Jud 11

Full text search

Jud 11
Jud 11.1
וְיִפְתָּח הַגִּלְעָדִי הָיָה גִּבּוֺר
חַיִל וְהוּא בֶּנ־אִשָּׁה זֺונָה
וַיֺּולֶד גִּלְעָד אֶת־יִפְתָּח׃
Jud 11.2
וַתֵּלֶד אֵשֶׁת־גִּלְעָד לוֺ בָּנִים
וַיִּגְדְּלוּ בְנֵי־הָאִשָּׁה וַיְגָרְשׁוּ
אֶת־יִפְתָּח וַיֺּאמְרוּ לוֺ לֹא־תִנְחַל
בְּבֵית־אָבִינוּ כִּי בֶּנ־שָּׁה
אַחֶרֶת אָתָּה׃
Jud 11.3
וַיִּבְרַח יִפְתָּח מִפְּנֵי אֶחָיו
וַיֵּשֶׁב בְּאֶרֶץ טוֺב וַיִּתְלַקְּטוּ
אֶל־יִפְתָּח אֲנָשִׁים רֵיקִים וַיֵּצְאוּ
עִמּוֺ׃ ף
Jud 11.4
וַיְהִי מִיָּמִים וַיִּלָּחֲמוּ בְנֵי־עַמּוֺן
עִמ־יִשְׂרָאֵל׃
Jud 11.5
וַיְהִי כַּאֲשֶׁר־נִלְחֲמוּ בְנֵי־עַמּוֺן
עִמ־יִשְׂרָאֵל וַיֵּלְכוּ זִקְנֵי
גִלְעָד לָקַחַת אֶת־יִפְתָּח מֵאֶרֶץ
טוֺב׃
Jud 11.6
וַיֺּאמְרוּ לְיִפְתָּח לְכָה וְהָיִיתָה
לָּנוּ לְקָצִין וְנִלָּחֲמָה בִּבְנֵי
עַמּוֺן׃
Jud 11.7
וַיֺּאמֶר יִפְתָּח לְזִקְנֵי גִלְעָד
הֲלֹא אַתֶּם שְׂנֵאתֶם אוֺתִי וַתְּגָרְשׁוּנִי
מִבֵּית אָבִי וּמַדּוּעַ בָּאתֶם
אֵלַי עַתָּה כַּאֲשֶׁר צַר לָכֶם׃
Jud 11.8
וַיֺּאמְרוּ זִקְנֵי גִלְעָד אֶל־יִפְתָּח
לָכֵן עַתָּה שַׁבְנוּ אֵלֶיךָ וְהָלַכְתָּ
עִמָּנוּ וְנִלְחַמְתָּ בִּבְנֵי עַמּוֺן
וְהָיִיתָ לָּנוּ לְרֹא לְכֹל יֺשְׁבֵי
גִלְעָד׃
Jud 11.9
וַיֺּאמֶר יִפְתָּח אֶל־זִקְנֵי גִלְעָד
אִמ־מְשִׁיבִים אַתֶּם אוֺתִי לְהִלָּחֵם
בִּבְנֵי עַמּוֺן וְנָתַן יְהוָה אוֺתָם
לְפָנָי אָנֺכִי אֶהְיֶה לָם לְרֹאשׁ׃
Jud 11.10
וַיֺּאמְרוּ זִקְנֵי־גִלְעָד אֶל־יִפְתָּח
יְהוָה יִהְיֶה שֹׁמֵעַ בֵּינֺותֵינוּ
אִמ־לֹא כִדְבָרְךָ כֵּן נַעֲשֶׂה׃
Jud 11.11
וַיֵּלֶך יִפְתָּח עִמ־זִקְנֵי גִלְעָד
וַיָּשִׂימוּ הָעָם אוֺתוֺ עֲלֵיהֶם
לְרֹאשׁ וּלְקָצִין וַיְדַבֵּר יִפְתָּח
אֶת־כָּל־דְּבָרָיו לִפְנֵי יְהוָה
בַּמִּצְפָּה׃ ף
Jud 11.12
וַיִּשְׁלַח יִפְתָּח מַלְאָכִים אֶל־מֶלֶך
בְּנֵי־עַמּוֺן לֵאמֹר מַה־לִּי
וָלָך כִּי־בָאתָ אֵלַי לְהִלָּחֵם
בְּאַרְצִי׃
Jud 11.13
וַיֺּאמֶר מֶלֶך בְּנֵי־עַמּוֺן אֶל־מַלְאֲכֵי
יִפְתָּח כִּי־לָקַח יִשְׂרָאֵל אֶת־אַרְצִי
בַּעֲלוֺתוֺ מִמִּצְרַיִם מֵאַרְנֺון
וְעַד־הַיַּבֹּק וְעַד־הַיַּרְדֵּן וְעַתָּה
הָשִׁיבָה אֶתְהֶן בְּשָׁלוֺם׃
Jud 11.14
וַיֺּוסֶף עוֺד יִפְתָּח וַיִּשְׁלַח
מַלְאָכִים אֶל־מֶלֶך בְּנֵי עַמּוֺן׃
Jud 11.15
וַיֺּאמֶר לוֺ כֹּה אָמַר יִפְתָּח
לֹא־לָקַח יִשְׂרָאֵל אֶת־אֶרֶץ מוֺאָב
וְאֶת־אֶרֶץ בְּנֵי עַמּוֺן׃
Jud 11.16
כִּי בַּעֲלוֺתָם מִמִּצְרָיִם וַיֵּלֶך
יִשְׂרָאֵל בַּמִּדְבָּר עַד־יַמ־סוּף
וַיָּבֹא קָדֵשָׁה׃
Jud 11.17
וַיִּשְׁלַח יִשְׂרָאֵל מַלְאָכִים אֶל־מֶלֶך
אֱדוֺם לֵאמֹר אֶעְבְּרָה־נָּא בְאַרְצֶךָ
וְלֹא שָׁמַע מֶלֶך אֱדוֺם וְגַם
אֶל־מֶלֶך מוֺאָב שָׁלַחוְלֹא אָבָה
וַיֵּשֶׁב יִשְׂרָאֵל בְּקָדֵשׁ׃
Jud 11.18
וַיֵּלֶך בַּמִּדְבָּר וַיָּסָב אֶת־אֶרֶץ
אֱדוֺם וְאֶת־אֶרֶץ מוֺאָב וַיָּבֹא
מִמִּזְרַח־שֶׁמֶשׁ לְאֶרֶץ מוֺאָב
וַיַּחֲנוּן בְּעֵבֶר אַרְנֺון וְלֹ־בָאוּ
בִּגְבוּל מוֺאָב כִּי אַרְנֺון
גְּבוּל מוֺאָב׃
Jud 11.19
וַיִּשְׁלַח יִשְׂרָאֵל מַלְאָכִים אֶל־סִיחוֺן
מֶלֶכְ־הָאֱמֹרִי מֶלֶך חֶשְׁבּוֺן
וַיֺּאמֶר לוֺ יִשְׂרָאֵל נַעְבְּרָה־נָּא
בְאַרְצְךָ עַד־מְקוֺמִי׃
Jud 11.20
וְלֹא־הֶאֱמִין סִיחוֺן אֶת־יִשְׂרָאֵל
עֲבֹר בִּגְבֻלוֺ וַיֶּאֱסֹף סִיחוֺן
אֶת־כָּל־עַמּוֺ וַיַּחֲנוּ בְּיָהְצָה
וַיִּלָּחֶם עִמ־יִשְׂרָאֵל׃
Jud 11.21
וַיִּתֵּן יְהוָה אֱלֹהֵי־יִשְׂרָאֵל
אֶת־סִיחוֺן וְאֶת־כָּל־עַמּוֺ בְּיַד
יִשְׂרָאֵל וַיַּכּוּם וַיִּירַשׁ יִשְׂרָאֵל
אֵת כָּל־אֶרֶץ הָאֱמֹרִי יֺושֵׁב
הָאָרֶץ הַהִיא׃
Jud 11.22
וַיִּירְשׁוּ אֵת כָּל־גְּבוּל הָאֱמֹרִי
מֵאַרְנֺון וְעַד־הַיַּבֹּק וּמִנ־הַמִּדְבָּר
וְעַד־הַיַּרְדֵּן׃
Jud 11.23
וְעַתָּה יְהוָה אֱלֹהֵי יִשְׂרָאֵל
הוֺרִישׁ אֶת־הָאֱמֹרִי מִפְּנֵי עַמּוֺ
יִשְׂרָאֵל וְאַתָּה תִּירָשֶׁנּוּ׃
Jud 11.24
הֲלֹא אֵת אֲשֶׁר יֺורִישְׁךָ כְּמוֺשׁ
אֱלֹהֶיךָ אוֺתוֺ תִירָשׁ וְאֵת
כָּל־אֲשֶׁר הוֺרִישׁ יְהוָה אֱלֹהֵינוּ
מִפָּנֵינוּ אוֺתוֺ נִירָשׁ׃
Jud 11.25
וְעַתָּה הֲטוֺב טוֺב אַתָּה מִבָּלָק
בֶּנ־צִפּוֺר מֶלֶך מוֺאָב הֲרוֺב
רָב עִמ־יִשְׂרָאֵל אִמ־נִלְחֹם
נִלְחַם בָּם׃
Jud 11.26
בְּשֶׁבֶת יִשְׂרָאֵל בְּחֶשְׁבּוֺן וּבִבְנֺותֶיהָ
וּבְעַרְעוֺר וּבִבְנֺותֶיהָ וּבְכָל־הֶעָרִים
אֲשֶׁר עַל־יְדֵי אַרְנֺון שְׁלֹשׁ
מֵאוֺת שָׁנָה וּמַדּוּעַלֹא־הִצַּלְתֶּם
בָּעֵת הַהִיא׃
Jud 11.27
וְאָנֺכִי לֹא־חָטָאתִי לָך וְאַתָּה
עֹשֶׂה אִתִּי רָעָה לְהִלָּחֶם בִּי
יִשְׁפֹּט יְהוָה הַשֹּׁפֵט הַיֺּום בֵּין
בְּנֵי יִשְׂרָאֵל וּבֵין בְּנֵי עַמּוֺן׃
Jud 11.28
וְלֹא שָׁמַע מֶלֶך בְּנֵי עַמּוֺן
אֶל־דִּבְרֵי יִפְתָּח אֲשֶׁר שָׁלַח
אֵלָיו׃ ף
Jud 11.29
וַתְּהִי עַל־יִפְתָּח רוּחַ יְהוָה
וַיַּעֲבֹר אֶת־הַגִּלְעָד וְאֶת־מְנַשֶּׁה
וַיַּעֲבֹר אֶת־מִצְפֵּה גִלְעָד וּמִמִּצְפֵּה
גִלְעָד עָבַר בְּנֵי עַמּוֺן׃
Jud 11.30
וַיִּדַּר יִפְתָּח נֶדֶר לַיהוָה וַיֺּאמַר
אִמ־נָתוֺן תִּתֵּן אֶת־בְּנֵי עַמּוֺן
בְּיָדִי׃
Jud 11.31
וְהָיָה הַיֺּוצֵא אֲשֶׁר יֵצֵא מִדַּלְתֵי
בֵיתִי לִקְרָאתִי בְּשׁוּבִי בְשָׁלוֺם
מִבְּנֵי עַמּוֺן וְהָיָה לַיהוָה
וְהַעֲלִיתִהוּ עוֺלָה׃ ף
Jud 11.32
וַיַּעֲבֹר יִפְתָּח אֶל־בְּנֵי עַמּוֺן
לְהִלָּחֶם בָּם וַיִּתְּנֵם יְהוָה בְּיָדוֺ׃
Jud 11.33
וַיַּכֵּם מֵעֲרוֺעֵר וְעַד־בּוֺאֲךָ
מִנִּית עֶשְׂרִים עִיר וְעַד אָבֵל
כְּרָמִים מַכָּה גְּדוֺלָה מְאֹד וַיִּכָּנְעוּ
בְּנֵי עַמּוֺן מִפְּנֵי בְּנֵי יִשְׂרָאֵל׃
ף
Jud 11.34
וַיָּבֹא יִפְתָּח הַמִּצְפָּה אֶל־בֵּיתוֺ
וְהִנֵּה בִתּוֺ יֺצֵאת לִקְרָאתוֺ
בְתֻפִּים וּבִמְחֹלוֺת וְרַק הִיא
יְחִידָה אֵינ־לוֺ מִמֶּנּוּ בֵּן
אוֺ־בַת׃
Jud 11.35
וַיְהִי כִרְאוֺתוֺ אוֺתָהּ וַיִּקְרַע
אֶת־בְּגָדָיו וַיֺּאמֶר אֲהָהּ בִּתִּי
הַכְרֵעַ הִכְרַעְתִּנִי וְאַתְּ הָיִיתְ
בְּעֹכְרָי וְאָנֺכִי פָּצִתִי־פִי
אֶל־יְהוָה וְלֹא אוּכַל לָשׁוּב׃
Jud 11.36
וַתֹּאמֶר אֵלָיו אָבִי פָּצִיתָה
אֶת־פִּיךָ אֶל־יְהוָה עֲשֵׂה לִי
כַּאֲשֶׁר יָצָא מִפִּיךָ אַחֲרֵי אֲשֶׁר
עָשָׂה לְךָ יְהוָה נְקָמוֺת מֵאֹיְבֶיךָ
מִבְּנֵי עַמּוֺן׃
Jud 11.37
וַתֹּאמֶר אֶל־אָבִיהָ יֵעָשֶׂה לִּי
הַדָּבָר הַזֶּה הַרְפֵּה מִמֶּנִּי שְׁנַיִם
חֳדָשִׁים וְאֵלְכָה וְיָרַדְתִּי עַל־הֶהָרִים
וְאֶבְכֶּה עַל־בְּתוּלַי אָנֺכִי 1 וְרַעִיתִי 2 וְרֵעוֺתָי׃
Jud 11.38
וַיֺּאמֶר לֵכִי וַיִּשְׁלַח אוֺתָהּ
שְׁנֵי חֳדָשִׁים וַתֵּלֶך הִיא וְרֵעוֺתֶיהָ
וַתֵּבְךְּ עַל־בְּתוּלֶיהָ עַל־הֶהָרִים׃
Jud 11.39
וַיְהִי מִקֵּץ שְׁנַיִם חֳדָשִׁים
וַתָּשָׁב אֶל־אָבִיהָ וַיַּעַשׂ לָהּ
אֶת־נִדְרוֺ אֲשֶׁר נָדָר וְהִיא
לֹא־יָדְעָה אִישׁ וַתְּהִי־חֹק בְּיִשְׂרָאֵ׃
Jud 11.40
מִיָּמִים יָמִימָה תֵּלַכְנָה בְּנֺות
יִשְׂרָאֵל לְתַנֺּות לְבַת־יִפְתָּח
הַגִּלְעָדִי אַרְבַּעַת יָמִים בַּשָּׁנָה׃
ס

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages