Ruth 4

Full text search

Ruth 4
Ruth 4.1
וּבֹעַז עָלָה הַשַּׁעַר וַיֵּשֶׁב שָׁם
וְהִנֵּה הַגֺּאֵל עֹבֵר אֲשֶׁר דִּבֶּר־בֹּעַז
וַיֺּאמֶר סוּרָה שְׁבָה־פֹּה פְּלֹנִי
אַלְמֹנִי וַיָּסַר וַיֵּב׃
Ruth 4.2
וַיִּקַּח עֲשָׂרָה אֲנָשִׁים מִזִּקְנֵי
הָעִיר וַיֺּאמֶר שְׁבוּ־פֹה וַיֵּשֵׁבוּ׃
Ruth 4.3
וַיֺּאמֶר לַגֺּאֵל חֶלְקַת הַשָּׂדֶה
אֲשֶׁר לְאָחִינוּ לֶאֱלִימֶלֶך מָכְרָה
נָעֳמִי הַשָּׁבָה מִשְּׂדֵה מוֺאָב׃
Ruth 4.4
וַאֲנִי אָמַרְתִּי אֶגְלֶה אָזְנְךָ
לֵאמֹר קְנֵה נֶגֶד הַיֺּשְׁבִים וְנֶגֶד
זִקְנֵי עַמִּי אִמ־תִּגְאַל גְּאָל
וְאִמ־לֹא יִגְאַל הַגִּידָה לִּיּוְאֵדַע 2 וְאֵדְעָה
כִּי אֵין זוּלָתְךָ לִגְאוֺל וְאָנֺכִי
אַחֲרֶיךָ וַיֺּאמֶר אָנֺכִי אֶגְאָל׃
Ruth 4.5
וַיֺּאמֶר בֹּעַז בְּיֺומ־קְנֺותְךָ
הַשָּׂדֶה מִיַּד נָעֳמִי וּמֵאֵת רוּת
הַמּוֺאֲבִיָּה אֵשֶׁת־הַמֵּת 1 קָנִיתִי 2 קָנִיתָה
לְהָקִים שֵׁמ־הַמֵּת עַל־נַחֲלָתוֺ׃
Ruth 4.6
וַיֺּאמֶר הַגֺּאֵל לֹא אוּכַל 1 לִגְאוֺל 2 לִגְאָל־לִי
פֶּנ־אַשְׁחִית אֶת־נַחֲלָתִי גְּאַל־לְךָ
אַתָּה אֶת־גְּאֻלָּתִי כִּי לֹא־אוּכַל
לִגְאֹל׃
Ruth 4.7
וְזֺאת לְפָנִים בְּיִשְׂרָאֵל עַל־הַגְּאוּלָּה
וְעַל־הַתְּמוּרָה לְקַיֵּם כָּל־דָּבָר
שָׁלַף אִישׁ נַעֲלוֺ וְנָתַן לְרֵעֵהוּ
וְזֺאת הַתְּעוּדָה בְּיִשְׂאֵל׃
Ruth 4.8
וַיֺּאמֶר הַגֺּאֵל לְבֹעַז קְנֵה־לָך
וַיִּשְׁלֹף נַעֲלוֺ׃
Ruth 4.9
וַיֺּאמֶר בֹּעַז לַזְּקֵנִים וְכָל־הָעָם
עֵדִים אַתֶּם הַיֺּום כִּי קָנִיתִי
אֶת־כָּל־אֲשֶׁר לֶאֱלִימֶלֶך וְאֵת
כָּל־אֲשֶׁר לְכִלְיֺון וּמַחְלוֺן
מִיַּד נָעֳמִי׃
Ruth 4.10
וְגַם אֶת־רוּת הַמֹּאֲבִיָּה אֵשֶׁת
מַחְלוֺן קָנִיתִי לִי לְאִשָּׁה לְהָקִים
שֵׁמ־הַמֵּת עַל־נַחֲלָתוֺ וְלֹא־יִכָּרֵת
שֵׁמ־הַמֵּת מֵעִם אֶחָיו וּמִשַּׁעַר
מְקוֺמוֺ עֵדִים אַתֶּם הַיֺּום׃
Ruth 4.11
וַיֺּאמְרוּ כָּל־הָעָם אֲשֶׁר־בַּשַּׁעַר
וְהַזְּקֵנִים עֵדִים יִתֵּן יְהוָה
אֶת־הָאִשָּׁה הַבָּאָה אֶל־בֵּיתֶךָ
כְּרָחֵל וּכְלֵאָה אֲשֶׁר בָּנוּ תֵּיהֶם
אֶת־בֵּית יִשְׂרָאֵל וַעֲשֵׂה־חַיִל
בְּאֶפְרָתָה וּקְרָא־שֵׁם בְּבֵית לָחֶם׃
Ruth 4.12
וִיהִי בֵיתְךָ כְּבֵית פֶּרֶץ אֲשֶׁר־יָלְדָה
תָמָר לִיהוּדָה מִנ־הַזֶּרַע אֲשֶׁר
יִתֵּן יְהוָה לְךָ מִנ־הַנַּעֲרָה
הַזֺּאת׃
Ruth 4.13
וַיִּקַּח בֹּעַז אֶת־רוּת וַתְּהִי־לוֺ
לְאִשָּׁה וַיָּבֹא אֵלֶיהָ וַיִּתֵּן יְהוָה
לָהּ הֵרָיֺון וַתֵּלֶד בֵּן׃
Ruth 4.14
וַתֹּאמַרְנָה הַנָּשִׁים אֶל־נָעֳמִי
בָּרוּך יְהוָה אֲשֶׁר לֹא הִשְׁבִּית
לָך גֺּאֵל הַיֺּום וְיִקָּרֵא שְׁמוֺ
בְּיִשְׂרָאֵל׃
Ruth 4.15
וְהָיָה לָך לְמֵשִׁיב נֶפֶשׁ וּלְכַלְכֵּל
אֶת־שֵׂיבָתֵך כִּי כַלָּתֵך אֲשֶׁר־אֲהֵבַתֶך
יְלָדַתּוּ אֲשֶׁר־הִיא טוֺבָה לָך
מִשִּׁבְעָה בָּנִים׃
Ruth 4.16
וַתִּקַּח נָעֳמִי אֶת־הַיֶּלֶד וַתְּשִׁתֵהוּ
בְחֵיקָהּ וַתְּהִי־לוֺ לְאֹמֶנֶת׃
Ruth 4.17
וַתִּקְרֶאנָה לוֺ הַשְּׁכֵנֺות שֵׁם
לֵאמֹר יֻלַּד־בֵּן לְנָעֳמִי וַתִּקְרֶאנָה
שְׁמוֺ עוֺבֵד הוּא אֲבִי־יִשַׁי
אֲבִי דָוִד׃ ף
Ruth 4.18
וְאֵלֶּה תּוֺלְדוֺת פָּרֶץ פֶּרֶץ הוֺלִיד
אֶת־חֶצְרוֺן׃
Ruth 4.19
וְחֶצְרוֺן הוֺלִיד אֶת־רָם וְרָם
הוֺלִיד אֶת־עַמִּינָדָב׃
Ruth 4.20
וְעַמִּינָדָב הוֺלִיד אֶת־נַחְשׁוֺן
וְנַחְשׁוֺן הוֺלִיד אֶת־שַׂלְמָה׃
Ruth 4.21
וְשַׂלְמוֺן הוֺלִיד אֶת־בֹּעַז וּבֹעַז
הוֺלִיד אֶת־עוֺבֵד׃
Ruth 4.22
וְעֹבֵד הוֺלִיד אֶת־יִשָׁי וְיִשַׁי
הוֺלִיד אֶת־דָּוִד׃

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages