2Sam 23

Full text search

2Sam 23
2Sam 23.1
וְאֵלֶּה דִּבְרֵי דָוִד הָאַחֲרֹנִים
נְאֻם דָּוִד בֶּנ־יִשַׁי וּנְאֻם הַגֶּבֶר
הֻקַם עָל מְשִׁיחַ אֱלֹהֵי יַעֲקֹב
וּנְעִים זְמִרוֺת יִשְׂרָאֵל׃
2Sam 23.2
רוּחַ יְהוָה דִּבֶּר־בִּי וּמִלָּתוֺ
עַל־לְשׁוֺנִי׃
2Sam 23.3
אָמַר אֱלֹהֵי יִשְׂרָאֵל לִי דִבֶּר
צוּר יִשְׂרָאֵל מוֺשֵׁל בָּאָדָם
צַדִּיק מוֺשֵׁל יִרְאַת אֱלֹהִים׃
2Sam 23.4
וּכְאוֺר בֹּקֶר יִזְרַח־שָׁמֶשׁ בֹּקֶר
לֹא עָבוֺת מִנֺּגַהּ מִמָּטָר דֶּשֶׁא
מֵאָרֶץ׃
2Sam 23.5
כִּי־לֹא־כֵן בֵּיתִי עִמ־אֵל כִּי
בְרִית עוֺלָם שָׂם לִי עֲרוּכָה
בַכֹּל וּשְׁמֻרָה כִּי־כָל־יִשְׁעִי
וְכָל־חֵפֶץ כִּי־לֹא יַצְמִיחַ׃
2Sam 23.6
וּבְלִיַּעַל כְּקוֺץ מֻנָד כֻּלָּהַם
כִּי־לֹא בְיָד יִקָּחוּ׃
2Sam 23.7
וְאִישׁ יִגַּע בָּהֶם יִמָּלֵא בַרְזֶל
וְעֵץ חֲנִית וּבָאֵשׁ שָׂרוֺף יִשָּׂרְפוּ
בַּשָּׁבֶת׃ ף
2Sam 23.8
אֵלֶּה שְׁמוֺת הַגִּבֹּרִים אֲשֶׁר לְדָוִד
יֺשֵׁב בַּשֶּׁבֶת תַּחְכְּמֹנִי רֹאשׁ
הַשָּׁלִשִׁי הוּא עֲדִינֺו 1 הָעֶצְנֺו 2 הָעֶצְנִי
עַל־שְׁמֹנֶה מֵאוֺתחָלָל בְּפַעַם 1 אֶחָד 2 אֶחָת׃
ס
2Sam 23.9
וְאַחֲרוֺ 2 וְאַחֲרָיו אֶלְעָזָר בֶּנ־דֹּדִי 2 דֹּדוֺ
בֶּנ־אֲחֹחִי בִּשְׁלֹשָׁה 1 גִּבֹּרִים 2 הַגִּבֹּרִים
עִמ־דָּוִד בְּחָרְפָם בַּפְּלִשְׁתִּים
נֶאֶסְפוּ־שָׁם לַמִּלְחָמָה וַיַּעֲלוּ
אִישׁ יִשְׂרָאֵל׃
2Sam 23.10
הוּא קָם וַיַּך בַּפְּלִשְׁתִּים עַד
כִּי־יָגְעָה יָדוֺ וַתִּדְבַּק יָדוֺ
אֶל־הַחֶרֶב וַיַּעַשׂ יְהוָה תְּשׁוּעָה
גְדוֺלָה בַּיֺּום הַהוּא וְהָעָם
יָשֻׁבוּ אַחֲרָיו אַכְ־לְפַשֵּׁט׃
ס
2Sam 23.11
וְאַחֲרָיו שַׁמָּא בֶנ־אָגֵא הָרָרִי
וַיֵּאָסְפוּ פְלִשְׁתִּים לַחַיָּה וַתְּהִי־שָׁם
חֶלְקַת הַשָּׂדֶה מְלֵאָה עֲדָשִׁים
וְהָעָם נָס מִפְּנֵי פְלִשְׁתִּים׃
2Sam 23.12
וַיִּתְיַצֵּב בְּתוֺכְ־הַחֶלְקָה וַיַּצִּילֶהָ
וַיַּך אֶת־פְּלִשְׁתִּים וַיַּעַשׂ יְהוָה
תְּשׁוּעָה גְדוֺלָה׃ ס
2Sam 23.13
וַיֵּרְדוּ 1 שְׁלֹשִׁים 2 שְׁלֹשָׁה מֵהַשְּׁלֹשִׁים
רֹאשׁ וַיָּבֹאוּ אֶל־קָצִיר אֶל־דָּוִד
אֶל־מְעָרַת עֲדֻלָּם וְחַיַּת פְּלִשְׁתִּים
חֹנָה בְּעֵמֶק רְפָאִי׃
2Sam 23.14
וְדָוִד אָז בַּמְּצוּדָה וּמַצַּב פְּלִשְׁתִּים
אָז בֵּית לָחֶם׃
2Sam 23.15
וַיִּתְאַוֶּה דָוִד וַיֺּאמַר מִי יַשְׁקֵנִי
מַיִם מִבֹּאר בֵּית־לֶחֶם אֲשֶׁר
בַּשָּׁעַר׃
2Sam 23.16
וַיִּבְקְעוּ שְׁלֹשֶׁת הַגִּבֹּרִים בְּמַחֲנֵה
פְלִשְׁתִּים וַיִּשְׁאֲבוּ־מַיִם מִבֹּאר
בֵּית־לֶחֶם אֲשֶׁר בַּשַּׁעַר וַיִּשְׂאוּ
וַיָּבִאוּ אֶל־דָּוִד וְלֹא אָבָה
לִשְׁתּוֺתָם וַיַּסֵּך אֹתָם לַיהוָה׃
2Sam 23.17
וַיֺּאמֶר חָלִילָה לִּי יְהוָה מֵעֲשֹׂתִי
זֺאת הֲדַם הָאֲנָשִׁים הַהֹלְכִים
בְּנַפְשׁוֺתָם וְלֹא אָבָה לִשְׁתּוֺתָם
אֵלֶּה עָשׂוּ שְׁלֹשֶׁת הַגִּרִים׃
ס
2Sam 23.18
וַאֲבִישַׁי אֲחִי יֺואָב בֶּנ־צְרוּיָה
הוּא רֹאשׁ 1 הַשְּׁלֹשִׁי 2 הַשְּׁלֹשָׁה
וְהוּא עוֺרֵר אֶת־חֲנִיתוֺ עַל־שְׁלֹשׁ
מֵאוֺת חָלָל וְלוֺ־שֵׁם בַּשְּׁלֹה׃
2Sam 23.19
מִנ־הַשְּׁלֹשָׁה הֲכִי נִכְבָּד וַיְהִי
לָהֶם לְשָׂר וְעַד־הַשְּׁלֹשָׁה לֹא־בָא׃
ס
2Sam 23.20
וּבְנָיָהוּ בֶנ־יְהוֺיָדָע בֶּנ־אִישׁ־חַי 2 חַיִל
רַב־פְּעָלִים מִקַּבְצְאֵל הוּא
הִכָּה אֵת שְׁנֵי אֲרִאֵל מוֺאָב
וְהוּא יָרַד וְהִכָּה אֶת־אֲרִיַּה 2 הָאֲרִי
בְּתוֺך הַבֹּאר בְּיֺום הַשָּׁלֶג׃
2Sam 23.21
וְהוּא־הִכָּה אֶת־אִישׁ מִצְרִי 1 אֲשֶׁר 2 אִישׁ
מַרְאֶה וּבְיַד הַמִּצְרִי חֲנִית
וַיֵּרֶד אֵלָיו בַּשָּׁבֶט וַיִּגְזֺל
אֶת־הַחֲנִית מִיַּד הַמִּצְרִי וַיַּהַרְגֵהוּ
בַּחֲנִיתוֺ׃
2Sam 23.22
אֵלֶּה עָשָׂה בְּנָיָהוּ בֶּנ־יְהוֺיָדָע
וְלוֺ־שֵׁם בִּשְׁלֹשָׁה הַגִּבֹּרִים׃
2Sam 23.23
מִנ־הַשְּׁלֹשִׁים נִכְבָּד וְאֶל־הַשְּׁלֹשָׁה
לֹא־בָא וַיְשִׂמֵהוּ דָוִד אֶל־מִשְׁמַעְתּוֺ׃
ס
2Sam 23.24
עֲשָׂה־אֵל אֲחִי־יֺואָב בַּשְּׁלֹשִׁים
אֶלְחָנָן בֶּנ־דֹּדוֺ בֵּית לָחֶם׃
2Sam 23.25
שַׁמָּה הַחֲרֹדִי אֱלִיקָא הַחֲרֹדִי׃
ס
2Sam 23.26
חֶלֶץ הַפַּלְטִי עִירָא בֶנ־עִקֵּשׁ
הַתְּקוֺעִי׃ ס
2Sam 23.27
אֲבִיעֶזֶר הָעַנְּתֹתִי מְבֻנַּי הַחֻשָׁתִי׃
ס
2Sam 23.28
צַלְמוֺן הָאֲחֹחִי מַהְרַי הַנְּטֹפָתִי׃
ס
2Sam 23.29
חֵלֶב בֶּנ־בַּעֲנָה הַנְּטֹפָתִי ס
אִתַּי בֶּנ־רִיבַי מִגִּבְעַת בְּנֵי
בִנְיָמִן׃ ס
2Sam 23.30
בְּנָיָהוּ פִּרְעָתֹנִי הִדַּי מִנַּחֲלֵי
גָעַשׁ׃ ס
2Sam 23.31
אֲבִי־עַלְבוֺן הָעַרְבָתִי עַזְמָוֶת
הַבַּרְחֻמִי׃ ס
2Sam 23.32
אֶלְיַחְבָּא הַשַּׁעַלְבֹנִי בְּנֵי יָשֵׁן
יְהוֺנָתָן׃ ס
2Sam 23.33
שַׁמָּה הַהֲרָרִי אֲחִיאָם בֶּנ־שָׁרָר
הָארָרִי׃ ס
2Sam 23.34
אֱלִיפֶלֶט בֶּנ־אֲחַסְבַּי בֶּנ־הַמַּעֲכָתִי
אֱלִיעָם בֶּנ־אֲחִיתֹפֶל הַגִּלֹנִי׃
ס
2Sam 23.35
חֶצְרוֺ 2 חֶצְרַי הַכַּרְמְלִי פַּעֲרַי
הָאַרְבִּי׃ ס
2Sam 23.36
יִגְאָל בֶּנ־נָתָן מִצֹּבָה בָּנִי
הַגָּדִי׃ ס
2Sam 23.37
צֶלֶק הָעַמֹּנִי ס נַחְרַי הַבְּאֵרֹתִי 1 נֺשְׂאֵי 2 נֺשֵׂא
כְּלֵי יֺואָב בֶּנ־צְרֻיָה׃ ס
2Sam 23.38
עִירָא הַיִּתְרִי גָּרֵב הַיִּתְרִי׃
ס
2Sam 23.39
אוּרִיָּה הַחִתִּי כֹּל שְׁלֹשִׁים
וְשִׁבְעָה׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages