Jeh 15

Full text search

Jeh 15
Jeh 15.1
וַיְהִי הַגֺּורָל לְמַטֵּה בְּנֵי יְהוּדָה
לְמִשְׁפְּחֹתָם אֶל־גְּבוּל אֱדוֺם
מִדְבַּר־צִן נֶגְבָּה מִקְצֵה תֵימָן׃
Jeh 15.2
וַיְהִי לָהֶם גְּבוּל נֶגֶב מִקְצֵה
יָם הַמֶּלַח מִנ־הַלָּשֹׁן הַפֹּנֶה
נֶגְבָּה׃
Jeh 15.3
וְיָצָא אֶל־מִנֶּגֶב לְמַעֲלֵה עַקְרַבִּים
וְעָבַר צִנָה וְעָלָה מִנֶּגֶב לְקָדֵשׁ
בַּרְנֵעַ וְעָבַר חֶצְרוֺן וְעָלָה
אַדָּרָה וְנָסַב הַקַּרְקָה׃
Jeh 15.4
וְעָבַר עַצְמוֺנָה וְיָצָא נַחַל
מִצְרַיִם 1 וְהָיָה 2 וְהָיוּ תֹצְאוֺת
הַגְּבוּל יָמָּה זֶה־יִהְיֶה לָכֶם
גְּבוּל נֶגֶב׃
Jeh 15.5
וּגְבוּל קֵדְמָה יָם הַמֶּלַח עַד־קְצֵה
הַיַּרְדֵּן וּגְבוּל לִפְאַת צָפוֺנָה
מִלְּשׁוֺן הַיָּם מִקְצֵה הַיַּרְדֵּן׃
Jeh 15.6
וְעָלָה הַגְּבוּל בֵּית חָגְלָה
וְעָבַר מִצְּפוֺן לְבֵית הָעֲרָבָה
וְעָלָה הַגְּבוּל אֶבֶן בֹּהַן בֶּנ־רְאוּבֵן׃
Jeh 15.7
וְעָלָה הַגְּבוּל דְּבִרָה מֵעֵמֶק
עָכוֺר וְצָפוֺנָה פֹּנֶה אֶל־הַגִּלְגָּל
אֲשֶׁר־נֺכַח לְמַעֲלֵה אֲדֻמִּים אֲשֶׁר
מִנֶּגֶב לַנָּחַל וְעָבַר הַגְּבוּל
אֶל־מֵי־עֵין שֶׁמֶשׁ וְהָיוּ תֹצְאֹתָיו
אֶל־עֵין רֹגֵל׃
Jeh 15.8
וְעָלָה הַגְּבוּל גֵּי בֶנ־הִנֺּם
אֶל־כֶּתֶף הַיְבוּסִי מִנֶּגֶב הִיא
יְרוּשָׁלִָם וְעָלָה הַגְּבוּל אֶל־רֹאשׁ
הָהָר אֲשֶׁר עַל־פְּנֵי גֵי־הִנֺּם
יָמָּה אֲשֶׁר בִּקְצֵה עֵמֶק־רְפָאִים
צָפֹנָה׃
Jeh 15.9
וְתָאַר הַגְּבוּל מֵרֹאשׁ הָהָר אֶל־מַעְיַן
מֵי נֶפְתּוֺחַ וְיָצָא אֶל־עָרֵי
הַר־עֶפְרוֺן וְתָאַר הַגְּבוּל בַּעֲלָה
הִיא קִרְיַת יְעָרִים׃
Jeh 15.10
וְנָסַב הַגְּבוּל מִבַּעֲלָה יָמָּה
אֶל־הַר שֵׂעִיר וְעָבַר אֶל־כֶּתֶף
הַר־יְעָרִים מִצָּפוֺנָה הִיא
כְסָלוֺן וְיָרַד בֵּית־שֶׁמֶשׁ וְעָבַר
תִּמְנָה׃
Jeh 15.11
וְיָצָא הַגְּבוּל אֶל־כֶּתֶף עֶקְרוֺן
צָפוֺנָה וְתָאַר הַגְּבוּל שִׁכְּרוֺנָה
וְעָבַר הַר־הַבַּעֲלָה וְיָצָא יַבְנְאֵל
וְהָיוּ תֹּצְאוֺת הַגְּבוּ יָמָּה׃
Jeh 15.12
וּגְבוּל יָם הַיָּמָּה הַגָּדוֺל וּגְבוּל
זֶה גְּבוּל בְּנֵי־יְהוּדָה סָבִיב
לְמִשְׁפְּחֹתָם׃
Jeh 15.13
וּלְכָלֵב בֶּנ־יְפֻנֶּה נָתַן חֵלֶק
בְּתוֺך בְּנֵי־יְהוּדָה אֶל־פִּי
יְהוָה לִיהוֺשֻׁעַ אֶת־קִרְיַת אַרְבַּע
אֲבִי הָעֲנָק הִיא חֶבְרוֺן׃
Jeh 15.14
וַיֺּרֶשׁ מִשָּׁם כָּלֵב אֶת־שְׁלוֺשָׁה
בְּנֵי הָעֲנָק אֶת־שֵׁשַׁי וְאֶת־אֲחִימַן
וְאֶת־תַּלְמַי יְלִידֵי הָעֲנָק׃
Jeh 15.15
וַיַּעַל מִשָּׁם אֶל־יֺשְׁבֵי דְּבִר
וְשֵׁמ־דְּבִר לְפָנִים קִרְיַת־סֵפֶר׃
Jeh 15.16
וַיֺּאמֶר כָּלֵב אֲשֶׁר־יַכֶּה אֶת־קִרְיַת־סֵפֶר
וּלְכָדָהּ וְנָתַתִּי לוֺ אֶת־עַכְסָה
בִתִּי לְאִשָּׁה׃
Jeh 15.17
וַיִּלְכְּדָהּ עָתְנִיאֵל בֶּנ־קְנַז
אֲחִי כָלֵב וַיִּתֶּנ־לוֺ אֶת־עַכְסָה
בִתּוֺ לְאִשָּׁה׃
Jeh 15.18
וַיְהִי בְּבוֺאָהּ וַתְּסִיתֵהוּ לִשְׁאוֺל
מֵאֵת־אָבִיהָ שָׂדֶה וַתִּצְנַח מֵעַל
הַחֲמוֺר וַיֺּאמֶר־לָהּ כָּלֵב מַה־לָּך׃
Jeh 15.19
וַתֹּאמֶר תְּנָה־לִּי בְרָכָה כִּי
אֶרֶץ הַנֶּגֶב נְתַתָּנִי וְנָתַתָּה
לִי גֻּלֹּת מָיִם וַיִּתֶּנ־לָהּ אֵת
גֻּלֹּת עִלִּיֺּות וְאֵת גֻּלֹּתתַּחְתִּיֺּות׃
ף
Jeh 15.20
זֺאת נַחֲלַת מַטֵּה בְנֵי־יְהוּדָה
לְמִשְׁפְּחֹתָם׃
Jeh 15.21
וַיִּהְיוּ הֶעָרִים מִקְצֵה לְמַטֵּה
בְנֵי־יְהוּדָה אֶל־גְּבוּל אֱדוֺם
בַּנֶּגְבָּה קַבְצְאֵל וְעֵדֶר וְיָגוּר׃
Jeh 15.22
וְקִינָה וְדִימוֺנָה וְעַדְעָדָה׃
Jeh 15.23
וְקֶדֶשׁ וְחָצוֺר וְיִתְנָן׃
Jeh 15.24
זִיף וָטֶלֶם וּבְעָלוֺת׃
Jeh 15.25
וְחָצוֺר חֲדַתָּה וּקְרִיֺּות חֶצְרוֺן
הִיא חָצוֺר׃
Jeh 15.26
אֲמָם וּשְׁמַע וּמוֺלָדָה׃
Jeh 15.27
וַחֲצַר גַּדָּה וְחֶשְׁמוֺן וּבֵית
פָּלֶט׃
Jeh 15.28
וַחֲצַר שׁוּעָל וּבְאֵר שֶׁבַע וּבִזְיֺותְיָה׃
Jeh 15.29
בַּעֲלָה וְעִיִּים וָעָצֶם׃
Jeh 15.30
וְאֶלְתּוֺלַד וּכְסִיל וְחָרְמָה׃
Jeh 15.31
וְצִקְלַג וּמַדְמַנָּה וְסַנְסַנָּה׃
Jeh 15.32
וּלְבָאוֺת וְשִׁלְחִים וְעַיִן וְרִמּוֺן
כָּל־עָרִים עֶשְׂרִים וָתֵשַׁע וְחַצְרֵיהֶן׃
ס
Jeh 15.33
בַּשְּׁפֵלָה אֶשְׁתָּאוֺל וְצָרְעָה וְאַשְׁנָה׃
Jeh 15.34
וְזָנֺוחַ וְעֵין גַּנִּים תַּפּוּחַ
וְהָעֵינָם׃
Jeh 15.35
יַרְמוּת וַעֲדֻלָּם שׂוֺכֹה וַעֲזֵקָה׃
Jeh 15.36
וְשַׁעֲרַיִם וַעֲדִיתַיִם וְהַגְּדֵרָה
וּגְדֵרֹתָיִם עָרִים אַרְבַּע־עֶשְׂרֵה
וְחַצְרֵיהֶן׃
Jeh 15.37
צְנָן וַחֲדָשָׁה וּמִגְדַּל־גָּד׃
Jeh 15.38
וְדִלְעָן וְהַמִּצְפֶּה וְיָקְתְאֵל׃
Jeh 15.39
לָכִישׁ וּבָצְקַת וְעֶגְלוֺן׃
Jeh 15.40
וְכַבּוֺן וְלַחְמָס וְכִתְלִישׁ׃
Jeh 15.41
וּגְדֵרוֺת בֵּית־דָּגֺון וְנַעֲמָה
וּמַקֵּדָה עָרִים שֵׁשׁ־עֶשְׂרֵה וְחַצְרֵיהֶן׃
ס
Jeh 15.42
לִבְנָה וָעֶתֶר וְעָשָׁן׃
Jeh 15.43
וְיִפְתָּח וְאַשְׁנָה וּנְצִיב׃
Jeh 15.44
וּקְעִילָה וְאַכְזִיב וּמָרֵאשָׁה
עָרִים תֵּשַׁע וְחַצְרֵיהֶן׃
Jeh 15.45
עֶקְרוֺן וּבְנֺתֶיהָ וַחֲצֵרֶיהָ׃
Jeh 15.46
מֵעֶקְרוֺן וָיָמָּה כֹּל אֲשֶׁר־עַל־יַד
אַשְׁדּוֺד וְחַצְרֵיהֶן׃
Jeh 15.47
אַשְׁדּוֺד בְּנֺותֶיהָ וַחֲצֵרֶיהָ עַזָּה
בְּנֺותֶיהָ וַחֲצֵרֶיהָ עַד־נַחַל
מִצְרָיִם וְהַיָּם 1 הַגָּבוֺל 2 הַגָּדוֺל
וּגְבוּל׃ ס
Jeh 15.48
וּבָהָר שָׁמִיר וְיַתִּיר וְשׂוֺכֹה׃
Jeh 15.49
וְדַנָּה וְקִרְיַת־סַנָּה הִיא דְבִר׃
Jeh 15.50
וַעֲנָב וְאֶשְׁתְּמֹה וְעָנִים׃
Jeh 15.51
וְגֺשֶׁן וְחֹלֹן וְגִלֹה עָרִים אַחַת־עֶשְׂרֵה
וְחַצְרֵיהֶן׃
Jeh 15.52
אֲרַב וְרוּמָה וְאֶשְׁעָן׃
Jeh 15.53
וְיָנִים 2 וְיָנוּם וּבֵית־תַּפּוּחַ
וַאֲפֵקָה׃
Jeh 15.54
וְחֻמְטָה וְקִרְיַת אַרְבַּע הִיא
חֶבְרוֺן וְצִיעֹר עָרִים תֵּשַׁע
וְחַצְרֵיהֶן׃ ס
Jeh 15.55
מָעוֺן כַּרְמֶל וָזִיף וְיוּטָּה׃
Jeh 15.56
וְיִזְרְעֶאל וְיָקְדְעָם וְזָנֺוחַ׃
Jeh 15.57
הַקַּיִן גִּבְעָה וְתִמְנָה עָרִים
עֶשֶׂר וְחַצְרֵיהֶן׃
Jeh 15.58
חַלְחוּל בֵּית־צוּר וּגְדוֺר׃
Jeh 15.59
וּמַעֲרָת וּבֵית־עֲנֺות וְאֶלְתְּקֹן
עָרִים שֵׁשׁ וְחַצְרֵיהֶן׃
Jeh 15.60
קִרְיַת־בַּעַל הִיא קִרְיַת יְעָרִים
וְהָרַבָּה עָרִים שְׁתַּיִם וְחַצְרֵיהֶן׃
ס
Jeh 15.61
בַּמִּדְבָּר בֵּית הָעֲרָבָה מִדִּין
וּסְכָכָה׃
Jeh 15.62
וְהַנִּבְשָׁן וְעִיר־הַמֶּלַח וְעֵין
גֶּדִי עָרִים שֵׁשׁ וְחַצְרֵיהֶן׃
Jeh 15.63
וְאֶת־הַיְבוּסִי יֺושְׁבֵי יְרוּשָׁלִַם
לֹא־יוּכְלוּ 2 יָכְלוּ בְנֵי־יְהוּדָה
לְהוֺרִישָׁם וַיֵּשֶׁב הַיְבוּסִי אֶת־בְּנֵי
יְהוּדָה בִּירוּשָׁלִַם ד הַיֺּום
הַזֶּה׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages