Lev 27

Full text search

Lev 27
Lev 27.1
וַיְדַבֵּר יְהוָה אֶל־מֹשֶׁה לֵּאמֹר׃
Lev 27.2
דַּבֵּר אֶל־בְּנֵי יִשְׂרָאֵל וְאָמַרְתָּ
אֲלֵהֶם אִישׁ כִּי יַפְלִא נֶדֶר
בְּעֶרְכְּךָ נְפָשֹׁת לַיהוָה׃
Lev 27.3
וְהָיָה עֶרְכְּךָ הַזָּכָר מִבֶּן עֶשְׂרִים
שָׁנָה וְעַד בֶּנ־שִׁשִּׁים שָׁנָה וְהָיָה
עֶרְכְּךָ חֲמִשִּׁים שֶׁקֶל כֶּסֶף בְּשֶׁקֶל
הַקֹּדֶשׁ׃
Lev 27.4
וְאִמ־נְקֵבָה הִוא וְהָיָה עֶרְכְּךָ
שְׁלֹשִׁים שָׁקֶל׃
Lev 27.5
וְאִם מִבֶּנ־חָמֵשׁ שָׁנִים וְעַד
בֶּנ־עֶשְׂרִים שָׁנָה וְהָיָה עֶרְכְּךָ
הַזָּכָר עֶשְׂרִים שְׁקָלִים וְלַנְּקֵבָה
עֲשֶׂרֶת שְׁקָלִים׃
Lev 27.6
וְאִם מִבֶּנ־חֹדֶשׁ וְעַד בֶּנ־חָמֵשׁ
שָׁנִים וְהָיָה עֶרְכְּךָ הַזָּכָר חֲמִשָּׁה
שְׁקָלִים כָּסֶף וְלַנְּקֵבָה עֶרְכְּךָ
שְׁלֹשֶׁת שְׁקָלִים כָּסֶף׃
Lev 27.7
וְאִם מִבֶּנ־שִׁשִּׁים שָׁנָה וָמַעְלָה
אִמ־זָכָר וְהָיָה עֶרְכְּךָ חֲמִשָּׁה
עָשָׂר שָׁקֶל וְלַנְּקֵבָה עֲשָׂרָה
שְׁקָלִים׃
Lev 27.8
וְאִמ־מָך הוּא מֵעֶרְכֶּךָ וְהֶעֱמִידוֺ
לִפְנֵי הַכֹּהֵן וְהֶעֱרִיך אֹתוֺ
הַכֹּהֵן עַל־פִּי אֲשֶׁר תַּשִּׂיג יַד
הַנֺּדֵר יַעֲרִיכֶנּוּ הַהֵן׃ ס
Lev 27.9
וְאִמ־בְּהֵמָה אֲשֶׁר יַקְרִיבוּ
מִמֶּנָּה קָרְבָּן לַיהוָה כֹּל אֲשֶׁר
יִתֵּן מִמֶּנּוּ לַיהוָה יִהְיֶה־קֹּדֶשׁ׃
Lev 27.10
לֹא יַחֲלִיפֶנּוּ וְלֹא־יָמִיר אֹתוֺ
טוֺב בְּרָע אוֺ־רַע בְּטוֺב וְאִמ־הָמֵר
יָמִיר בְּהֵמָה בִּבְהֵמָה וְהָיָה־הוּא
וּתְמוּרָתוֺ יִהְיֶה־קֹּדֶשׁ׃
Lev 27.11
וְאִם כָּל־בְּהֵמָה טְמֵאָה אֲשֶׁר
לֹא־יַקְרִיבוּ מִמֶּנָּה קָרְבָּן לַיהוָה
וְהֶעֱמִיד אֶת־הַבְּהֵמָה לִפְנֵי
הַכֹּהֵן׃
Lev 27.12
וְהֶעֱרִיך הַכֹּהֵן אֹתָהּ בֵּין טוֺב
וּבֵין רָע כְּעֶרְכְּךָ הַכֹּהֵן כֵּן
יִהְיֶה׃
Lev 27.13
וְאִמ־גָּאֹל יִגְאָלֶנָּה וְיָסַף חֲמִישִׁתוֺ
עַל־עֶרְכֶּךָ׃
Lev 27.14
וְאִישׁ כִּי־יַקְדִּשׁ אֶת־בֵּיתוֺ
קֹדֶשׁ לַיהוָה וְהֶעֱרִיכוֺ הַכֹּהֵן
בֵּין טוֺב וּבֵין רָע כַּאֲשֶׁר
יַעֲרִיך אֹתוֺ הַכֹּהֵן כֵּן יָקוּ׃
Lev 27.15
וְאִמ־הַמַּקְדִּישׁ יִגְאַל אֶת־בֵּיתוֺ
וְיָסַף חֲמִישִׁית כֶּסֶפ־עֶרְכְּךָ
עָלָיו וְהָיָה לוֺ׃
Lev 27.16
וְאִם מִשְּׂדֵה אֲחֻזָּתוֺ יַקְדִּישׁ
אִישׁ לַיהוָה וְהָיָה עֶרְכְּךָ
לְפִי זַרְעוֺ זֶרַע חֹמֶר שְׂעֹרִים
בַּחֲמִשִּׁים שֶׁקֶל כָּסֶף׃
Lev 27.17
אִמ־מִשְּׁנַת הַיֺּבֵל יַקְדִּישׁ שָׂדֵהוּ
כְּעֶרְכְּךָ יָקוּם׃
Lev 27.18
וְאִמ־אַחַר הַיֺּבֵל יַקְדִּישׁ שָׂדֵהוּ
וְחִשַּׁב־לוֺ הַכֹּהֵן אֶת־הַכֶּסֶף
עַל־פִּי הַשָּׁנִים הַנֺּותָרֹת עַד
שְׁנַת הַיֺּבֵל וְנִגְרַע מֵעֶרְכֶּךָ׃
Lev 27.19
וְאִמ־גָּאֹל יִגְאַל אֶת־הַשָּׂדֶה
הַמַּקְדִּישׁ אֹתוֺ וְיָסַף חֲמִשִׁית
כֶּסֶפ־עֶרְכְּךָ עָלָיו וְקָם לוֺ׃
Lev 27.20
וְאִמ־לֹא יִגְאַל אֶת־הַשָּׂדֶה
וְאִמ־מָכַר אֶת־הַשָּׂדֶה לְאִישׁ
אַחֵר לֹא יִגָּאֵל עוֺד׃
Lev 27.21
וְהָיָה הַשָּׂדֶה בְּצֵאתוֺ בַיֺּבֵל
קֹדֶשׁ לַיהוָה כִּשְׂדֵה הַחֵרֶם לַכֹּהֵן
תִּהְיֶה אֲחֻזָּתוֺ׃
Lev 27.22
וְאִם אֶת־שְׂדֵה מִקְנָתוֺ אֲשֶׁר
לֹא מִשְּׂדֵה אֲחֻזָּתוֺ יַקְדִּישׁ
לַיהוָה׃
Lev 27.23
וְחִשַּׁב־לוֺ הַכֹּהֵן אֵת מִכְסַת
הָעֶרְכְּךָ עַד שְׁנַת הַיֺּבֵל וְנָתַן
אֶת־הָעֶרְכְּךָ בַּיֺּום הַהוּא קֹדֶשׁ
לַיהוָה׃
Lev 27.24
בִּשְׁנַת הַיֺּובֵל יָשׁוּב הַשָּׂדֶה
לַאֲשֶׁר קָנָהוּ מֵאִתּוֺ לַאֲשֶׁר־לוֺ
אֲחֻזַּת הָאָרֶץ׃
Lev 27.25
וְכָל־עֶרְכְּךָ יִהְיֶה בְּשֶׁקֶל הַקֹּדֶשׁ
עֶשְׂרִים גֵּרָה יִהְיֶה הַשָּׁקֶל׃
ס
Lev 27.26
אַכְ־בְּכוֺר אֲשֶׁר־יְבֻכַּר לַיהוָה
בִּבְהֵמָה לֹא־יַקְדִּישׁ אִישׁ אֹתוֺ
אִמ־שׁוֺר אִמ־שֶׂה לַיהוָה הוּא׃
Lev 27.27
וְאִם בַּבְּהֵמָה הַטְּמֵאָה וּפָדָה
בְעֶרְכֶּךָ וְיָסַף חֲמִשִׁתוֺ עָלָיו
וְאִמ־לֹא יִגָּאֵל וְנִמְכַּר בְּעֶרְכֶּךָ׃
Lev 27.28
אַכְ־כָּל־חֵרֶם אֲשֶׁר יַחֲרִם אִישׁ
לַיהוָה מִכָּל־אֲשֶׁר־לוֺ מֵאָדָם
וּבְהֵמָה וּמִשְּׂדֵה אֲחֻזָּתוֺ לֹא
יִמָּכֵר וְלֹא יִגָּאֵל כָּל־חֵרֶם
קֹדֶשׁ־קָדָשִׁים הוּא לַיהוָה׃
Lev 27.29
כָּל־חֵרֶם אֲשֶׁר יָחֳרַם מִנ־הָאָדָם
לֹא יִפָּדֶה מוֺת יוּמָת׃
Lev 27.30
וְכָל־מַעְשַׂר הָאָרֶץ מִזֶּרַע הָאָרֶץ
מִפְּרִי הָעֵץ לַיהוָה הוּא קֹדֶשׁ
לַיהוָה׃
Lev 27.31
וְאִמ־גָּאֹל יִגְאַל אִישׁ מִמַּעַשְׂרוֺ
חֲמִשִׁיתוֺ יֺסֵף עָלָיו׃
Lev 27.32
וְכָל־מַעְשַׂר בָּקָר וָצֹאן כֹּל
אֲשֶׁר־יַעֲבֹר תַּחַת הַשָּׁבֶט הָעֲשִׂירִי
יִהְיֶה־קֹּדֶשׁ לַיהוָה׃
Lev 27.33
לֹא יְבַקֵּר בֵּינ־טוֺב לָרַע
וְלֹא יְמִירֶנּוּ וְאִמ־הָמֵר יְמִירֶנּוּ
וְהָיָה־הוּא וּתְמוּרָתוֺ יִהְיֶה־קֹדֶשׁ
לֹא יִגָּאֵל׃
Lev 27.34
אֵלֶּה הַמִּצְוֺת אֲשֶׁר צִוָּה יְהוָה
אֶת־מֹשֶׁה אֶל־בְּנֵי יִשְׂרָאֵל בְּהַר
סִינָי׃

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages