Num 34

Full text search

Num 34
Num 34.1
וַיְדַבֵּר יְהוָה אֶל־מֹשֶׁה לֵּאמֹר׃
Num 34.2
צַו אֶת־בְּנֵי יִשְׂרָאֵל וְאָמַרְתָּ
אֲלֵהֶם כִּי־אַתֶּם בָּאִים אֶל־הָאָרֶץ
כְּנָעַן זֺאת הָאָרֶץ אֲשֶׁר תִּפֹּל
לָכֶם בְּנַחֲלָה אֶרֶץ נַעַן לִגְבֻלֹתֶיהָ׃
Num 34.3
וְהָיָה לָכֶם פְּאַת־נֶגֶב מִמִּדְבַּר־צִן
עַל־יְדֵי אֱדוֺם וְהָיָה לָכֶם
גְּבוּל נֶגֶב מִקְצֵה יָמ־הַמֶּלַח
קֵדְמָה׃
Num 34.4
וְנָסַב לָכֶם הַגְּבוּל מִנֶּגֶב לְמַעֲלֵה
עַקְרַבִּים וְעָבַר צִנָה 1 וְהָיָה 2 וְהָיוּ
תּוֺצְאֹתָיו מִנֶּגֶב לְקָדֵשׁ בַּרְנֵעַ
וְיָצָא חֲצַר־אַדָּר וְעָבַר עַצְמֹנָה׃
Num 34.5
וְנָסַב הַגְּבוּל מֵעַצְמוֺן נַחְלָה
מִצְרָיִם וְהָיוּ תוֺצְאֹתָיו הַיָּמָּה׃
Num 34.6
וּגְבוּל יָם וְהָיָה לָכֶם הַיָּם
הַגָּדוֺל וּגְבוּל זֶה־יִהְיֶה לָכֶם
גְּבוּל יָם׃
Num 34.7
וְזֶה־יִהְיֶה לָכֶם גְּבוּל צָפוֺן
מִנ־הַיָּם הַגָּדֹל תְּתָאוּ לָכֶם
הֹר הָהָר׃
Num 34.8
מֵהֹר הָהָר תְּתָאוּ לְבֹא חֲמָת
וְהָיוּ תּוֺצְאֹת הַגְּבֻל צְדָדָה׃
Num 34.9
וְיָצָא הַגְּבֻל זִפְרֹנָה וְהָיוּ
תוֺצְאֹתָיו חֲצַר עֵינָן זֶה־יִהְיֶה
לָכֶם גְּבוּל צָפוֺן׃
Num 34.10
וְהִתְאַוִּיתֶם לָכֶם לִגְבוּל קֵדְמָה
מֵחֲצַר עֵינָן שְׁפָמָה׃
Num 34.11
וְיָרַד הַגְּבֻל מִשְּׁפָם הָרִבְלָה
מִקֶּדֶם לָעָיִן וְיָרַד הַגְּבוּל
וּמָחָה עַל־כֶּתֶף יָמ־כִּנֶּרֶת
קֵדְמָה׃
Num 34.12
וְיָרַד הַגְּבוּל הַיַּרְדֵּנָה וְהָיוּ
תוֺצְאֹתָיו יָם הַמֶּלַח זֺאת
תִּהְיֶה לָכֶם הָאָרֶץ לִגְבֻלֹתֶיהָ
סָבִיב׃
Num 34.13
וַיְצַו מֹשֶׁה אֶת־בְּנֵי יִשְׂרָאֵל
לֵאמֹר זֺאת הָאָרֶץ אֲשֶׁר תִּתְנַחֲלוּ
אֹתָהּ בְּגֺורָל אֲשֶׁר צִוָּה יְהוָה
לָתֵת לְתִשְׁעַת הַמַּטּוֺת וַחֲצִי
הַמַּטֶּה׃
Num 34.14
כִּי לָקְחוּ מַטֵּה בְנֵי הָראוּבֵנִי
לְבֵית אֲבֹתָם וּמַטֵּה בְנֵי־הַגָּדִי
לְבֵית אֲבֹתָם וַחֲצִי מַטֵּה מְנַשֶּׁה
לָקְחוּ נַחֲלָתָם׃
Num 34.15
שְׁנֵי הַמַּטּוֺת וַחֲצִי הַמַּטֶּה לָקְחוּ
נַחֲלָתָם מֵעֵבֶר לְיַרְדֵּן יְרֵחוֺ
קֵדְמָה מִזְרָחָה׃ ף
Num 34.16
וַיְדַבֵּר יְהוָה אֶל־מֹשֶׁה לֵּאמֹר׃
Num 34.17
אֵלֶּה שְׁמוֺת הָאֲנָשִׁים אֲשֶׁר־יִנְחֲלוּ
לָכֶם אֶת־הָאָרֶץ אֶלְעָזָר הַכֹּהֵן
וִיהוֺשֻׁעַ בִּנ־נוּן׃
Num 34.18
וְנָשִׂיא אֶחָד נָשִׂיא אֶחָד מִמַּטֶּה
תִּקְחוּ לִנְחֹל אֶת־הָאָרֶץ׃
Num 34.19
וְאֵלֶּה שְׁמוֺת הָאֲנָשִׁים לְמַטֵּה
יְהוּדָה כָּלֵב בֶּנ־יְפֻנֶּה׃
Num 34.20
וּלְמַטֵּה בְּנֵי שִׁמְעוֺן שְׁמוּאֵל
בֶּנ־עַמִּיהוּד׃
Num 34.21
לְמַטֵּה בִנְיָמִן אֱלִידָד בֶּנ־כִּסְלוֺן׃
Num 34.22
וּלְמַטֵּה בְנֵי־דָן נָשִׂיא בֻּקִּי
בֶּנ־יָגְלִי׃
Num 34.23
לִבְנֵי יֺוסֵף לְמַטֵּה בְנֵי־מְנַשֶּׁה
נָשִׂיא חַנִּיאֵל בֶּנ־אֵפֹד׃
Num 34.24
וּלְמַטֵּה בְנֵי־אֶפְרַיִם נָשִׂיא
קְמוּאֵל בֶּנ־שִׁפְטָן׃
Num 34.25
וּלְמַטֵּה בְנֵי־זְבוּלֻן נָשִׂיא
אֱלִיצָפָן בֶּנ־פַּרְנָך׃
Num 34.26
וּלְמַטֵּה בְנֵי־יִשָׂשכָר נָשִׂיא
פַּלְטִיאֵל בֶּנ־עַזָּן׃
Num 34.27
וּלְמַטֵּה בְנֵי־אָשֵׁר נָשִׂיא אֲחִיהוּד
בֶּנ־שְׁלֹמִי׃
Num 34.28
וּלְמַטֵּה בְנֵי־נַפְתָּלִי נָשִׂיא
פְּדַהְאֵל בֶּנ־עַמִּיהוּד׃
Num 34.29
אֵלֶּה אֲשֶׁר צִוָּה יְהוָה לְנַחֵל
אֶת־בְּנֵי־יִשְׂרָאֵל בְּאֶרֶץ כְּנָעַן׃
ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages