Jud 20

Full text search

Jud 20
Jud 20.1
וַיֵּצְאוּ כָּל־בְּנֵי יִשְׂרָאֵל וַתִּקָּהֵל
הָעֵדָה כְּאִישׁ אֶחָד לְמִדָּן וְעַד־בְּאֵר
שֶׁבַע וְאֶרֶץ הַגִּלְעָד אֶל־יְהוָה
הַמִּצְפָּה׃
Jud 20.2
וַיִּתְיַצְּבוּ פִּנֺּות כָּל־הָעָם כֹּל
שִׁבְטֵי יִשְׂרָאֵל בִּקְהַל עַמהָאֱלֹהִים
אַרְבַּע מֵאוֺת אֶלֶף אִישׁ רַגְלִי
שֹׁלֵף חָרֶב׃ ף
Jud 20.3
וַיִּשְׁמְעוּ בְּנֵי בִנְיָמִן כִּי־עָלוּ
בְנֵי־יִשְׂרָאֵל הַמִּצְפָּה וַיֺּאמְרוּ
בְּנֵי יִשְׂרָאֵל דַּבְּרוּ אֵיכָה נִהְיְתָה
הָרָעָה הַזֺּאת׃
Jud 20.4
וַיַּעַן הָאִישׁ הַלֵּוִי אִישׁ הָאִשָּׁה
הַנִּרְצָחָה וַיֺּאמַר הַגִּבְעָתָה אֲשֶׁר
לְבִנְיָמִן בָּאתִי אֲנִי וּפִילַגְשִׁי
לָלוּן׃
Jud 20.5
וַיָּקֻמוּ עָלַי בַּעֲלֵי הַגִּבְעָה
וַיָּסֹבּוּ עָלַי אֶת־הַבַּיִת לָיְלָה
אוֺתִי דִּמּוּ לַהֲרֹג וְאֶת־פִּילַגְשִׁי
עִנּוּ וַתָּמֹת׃
Jud 20.6
וָאֹחֵז בְּפִילַגְשִׁי וָאֲנַתְּחֶהָ
וָאֲשַׁלְּחֶהָ בְּכָל־שְׂדֵה נַחֲלַת יִשְׂרָאֵל
כִּי עָשׂוּ זִמָּה וּנְבָלָה בְּיִשְׂרָאֵל׃
Jud 20.7
הִנֵּה כֻלְּכֶם בְּנֵי יִשְׂרָאֵל הָבוּ
לָכֶם דָּבָר וְעֵצָה הֲלֹם׃
Jud 20.8
וַיָּקָם כָּל־הָעָם כְּאִישׁ אֶחָד
לֵאמֹר לֹא נֵלֵך אִישׁ לְאָהֳלוֺ
וְלֹא נָסוּר אִישׁ לְבֵיתוֺ׃
Jud 20.9
וְעַתָּה זֶה הַדָּבָר אֲשֶׁר נַעֲשֶׂה
לַגִּבְעָה עָלֶיהָ בְּגֺורָל׃
Jud 20.10
וְלָקַחְנוּ עֲשָׂרָה אֲנָשִׁים לַמֵּאָה
לְכֹל שִׁבְטֵי יִשְׂרָאֵל וּמֵאָה לָאֶלֶף
וְאֶלֶף לָרְבָבָה לָקַחַת צֵדָה לָעָם
לַעֲשׂוֺת לְבוֺאָם לְבַע בִּנְיָמִן
כְּכָל־הַנְּבָלָה אֲשֶׁר עָשָׂה בְּיִשְׂרָאֵל׃
Jud 20.11
וַיֵּאָסֵף כָּל־אִישׁ יִשְׂרָאֵל אֶל־הָעִיר
כְּאִישׁ אֶחָד חֲבֵרִים׃ ף
Jud 20.12
וַיִּשְׁלְחוּ שִׁבְטֵי יִשְׂרָאֵל אֲנָשִׁים
בְּכָל־שִׁבְטֵי בִנְיָמִן לֵאמֹר מָה
הָרָעָה הַזֺּאת אֲשֶׁר נִהְיְתָה
בָּכֶם׃
Jud 20.13
וְעַתָּה תְּנוּ אֶת־הָאֲנָשִׁים בְּנֵי־בְלִיַּעַל
אֲשֶׁר בַּגִּבְעָה וּנְמִיתֵם וּנְבַעֲרָה
רָעָה מִיִּשְׂרָאֵל וְלֹא אָבוּ 1 זז 2 בְּנֵי
בִּנְיָמִן לִשְׁמֹעַ בְּקוֺל אֲחֵיהֶם
בְּנֵי־יִשְׂרָאֵל׃
Jud 20.14
וַיֵּאָסְפוּ בְנֵי־בִנְיָמִן מִנ־הֶעָרִים
הַגִּבְעָתָה לָצֵאת לַמִּלְחָמָה עִמ־בְּנֵי
יִשְׂרָאֵל׃
Jud 20.15
וַיִּתְפָּקְדוּ בְנֵי בִנְיָמִן בַּיֺּום
הַהוּא מֵהֶעָרִים עֶשְׂרִים וְשִׁשָּׁה
אֶלֶף אִישׁ שֹׁלֵף חָרֶב לְבַד מִיֺּשְׁבֵי
הַגִּבְעָה הִתְפָּקְוּ שְׁבַע מֵאוֺת
אִישׁ בָּחוּר׃
Jud 20.16
מִכֹּל הָעָם הַזֶּה שְׁבַע מֵאוֺת
אִישׁ בָּחוּר אִטֵּר יַד־יְמִינֺו
כָּל־זֶה קֹלֵעַ בָּאֶבֶן אֶל־הַשַּׂעֲרָה
וְלֹא יַחֲטִא׃ ף
Jud 20.17
וְאִישׁ יִשְׂרָאֵל הִתְפָּקְדוּ לְבַד
מִבִּנְיָמִן אַרְבַּע מֵאוֺת אֶלֶף
אִישׁ שֹׁלֵף חָרֶב כָּל־זֶה אִישׁ
מִלְחָמָה׃
Jud 20.18
וַיָּקֻמוּ וַיַּעֲלוּ בֵית־אֵל וַיִּשְׁאֲלוּ
בֵאלֹהִים וַיֺּאמְרוּ בְּנֵי יִשְׂרָאֵל
מִי יַעֲלֶה־לָּנוּ בַתְּחִלָּה לַמִּלְחָמָה
עִמ־בְּנֵי בִנְיָמִן וַיֺּאמֶר יְהוָה
יְהוּדָה בַתְּחִלָּה׃
Jud 20.19
וַיָּקוּמוּ בְנֵי־יִשְׂרָאֵל בַּבֹּקֶר
וַיַּחֲנוּ עַל־הַגִּבְעָה׃ ף
Jud 20.20
וַיֵּצֵא אִישׁ יִשְׂרָאֵל לַמִּלְחָמָה
עִמ־בִּנְיָמִן וַיַּעַרְכוּ אִתָּם אִישׁ־יִשְׂרָאֵל
מִלְחָמָה אֶל־הַגִּבְעָה׃
Jud 20.21
וַיֵּצְאוּ בְנֵי־בִנְיָמִן מִנ־הַגִּבְעָה
וַיַּשְׁחִיתוּ בְיִשְׂרָאֵל בַּיֺּום
הַהוּא שְׁנַיִם וְעֶשְׂרִים אֶלֶף
אִישׁ אָרְצָה׃
Jud 20.22
וַיִּתְחַזֵּק הָעָם אִישׁ יִשְׂרָאֵל
וַיֺּסִפוּ לַעֲרֹך מִלְחָמָה בַּמָּקוֺם
אֲשֶׁר־עָרְכוּ שָׁם בַּיֺּום הָרִאשׁוֺן׃
Jud 20.23
וַיַּעֲלוּ בְנֵי־יִשְׂרָאֵל וַיִּבְכּוּ
לִפְנֵי־יְהוָה עַד־הָעֶרֶב וַיִּשְׁאֲלוּ
בַיהוָה לֵאמֹר הַאוֺסִיף לָגֶשֶׁת
לַמִּלְחָמָה עִמ־בְּנֵי בִנְיָמִן אָחִי
וַיֺּאמֶר יְהוָה עֲלוּ אֵלָיו׃
ף
Jud 20.24
וַיִּקְרְבוּ בְנֵי־יִשְׂרָאֵל אֶל־בְּנֵי
בִנְיָמִן בַּיֺּום הַשֵּׁנִי׃
Jud 20.25
וַיֵּצֵא בִנְיָמִן לִקְרָאתָם מִנ־הַגִּבְעָה
בַּיֺּום הַשֵּׁנִי וַיַּשְׁחִיתוּ בִבְנֵי
יִשְׂרָאֵל עוֺד שְׁמֹנַת עָשָׂר אֶלֶף
אִישׁ אָרְצָה כָּל־אֵלֶּה שֹׁלְפֵי
חָרֶב׃
Jud 20.26
וַיַּעֲלוּ כָל־בְּנֵי יִשְׂרָאֵל וְכָל־הָעָם
וַיָּבֹאוּ בֵית־אֵל וַיִּבְכּוּ וַיֵּשְׁבוּ
שָׁם לִפְנֵי יְהוָה וַיָּצוּמוּ בַיֺּומ־הַהוּא
עַד־הָעָרֶב וַיַּעֲלוּ עֹלוֺת וּשְׁלָמִים
לִפְנֵי יְהוָה׃
Jud 20.27
וַיִּשְׁאֲלוּ בְנֵי־יִשְׂרָאֵל בַּיהוָה
וְשָׁם אֲרוֺן בְּרִית הָאֱלֹהִים
בַּיָּמִים הָהֵם׃
Jud 20.28
וּפִינְחָס בֶּנ־אֶלְעָזָר בֶּנ־אַהֲרֹן
עֹמֵד לְפָנָיו בַּיָּמִים הָהֵם לֵאמֹר
הַאוֺסִף עוֺד לָצֵאת לַמִּלְחָמָה
עִמ־בְּנֵי־בִנְיָמִן אָחִי אִמאֶחְדָּל
וַיֺּאמֶר יְהוָה עֲלוּ כִּי מָחָר
אֶתְּנֶנּוּ בְיָדֶךָ׃
Jud 20.29
וַיָּשֶׂם יִשְׂרָאֵל אֹרְבִים אֶל־הַגִּבְעָה
סָבִיב׃ ף
Jud 20.30
וַיַּעֲלוּ בְנֵי־יִשְׂרָאֵל אֶל־בְּנֵי
בִנְיָמִן בַּיֺּום הַשְּׁלִישִׁי וַיַּעַרְכוּ
אֶל־הַגִּבְעָה כְּפַעַם בְּפָעַם׃
Jud 20.31
וַיֵּצְאוּ בְנֵי־בִנְיָמִן לִקְרַאת
הָעָם הָנְתְּקוּ מִנ־הָעִיר וַיָּחֵלּוּ
לְהַכּוֺת מֵהָעָם חֲלָלִים כְּפַעַם
בְּפַעַם בַּמְסִלּוֺת אֲשֶׁר אַחַת עֹלָה
בֵית־אֵל וְאַחַת גִּבְעָתָה בַּשָּׂדֶה
כִּשְׁלֹשִׁים אִישׁ בְּיִשְׂרָאֵל׃
Jud 20.32
וַיֺּאמְרוּ בְּנֵי בִנְיָמִן נִגָּפִים
הֵם לְפָנֵינוּ כְּבָרִאשֹׁנָה וּבְנֵי
יִשְׂרָאֵל אָמְרוּ נָנוּסָה וּנְתַקְּנֻהוּ
מִנ־הָעִיר אֶל־הַמְסִוּת׃
Jud 20.33
וְכֹל אִישׁ יִשְׂרָאֵל קָמוּ מִמְּקוֺמוֺ
וַיַּעַרְכוּ בְּבַעַל תָּמָר וְאֹרֵב
יִשְׂרָאֵל מֵגִיחַ מִמְּקֹמוֺ מִמַּעֲרֵה־גָבַע׃
Jud 20.34
וַיָּבֹאוּ מִנֶּגֶד לַגִּבְעָה עֲשֶׂרֶת
אֲלָפִים אִישׁ בָּחוּר מִכָּל־יִשְׂרָאֵל
וְהַמִּלְחָמָה כָּבֵדָה וְהֵם לֹא יָדְעוּ
כִּי־נֺגַעַת עֲלֵיהֶם רָעָה׃ ף
Jud 20.35
וַיִּגֺּף יְהוָה אֶת־בִּנְיָמִן לִפְנֵי
יִשְׂרָאֵל וַיַּשְׁחִיתוּ בְנֵי יִשְׂרָאֵל
בְּבִנְיָמִן בַּיֺּום הַהוּא עֶשְׂרִים
וַחֲמִשָּׁה אֶלֶף וּמֵאָה אִישׁ כָּל־אֵלֶּה
שֹׁלֵף חָרֶב׃
Jud 20.36
וַיִּרְאוּ בְנֵי־בִנְיָמִן כִּי נִגָּפוּ
וַיִּתְּנוּ אִישׁ־יִשְׂרָאֵל מָקוֺם
לְבִנְיָמִן כִּי בָטְחוּ אֶל־הָאֹרֵב
אֲשֶׁר שָׂמוּ אֶל־הַגִּבְעָה׃
Jud 20.37
וְהָאֹרֵב הֵחִישׁוּ וַיִּפְשְׁטוּ אֶל־הַגִּבְעָה
וַיִּמְשֹׁך הָאֹרֵב וַיַּך אֶת־כָּל־הָעִיר
לְפִי־חָרֶב׃
Jud 20.38
וְהַמּוֺעֵד הָיָה לְאִישׁ יִשְׂרָאֵל
עִמ־הָאֹרֵב הֶרֶב לְהַעֲלוֺתָם מַשְׂאַת
הֶעָשָׁן מִנ־הָעִיר׃
Jud 20.39
וַיַּהֲפֹך אִישׁ־יִשְׂרָאֵל בַּמִּלְחָמָה
וּבִנְיָמִן הֵחֵל לְהַכּוֺת חֲלָלִים
בְּאִישׁ־יִשְׂרָאֵל כִּשְׁלֹשִׁים אִישׁ
כִּי אָמְרוּ אַך נִגֺּוף נִגָּף
הוּא לְפָנֵינוּ כַּמִּלְחָמָה הָרִאשֹׁנָה׃
Jud 20.40
וְהַמַּשְׂאֵת הֵחֵלָּה לַעֲלוֺת מִנ־הָעִיר
עַמּוּד עָשָׁן וַיִּפֶן בִּנְיָמִן אַחֲרָיו
וְהִנֵּה עָלָה כְלִיל־הָעִיר הַשָּׁמָיְמָה׃
Jud 20.41
וְאִישׁ יִשְׂרָאֵל הָפַך וַיִּבָּהֵל
אִישׁ בִּנְיָמִן כִּי רָאָה כִּי־נָגְעָה
עָלָיו הָרָעָה׃
Jud 20.42
וַיִּפְנוּ לִפְנֵי אִישׁ יִשְׂרָאֵל
אֶל־דֶּרֶך הַמִּדְבָּר וְהַמִּלְחָמָה
הִדְבִּיקָתְהוּ וַאֲשֶׁר מֵהֶעָרִים
מַשְׁחִיתִים אוֺתוֺ בְּתוֺכוֺ׃
Jud 20.43
כִּתְּרוּ אֶת־בִּנְיָמִן הִרְדִיפֻהוּ
מְנוּחָה הִדְרִיכֻהוּ עַד נֺכַח
הַגִּבְעָה מִמִּזְרַח־שָׁמֶשׁ׃
Jud 20.44
וַיִּפְּלוּ מִבִּנְיָמִן שְׁמֹנָה־עָשָׂר
אֶלֶף אִישׁ אֶת־כָּל־אֵלֶּה אַנְשֵׁי־חָיִל׃
Jud 20.45
וַיִּפְנוּ וַיָּנֻסוּ הַמִּדְבָּרָה אֶל־סֶלַע
הָרִמּוֺן וַיְעֹלְלֻהוּ בַּמְסִלּוֺת
חֲמֵשֶׁת אֲלָפִים אִישׁ וַיַּדְבִּיקוּ
אַחֲרָיו עַד־גִּדְם וַיַּכּוּ מִמֶּנּוּ
אַלְפַּיִם אִישׁ׃
Jud 20.46
וַיְהִי כָל־הַנֺּפְלִים מִבִּנְיָמִן
עֶשְׂרִים וַחֲמִשָּׁה אֶלֶף אִישׁ
שֹׁלֵף חֶרֶב בַּיֺּום הַהוּא אֶת־כָּל־אֵלֶּה
אַנְשֵׁי־חָיִל׃
Jud 20.47
וַיִּפְנוּ וַיָּנֻסוּ הַמִּדְבָּרָה אֶל־סֶלַע
הָרִמּוֺן שֵׁשׁ מֵאוֺת אִישׁ וַיֵּשְׁבוּ
בְּסֶלַע רִמּוֺן אַרְבָּעָה חֳדָשִׁים׃
Jud 20.48
וְאִישׁ יִשְׂרָאֵל שָׁבוּ אֶל־בְּנֵי
בִנְיָמִן וַיַּכּוּם לְפִי־חֶרֶב
מֵעִיר מְתֹם עַד־בְּהֵמָה עַד כָּל־הַנִּמְצָא
גַּם כָּל־הֶעָרִים הַנִּמְצָאוֺת
לְּחוּ בָאֵשׁ׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages