2Sam 2

Full text search

2Sam 2
2Sam 2.1
וַיְהִי אַחֲרֵי־כֵן וַיִּשְׁאַל דָּוִד
בַּיהוָה לֵאמֹר הַאֶעֱלֶה בְּאַחַת
עָרֵי יְהוּדָה וַיֺּאמֶר יְהוָה
אֵלָיו עֲלֵה וַיֺּאמֶר דָּוִד אָנָה
אֶעֱלֶה וַיֺּאמֶר חֶבְרֹנָה׃
2Sam 2.2
וַיַּעַל שָׁם דָּוִד וְגַם שְׁתֵּי נָשָׁיו
אֲחִינֺעַם הַיִּזְרְעֵלִית וַאֲבִיגַיִל
אֵשֶׁת נָבָל הַכַּרְמְלִי׃
2Sam 2.3
וַאֲנָשָׁיו אֲשֶׁר־עִמּוֺ הֶעֱלָה דָוִד
אִישׁ וּבֵיתוֺ וַיֵּשְׁבוּ בְּעָרֵי
חֶבְרוֺן׃
2Sam 2.4
וַיָּבֹאוּ אַנְשֵׁי יְהוּדָה וַיִּמְשְׁחוּ־שָׁם
אֶת־דָּוִד לְמֶלֶך עַל־בֵּית יְהוּדָה
וַיַּגִּדוּ לְדָוִד לֵאמֹר אַנְשֵׁי
יָבֵישׁ גִּלְעָד אֲשֶׁר קָרוּ אֶת־שָׁאוּל׃
ס
2Sam 2.5
וַיִּשְׁלַח דָּוִד מַלְאָכִים אֶל־אַנְשֵׁי
יָבֵישׁ גִּלְעָד וַיֺּאמֶר אֲלֵיהֶם
בְּרֻכִים אַתֶּם לַיהוָה אֲשֶׁר
עֲשִׂיתֶם הַחֶסֶד הַזֶּה עִמ־אֲדֹיכֶם
עִמ־שָׁאוּל וַתִּקְבְּרוּ אֹתוֺ׃
2Sam 2.6
וְעַתָּה יַעַשׂ־יְהוָה עִמָּכֶם חֶסֶד
וֶאֱמֶת וְגַם אָנֺכִי אֶעֱשֶׂה אִתְּכֶם
הַטּוֺבָה הַזֺּאת אֲשֶׁר עֲשִׂיתֶם
הַדָּבָר הַזֶּה׃
2Sam 2.7
וְעַתָּה תֶּחֱזַקְנָה יְדֵיכֶם וִהְיוּ
לִבְנֵי־חַיִל כִּי־מֵת אֲדֹנֵיכֶם
שָׁאוּל וְגַמ־אֹתִי מָשְׁחוּ בֵית־יְהוּדָה
לְמֶלֶך עֲלֵיהֶם׃ ף
2Sam 2.8
וְאַבְנֵר בֶּנ־נֵר שַׂר־צָבָא אֲשֶׁר
לְשָׁאוּל לָקַח אֶת־אִישׁ בֹּשֶׁת
בֶּנ־שָׁאוּל וַיַּעֲבִרֵהוּ מַחֲנָיִם׃
2Sam 2.9
וַיַּמְלִכֵהוּ אֶל־הַגִּלְעָד וְאֶל־הָאֲשׁוּרִי
וְאֶל־יִזְרְעֶאל וְעַל־אֶפְרַיִם
וְעַל־בִּנְיָמִן וְעַל־יִשְׂרָאֵל כֻּלֹּה׃
ף
2Sam 2.10
בֶּנ־אַרְבָּעִים שָׁנָה אִישׁ־בֹּשֶׁת
בֶּנ־שָׁאוּל בְּמָלְכוֺ עַל־יִשְׂרָאֵל
וּשְׁתַּיִם שָׁנִים מָלָך אַך בֵּית
יְהוּדָה הָיוּ אַחֲרֵי דָוִד׃
2Sam 2.11
וַיְהִי מִסְפַּר הַיָּמִים אֲשֶׁר
הָיָה דָוִד מֶלֶך בְּחֶבְרוֺן עַל־בֵּית
יְהוּדָה שֶׁבַע שָׁנִים וְשִׁשָּׁה
חֳדָשִׁים׃ ס
2Sam 2.12
וַיֵּצֵא אַבְנֵר בֶּנ־נֵר וְעַבְדֵי
אִישׁ־בֹּשֶׁת בֶּנ־שָׁאוּל מִמַּחֲנַיִם
גִּבְעוֺנָה׃
2Sam 2.13
וְיֺואָב בֶּנ־צְרוּיָה וְעַבְדֵי
דָוִד יָצְאוּ וַיִּפְגְּשׁוּם עַל־בְּרֵכַת
גִּבְעוֺן יַחְדָּו וַיֵּשְׁבוּ אֵלֶּה
עַל־הַבְּרֵכָה מִזֶּה וְאֵלֶּה עַל־הַבְּרֵכָה
מִזֶּה׃
2Sam 2.14
וַיֺּאמֶר אַבְנֵר אֶל־יֺואָב יָקוּמוּ
נָא הַנְּעָרִים וִישַׂחֲקוּ לְפָנֵינוּ
וַיֺּאמֶר יֺואָב יָקֻמוּ׃
2Sam 2.15
וַיָּקֻמוּ וַיַּעַבְרוּ בְמִסְפָּר שְׁנֵים
עָשָׂר לְבִנְיָמִן וּלְאִישׁ בֹּשֶׁת
בֶּנ־שָׁאוּל וּשְׁנֵים עָשָׂר מֵעַבְדֵי
דָוִד׃
2Sam 2.16
וַיַּחֲזִקוּ אִישׁ בְּרֹאשׁ רֵעֵהוּ
וְחַרְבּוֺ בְּצַד רֵעֵהוּ וַיִּפְּלוּ
יַחְדָּו וַיִּקְרָא לַמָּקוֺם הַהוּא
חֶלְקַת הַצֻּרִים אֲשֶׁר בְּגִבְעוֺן׃
2Sam 2.17
וַתְּהִי הַמִּלְחָמָה קָשָׁה עַד־מְאֹד
בַּיֺּום הַהוּא וַיִּנָּגֶף אַבְנֵר
וְאַנְשֵׁי יִשְׂרָאֵל לִפְנֵי עַבְדֵי
דָוִד׃
2Sam 2.18
וַיִּהְיוּ־שָׁם שְׁלֹשָׁה בְּנֵי צְרוּיָה
יֺואָב וַאֲבִישַׁי וַעֲשָׂהאֵל וַעֲשָׂהאֵל
קַל בְּרַגְלָיו כְּאַחַד הַצְּבָיִם
אֲשֶׁר בַּשָּׂדֶה׃
2Sam 2.19
וַיִּרְדֹּף עֲשָׂהאֵל אַחֲרֵי אַבְנֵר
וְלֹא־נָטָה לָלֶכֶת עַל־הַיָּמִין
וְעַל־הַשְּׂמֹאול מֵאַחֲרֵי אַבְנֵר׃
2Sam 2.20
וַיִּפֶן אַבְנֵר אַחֲרָיו וַיֺּאמֶר
הַאַתָּה זֶה עֲשָׂהאֵל וַיֺּאמֶר אָנֺכִי׃
2Sam 2.21
וַיֺּאמֶר לוֺ אַבְנֵר נְטֵה לְךָ
עַל־יְמִינְךָ אוֺ עַל־שְׂמֹאלֶךָ
וֶאֱחֹז לְךָ אֶחָד מֵהַנְּעָרִים
וְקַח־לְךָ אֶת־חֲלִצָתוֺ וְלֹא־אָבָה
עֲשָׂאֵל לָסוּר מֵאַחֲרָיו׃
2Sam 2.22
וַיֺּסֶף עוֺד אַבְנֵר לֵאמֹר אֶל־עֲשָׂהאֵל
סוּר לְךָ מֵאַחֲרָי לָמָּה אַכֶּכָּה
אַרְצָה וְאֵיך אֶשָּׂא פָנַי אֶל־יֺואָב
אָחִיךָ׃
2Sam 2.23
וַיְמָאֵן לָסוּר וַיַּכֵּהוּ אַבְנֵר
בְּאַחֲרֵי הַחֲנִית אֶל־הַחֹמֶשׁ וַתֵּצֵא
הַחֲנִית מֵאַחֲרָיו וַיִּפָּל־שָׁם
וַיָּמָת 1 תַּחַתוֺ 2 תַּחְתָּיו יְהִי כָּל־הַבָּא
אֶל־הַמָּקוֺם אֲשֶׁר־נָפַל שָׁם עֲשָׂהאֵל
וַיָּמֹת וַיַּעֲמֹדוּ׃
2Sam 2.24
וַיִּרְדְּפוּ יֺואָב וַאֲבִישַׁי אַחֲרֵי
אַבְנֵר וְהַשֶּׁמֶשׁ בָּאָה וְהֵמָּה
בָּאוּ עַד־גִּבְעַת אַמָּה אֲשֶׁר עַל־פְּנֵי־גִיחַ
דֶּרֶך מִדְבַּר גִּבְעוֺן׃
2Sam 2.25
וַיִּתְקַבְּצוּ בְנֵי־בִנְיָמִן אַחֲרֵי
אַבְנֵר וַיִּהְיוּ לַאֲגֻדָּה אֶחָת
וַיַּעַמְדוּ עַל רֹאשׁ־גִּבְעָה אֶחָת׃
2Sam 2.26
וַיִּקְרָא אַבְנֵר אֶל־יֺואָב וַיֺּאמֶר
הֲלָנֶצַח תֹּאכַל חֶרֶב הֲלוֺא
יָדַעְתָּה כִּי־מָרָה תִהְיֶה בָּאַחֲרוֺנָה
וְעַד־מָתַי לֹא־תֹאמַר לָעָם
לָשׁוּב מֵאַחֲרֵי אֲחֵיהֶם׃
2Sam 2.27
וַיֺּאמֶר יֺואָב חַי הָאֱלֹהִים
כִּי לוּלֵא דִּבַּרְתָּ כִּי אָז מֵהַבֹּקֶר
נַעֲלָה הָעָם אִישׁ מֵאַחֲרֵי אָחִיו׃
2Sam 2.28
וַיִּתְקַע יֺואָב בַּשּׁוֺפָר וַיַּעַמְדוּ
כָּל־הָעָם וְלֹא־יִרְדְּפוּ עוֺד
אַחֲרֵי יִשְׂרָאֵל וְלֹא־יָסְפוּ
עוֺד לְהִלָּחֵם׃
2Sam 2.29
וְאַבְנֵר וַאֲנָשָׁיו הָלְכוּ בָּעֲרָבָה
כֹּל הַלַּיְלָה הַהוּא וַיַּעַבְרוּ
אֶת־הַיַּרְדֵּן וַיֵּלְכוּ כָּל־הַבִּתְרוֺן
וַיָּבֹאוּ מַחֲנָיִם׃
2Sam 2.30
וְיֺואָב שָׁב מֵאַחֲרֵי אַבְנֵר
וַיִּקְבֹּץ אֶת־כָּל־הָעָם וַיִּפָּקְדוּ
מֵעַבְדֵי דָוִד תִּשְׁעָה־עָשָׂר אִישׁ
וַעֲשָׂהאֵל׃
2Sam 2.31
וְעַבְדֵי דָוִד הִכּוּ מִבִּנְיָמִן
וּבְאַנְשֵׁי אַבְנֵר שְׁלֹשׁ־מֵאוֺת
וְשִׁשִּׁים אִישׁ מֵתוּ׃
2Sam 2.32
וַיִּשְׂאוּ אֶת־עֲשָׂהאֵל וַיִּקְבְּרֻהוּ
בְּקֶבֶר אָבִיו אֲשֶׁר בֵּית לָחֶם
וַיֵּלְכוּ כָל־הַלַּיְלָה יֺואָב וַאֲנָשָׁיו
וַיֵּאֹר לָהֶם בְּחֶבְרוֺן׃

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages