Num 9

Full text search

Num 9
Num 9.1
וַיְדַבֵּר יְהוָה אֶל־מֹשֶׁה בְמִדְבַּר־סִינַי
בַּשָּׁנָה הַשֵּׁנִית לְצֵאתָם מֵאֶרֶץ
מִצְרַיִם בַּחֹדֶשׁ הָרִאשׁוֺן לֵאמֹר׃
Num 9.2
וְיַעֲשׂוּ בְנֵי־יִשְׂרָאֵל אֶת־הַפָּסַח
בְּמוֺעֲדוֺ׃
Num 9.3
בְּאַרְבָּעָה עָשָׂר־יֺום בַּחֹדֶשׁ הַזֶּה
בֵּין הָעֲרְבַּיִם תַּעֲשׂוּ אֹתוֺ
בְּמוֺעֲדוֺ כְּכָל־חֻקֹּתָיו וּכְכָל־מִשְׁפָּטָיו
תַּעֲשׂוּ אֹתוֺ׃
Num 9.4
וַיְדַבֵּר מֹשֶׁה אֶל־בְּנֵי יִשְׂרָאֵל
לַעֲשֹׂת הַפָּסַח׃
Num 9.5
וַיַּעֲשׂוּ אֶת־הַפֶּסַח בָּרִאשׁוֺן
בְּאַרְבָּעָה עָשָׂר יֺום לַחֹדֶשׁ בֵּין
הָעַרְבַּיִם בְּמִדְבַּר סִינָי כְּכֹל
אֲשֶׁר צִוָּה יְהוָה אֶת־מֹשֶׁה כֵּן
עָשׂוּ בְּנֵי יִשְׂרָאֵל׃
Num 9.6
וַיְהִי אֲנָשִׁים אֲשֶׁר הָיוּ טְמֵאִים
לְנֶפֶשׁ אָדָם וְלֹא־יָכְלוּ לַעֲשֹׂת־הַפֶּסַח
בַּיֺּום הַהוּא וַיִּקְרְבוּ לִפְנֵי
מֹשֶׁה וְלִפְנֵי אַהֲרֹן בַּיֺּום הַהוּא׃
Num 9.7
וַיֺּאמְרוּ הָאֲנָשִׁים הָהֵמָּה
אֵלָיו אֲנַחְנוּ טְמֵאִים לְנֶפֶשׁ
אָדָם לָמָּה נִגָּרַע לְבִלְתִּי הַקְרִב
אֶת־קָרְבַּן יְהוָה בְּמֹעֲדוֺ תוֺך
בְּנֵי יִשְׂרָאֵל׃
Num 9.8
וַיֺּאמֶר אֲלֵהֶם מֹשֶׁה עִמְדוּ
וְאֶשְׁמְעָה מַה־יְצַוֶּה יְהוָה לָכֶם׃
ף
Num 9.9
וַיְדַבֵּר יְהוָה אֶל־מֹשֶׁה לֵּאמֹר׃
Num 9.10
דַּבֵּר אֶל־בְּנֵי יִשְׂרָאֵל לֵאמֹר
אִישׁ אִישׁ כִּי־יִהְיֶה־טָמֵא
לָנֶפֶשׁ אוֺ בְדֶרֶך רְחֹקָה לָכֶם
אוֺ לְדֹרֹתֵיכֶם וְעָשָׂה פֶסַח
לַיהוָה׃
Num 9.11
בַּחֹדֶשׁ הַשֵּׁנִי בְּאַרְבָּעָה עָשָׂר
יֺום בֵּין הָעַרְבַּיִם יַעֲשׂוּ
אֹתוֺ עַל־מַצּוֺת וּמְרֹרִים יֺאכְלֻהוּ׃
Num 9.12
לֹא־יַשְׁאִירוּ מִמֶּנּוּ עַד־בֹּקֶר
וְעֶצֶם לֹא יִשְׁבְּרוּ־בוֺ כְּכָל־חֻקַּת
הַפֶּסַח יַעֲשׂוּ אֹתוֺ׃
Num 9.13
וְהָאִישׁ אֲשֶׁר־הוּא טָהוֺר וּבְדֶרֶך
לֹא־הָיָה וְחָדַל לַעֲשׂוֺת הַפֶּסַח
וְנִכְרְתָה הַנֶּפֶשׁ הַהִוא מֵעַמֶּיהָ
כִּי קָרְבַּן יְהוָה לֹא קְרִיב
בְּמֹעֲדוֺ חֶטְאוֺ יִשָּׂא הָאִישׁ
הַהוּא׃
Num 9.14
וְכִי־יָגוּר אִתְּכֶם גֵּר וְעָשָׂה
פֶסַח לַיהוָה כְּחֻקַּת הַפֶּסַח
וּכְמִשְׁפָּטוֺ כֵּן יַעֲשֶׂה חֻקָּה אַחַת
יִהְיֶה לָכֶם וְלַגֵּר וּלְזְרַח
הָאָרֶץ׃ ף
Num 9.15
וּבְיֺום הָקִים אֶת־הַמִּשְׁכָּן כִּסָּה
הֶעָנָן אֶת־הַמִּשְׁכָּן לְאֹהֶל הָעֵדֻת
וּבָעֶרֶב יִהְיֶה עַל־הַמִּשְׁכָּן כְּמַרְאֵה־אֵשׁ
עַד־בֹּקֶר׃
Num 9.16
כֵּן יִהְיֶה תָמִיד הֶעָנָן יְכַסֶּנּוּ
וּמַרְאֵה־אֵשׁ לָיְלָה׃
Num 9.17
וּלְפִי הֵעָלֹת הֶעָנָן מֵעַל הָאֹהֶל
וְאַחֲרֵי־כֵן יִסְעוּ בְּנֵי יִשְׂרָאֵל
וּבִמְקוֺם אֲשֶׁר יִשְׁכָּנ־שָׁם הֶעָנָן
שָׁם יַחֲנוּ בְּנֵי יִשְׂרָאֵל׃
Num 9.18
עַל־פִּי יְהוָה יִסְעוּ בְּנֵי יִשְׂרָאֵל
וְעַל־פִּי יְהוָה יַחֲנוּ כָּל־יְמֵי
אֲשֶׁר יִשְׁכֹּן הֶעָנָן עַל־הַמִּשְׁכָּן
יַחֲנוּ׃
Num 9.19
וּבְהַאֲרִיך הֶעָנָן עַל־הַמִּשְׁכָּן
יָמִים רַבִּים וְשָׁמְרוּ בְנֵי־יִשְׂרָאֵל
אֶת־מִשְׁמֶרֶת יְהוָה וְלֹא יִסָּעוּ׃
Num 9.20
וְיֵשׁ אֲשֶׁר יִהְיֶה הֶעָנָן יָמִים
מִסְפָּר עַל־הַמִּשְׁכָּן עַל־פִּי
יְהוָה יַחֲנוּ וְעַל־פִּי יְהוָה
יִסָּעוּ׃
Num 9.21
וְיֵשׁ אֲשֶׁר־יִהְיֶה הֶעָנָן מֵעֶרֶב
עַד־בֹּקֶר וְנַעֲלָה הֶעָנָן בַּבֹּקֶר
וְנָסָעוּ אוֺ יֺומָם וָלַיְלָה
וְנַעֲלָה הֶעָנָן וְנָסָעוּ׃
Num 9.22
אוֺ־יֺמַיִם אוֺ־חֹדֶשׁ אוֺ־יָמִים
בְּהַאֲרִיך הֶעָנָן עַל־הַמִּשְׁכָּן
לִשְׁכֹּן עָלָיו יַחֲנוּ בְנֵי־יִשְׂרָאֵל
וְלֹא יִסָּעוּ וּבְהֵעָלֹתוֺ יִעוּ׃
Num 9.23
עַל־פִּי יְהוָה יַחֲנוּ וְעַל־פִּי
יְהוָה יִסָּעוּ אֶת־מִשְׁמֶרֶת יְהוָה
שָׁמָרוּ עַל־פִּי יְהוָה בְּיַד־מֹשֶׁה׃
ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages