Jeh 12

Full text search

Jeh 12
Jeh 12.1
וְאֵלֶּה מַלְכֵי הָאָרֶץ אֲשֶׁר הִכּוּ
בְנֵי־יִשְׂרָאֵל וַיִּרְשׁוּ אֶת־אַרְצָם
בְּעֵבֶר הַיַּרְדֵּן מִזְרְחָה הַשָּׁמֶשׁ
מִנַּחַל אַרְנֺון עַד־הַ חֶרְמוֺן
וְכָל־הָעֲרָבָה מִזְרָחָה׃
Jeh 12.2
סִיחוֺן מֶלֶך הָאֱמֹרִי הַיֺּושֵׁב
בְּחֶשְׁבּוֺן מֹשֵׁל מֵעֲרוֺעֵר אֲשֶׁר
עַל־שְׂפַת־נַחַל אַרְנֺון וְתוֺך
הַנַּחַל וַחֲצִי הַגִּלְעָד וְעַד
יַבֹּק הַנַּחַל גְּבוּל בְּנֵי עַמּוֺן׃
Jeh 12.3
וְהָעֲרָבָה עַד־יָם כִּנְרוֺת מִזְרָחָה
וְעַד יָם הָעֲרָבָה יָמ־הַמֶּלַח
מִזְרָחָה דֶּרֶך בֵּית הַיְשִׁמוֺת
וּמִתֵּימָן תַּחַת אַשְׁדּוֺת הַסְגָּה׃
Jeh 12.4
וּגְבוּל עוֺג מֶלֶך הַבָּשָׁן מִיֶּתֶר
הָרְפָאִים הַיֺּושֵׁב בְּעַשְׁתָּרוֺת
וּבְאֶדְרֶעִי׃
Jeh 12.5
וּמֹשֵׁל בְּהַר חֶרְמוֺן וּבְסַלְכָה
וּבְכָל־הַבָּשָׁן עַד־גְּבוּל הַגְּשׁוּרִי
וְהַמַּעֲכָתִי וַחֲצִי הַגִּלְעָד גְּבוּל
סִיחוֺן מֶלֶכְ־חֶשְׁבּוֺן׃
Jeh 12.6
מֹשֶׁה עֶבֶד־יְהוָה וּבְנֵי יִשְׂרָאֵל
הִכּוּם וַיִּתְּנָהּ מֹשֶׁה עֶבֶד־יְהוָה
יְרֻשָּׁה לָרֻאוּבֵנִי וְלַגָּדִי וְלַחֲצִי
שֵׁבֶט הַמְנַשֶּׁה׃ ס
Jeh 12.7
וְאֵלֶּה מַלְכֵי הָאָרֶץ אֲשֶׁר הִכָּה
יְהוֺשֻׁעַ וּבְנֵי יִשְׂרָאֵל בְּעֵבֶר
הַיַּרְדֵּן יָמָּה מִבַּעַל גָּד בְּבִקְעַת
הַלְּבָנֺון וְעַד־הָהָר חָלָק הָעֹלֶה
שֵׂעִירָה וַיִּתְּנָהּ יְהוֺשֻׁעַ לְשִׁבְטֵי
יִשְׂרָאֵל יְרֻשָּׁה כְּמַחְלְקֹתָם׃
Jeh 12.8
בָּהָר וּבַשְּׁפֵלָה וּבָעֲרָבָה וּבָאֲשֵׁדוֺת
וּבַמִּדְבָּר וּבַנֶּגֶב הַחִתִּי הָאֱמֹרִי
וְהַכְּנַעֲנִי הַפְּרִזִּי הַחִוִּי וְהַיְבוּסִי׃
Jeh 12.9
מֶלֶך יְרִיחוֺ אֶחָד מֶלֶך הָעַי
אֲשֶׁר־מִצַּד בֵּית־אֵל אֶחָד׃
Jeh 12.10
מֶלֶך יְרוּשָׁלִַם אֶחָד מֶלֶך חֶבְרוֺן
אֶחָד׃
Jeh 12.11
מֶלֶך יַרְמוּת אֶחָד מֶלֶך לָכִישׁ
אֶחָד׃
Jeh 12.12
מֶלֶך עֶגְלוֺן אֶחָד מֶלֶך גֶּזֶר
אֶחָד׃
Jeh 12.13
מֶלֶך דְּבִר אֶחָד מֶלֶך גֶּדֶר אֶחָד׃
Jeh 12.14
מֶלֶך חָרְמָה אֶחָד מֶלֶך עֲרָד
אֶחָד׃
Jeh 12.15
מֶלֶך לִבְנָה אֶחָד מֶלֶך עֲדֻלָּם
אֶחָד׃
Jeh 12.16
מֶלֶך מַקֵּדָה אֶחָד מֶלֶך בֵּית־אֵל
אֶחָד׃
Jeh 12.17
מֶלֶך תַּפּוּחַ אֶחָד מֶלֶך חֵפֶר
אֶחָד׃
Jeh 12.18
מֶלֶך אֲפֵק אֶחָד מֶלֶך לַשָּׁרוֺן
אֶחָד׃
Jeh 12.19
מֶלֶך מָדוֺן אֶחָד מֶלֶך חָצוֺר
אֶחָד׃
Jeh 12.20
מֶלֶך שִׁמְרוֺן מְראוֺן אֶחָד מֶלֶך
אַכְשָׁף אֶחָד׃
Jeh 12.21
מֶלֶך תַּעְנַך אֶחָד מֶלֶך מְגִדּוֺ
אֶחָד׃
Jeh 12.22
מֶלֶך קֶדֶשׁ אֶחָד מֶלֶכְ־יָקְנְָעָם
לַכַּרְמֶל אֶחָד׃
Jeh 12.23
מֶלֶך דּוֺר לְנָפַת דּוֺר אֶחָד
מֶלֶכְ־גֺּויִם לְגִלְגָּל אֶחָד׃
Jeh 12.24
מֶלֶךָ תִּרְצָה אֶחָד כָּל־מְלָכִים
שְׁלֹשִׁים וְאֶחָד׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages