן וּבְנָיָהוּ בֶנ־יְהוֺיָדָע
וְנָתָן הַנָּבִיא וְשִׁמְעִי וְרֵעִי
וְהַגִּבּוֺרִים אֲשֶׁר לְדָוִד לֹא
הָיוּ עִמ־אֲדֹנִיָּהוּ׃
1Reg 1.9
וַיִּזְבַּח אֲדֹנִיָּהוּ צֹאן וּבָקָר
וּמְרִיא עִם אֶבֶן הַזֺּחֶלֶת אֲשֶׁר־אֵצֶל
עֵין רֹגֵל וַיִּקְרָא אֶת־כָּל־אֶחָיו
בְּנֵי הַמֶּלֶך וּלְכָל־אַנְשֵׁי יְהוּדָה
עַבְדֵי הַמֶּלֶך׃
1Reg 1.10
וְאֶת־נָתָן הַנָּבִיא וּבְנָיָהוּ
וְאֶת־הַגִּבּוֺרִים וְאֶת־שְׁלֹמֹה
אָחִיו לֹא קָרָא׃
1Reg 1.11
וַיֺּאמֶר נָתָן אֶל־בַּת־שֶׁבַע
אֵמ־שְׁלֹמֹה לֵאמֹר הֲלוֺא שָׁמַעַתְּ
כִּי מָלַך אֲדֹנִיָּהוּ בֶנ־חַגִּית
וַאֲדֹנֵינוּ דָוִד לֹא יָדָע׃
1Reg 1.12
וְעַתָּה לְכִי אִיעָצֵך נָא עֵצָה
וּמַלְּטִי אֶת־נַפְשֵׁך וְאֶת־נֶפֶשׁ
בְּנֵך שְׁלֹמֹה׃
1Reg 1.13
לְכִי וּבֹאִי אֶל־הַמֶּלֶך דָּוִד
וְאָמַרְתְּ אֵלָיו הֲלֹא־אַתָּה אֲדֹנִי
הַמֶּלֶך נִשְׁבַּעְתָּ לַאֲמָתְךָ לֵאמֹר
כִּי־שְׁלֹמֹה בְנֵך יִמְלֹך אַחֲרַי
וְהוּא יֵשֵׁב עַל־כִּסְאִי וּמַדּוּעַ
מָלַך אֲדֹנִיָהוּ׃
1Reg 1.14
הִנֵּה עוֺדָך מְדַבֶּרֶת שָׁם עִמ־הַמֶּלֶך
וַאֲנִי אָבוֺא אַחֲרַיִך וּמִלֵּאתִי
אֶת־דְּבָרָיִך׃
1Reg 1.15
וַתָּבֹא בַת־שֶׁבֶע אֶל־הַמֶּלֶך הַחַדְרָה
וְהַמֶּלֶך זָקֵן מְאֹד וַאֲבִישַׁג
הַשּׁוּנַמִּית מְשָׁרַת אֶת־הַמֶּלֶך׃
1Reg 1.16
וַתִּקֹּד בַּת־שֶׁבַע וַתִּשְׁתַּחוּ לַמֶּלֶך
וַיֺּאמֶר הַמֶּלֶך מַה־לָּך׃
1Reg 1.17
וַתֹּאמֶר לוֺ אֲדֹנִי אַתָּה נִשְׁבַּעְתָּ
בַּיהוָה אֱלֹהֶיךָ לַאֲמָתֶךָ כִּי־שְׁלֹמֹה
בְנֵך יִמְלֹך אַחֲרָי וְהוּא יֵשֵׁב
עַל־כִּסְאִי׃
1Reg 1.18
וְעַתָּה הִנֵּה אֲדֹנִיָּה מָלָך וְעַתָּה
אֲדֹנִי הַמֶּלֶך לֹא יָדָעְתָּ׃
1Reg 1.19
וַיִּזְבַּח שׁוֺר וּמְרִיא־וְצֹאן
לָרֹב וַיִּקְרָא לְכָל־בְּנֵי הַמֶּלֶך
וּלְאֶבְיָתָר הַכֹּהֵן וּלְיֺאָב שַׂר
הַצָּבָא וְלִשְׁלֹמֹה עַבְדְּךָ לֹא
קָרָא׃
1Reg 1.20
וְאַתָּה אֲדֹנִי הַמֶּלֶך עֵינֵי כָל־יִשְׂרָאֵל
עָלֶיךָ לְהַגִּיד לָהֶם מִי יֵשֵׁב
עַל־כִּסֵּא אֲדֹנִי־הַמֶּלֶך אַחֲרָיו׃
1Reg 1.21
וְהָיָה כִּשְׁכַב אֲדֹנִי־הַמֶּלֶך
עִמ־אֲבֹתָיו וְהָיִיתִי אֲנִי וּבְנִי
שְׁלֹמֹה חַטָּאִים׃
1Reg 1.22
וְהִנֵּה עוֺדֶנָּה מְדַבֶּרֶת עִמ־הַמֶּלֶך
וְנָתָן הַנָּבִיא בָּא׃
1Reg 1.23
וַיַּגִּידוּ לַמֶּלֶך לֵאמֹר הִנֵּה
נָתָן הַנָּבִיא וַיָּבֹא לִפְנֵי הַמֶּלֶך
וַיִּשְׁתַּחוּ לַמֶּלֶך עַל־אַפָּיו אָרְצָה׃
1Reg 1.24
וַיֺּאמֶר נָתָן אֲדֹנִי הַמֶּלֶך אַתָּה
אָמַרְתָּ אֲדֹנִיָּהוּ יִמְלֹך אַחֲרָי
וְהוּא יֵשֵׁב עַל־כִּסְאִי׃
1Reg 1.25
כִּי יָרַד הַיֺּום וַיִּזְבַּח שׁוֺר
וּמְרִיא־וְצֹאן לָרֹב וַיִּקְרָא
לְכָל־בְּנֵי הַמֶּלֶך וּלְשָׂרֵי הַצָּבָא
וּלְאֶבְיָתָר הַכֹּהֵן וְהִנָּם אֹכְלִים
וְשֹׁתִים לְפָנָיו וַיֺּאמְרוּ יְחִי
הַמֶּלֶך אֲדֹנִיָּהוּ׃
1Reg 1.26
וְלִי אֲנִי־עַבְדֶּךָ וּלְצָדֹק הַכֹּהֵן
וְלִבְנָיָהוּ בֶנ־יְהוֺיָדָע וְלִשְׁלֹמֹה
עַבְדְּךָ לֹא קָרָא׃
1Reg 1.27
אִם מֵאֵת אֲדֹנִי הַמֶּלֶך נִהְיָה
הַדָּבָר הַזֶּה וְלֹא הוֺדַעְתָּ אֶת־עַבְדֶּיךָ 2 עַבְדְּךָ
מִי יֵשֵׁב עַל־כִּסֵּא אֲדֹנִי־הַמֶּלֶך
אַרָיו׃ ס
1Reg 1.28
וַיַּעַן הַמֶּלֶך דָּוִד וַיֺּאמֶר
קִרְאוּ־לִי לְבַת־שָׁבַע וַתָּבֹא
לִפְנֵי הַמֶּלֶך וַתַּעֲמֹד לִפְנֵי
הַמֶּלֶך׃
1Reg 1.29
וַיִּשָּׁבַע הַמֶּלֶך וַיֺּאמַר חַי־יְהוָה
אֲשֶׁר־פָּדָה אֶת־נַפְשִׁי מִכָּל־צָרָה׃
1Reg 1.30
כִּי כַּאֲשֶׁר נִשְׁבַּעְתִּי לָך בַּיהוָה
אֱלֹהֵי יִשְׂרָאֵל לֵאמֹר כִּי־שְׁלֹמֹה
בְנֵך יִמְלֹך אַחֲרַי וְהוּא יֵשֵׁב
עַל־כִּסְאִי תַּחְתָּי כִּי כֵּן אֶעֱשֶׂה
הַיֺּום הַזֶּה׃
1Reg 1.31
וַתִּקֹּד בַּת־שֶׁבַע אַפַּיִם אֶרֶץ
וַתִּשְׁתַּחוּ לַמֶּלֶך וַתֹּאמֶר יְחִי
אֲדֹנִי הַמֶּלֶך דָּוִד לְעֹלָם׃ ף
1Reg 1.32
וַיֺּאמֶר הַמֶּלֶך דָּוִד קִרְאוּ־לִי
לְצָדוֺק הַכֹּהֵן וּלְנָתָן הַנָּבִיא
וְלִבְנָיָהוּ בֶּנ־יְהוֺיָדָע וַיָּבֹאוּ
לִפְנֵי הַמֶּלֶך׃
1Reg 1.33
וַיֺּאמֶר הַמֶּלֶך לָהֶם קְחוּ עִמָּכֶם
אֶת־עַבְדֵי אֲדֹנֵיכֶם וְהִרְכַּבְתֶּם
אֶת־שְׁלֹמֹה בְנִי עַל־הַפִּרְדָּה
אֲשֶׁר־לִי וְהוֺרַדְתֶּם אֹתוֺ אֶלגִּחוֺן׃
1Reg 1.34
וּמָשַׁח אֹתוֺ שָׁם צָדוֺק הַכֹּהֵן
וְנָתָן הַנָּבִיא לְמֶלֶך עַל־יִשְׂרָאֵל
וּתְקַעְתֶּם בַּשּׁוֺפָר וַאֲמַרְתֶּם יְחִי
הַמֶּלֶך שְׁלֹמֹה׃
1Reg 1.35
וַעֲלִיתֶם אַחֲרָיו וּבָא וְיָשַׁב
עַל־כִּסְאִי וְהוּא יִמְלֹך תַּחְתָּי
וְאֹתוֺ צִוִּיתִי לִהְיֺות נָגִיד
עַל־יִשְׂרָאֵל וְעַל־יְהוּדָה׃
1Reg 1.36
וַיַּעַן בְּנָיָהוּ בֶנ־יְהוֺיָדָע
אֶת־הַמֶּלֶך וַיֺּאמֶר אָמֵן כֵּן
יֺאמַר יְהוָה אֱלֹהֵי אֲדֹנִי הַמֶּלֶך׃
1Reg 1.37
כַּאֲשֶׁר הָיָה יְהוָה עִמ־אֲדֹנִי
הַמֶּלֶך כֵּן 1 יְהִי 2 יִהְיֶה עִמ־שְׁלֹמֹה
וִיגַדֵּל אֶת־כִּסְאוֺ מִכִּסֵּא אֲדֹנִי
הַמֶּלֶך דָּוִד׃
1Reg 1.38
וַיֵּרֶד צָדוֺק הַכֹּהֵן וְנָתָן הַנָּבִיא
וּבְנָיָהוּ בֶנ־יְהוֺיָדָע וְהַכְּרֵתִי
וְהַפְּלֵתִי וַיַּרְכִּבוּ אֶת־שְׁלֹמֹה
עַל־פִּרְדַּת הַמֶּלֶך דָּוִד וַיֺּלִכוּ
אֹתוֺ עַל־גִּחוֺן׃
1Reg 1.39
וַיִּקַּח צָדוֺק הַכֹּהֵן אֶת־קֶרֶן
הַשֶּׁמֶן מִנ־הָאֹהֶל וַיִּמְשַׁח אֶת־שְׁלֹמֹה
וַיִּתְקְעוּ בַּשּׁוֺפָר וַיֺּאמְרוּ כָּל־הָעָם
יְחִי הַמֶּלֶך שְׁלֹמֹה׃
1Reg 1.40
וַיַּעֲלוּ כָל־הָעָם אַחֲרָיו וְהָעָם
מְחַלְּלִים בַּחֲלִלִים וּשְׂמֵחִים
שִׂמְחָה גְדוֺלָה וַתִּבָּקַע הָאָרֶץ
בְּקוֺלָם׃
1Reg 1.41
וַיִּשְׁמַע אֲדֹנִיָּהוּ וְכָל־הַקְּרֻאִים
אֲשֶׁר אִתּוֺ וְהֵם כִּלּוּ לֶאֱכֹל
וַיִּשְׁמַע יֺואָב אֶת־קוֺל הַשּׁוֺפָר
וַיֺּאמֶר מַדּוּעַ קוֺל־הַקִּיָה הוֺמָה׃
1Reg 1.42
עוֺדֶנּוּ מְדַבֵּר וְהִנֵּה יֺונָתָן
בֶּנ־אֶבְיָתָר הַכֹּהֵן בָּא וַיֺּאמֶר
אֲדֹנִיָּהוּ בֹּא כִּי אִישׁ חַיִל
אַתָּה וְטוֺב תְּבַשֵּׂר׃
1Reg 1.43
וַיַּעַן יֺונָתָן וַיֺּאמֶר לַאֲדֹנִיָּהוּ
אֲבָל אֲדֹנֵינוּ הַמֶּלֶכְ־דָּוִד
הִמְלִיך אֶת־שְׁלֹמֹה׃
1Reg 1.44
וַיִּשְׁלַח אִתּוֺ־הַמֶּלֶך אֶת־צָדוֺק
הַכֹּהֵן וְאֶת־נָתָן הַנָּבִיא וּבְנָיָהוּ
בֶּנ־יְהוֺיָדָע וְהַכְּרֵתִי וְהַפְּלֵתִי
וַיַּרְכִּבוּ אֹתוֺ ל פִּרְדַּת הַמֶּלֶך׃
1Reg 1.45
וַיִּמְשְׁחוּ אֹתוֺ צָדוֺק הַכֹּהֵן
וְנָתָן הַנָּבִיא לְמֶלֶך בְּגִחוֺן
וַיַּעֲלוּ מִשָּׁם שְׂמֵחִים וַתֵּהֹם
הַקִּרְיָה הוּא הַקּוֺל אֲשֶׁר שְׁמַתֶּם׃
1Reg 1.46
וְגַם יָשַׁב שְׁלֹמֹה עַל כִּסֵּא הַמְּלוּכָה׃
1Reg 1.47
וְגַמ־בָּאוּ עַבְדֵי הַמֶּלֶך לְבָרֵך
אֶת־אֲדֹנֵינוּ הַמֶּלֶך דָּוִד לֵאמֹר
יֵיטֵב 1 אֱלֹהֶיךָ 2 אֱלֹהִים אֶת־שֵׁם
שְׁלֹמֹה מִשְּׁמֶךָ וִיגַדֵּל אֶת־כִּסְאוֺ
מִכִּסְאֶךָ וַיִּשְׁתַּחוּ הַמֶּלֶך עַל־הַמִּשְׁכָּב׃
1Reg 1.48
וְגַמ־כָּכָה אָמַר הַמֶּלֶך בָּרוּך
יְהוָה אֱלֹהֵי יִשְׂרָאֵל אֲשֶׁר
נָתַן הַיֺּום יֺשֵׁב עַל־כִּסְאִי
וְעֵינַי רֹאוֺת׃
1Reg 1.49
וַיֶּחֶרְדוּ וַיָּקֻמוּ כָּל־הַקְּרֻאִים
אֲשֶׁר לַאֲדֹנִיָּהוּ וַיֵּלְכוּ אִישׁ
לְדַרְכּוֺ׃
1Reg 1.50
וַאֲדֹנִיָּהוּ יָרֵא מִפְּנֵי שְׁלֹמֹה
וַיָּקָם וַיֵּלֶך וַיַּחֲזֵק בְּקַרְנֺות
הַמִּזְבֵּחַ׃
1Reg 1.51
וַיֻּגַּד לִשְׁלֹמֹה לֵאמֹר הִנֵּה
אֲדֹנִיָּהוּ יָרֵא אֶת־הַמֶּלֶך שְׁלֹמֹה
וְהִנֵּה אָחַז בְּקַרְנֺות הַמִּזְבֵּחַ
לֵאמֹר יִשָּׁבַע־לִי כַיֺּם הַמֶּלֶך
שְׁלֹמֹה אִמ־יָמִית אֶת־עַבְדּוֺ
בֶּחָרֶב׃
1Reg 1.52
וַיֺּאמֶר שְׁלֹמֹה אִם יִהְיֶה לְבֶנ־חַיִל
לֹא־יִפֹּל מִשַּׂעֲרָתוֺ אָרְצָה וְאִמ־רָעָה
תִמָּצֵא־בוֺ וָמֵת׃
1Reg 1.53
וַיִּשְׁלַח הַמֶּלֶך שְׁלֹמֹה וַיֺּרִדֻהוּ
מֵעַל הַמִּזְבֵּחַ וַיָּבֹא וַיִּשְׁתַּחוּ
לַמֶּלֶך שְׁלֹמֹה וַיֺּאמֶר־לוֺ שְׁלֹמֹה
לֵך לְבֵיתֶךָ׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages