Jeh 13

Full text search

Jeh 13
Jeh 13.1
וִיהוֺשֻׁעַ זָקֵן בָּא בַּיָּמִים וַיֺּאמֶר
יְהוָה אֵלָיו אַתָּה זָקַנְתָּה
בָּאתָ בַיָּמִים וְהָאָרֶץ נִשְׁאֲרָה
הַרְבֵּה־מְאֹד לְרִשְׁתָּהּ׃
Jeh 13.2
זֺאת הָאָרֶץ הַנִּשְׁאָרֶת כָּל־גְּלִילוֺת
הַפְּלִשְׁתִּים וְכָל־הַגְּשׁוּרִי׃
Jeh 13.3
מִנ־הַשִּׁיחוֺר אֲשֶׁר עַל־פְּנֵי
מִצְרַיִם וְעַד גְּבוּל עֶקְרוֺן
צָפוֺנָה לַכְּנַעֲנִי תֵּחָשֵׁב חֲמֵשֶׁת
סַרְנֵי פְלִשְׁתִּים הָעַזָּתִי וְאַשְׁדּוֺדִי
הָאֶשְׁקְלוֺנִי הַגִּתִּי וְהָעֶקְרוֺנִי
וְהָעַוִּים׃
Jeh 13.4
מִתֵּימָן כָּל־אֶרֶץ הַכְּנַעֲנִי וּמְעָרָה
אֲשֶׁר לַצִּידֹנִים עַד־אֲפֵקָה עַד
גְּבוּל הָאֱמֹרִי׃
Jeh 13.5
וְהָאָרֶץ הַגִּבְלִי וְכָל־הַלְּבָנֺון
מִזְרַח הַשֶּׁמֶשׁ מִבַּעַל גָּד תַּחַת
הַר־חֶרְמוֺן עַד לְבוֺא חֲמָת׃
Jeh 13.6
כָּל־יֺשְׁבֵי הָהָר מִנ־הַלְּבָנֺון
עַד־מִשְׂרְפֹת מַיִם כָּל־צִידֹנִים
אָנֺכִי אוֺרִישֵׁם מִפְּנֵי בְּנֵי
יִשְׂרָאֵל רַק הַפִּלֶהָ לְיִשְׂרָאֵל
בְּנַחֲלָה כַּאֲשֶׁר צִוִּיתִיךָ׃
Jeh 13.7
וְעַתָּה חַלֵּק אֶת־הָאָרֶץ הַזֺּאת
בְּנַחֲלָה לְתִשְׁעַת הַשְּׁבָטִים וַחֲצִי
הַשֵּׁבֶט הַמְנַשֶּׁה׃
Jeh 13.8
עִמּוֺ הָראוּבֵנִי וְהַגָּדִי לָקְחוּ
נַחֲלָתָם אֲשֶׁר נָתַן לָהֶם מֹשֶׁה
בְּעֵבֶר הַיַּרְדֵּן מִזְרָחָה כַּאֲשֶׁר
נָתַן לָהֶם מֹשֶׁה עֶבֶד יְוָה׃
Jeh 13.9
מֵעֲרוֺעֵר אֲשֶׁר עַל־שְׂפַת־נַחַל
אַרְנֺון וְהָעִיר אֲשֶׁר בְּתוֺכְ־הַנַּחַל
וְכָל־הַמִּישֹׁר מֵידְבָא עַד־דִּיבוֺן׃
Jeh 13.10
וְכֹל עָרֵי סִיחוֺן מֶלֶך הָאֱמֹרִי
אֲשֶׁר מָלַך בְּחֶשְׁבּוֺן עַד־גְּבוּל
בְּנֵי עַמּוֺן׃
Jeh 13.11
וְהַגִּלְעָד וּגְבוּל הַגְּשׁוּרִי וְהַמַּעֲכָתִי
וְכֹל הַר חֶרְמוֺן וְכָל־הַבָּשָׁן
עַד־סַלְכָה׃
Jeh 13.12
כָּל־מַמְלְכוּת עוֺג בַּבָּשָׁן אֲשֶׁר־מָלַך
בְּעַשְׁתָּרוֺת וּבְאֶדְרֶעִי הוּא נִשְׁאַר
מִיֶּתֶר הָרְפָאִים וַיַּכֵּם מֹשֶׁה
וַיֺּרִשֵׁם׃
Jeh 13.13
וְלֹא הוֺרִישׁוּ בְּנֵי יִשְׂרָאֵל
אֶת־הַגְּשׁוּרִי וְאֶת־הַמַּעֲכָתִי
וַיֵּשֶׁב גְּשׁוּר וּמַעֲכָת בְּקֶרֶב
יִשְׂרָאֵל עַד הַיֺּום הַזֶּה׃
Jeh 13.14
רַק לְשֵׁבֶט הַלֵּוִי לֹא נָתַן
נַחֲלָה אִשֵּׁי יְהוָה אֱלֹהֵי יִשְׂרָאֵל
הוּא נַחֲלָתוֺ כַּאֲשֶׁר דִּבֶּר־לוֺ׃
ס
Jeh 13.15
וַיִּתֵּן מֹשֶׁה לְמַטֵּה בְנֵי־רְאוּבֵן
לְמִשְׁפְּחֹתָם׃
Jeh 13.16
וַיְהִי לָהֶם הַגְּבוּל מֵעֲרוֺעֵר
אֲשֶׁר עַל־שְׂפַת־נַחַל אַרְנֺון
וְהָעִיר אֲשֶׁר בְּתוֺכְ־הַנַּחַל
וְכָל־הַמִּישֹׁר עַל־מֵידְבָא׃
Jeh 13.17
חֶשְׁבּוֺן וְכָל־עָרֶיהָ אֲשֶׁר בַּמִּישֹׁר
דִּיבוֺן וּבָמוֺת בַּעַל וּבֵית
בַּעַל מְעוֺן׃
Jeh 13.18
וְיַהְצָה וּקְדֵמֹת וּמֵפָעַת׃
Jeh 13.19
וְקִרְיָתַיִם וְשִׂבְמָה וְצֶרֶת הַשַּׁחַר
בְּהַר הָעֵמֶק׃
Jeh 13.20
וּבֵית פְּעוֺר וְאַשְׁדּוֺת הַפִּסְגָּה
וּבֵית הַיְשִׁמוֺת׃
Jeh 13.21
וְכֹל עָרֵי הַמִּישֹׁר וְכָל־מַמְלְכוּת
סִיחוֺן מֶלֶך הָאֱמֹרִי אֲשֶׁר מָלַך
בְּחֶשְׁבּוֺן אֲשֶׁר הִכָּה מֹשֶׁה אֹתוֺ
וְאֶת־נְשִׂיאֵי מִדְיָן אֶת־אֱוִי
וְאֶת־רֶקֶם וְאֶת־צוּר וְאֶת־חוּר
וְאֶת־רֶבַע נְסִיכֵי סִיחוֺן
יֺשְׁבֵי הָאָרֶץ׃
Jeh 13.22
וְאֶת־בִּלְעָם בֶּנ־בְּעוֺר הַקּוֺסֵם
הָרְגוּ בְנֵי־יִשְׂרָאֵל בַּחֶרֶב
אֶל־חַלְלֵיהֶם׃
Jeh 13.23
וַיְהִי גְּבוּל בְּנֵי רְאוּבֵן הַיַּרְדֵּן
וּגְבוּל זֺאת נַחֲלַת בְּנֵי־רְאוּבֵן
לְמִשְׁפְּחֹתָם הֶעָרִים וְחַצְרֵיהֶן׃
ף
Jeh 13.24
וַיִּתֵּן מֹשֶׁה לְמַטֵּה־גָד לִבְנֵי־גָד
לְמִשְׁפְּחֹתָם׃
Jeh 13.25
וַיְהִי לָהֶם הַגְּבוּל יַעְזֵר
וְכָל־עָרֵי הַגִּלְעָד וַחֲצִי אֶרֶץ
בְּנֵי עַמּוֺן עַד־עֲרוֺעֵר אֲשֶׁר
עַל־פְּנֵי רַבָּה׃
Jeh 13.26
וּמֵחֶשְׁבּוֺן עַד־רָמַת הַמִּצְפֶּה
וּבְטֹנִים וּמִמַּחֲנַיִם עַד־גְּבוּל
לִדְבִר׃
Jeh 13.27
וּבָעֵמֶק בֵּית הָרָם וּבֵית נִמְרָה
וְסֻכּוֺת וְצָפוֺן יֶתֶר מַמְלְכוּת
סִיחוֺן מֶלֶך חֶשְׁבּוֺן הַיַּרְדֵּן
וּגְבֻל עַד־קְצֵה יָמ־כִּנֶּרֶת עֵבֶר
הַיַּרְדֵּן מִזְרָחָה׃
Jeh 13.28
זֺאת נַחֲלַת בְּנֵי־גָד לְמִשְׁפְּחֹתָם
הֶעָרִים וְחַצְרֵיהֶם׃
Jeh 13.29
וַיִּתֵּן מֹשֶׁה לַחֲצִי שֵׁבֶט מְנַשֶּׁה
וַיְהִי לַחֲצִי מַטֵּה בְנֵי־מְנַשֶּׁה
לְמִשְׁפְּחוֺתָם׃
Jeh 13.30
וַיְהִי גְבוּלָם מִמַּחֲנַיִם כָּל־הַבָּשָׁן
כָּל־מַמְלְכוּת עוֺג מֶלֶכְ־הַבָּשָׁן
וְכָל־חַוֺּת יָאִיר אֲשֶׁר בַּבָּשָׁן
שִׁשִּׁים עִיר׃
Jeh 13.31
וַחֲצִי הַגִּלְעָד וְעַשְׁתָּרוֺת וְאֶדְרֶעִי
עָרֵי מַמְלְכוּת עוֺג בַּבָּשָׁן לִבְנֵי
מָכִיר בֶּנ־מְנַשֶּׁה לַחֲצִי בְנֵי־מָכִיר
לְמִשְׁפְּחוֺתָם׃
Jeh 13.32
אֵלֶּה אֲשֶׁר־נִחַל מֹשֶׁה בְּעַרְבוֺת
מוֺאָב מֵעֵבֶר לְיַרְדֵּן יְרִיחוֺ
מִזְרָחָה׃ ס
Jeh 13.33
וּלְשֵׁבֶט הַלֵּוִי לֹא־נָתַן מֹשֶׁה
נַחֲלָה יְהוָה אֱלֹהֵי יִשְׂרָאֵל
הוּא נַחֲלָתָם כַּאֲשֶׁר דִּבֶּר לָהֶם׃

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages