Num 25

Full text search

Num 25
Num 25.1
וַיֵּשֶׁב יִשְׂרָאֵל בַּשִּׁטִּים וַיָּחֶל
הָעָם לִזְנֺות אֶל־בְּנֺות מוֺאָב׃
Num 25.2
וַתִּקְרֶאןָ לָעָם לְזִבְחֵי אֱלֹהֵיהֶן
וַיֺּאכַל הָעָם וַיִּשְׁתַּחֲוּוּ לֵאלֹהֵיהֶן׃
Num 25.3
וַיִּצָּמֶד יִשְׂרָאֵל לְבַעַל פְּעוֺר
וַיִּחַר־אַף יְהוָה בְּיִשְׂרָאֵל׃
Num 25.4
וַיֺּאמֶר יְהוָה אֶל־מֹשֶׁה קַח
אֶת־כָּל־רָאשֵׁי הָעָם וְהוֺקַע
אוֺתָם לַיהוָה נֶגֶד הַשָּׁמֶשׁ
וְיָשֹׁב חֲרוֺן אַפ־יְהוָה מִיִּשְׂרָאֵל׃
Num 25.5
וַיֺּאמֶר מֹשֶׁה אֶל־שֹׁפְטֵי יִשְׂרָאֵל
הִרְגוּ אִישׁ אֲנָשָׁיו הַנִּצְמָדִים
לְבַעַל פְּעוֺר׃
Num 25.6
וְהִנֵּה אִישׁ מִבְּנֵי יִשְׂרָאֵל
בָּא וַיַּקְרֵב אֶל־אֶחָיו אֶת־הַמִּדְיָנִית
לְעֵינֵי מֹשֶׁה וּלְעֵינֵי כָּל־עֲדַת
בְּנֵי־יִשְׂרָאֵל וְהֵמָּה בֹכִי פֶּתַח
אֹהֶל מוֺעֵד׃
Num 25.7
וַיַּרְא פִּינְחָס בֶּנ־אֶלְעָזָר
בֶּנ־אַהֲרֹן הַכֹּהֵן וַיָּקָם מִתּוֺך
הָעֵדָה וַיִּקַּח רֹמַח בְּיָדוֺ׃
Num 25.8
וַיָּבֹא אַחַר אִישׁ־יִשְׂרָאֵל אֶל־הַקֻּבָּה
וַיִּדְקֹר אֶת־שְׁנֵיהֶם אֵת אִישׁ
יִשְׂרָאֵל וְאֶת־הָאִשָּׁה אֶל־קֳבָתָהּ
וַתֵּעָצַר הַמַּגֵּפָה מֵעַל בְּנֵי
יִשְׂרָאֵל׃
Num 25.9
וַיִּהְיוּ הַמֵּתִים בַּמַּגֵּפָה אַרְבָּעָה
וְעֶשְׂרִים אָלֶף׃ ף
Num 25.10
וַיְדַבֵּר יְהוָה אֶל־מֹשֶׁה לֵּאמֹר׃
Num 25.11
פִּינְחָס בֶּנ־אֶלְעָזָר בֶּנ־אַהֲרֹן
הַכֹּהֵן הֵשִׁיב אֶת־חֲמָתִי מֵעַל
בְּנֵי־יִשְׂרָאֵל בְּקַנְאוֺ אֶת־קִנְאָתִי
בְּתוֺכָם וְלֹא־כִלִּיתִי אֶת־בְּנֵי־יִשְׂרָאֵל
בְּקִנְאָתִי׃
Num 25.12
לָכֵן אֱמֹר הִנְנִי נֺתֵן לוֺ
אֶת־בְּרִיתִי שָׁלוֺם׃
Num 25.13
וְהָיְתָה לּוֺ וּלְזַרְעוֺ אַחֲרָיו
בְּרִית כְּהֻנַּת עוֺלָם תַּחַת אֲשֶׁר
קִנֵּא לֵאלֹהָיו וַיְכַפֵּר עַל־בְּנֵי
יִשְׂרָאֵל׃
Num 25.14
וְשֵׁם אִישׁ יִשְׂרָאֵל הַמֻּכֶּה אֲשֶׁר
הֻכָּה אֶת־הַמִּדְיָנִית זִמְרִי בֶּנ־סָלוּא
נְשִׂיא בֵית־אָב לַשִּׁמְעֹנִי׃
Num 25.15
וְשֵׁם הָאִשָּׁה הַמֻּכָּה הַמִּדְיָנִית
כָּזְבִּי בַת־צוּר רֹאשׁ אֻמּוֺת
בֵּית־אָב בְּמִדְיָן הוּא׃ ף
Num 25.16
וַיְדַבֵּר יְהוָה אֶל־מֹשֶׁה לֵּאמֹר׃
Num 25.17
צָרוֺר אֶת־הַמִּדְיָנִים וְהִכִּיתֶם
אוֺתָם׃
Num 25.18
כִּי צֹרְרִים הֵם לָכֶם בְּנִכְלֵיהֶם
אֲשֶׁר־נִכְּלוּ לָכֶם עַל־דְּבַר־פְּעוֺר
וְעַל־דְּבַר כָּזְבִּי בַת־נְשִׂיא
מִדְיָן אֲחֹתָם הַמֻּכָּה בְיֺומ־הַמַּגֵּפָה
עַל־דְּבַר־פְּעוֺר׃
Num 25.19
וַיְהִי אַחֲרֵי הַמַּגֵּפָה׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages