Jud 9

Full text search

Jud 9
Jud 9.1
וַיֵּלֶך אֲבִימֶלֶך בֶּנ־יְרֻבַּעַל
שְׁכֶמָה אֶל־אֲחֵי אִמּוֺ וַיְדַבֵּר
אֲלֵיהֶם וְאֶל־כָּל־מִשְׁפַּחַת בֵּית־אֲבִי
אִמּוֺ לֵאמֹר׃
Jud 9.2
דַּבְּרוּ־נָא בְּאָזְנֵי כָל־בַּעֲלֵי
שְׁכֶם מַה־טּוֺב לָכֶם הַמְשֹׁל בָּכֶם
שִׁבְעִים אִישׁ כֹּל בְּנֵי יְרֻבַּעַל
אִמ־מְשֹׁל בָּכֶם אִישׁ אֶחָד וּזְכַרְתֶּם
כִּי־עַצְמֵכֶם וּבְשַׂרְכֶם אָנִי׃
Jud 9.3
וַיְדַבְּרוּ אֲחֵי־אִמּוֺ עָלָיו בְּאָזְנֵי
כָּל־בַּעֲלֵי שְׁכֶם אֵת כָּל־הַדְּבָרִים
הָאֵלֶּה וַיֵּט לִבָּם אַחֲרֵי אֲבִימֶלֶך
כִּי אָמְרוּ חִינוּ הוּא׃
Jud 9.4
וַיִּתְּנוּ־לוֺ שִׁבְעִים כֶּסֶף מִבֵּית
בַּעַל בְּרִית וַיִּשְׂכֹּר בָּהֶם אֲבִימֶלֶך
אֲנָשִׁים רֵיקִים וּפֹחֲזִים וַיֵּלְכוּ
אַחֲרָיו׃
Jud 9.5
וַיָּבֹא בֵית־אָבִיו עָפְרָתָה
וַיַּהֲרֹג אֶת־אֶחָיו בְּנֵי־יְרֻבַּעַל
שִׁבְעִים אִישׁ עַל־אֶבֶן אֶחָת
וַיִּוָּתֵר יֺותָם בֶּנ־יְרֻבַּעַל
הַקָּטֹנכִּי נֶחְבָּא׃ ס
Jud 9.6
וַיֵּאָסְפוּ כָּל־בַּעֲלֵי שְׁכֶם וְכָל־בֵּית
מִלּוֺא וַיֵּלְכוּ וַיַּמְלִיכוּ אֶת־אֲבִימֶלֶך
לְמֶלֶך עִמ־אֵלוֺן מֻצָּב אֲשֶׁר
בִּשְׁכֶם׃
Jud 9.7
וַיַּגִּדוּ לְיֺותָם וַיֵּלֶך וַיַּעֲמֹד
בְּרֹאשׁ הַר־גְּרִזִים וַיִּשָּׂא קוֺלוֺ
וַיִּקְרָא וַיֺּאמֶר לָהֶם שִׁמְעוּ
אֵלַי בַּעֲלֵי שְׁכֶם וְיִשְׁמַע אֲלֵיכֶם
אֱלֹהִים׃
Jud 9.8
הָלוֺך הָלְכוּ הָעֵצִים לִמְשֹׁחַ
עֲלֵיהֶם מֶלֶך וַיֺּאמְרוּ לַזַּיִת 1 מָלוֺכָה 2 מָלְכָה
עָלֵינוּ׃
Jud 9.9
וַיֺּאמֶר לָהֶם הַזַּיִת הֶחֳדַלְתִּי
אֶת־דִּשְׁנִי אֲשֶׁר־בִּי יְכַבְּדוּ
אֱלֹהִים וַאֲנָשִׁים וְהָלַכְתִּי
לָנוּעַ עַל־הָעֵצִים׃
Jud 9.10
וַיֺּאמְרוּ הָעֵצִים לַתְּאֵנָה לְכִי־אַתְּ
מָלְכִי עָלֵינוּ׃
Jud 9.11
וַתֹּאמֶר לָהֶם הַתְּאֵנָה הֶחֳדַלְתִּי
אֶת־מָתְקִי וְאֶת־תְּנוּבָתִי הַטּוֺבָה
וְהָלַכְתִּי לָנוּעַ עַל־הָעֵצִים׃
Jud 9.12
וַיֺּאמְרוּ הָעֵצִים לַגָּפֶן לְכִי־אַתְּ 1 מָלוֺכִי 2 מָלְכִי
עָלֵינוּ׃
Jud 9.13
וַתֹּאמֶר לָהֶם הַגֶּפֶן הֶחֳדַלְתִּי
אֶת־תִּירוֺשִׁי הַמְשַׂמֵּחַ אֱלֹהִים
וַאֲנָשִׁים וְהָלַכְתִּי לָנוּעַ עַל־הָעֵצִים׃
Jud 9.14
וַיֺּאמְרוּ כָל־הָעֵצִים אֶל־הָאָטָד
לֵך אַתָּה מְלָכְ־עָלֵינוּ׃
Jud 9.15
וַיֺּאמֶר הָאָטָד אֶל־הָעֵצִים
אִם בֶּאֱמֶת אַתֶּם מֹשְׁחִים אֹתִי
לְמֶלֶך עֲלֵיכֶם בֹּאוּ חֲסוּ בְצִלִּי
וְאִמ־אַיִן תֵּצֵא אֵשׁ מִנ־הָאָטָד
וְתֹאכַל אֶת־אַרְזֵי הַלְּבָנֺון׃
Jud 9.16
וְעַתָּה אִמ־בֶּאֱמֶת וּבְתָמִים עֲשִׂיתֶם
וַתַּמְלִיכוּ אֶת־אֲבִימֶלֶך וְאִמ־טוֺבָה
עֲשִׂיתֶם עִמ־יְרֻבַּעַל וְעִמ־בֵּיתוֺ
וְאִמ־כִּגְמוּל יָדָיו עֲשִׂיתֶם
לוֺ׃
Jud 9.17
אֲשֶׁר־נִלְחַם אָבִי עֲלֵיכֶם וַיַּשְׁלֵך
אֶת־נַפְשׁוֺ מִנֶּגֶד וַיַּצֵּל אֶתְכֶם
מִיַּד מִדְיָן׃
Jud 9.18
וְאַתֶּם קַמְתֶּם עַל־בֵּית אָבִי
הַיֺּום וַתַּהַרְגוּ אֶת־בָּנָיו
שִׁבְעִים אִישׁ עַל־אֶבֶן אֶחָת
וַתַּמְלִיכוּ אֶת־אֲבִימֶלֶך בֶּנ־אֲמָתוֺ
עַל־בַּעֲלֵי שְׁכֶם כִּי אֲחִיכֶם
הוּא׃
Jud 9.19
וְאִמ־בֶּאֱמֶת וּבְתָמִים עֲשִׂיתֶם
עִמ־יְרֻבַּעַל וְעִמ־בֵּיתוֺ הַיֺּום
הַזֶּה שִׂמְחוּ בַּאֲבִימֶלֶך וְיִשְׂמַח
גַּמ־הוּא בָּכֶם׃
Jud 9.20
וְאִמ־אַיִן תֵּצֵא אֵשׁ מֵאֲבִימֶלֶך
וְתֹאכַל אֶת־בַּעֲלֵי שְׁכֶם וְאֶת־בֵּית
מִלּוֺא וְתֵצֵא אֵשׁ מִבַּעֲלֵי שְׁכֶם
וּמִבֵּית מִלּוֺא וְתֹאכַל אֶ־אֲבִימֶלֶך׃
Jud 9.21
וַיָּנָס יֺותָם וַיִּבְרַח וַיֵּלֶך
בְּאֵרָה וַיֵּשֶׁב שָׁם מִפְּנֵי אֲבִימֶלֶך
אָחִיו׃ ף
Jud 9.22
וַיָּשַׂר אֲבִימֶלֶך עַל־יִשְׂרָאֵל
שָׁלֹשׁ שָׁנִים׃
Jud 9.23
וַיִּשְׁלַח אֱלֹהִים רוּחַ רָעָה
בֵּין אֲבִימֶלֶך וּבֵין בַּעֲלֵי
שְׁכֶם וַיִּבְגְּדוּ בַעֲלֵי־שְׁכֶם
בַּאֲבִימֶלֶך׃
Jud 9.24
לָבוֺא חֲמַס שִׁבְעִים בְּנֵי־יְרֻבָּעַל
וְדָמָם לָשׂוּם עַל־אֲבִימֶלֶך
אֲחִיהֶם אֲשֶׁר הָרַג אוֺתָם וְעַל
בַּעֲלֵי שְׁכֶם אֲשֶׁר־חִזְּקוּ אֶת־יָדָיו
לַהֲרֹג אֶת־אֶחָיו׃
Jud 9.25
וַיָּשִׂימוּ לוֺ בַעֲלֵי שְׁכֶם מְאָרְבִים
עַל רָאשֵׁי הֶהָרִים וַיִּגְזְלוּ
אֵת כָּל־אֲשֶׁר־יַעֲבֹר עֲלֵיהֶם
בַּדָּרֶך וַיֻּגַּד לַאֲבִימֶלֶכְ׃ף
Jud 9.26
וַיָּבֹא גַּעַל בֶּנ־עֶבֶד וְאֶחָיו
וַיַּעַבְרוּ בִּשְׁכֶם וַיִּבְטְחוּ־בוֺ
בַּעֲלֵי שְׁכֶם׃
Jud 9.27
וַיֵּצְאוּ הַשָּׂדֶה וַיִּבְצְרוּ אֶת־כַּרְמֵיהֶם
וַיִּדְרְכוּ וַיַּעֲשׂוּ הִלּוּלִים וַיָּבֹאוּ
בֵּית אֱלֹהֵיהֶם וַיֺּאכְלוּ וַיִּשְׁתּוּ
וַיְקַלְלוּ אֶת־אֲבִימֶלֶך׃
Jud 9.28
וַיֺּאמֶר גַּעַל בֶּנ־עֶבֶד מִי־אֲבִימֶלֶך
וּמִי־שְׁכֶם כִּי נַעַבְדֶנּוּ הֲלֹא
בֶנ־יְרֻבַּעַל וּזְבֻל פְּקִידוֺ עִבְדוּ
אֶת־אַנְשֵׁי חֲמוֺר אֲבִי שְׁכֶם
וּמַדּוּעַ נַעַבְדֶנּוּ אֲנָחְנוּ׃
Jud 9.29
וּמִי יִתֵּן אֶת־הָעָם הַזֶּה בְּיָדִי
וְאָסִירָה אֶת־אֲבִימֶלֶך וַיֺּאמֶר
לַאֲבִימֶלֶך רַבֶּה צְבָאֲךָ וָצֵאָה׃
Jud 9.30
וַיִּשְׁמַע זְבֻל שַׂר־הָעִיר אֶת־דִּבְרֵי
גַּעַל בֶּנ־עָבֶד וַיִּחַר אַפּוֺ׃
Jud 9.31
וַיִּשְׁלַח מַלְאָכִים אֶל־אֲבִימֶלֶך
בְּתָרְמָה לֵאמֹר הִנֵּה גַעַל בֶּנ־עֶבֶד
וְאֶחָיו בָּאִים שְׁכֶמָה וְהִנָּם
צָרִים אֶת־הָעִיר עָלֶיךָ׃
Jud 9.32
וְעַתָּה קוּם לַיְלָה אַתָּה וְהָעָם
אֲשֶׁר־אִתָּך וֶאֱרֹב בַּשָּׂדֶה׃
Jud 9.33
וְהָיָה בַבֹּקֶר כִּזְרֹחַ הַשֶּׁמֶשׁ
תַּשְׁכִּים וּפָשַׁטְתָּ עַל־הָעִיר וְהִנֵּה־הוּא
וְהָעָם אֲשֶׁר־אִתּוֺ יֺצְאִים אֵלֶיךָ
וְעָשִׂיתָ לּוֺ כַּאֲר תִּמְצָא יָדֶךָ׃
ס
Jud 9.34
וַיָּקָם אֲבִימֶלֶך וְכָל־הָעָם
אֲשֶׁר־עִמּוֺ לָיְלָה וַיֶּאֶרְבוּ עַל־שְׁכֶם
אַרְבָּעָה רָאשִׁים׃
Jud 9.35
וַיֵּצֵא גַּעַל בֶּנ־עֶבֶד וַיַּעֲמֹד
פֶּתַח שַׁעַר הָעִיר וַיָּקָם אֲבִימֶלֶך
וְהָעָם אֲשֶׁר־אִתּוֺ מִנ־הַמַּאְרָב׃
Jud 9.36
וַיַּרְא־גַּעַל אֶת־הָעָם וַיֺּאמֶר
אֶל־זְבֻל הִנֵּה־עָם יֺורֵד מֵרָאשֵׁי
הֶהָרִים וַיֺּאמֶר אֵלָיו זְבֻל
אֵת צֵל הֶהָרִים אַתָּה רֹאֶה
כָּאֲנָשִׁים׃ ס
Jud 9.37
וַיֺּסֶף עוֺד גַּעַל לְדַבֵּר וַיֺּאמֶר
הִנֵּה־עָם יֺורְדִים מֵעִם טַבּוּר
הָאָרֶץ וְרֹאשׁ־אֶחָד בָּא מִדֶּרֶך
אֵלוֺן מְעוֺנְנִים׃
Jud 9.38
וַיֺּאמֶר אֵלָיו זְבֻל אַיֵּה אֵפוֺא
פִיךָ אֲשֶׁר תֹּאמַר מִי אֲבִימֶלֶך
כִּי נַעַבְדֶנּוּ הֲלֹא זֶה הָעָם
אֲשֶׁר מָאַסְתָּה בּוֺ צֵא־א עַתָּה
וְהִלָּחֶם בּוֺ׃ ס
Jud 9.39
וַיֵּצֵא גַעַל לִפְנֵי בַּעֲלֵי שְׁכֶם
וַיִּלָּחֶם בַּאֲבִימֶלֶך׃
Jud 9.40
וַיִּרְדְּפֵהוּ אֲבִימֶלֶך וַיָּנָס מִפָּנָיו
וַיִּפְּלוּ חֲלָלִים רַבִּים עַד־פֶּתַח
הַשָּׁעַר׃
Jud 9.41
וַיֵּשֶׁב אֲבִימֶלֶך בָּארוּמָה וַיְגָרֶשׁ
זְבֻל אֶת־גַּעַל וְאֶת־אֶחָיו
מִשֶּׁבֶת בִּשְׁכֶם׃
Jud 9.42
וַיְהִי מִמָּחֳרָת וַיֵּצֵא הָעָם הַשָּׂדֶה
וַיַּגִּדוּ לַאֲבִימֶלֶך׃
Jud 9.43
וַיִּקַּח אֶת־הָעָם וַיֶּחֱצֵם לִשְׁלֹשָׁה
רָאשִׁים וַיֶּאֱרֹב בַּשָּׂדֶה וַיַּרְא
וְהִנֵּה הָעָם יֺצֵא מִנ־הָעִיר
וַיָּקָם עֲלֵיהֶם וַיַּכֵּם׃
Jud 9.44
וַאֲבִימֶלֶך וְהָרָאשִׁים אֲשֶׁר
עִמּוֺ פָּשְׁטוּ וַיַּעַמְדוּ פֶּתַח שַׁעַר
הָעִיר וּשְׁנֵי הָרָאשִׁים פָּשְׁטוּ
עַל־כָּל־אֲשֶׁר בַּשָּׂדֶה וַיַּכּוּם׃
Jud 9.45
וַאֲבִימֶלֶך נִלְחָם בָּעִיר כֹּל
הַיֺּום הַהוּא וַיִּלְכֹּד אֶת־הָעִיר
וְאֶת־הָעָם אֲשֶׁר־בָּהּ הָרָג וַיִּתֹּץ
אֶת־הָעִיר וַיִּזְרָעֶהָ מֶלַח׃ף
Jud 9.46
וַיִּשְׁמְעוּ כָּל־בַּעֲלֵי מִגְדַּל־שְׁכֶם
וַיָּבֹאוּ אֶל־צְרִיחַ בֵּית אֵל
בְּרִית׃
Jud 9.47
וַיֻּגַּד לַאֲבִימֶלֶך כִּי הִתְקַבְּצוּ
כָּל־בַּעֲלֵי מִגְדַּל־שְׁכֶם׃
Jud 9.48
וַיַּעַל אֲבִימֶלֶך הַר־צַלְמוֺן
הוּא וְכָל־הָעָם אֲשֶׁר־אִתּוֺ
וַיִּקַּח אֲבִימֶלֶך אֶת־הַקַּרְדֻּמּוֺת
בְּיָדוֺ וַיִּכְרֹת שׂוֺכַת עֵצִים
וַיִּשָּׂאֶהָ וַיָּשֶׂם עַל־שִׁכְמוֺ וַיֺּאמֶר
אֶל־הָעָם אֲשֶׁר־עִמּוֺ מָה רְאִיתֶם
עָשִׂיתִי מַהֲרוּ עֲשׂוּ כָמוֺנִי׃
Jud 9.49
וַיִּכְרְתוּ גַמ־כָּל־הָעָם אִישׁ
שׂוֺכֹה וַיֵּלְכוּ אַחֲרֵי אֲבִימֶלֶך
וַיָּשִׂימוּ עַל־הַצְּרִיחַ וַיַּצִּיתוּ
עֲלֵיהֶם אֶת־הַצְּרִיחַ בָּאֵ וַיָּמֻתוּ
גַּם כָּל־אַנְשֵׁי מִגְדַּל־שְׁכֶם כְּאֶלֶף
אִישׁ וְאִשָּׁה׃ ף
Jud 9.50
וַיֵּלֶך אֲבִימֶלֶך אֶל־תֵּבֵץ וַיִּחַן
בְּתֵבֵץ וַיִּלְכְּדָהּ׃
Jud 9.51
וּמִגְדַּל־עֹז הָיָה בְתוֺכְ־הָעִיר
וַיָּנֻסוּ שָׁמָּה כָּל־הָאֲנָשִׁים וְהַנָּשִׁים
וְכֹל בַּעֲלֵי הָעִיר וַיִּסְגְּרוּ
בַּעֲדָם וַיַּעֲלוּ עַל־גַּג הַמִּגְדָּל׃
Jud 9.52
וַיָּבֹא אֲבִימֶלֶך עַד־הַמִּגְדָּל
וַיִּלָּחֶם בּוֺ וַיִּגַּשׁ עַד־פֶּתַח
הַמִּגְדָּל לְשָׂרְפוֺ בָאֵשׁ׃
Jud 9.53
וַתַּשְׁלֵך אִשָּׁה אַחַת פֶּלַח רֶכֶב
עַל־רֹאשׁ אֲבִימֶלֶך וַתָּרִץ אֶת־גֻּלְגָּלְתּוֺ׃
Jud 9.54
וַיִּקְרָא מְהֵרָה אֶל־הַנַּעַר נֺשֵׂא
כֵלָיו וַיֺּאמֶר לוֺ שְׁלֹף חַרְבְּךָ
וּמוֺתְתֵנִי פֶּנ־יֺאמְרוּ לִי
אִשָּׁה הֲרָגָתְהוּ וַיִּדְקְרֵהוּ נַעֲרוֺ
וַיָּמֹת׃
Jud 9.55
וַיִּרְאוּ אִישׁ־יִשְׂרָאֵל כִּי מֵת
אֲבִימֶלֶך וַיֵּלְכוּ אִישׁ לִמְקֹמוֺ׃
Jud 9.56
וַיָּשֶׁב אֱלֹהִים אֵת רָעַת אֲבִימֶלֶך
אֲשֶׁר עָשָׂה לְאָבִיו לַהֲרֹג אֶת־שִׁבְעִים
אֶחָיו׃
Jud 9.57
וְאֵת כָּל־רָעַת אַנְשֵׁי שְׁכֶם
הֵשִׁיב אֱלֹהִים בְּרֹאשָׁם וַתָּבֹא
אֲלֵיהֶם קִלֲלַת יֺותָם בֶּנ־יְרֻבָּעַל׃
ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages