Lev 24

Full text search

Lev 24
Lev 24.1
וַיְדַבֵּר יְהוָה אֶל־מֹשֶׁה לֵּאמֹר׃
Lev 24.2
צַו אֶת־בְּנֵי יִשְׂרָאֵל וְיִקְחוּ
אֵלֶיךָ שֶׁמֶן זַיִת זָך כָּתִית
לַמָּאוֺר לְהַעֲלֹת נֵר תָּמִיד׃
Lev 24.3
מִחוּץ לְפָרֹכֶת הָעֵדֻת בְּאֹהֶל
מוֺעֵד יַעֲרֹך אֹתוֺ אַהֲרֹן מֵעֶרֶב
עַד־בֹּקֶר לִפְנֵי יְהוָה תָּמִיד
חֻקַּת עוֺלָם לְדֹרֹתֵיכֶם׃
Lev 24.4
עַל הַמְּנֺרָה הַטְּהֹרָה יַעֲרֹך
אֶת־הַנֵּרוֺת לִפְנֵי יְהוָה תָּמִיד׃
ף
Lev 24.5
וְלָקַחְתָּ סֹלֶת וְאָפִיתָ אֹתָהּ
שְׁתֵּים עֶשְׂרֵה חַלּוֺת שְׁנֵי עֶשְׂרֹנִים
יִהְיֶה הַחַלָּה הָאֶחָת׃
Lev 24.6
וְשַׂמְתָּ אוֺתָם שְׁתַּיִם מַעֲרָכוֺת
שֵׁשׁ הַמַּעֲרָכֶת עַל הַשֻּׁלְחָן הַטָּהֹר
לִפְנֵי יְהוָה׃
Lev 24.7
וְנָתַתָּ עַל־הַמַּעֲרֶכֶת לְבֹנָה זַכָּה
וְהָיְתָה לַלֶּחֶם לְאַזְכָּרָה אִשֶּׁה
לַיהוָה׃
Lev 24.8
בְּיֺום הַשַּׁבָּת בְּיֺום הַשַּׁבָּת יַעַרְכֶנּוּ
לִפְנֵי יְהוָה תָּמִיד מֵאֵת בְּנֵי־יִשְׂרָאֵל
בְּרִית עוֺלָם׃
Lev 24.9
וְהָיְתָה לְאַהֲרֹן וּלְבָנָיו וַאֲכָלֻהוּ
בְּמָקוֺם קָדֹשׁ כִּי קֹדֶשׁ קָדָשִׁים
הוּא לוֺ מֵאִשֵּׁי יְהוָה חָק־עוֺלָם׃
ס
Lev 24.10
וַיֵּצֵא בֶּנ־אִשָּׁה יִשְׂרְאֵלִית וְהוּא
בֶּנ־אִישׁ מִצְרִי בְּתוֺך בְּנֵי
יִשְׂרָאֵל וַיִּנָּצוּ בַּמַּחֲנֶה בֶּן
הַיִּשְׂרְאֵלִית וְאִישׁ הַיִּשְׂרְלִי׃
Lev 24.11
וַיִּקֹּב בֶּנ־הָאִשָּׁה הַיִּשְׂרְאֵלִית
אֶת־הַשֵּׁם וַיְקַלֵּל וַיָּבִיאוּ אֹתוֺ
אֶל־מֹשֶׁה וְשֵׁם אִמּוֺ שְׁלֹמִית
בַּת־דִּבְרִי לְמַטֵּה־דָן׃
Lev 24.12
וַיַּנִּיחֻהוּ בַּמִּשְׁמָר לִפְרֹשׁ לָהֶם
עַל־פִּי יְהוָה׃ ף
Lev 24.13
וַיְדַבֵּר יְהוָה אֶל־מֹשֶׁה לֵּאמֹר׃
Lev 24.14
הוֺצֵא אֶת־הַמְקַלֵּל אֶל־מִחוּץ
לַמַּחֲנֶה וְסָמְכוּ כָל־הַשֹּׁמְעִים
אֶת־יְדֵיהֶם עַל־רֹאשׁוֺ וְרָגְמוּ
אֹתוֺ כָּל־הָעֵדָה׃
Lev 24.15
וְאֶל־בְּנֵי יִשְׂרָאֵל תְּדַבֵּר לֵאמֹר
אִישׁ אִישׁ כִּי־יְקַלֵּל אֱלֹהָיו
וְנָשָׂא חֶטְאוֺ׃
Lev 24.16
וְנֺקֵב שֵׁמ־יְהוָה מוֺת יוּמָת
רָגֺום יִרְגְּמוּ־בוֺ כָּל־הָעֵדָה
כַּגֵּר כָּאֶזְרָח בְּנָקְבוֺ־שֵׁם יוּמָת׃
Lev 24.17
וְאִישׁ כִּי יַכֶּה כָּל־נֶפֶשׁ אָדָם
מוֺת יוּמָת׃
Lev 24.18
וּמַכֵּה נֶפֶשׁ־בְּהֵמָה יְשַׁלְּמֶנָּה
נֶפֶשׁ תַּחַת נָפֶשׁ׃
Lev 24.19
וְאִישׁ כִּי־יִתֵּן מוּם בַּעֲמִיתוֺ
כַּאֲשֶׁר עָשָׂה כֵּן יֵעָשֶׂה לּוֺ׃
Lev 24.20
שֶׁבֶר תַּחַת שֶׁבֶר עַיִן תַּחַת
עַיִן שֵׁן תַּחַת שֵׁן כַּאֲשֶׁר יִתֵּן
מוּם בָּאָדָם כֵּן יִנָּתֶן בּוֺ׃
Lev 24.21
וּמַכֵּה בְהֵמָה יְשַׁלְּמֶנָּה וּמַכֵּה
אָדָם יוּמָת׃
Lev 24.22
מִשְׁפַּט אֶחָד יִהְיֶה לָכֶם כַּגֵּר
כָּאֶזְרָח יִהְיֶה כִּי אֲנִי יְהוָה
אֱלֹהֵיכֶם׃
Lev 24.23
וַיְדַבֵּר מֹשֶׁה אֶל־בְּנֵי יִשְׂרָאֵל
וַיֺּוצִיאוּ אֶת־הַמְקַלֵּל אֶל־מִחוּץ
לַמַּחֲנֶה וַיִּרְגְּמוּ אֹתוֺ אָבֶן
וּבְנֵי־יִשְׂרָאֵל עָשׂוּ כַּשֶׁר צִוָּה
יְהוָה אֶת־מֹשֶׁה׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages