Num 13

Full text search

Num 13
Num 13.1
וַיְדַבֵּר יְהוָה אֶל־מֹשֶׁה לֵּאמֹר׃
Num 13.2
שְׁלַח־לְךָ אֲנָשִׁים וְיָתֻרוּ אֶת־אֶרֶץ
כְּנַעַן אֲשֶׁר־אֲנִי נֺתֵן לִבְנֵי
יִשְׂרָאֵל אִישׁ אֶחָד אִישׁ אֶחָד
לְמַטֵּה אֲבֹתָיו תִּשְׁלָחוּ כֹּל נָשִׂיא
בָהֶם׃
Num 13.3
וַיִּשְׁלַח אֹתָם מֹשֶׁה מִמִּדְבַּר
פָּארָן עַל־פִּי יְהוָה כֻּלָּם אֲנָשִׁים
רָאשֵׁי בְנֵי־יִשְׂרָאֵל הֵמָּה׃
Num 13.4
וְאֵלֶּה שְׁמוֺתָם לְמַטֵּה רְאוּבֵן
שַׁמּוּעַ בֶּנ־זַכּוּר׃
Num 13.5
לְמַטֵּה שִׁמְעוֺן שָׁפָט בֶּנ־חוֺרִי׃
Num 13.6
לְמַטֵּה יְהוּדָה כָּלֵב בֶּנ־יְפֻנֶּה׃
Num 13.7
לְמַטֵּה יִשָּׂשכָר יִגְאָל בֶּנ־יֺוסֵף׃
Num 13.8
לְמַטֵּה אֶפְרָיִם הוֺשֵׁעַ בִּנ־נוּן׃
Num 13.9
לְמַטֵּה בִנְיָמִן פַּלְטִי בֶּנ־רָפוּא׃
Num 13.10
לְמַטֵּה זְבוּלֻן גַּדִּיאֵל בֶּנ־סוֺדִי׃
Num 13.11
לְמַטֵּה יֺוסֵף לְמַטֵּה מְנַשֶּׁה
גַּדִּי בֶּנ־סוּסִי׃
Num 13.12
לְמַטֵּה דָן עַמִּיאֵל בֶּנ־גְּמַלִּי׃
Num 13.13
לְמַטֵּה אָשֵׁר סְתוּר בֶּנ־מִיכָאֵל׃
Num 13.14
לְמַטֵּה נַפְתָּלִי נַחְבִּי בֶּנ־וָפְסִי׃
Num 13.15
לְמַטֵּה גָד גְּאוּאֵל בֶּנ־מָכִי׃
Num 13.16
אֵלֶּה שְׁמוֺת הָאֲנָשִׁים אֲשֶׁר־שָׁלַח
מֹשֶׁה לָתוּר אֶת־הָאָרֶץ וַיִּקְרָא
מֹשֶׁה לְהוֺשֵׁעַ בִּנ־נוּן יְהוֺשֻׁעַ׃
Num 13.17
וַיִּשְׁלַח אֹתָם מֹשֶׁה לָתוּר אֶת־אֶרֶץ
כְּנָעַן וַיֺּאמֶר אֲלֵהֶם עֲלוּ זֶה
בַּנֶּגֶב וַעֲלִיתֶם אֶת־הָהָר׃
Num 13.18
וּרְאִיתֶם אֶת־הָאָרֶץ מַה־הִוא
וְאֶת־הָעָם הַיֺּשֵׁב עָלֶיהָ הֶחָזָק
הוּא הֲרָפֶה הַמְעַט הוּא אִמ־רָב׃
Num 13.19
וּמָה הָאָרֶץ אֲשֶׁר־הוּא יֺשֵׁב
בָּהּ הֲטוֺבָה הִוא אִמ־רָעָה וּמָה
הֶעָרִים אֲשֶׁר־הוּא יֺושֵׁב בָּהֵנָּה
הַבְּמַחֲנִים אִם בְּמִבְצָרִים׃
Num 13.20
וּמָה הָאָרֶץ הַשְּׁמֵנָה הִוא אִמ־רָזָה
הֲיֵשׁ־בָּהּ עֵץ אִמ־אַיִן וְהִתְחַזַּקְתֶּם
וּלְקַחְתֶּם מִפְּרִי הָאָרֶץ וְהַיָּמִים
יְמֵי בִּכּוּי עֲנָבִים׃
Num 13.21
וַיַּעֲלוּ וַיָּתֻרוּ אֶת־הָאָרֶץ
מִמִּדְבַּר־צִן עַד־רְחֹב לְבֹא חֲמָת׃
Num 13.22
וַיַּעֲלוּ בַנֶּגֶב וַיָּבֹא עַד־חֶבְרוֺן
וְשָׁם אֲחִימַן שֵׁשַׁי וְתַלְמַי יְלִידֵי
הָעֲנָק וְחֶבְרוֺן שֶׁבַע שָׁנִים
נִבְנְתָה לִפְנֵי צֹעַן מִצְרָיִם׃
Num 13.23
וַיָּבֹאוּ עַד־נַחַל אֶשְׁכֹּל וַיִּכְרְתוּ
מִשָּׁם זְמוֺרָה וְאֶשְׁכּוֺל עֲנָבִים
אֶחָד וַיִּשָּׂאֻהוּ בַמּוֺט בִּשְׁנָיִם
וּמִנ־הָרִמֹּנִים וּמִנ־הַתְּאֵנִים׃
Num 13.24
לַמָּקוֺם הַהוּא קָרָא נַחַל אֶשְׁכּוֺל
עַל אֹדוֺת הָאֶשְׁכּוֺל אֲשֶׁר־כָּרְתוּ
מִשָּׁם בְּנֵי יִשְׂרָאֵל׃
Num 13.25
וַיָּשֻׁבוּ מִתּוּר הָאָרֶץ מִקֵּץ אַרְבָּעִים
יֺום׃
Num 13.26
וַיֵּלְכוּ וַיָּבֹאוּ אֶל־מֹשֶׁה וְאֶל־אַהֲרֹן
וְאֶל־כָּל־עֲדַת בְּנֵי־יִשְׂרָאֵל
אֶל־מִדְבַּר פָּארָן קָדֵשָׁה וַיָּשִׁיבוּ
אוֺתָם דָּבָר וְאֶת־כָּל־הָעֵדָה
וַיַּרְאוּם אֶת־פְּרִי הָאָרֶץ׃
Num 13.27
וַיְסַפְּרוּ־לוֺ וַיֺּאמְרוּ בָּאנוּ
אֶל־הָאָרֶץ אֲשֶׁר שְׁלַחְתָּנוּ וְגַם
זָבַת חָלָב וּדְבַשׁ הִוא וְזֶה־פִּרְיָהּ׃
Num 13.28
אֶפֶס כִּי־עַז הָעָם הַיֺּשֵׁב
בָּאָרֶץ וְהֶעָרִים בְּצֻרוֺת גְּדֹלֹת
מְאֹד וְגַמ־יְלִדֵי הָעֲנָק רָאִינוּ
שָׁם׃
Num 13.29
עֲמָלֵק יֺושֵׁב בְּאֶרֶץ הַנֶּגֶב וְהַחִתִּי
וְהַיְבוּסִי וְהָאֱמֹרִי יֺושֵׁב
בָּהָר וְהַכְּנַעֲנִי יֺשֵׁב עַל־הַיָּם
וְעַל יַד הַיַּרְדֵּן׃
Num 13.30
וַיַּהַס כָּלֵב אֶת־הָעָם אֶל־מֹשֶׁה
וַיֺּאמֶר עָלֹה נַעֲלֶה וְיָרַשְׁנוּ
אֹתָהּ כִּי־יָכוֺל נוּכַל לָהּ׃
Num 13.31
וְהָאֲנָשִׁים אֲשֶׁר־עָלוּ עִמּוֺ אָמְרוּ
לֹא נוּכַל לַעֲלוֺת אֶל־הָעָם
כִּי־חָזָק הוּא מִמֶּנּוּ׃
Num 13.32
וַיֺּוצִיאוּ דִּבַּת הָאָרֶץ אֲשֶׁר
תָּרוּ אֹתָהּ אֶל־בְּנֵי יִשְׂרָאֵל
לֵאמֹר הָאָרֶץ אֲשֶׁר עָבַרְנוּ בָהּ
לָתוּר אֹתָהּ אֶרֶץ אֹכֶלֶת יֺושְׁבֶיהָ
הִוא וְכָל־הָעָם אֲשֶׁר־רָאִינוּ
בְתוֺכָהּ אַנְשֵׁי מִדּוֺת׃
Num 13.33
וְשָׁם רָאִינוּ אֶת־הַנְּפִילִים
בְּנֵי עֲנָק מִנ־הַנְּפִלִים וַנְּהִי
בְעֵינֵינוּ כַּחֲגָבִים וְכֵן הָיִינוּ
בְּעֵינֵיהֶם׃

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages