Jud 4

Full text search

Jud 4
Jud 4.1
וַיֺּסִפוּ בְּנֵי יִשְׂרָאֵל לַעֲשׂוֺת
הָרַע בְּעֵינֵי יְהוָה וְאֵהוּד
מֵת׃
Jud 4.2
וַיִּמְכְּרֵם יְהוָה בְּיַד יָבִין
מֶלֶכְ־כְּנַעַן אֲשֶׁר מָלַך בְּחָצוֺר
וְשַׂר־צְבָאוֺ סִיסְרָא וְהוּא
יֺושֵׁב בַּחֲרֹשֶׁת הַגֺּויִם׃
Jud 4.3
וַיִּצְעֲקוּ בְנֵי־יִשְׂרָאֵל אֶל־יְהוָה
כִּי תְּשַׁע מֵאוֺת רֶכֶב־בַּרְזֶל
לוֺ וְהוּא לָחַץ אֶת־בְּנֵי יִשְׂרָאֵל
בְּחָזְקָה עֶשְׂרִים שָׁנָה׃ ס
Jud 4.4
וּדְבוֺרָה אִשָּׁה נְבִיאָה אֵשֶׁת
לַפִּידוֺת הִיא שֹׁפְטָה אֶת־יִשְׂרָאֵל
בָּעֵת הַהִיא׃
Jud 4.5
וְהִיא יֺושֶׁבֶת תַּחַת־תֹּמֶר דְּבוֺרָה
בֵּין הָרָמָה וּבֵין בֵּית־אֵל
בְּהַר אֶפְרָיִם וַיַּעֲלוּ אֵלֶיהָ
בְּנֵי יִשְׂרָאֵל לַמִּשְׁפָּט׃
Jud 4.6
וַתִּשְׁלַח וַתִּקְרָא לְבָרָק בֶּנ־אֲבִינֺעַם
מִקֶּדֶשׁ נַפְתָּלִי וַתֹּאמֶר אֵלָיו
הֲלֹא צִוָּה יְהוָה אֱלֹהֵי־יִשְׂרָאֵל
לֵך וּמָשַׁכְתָּ בְּהַר תָּבוֺר וְלָקַחְתָּ
עִמְּךָ עֲשֶׂרֶת אֲלָפִים אִישׁ מִבְּנֵי
נַפְתָּלִי וּמִבְּנֵי זְבֻלוּן׃
Jud 4.7
וּמָשַׁכְתִּי אֵלֶיךָ אֶל־נַחַל קִישׁוֺן
אֶת־סִיסְרָא שַׂר־צְבָא יָבִין
וְאֶת־רִכְבּוֺ וְאֶת־הֲמוֺנֺו וּנְתַתִּיהוּ
בְּיָדֶךָ׃
Jud 4.8
וַיֺּאמֶר אֵלֶיהָ בָּרָק אִמ־תֵּלְכִי
עִמִּי וְהָלָכְתִּי וְאִמ־לֹא תֵלְכִי
עִמִּי לֹא אֵלֵך׃
Jud 4.9
וַתֹּאמֶר הָלֹך אֵלֵך עִמָּך אֶפֶס
כִּי לֹא תִהְיֶה תִּפְאַרְתְּךָ עַל־הַדֶּרֶך
אֲשֶׁר אַתָּה הוֺלֵך כִּי בְיַד־אִשָּׁה
יִמְכֹּר יְהוָה אֶת־סִיסְרָא וַתָּקָם
דְּבוֺרָה וַתֵּלֶך עִמ־בָּרָק קֶדְשָׁה׃
Jud 4.10
וַיַּזְעֵק בָּרָק אֶת־זְבוּלֻן וְאֶת־נַפְתָּלִי
קֶדְשָׁה וַיַּעַל בְּרַגְלָיו עֲשֶׂרֶת
אַלְפֵי אִישׁ וַתַּעַל עִמּוֺ דְּבוֺרָה׃
Jud 4.11
וְחֶבֶר הַקֵּינִי נִפְרָד מִקַּיִן
מִבְּנֵי חֹבָב חֹתֵן מֹשֶׁה וַיֵּט
אָהֳלוֺ עַד־אֵלוֺן 1 בַּצְעַנִּים 2 בְּצַעֲנַנִּים
אֲשֶׁר אֶת־קֶדֶשׁ׃
Jud 4.12
וַיַּגִּדוּ לְסִיסְרָא כִּי עָלָה
בָּרָק בֶּנ־אֲבִינֺעַם הַר־תָּבוֺר׃
ס
Jud 4.13
וַיַּזְעֵק סִיסְרָא אֶת־כָּל־רִכְבּוֺ
תְּשַׁע מֵאוֺת רֶכֶב בַּרְזֶל וְאֶת־כָּל־הָעָם
אֲשֶׁר אִתּוֺ מֵחֲרֹשֶׁת הַגֺּויִם
אֶל־נַחַל קִישׁוֺן׃
Jud 4.14
וַתֹּאמֶר דְּבֹרָה אֶל־בָּרָק קוּם
כִּי זֶה הַיֺּום אֲשֶׁר נָתַן יְהוָה
אֶת־סִיסְרָא בְּיָדֶךָ הֲלֹא יְהוָה
יָצָא לְפָנֶיךָ וַיֵּרֶד בָּרָ מֵהַר
תָּבוֺר וַעֲשֶׂרֶת אֲלָפִים אִישׁ
אַחֲרָיו׃
Jud 4.15
וַיָּהָם יְהוָה אֶת־סִיסְרָא וְאֶת־כָּל־הָרֶכֶב
וְאֶת־כָּל־הַמַּחֲנֶה לְפִי־חֶרֶב
לִפְנֵי בָרָק וַיֵּרֶד סִיסְרָא מֵעַל
הַמֶּרְכָּבָה וַיָּנָס בְּרַגְלָיו׃
Jud 4.16
וּבָרָק רָדַף אַחֲרֵי הָרֶכֶב וְאַחֲרֵי
הַמַּחֲנֶה עַד חֲרֹשֶׁת הַגֺּויִם וַיִּפֹּל
כָּל־מַחֲנֵה סִיסְרָא לְפִי־חֶרֶב
לֹא נִשְׁאַר עַד־אֶחָד׃
Jud 4.17
וְסִיסְרָא נָס בְּרַגְלָיו אֶל־אֹהֶל
יָעֵל אֵשֶׁת חֶבֶר הַקֵּינִי כִּי
שָׁלוֺם בֵּין יָבִין מֶלֶכְ־חָצוֺר
וּבֵין בֵּית חֶבֶר הַקֵּינִי׃
Jud 4.18
וַתֵּצֵא יָעֵל לִקְרַאת סִיסְרָא
וַתֹּאמֶר אֵלָיו סוּרָה אֲדֹנִי
סוּרָה אֵלַי אַל־תִּירָא וַיָּסַר
אֵלֶיהָ הָאֹהֱלָה וַתְּכַסֵּהוּ בַּשְּׂמִיכָה׃
Jud 4.19
וַיֺּאמֶר אֵלֶיהָ הַשְׁקִינִי־נָא
מְעַט־מַיִם כִּי צָמֵאתִי וַתִּפְתַּח
אֶת־נֺאוד הֶחָלָב וַתַּשְׁקֵהוּ
וַתְּכַסֵּהוּ׃
Jud 4.20
וַיֺּאמֶר אֵלֶיהָ עֲמֹד פֶּתַח הָאֹהֶל
וְהָיָה אִמ־אִישׁ יָבוֺא וּשְׁאֵלֵך
וְאָמַר הֲיֵשׁ־פֹּה אִישׁ וְאָמַרְתְּ
אָיִן׃
Jud 4.21
וַתִּקַּח יָעֵל אֵשֶׁת־חֶבֶר אֶת־יְתַד
הָאֹהֶל וַתָּשֶׂם אֶת־הַמַּקֶּבֶת בְּיָדָהּ
וַתָּבוֺא אֵלָיו בַּלָּאט וַתִּתְקַע
אֶת־הַיָּתֵד בְּרַקָּתוֺ וַצְנַח בָּאָרֶץ
וְהוּא־נִרְדָּם וַיָּעַף וַיָּמֹת׃
Jud 4.22
וְהִנֵּה בָרָק רֹדֵף אֶת־סִיסְרָא
וַתֵּצֵא יָעֵל לִקְרָאתוֺ וַתֹּאמֶר
לוֺ לֵך וְאַרְאֶךָּ אֶת־הָאִישׁ אֲשֶׁר־אַתָּה
מְבַקֵּשׁ וַיָּבֹא אֵלֶיהָ הִנֵּה סִיסְרָא
נֺפֵל מֵת וְהַיָּתֵד בְּרַקָּתוֺ׃
Jud 4.23
וַיַּכְנַע אֱלֹהִים בַּיֺּום הַהוּא
אֵת יָבִין מֶלֶכְ־כְּנָעַן לִפְנֵי
בְּנֵי יִשְׂרָאֵל׃
Jud 4.24
וַתֵּלֶך יַד בְּנֵי־יִשְׂרָאֵל הָלוֺך
וְקָשָׁה עַל יָבִין מֶלֶכְ־כְּנָעַן
עַד אֲשֶׁר הִכְרִיתוּ אֵת יָבִין
מֶלֶכְ־כְּנָעַן׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages