Lev 23

Full text search

Lev 23
Lev 23.1
וַיְדַבֵּר יְהוָה אֶל־מֹשֶׁה לֵּאמֹר׃
Lev 23.2
דַּבֵּר אֶל־בְּנֵי יִשְׂרָאֵל וְאָמַרְתָּ
אֲלֵהֶם מוֺעֲדֵי יְהוָה אֲשֶׁר־תִּקְרְאוּ
אֹתָם מִקְרָאֵי קֹדֶשׁ אֵלֶּה הֵם
מוֺעֲדָי׃
Lev 23.3
שֵׁשֶׁת יָמִים תֵּעָשֶׂה מְלָאכָה וּבַיֺּום
הַשְּׁבִיעִי שַׁבַּת שַׁבָּתוֺן מִקְרָא־קֹדֶשׁ
כָּל־מְלָאכָה לֹא תַעֲשׂוּ שַׁבָּת
הִוא לַיהוָה בְּכֹל מוֺשְׁבֹתֵיכֶם׃
ף
Lev 23.4
אֵלֶּה מוֺעֲדֵי יְהוָה מִקְרָאֵי
קֹדֶשׁ אֲשֶׁר־תִּקְרְאוּ אֹתָם בְּמוֺעֲדָם׃
Lev 23.5
בַּחֹדֶשׁ הָרִאשׁוֺן בְּאַרְבָּעָה עָשָׂר
לַחֹדֶשׁ בֵּין הָעַרְבָּיִם פֶּסַח לַיהוָה׃
Lev 23.6
וּבַחֲמִשָּׁה עָשָׂר יֺום לַחֹדֶשׁ הַזֶּה
חַג הַמַּצּוֺת לַיהוָה שִׁבְעַת יָמִים
מַצּוֺת תֹּאכֵלוּ׃
Lev 23.7
בַּיֺּום הָרִאשׁוֺן מִקְרָא־קֹדֶשׁ
יִהְיֶה לָכֶם כָּל־מְלֶאכֶת עֲבֹדָה
לֹא תַעֲשׂוּ׃
Lev 23.8
וְהִקְרַבְתֶּם אִשֶּׁה לַיהוָה שִׁבְעַת
יָמִים בַּיֺּום הַשְּׁבִיעִי מִקְרָא־קֹדֶשׁ
כָּל־מְלֶאכֶת עֲבֹדָה לֹא תַעֲשׂוּ׃
ף
Lev 23.9
וַיְדַבֵּר יְהוָה אֶל־מֹשֶׁה לֵּאמֹר׃
Lev 23.10
דַּבֵּר אֶל־בְּנֵי יִשְׂרָאֵל וְאָמַרְתָּ
אֲלֵהֶם כִּי־תָבֹאוּ אֶל־הָאָרֶץ
אֲשֶׁר אֲנִי נֺתֵן לָכֶם וּקְצַרְתֶּם
אֶת־קְצִירָהּ וַהֲבֵאתֶם אֶת־מֶר
רֵאשִׁית קְצִירְכֶם אֶל־הַכֹּהֵן׃
Lev 23.11
וְהֵנִיף אֶת־הָעֹמֶר לִפְנֵי יְהוָה
לִרְצֹנְכֶם מִמָּחֳרַת הַשַּׁבָּת יְנִיפֶנּוּ
הַכֹּהֵן׃
Lev 23.12
וַעֲשִׂיתֶם בְּיֺום הֲנִיפְכֶם אֶת־הָעֹמֶר
כֶּבֶשׂ תָּמִים בֶּנ־שְׁנָתוֺ לְעֹלָה
לַיהוָה׃
Lev 23.13
וּמִנְחָתוֺ שְׁנֵי עֶשְׂרֹנִים סֹלֶת
בְּלוּלָה בַשֶּׁמֶן אִשֶּׁה לַיהוָה
רֵיחַ נִיחֹחַ 1 וְנִסְכֹּה 2 וְנִסְכּוֺ
יַיִן רְבִיעִת הַהִין׃
Lev 23.14
וְלֶחֶם וְקָלִי וְכַרְמֶל לֹא תֹאכְלוּ
עַד־עֶצֶם הַיֺּום הַזֶּה עַד הֲבִיאֲכֶם
אֶת־קָרְבַּן אֱלֹהֵיכֶם חֻקַּת עוֺלָם
לְדֹרֹתֵיכֶם בְּל מֹשְׁבֹתֵיכֶם׃ ס
Lev 23.15
וּסְפַרְתֶּם לָכֶם מִמָּחֳרַת הַשַּׁבָּת
מִיֺּום הֲבִיאֲכֶם אֶת־עֹמֶר הַתְּנוּפָה
שֶׁבַע שַׁבָּתוֺת תְּמִימֹת תִּהְיֶינָה׃
Lev 23.16
עַד מִמָּחֳרַת הַשַּׁבָּת הַשְּׁבִיעִת
תִּסְפְּרוּ חֲמִשִּׁים יֺום וְהִקְרַבְתֶּם
מִנְחָה חֲדָשָׁה לַיהוָה׃
Lev 23.17
מִמּוֺשְׁבֹתֵיכֶם תָּבִיאּוּ לֶחֶם
תְּנוּפָה שְׁתַּיִם שְׁנֵי עֶשְׂרֹנִים
סֹלֶת תִּהְיֶינָה חָמֵץ תֵּאָפֶינָה
בִּכּוּרִים לַיהוָה׃
Lev 23.18
וְהִקְרַבְתֶּם עַל־הַלֶּחֶם שִׁבְעַת
כְּבָשִׂים תְּמִימִם בְּנֵי שָׁנָה
וּפַר בֶּנ־בָּקָר אֶחָד וְאֵילִם
שְׁנָיִם יִהְיוּ עֹלָה לַיהוָה וּמִנְחָתָם
וְנִסְכֵּיהֶם אִשֵּׁה רֵיחַ־נִיחֹחַ
לַיהוָה׃
Lev 23.19
וַעֲשִׂיתֶם שְׂעִיר־עִזִּים אֶחָד
לְחַטָּאת וּשְׁנֵי כְבָשִׂים בְּנֵי
שָׁנָה לְזֶבַח שְׁלָמִים׃
Lev 23.20
וְהֵנִיף הַכֹּהֵן אֹתָם עַל לֶחֶם
הַבִּכּוּרִים תְּנוּפָה לִפְנֵי יְהוָה
עַל־שְׁנֵי כְּבָשִׂים קֹדֶשׁ יִהְיוּ
לַיהוָה לַכֹּהֵן׃
Lev 23.21
וּקְרָאתֶם בְּעֶצֶם הַיֺּום הַזֶּה
מִקְרָא־קֹדֶשׁ יִהְיֶה לָכֶם כָּל־מְלֶאכֶת
עֲבֹדָה לֹא תַעֲשׂוּ חֻקַּת עוֺלָם
בְּכָל־מוֺשְׁבֹתֵיכֶם לְדֹתֵיכֶם׃
Lev 23.22
וּבְקֻצְרְכֶם אֶת־קְצִיר אַרְצְכֶם
לֹא־תְכַלֶּה פְּאַת שָׂדְךָ בְּקֻצְרֶךָ
וְלֶקֶט קְצִירְךָ לֹא תְלַקֵּט לֶעָנִי
וְלַגֵּר תַּעֲזֺב אֹתָם נִי יְהוָה
אֱלֹהֵיכֶם׃ ס
Lev 23.23
וַיְדַבֵּר יְהוָה אֶל־מֹשֶׁה לֵּאמֹר׃
Lev 23.24
דַּבֵּר אֶל־בְּנֵי יִשְׂרָאֵל לֵאמֹר
בַּחֹדֶשׁ הַשְּׁבִיעִי בְּאֶחָד לַחֹדֶשׁ
יִהְיֶה לָכֶם שַׁבָּתוֺן זִכְרוֺן
תְּרוּעָה מִקְרָא־קֹדֶשׁ׃
Lev 23.25
כָּל־מְלֶאכֶת עֲבֹדָה לֹא תַעֲשׂוּ
וְהִקְרַבְתֶּם אִשֶּׁה לַיהוָה׃ ס
Lev 23.26
וַיְדַבֵּר יְהוָה אֶל־מֹשֶׁה לֵּאמֹר׃
Lev 23.27
אַך בֶּעָשׂוֺר לַחֹדֶשׁ הַשְּׁבִיעִי
הַזֶּה יֺום הַכִּפֻּרִים הוּא מִקְרָא־קֹדֶשׁ
יִהְיֶה לָכֶם וְעִנִּיתֶם אֶת־נַפְשֹׁתֵיכֶם
וְהִקְרַבְתֶּם אִשֶּׁה לַיהוָה׃
Lev 23.28
וְכָל־מְלָאכָה לֹא תַעֲשׂוּ בְּעֶצֶם
הַיֺּום הַזֶּה כִּי יֺום כִּפֻּרִים
הוּא לְכַפֵּר עֲלֵיכֶם לִפְנֵי
יְהוָה אֱלֹהֵיכֶם׃
Lev 23.29
כִּי כָל־הַנֶּפֶשׁ אֲשֶׁר לֹא־תְעֻנֶּה
בְּעֶצֶם הַיֺּום הַזֶּה וְנִכְרְתָה
מֵעַמֶּיהָ׃
Lev 23.30
וְכָל־הַנֶּפֶשׁ אֲשֶׁר תַּעֲשֶׂה כָּל־מְלָאכָה
בְּעֶצֶם הַיֺּום הַזֶּה וְהַאֲבַדְתִּי
אֶת־הַנֶּפֶשׁ הַהִוא מִקֶּרֶב עַמָּהּ׃
Lev 23.31
כָּל־מְלָאכָה לֹא תַעֲשׂוּ חֻקַּת
עוֺלָם לְדֹרֹתֵיכֶם בְּכֹל מֹשְׁבֹתֵיכֶם׃
Lev 23.32
שַׁבַּת שַׁבָּתוֺן הוּא לָכֶם וְעִנִּיתֶם
אֶת־נַפְשֹׁתֵיכֶם בְּתִשְׁעָה לַחֹדֶשׁ
בָּעֶרֶב מֵעֶרֶב עַד־עֶרֶב תִּשְׁבְּתוּ
שַׁבַּתְּכֶם׃ ף
Lev 23.33
וַיְדַבֵּר יְהוָה אֶל־מֹשֶׁה לֵּאמֹר׃
Lev 23.34
דַּבֵּר אֶל־בְּנֵי יִשְׂרָאֵל לֵאמֹר
בַּחֲמִשָּׁה עָשָׂר יֺום לַחֹדֶשׁ הַשְּׁבִיעִי
הַזֶּה חַג הַסֻּכּוֺת שִׁבְעַת יָמִים
לַיהֹוָה׃
Lev 23.35
בַּיֺּום הָרִאשׁוֺן מִקְרָא־קֹדֶשׁ
כָּל־מְלֶאכֶת עֲבֹדָה לֹא תַעֲשׂוּ׃
Lev 23.36
שִׁבְעַת יָמִים תַּקְרִיבוּ אִשֶּׁה
לַיהוָה בַּיֺּום הַשְּׁמִינִי מִקְרָא־קֹדֶשׁ
יִהְיֶה לָכֶם וְהִקְרַבְתֶּם אִשֶּׁה
לַיהוָה עֲצֶרֶת הִוא כָּל־מְאכֶת
עֲבֹדָה לֹא תַעֲשׂוּ׃
Lev 23.37
אֵלֶּה מוֺעֲדֵי יְהוָה אֲשֶׁר־תִּקְרְאוּ
אֹתָם מִקְרָאֵי קֹדֶשׁ לְהַקְרִיב
אִשֶּׁה לַיהוָה עֹלָה וּמִנְחָה זֶבַח
וּנְסָכִים דְּבַר־יֺום בְּיֺומוֺ׃
Lev 23.38
מִלְּבַד שַׁבְּתֹת יְהוָה וּמִלְּבַד
מַתְּנֺותֵיכֵם וּמִלְּבַד כָּל־נִדְרֵיכֶם
וּמִלְּבַד כָּל־נִדְבוֺתֵיכֶם אֲשֶׁר
תִּתְּנוּ לַיהוָה׃
Lev 23.39
אַך בַּחֲמִשָּׁה עָשָׂר יֺום לַחֹדֶשׁ
הַשְּׁבִיעִי בְּאָסְפְּכֶם אֶת־תְּבוּאַת
הָאָרֶץ תָּחֹגּוּ אֶת־חַג־יְהוָה
שִׁבְעַת יָמִים בַּיֺּום הָרִאשׁוֺן
בָּתוֺן וּבַיֺּום הַשְּׁמִינִי שַׁבָּתוֺן׃
Lev 23.40
וּלְקַחְתֶּם לָכֶם בַּיֺּום הָרִאשׁוֺן
פְּרִי עֵץ הָדָר כַּפֹּת תְּמָרִים
וַעֲנַף עֵצ־עָבֹת וְעַרְבֵי־נָחַל
וּשְׂמַחְתֶּם לִפְנֵי יְהוָה אֱלֹהֵידֶ
שִׁבְעַת יָמִים׃
Lev 23.41
וְחַגֺּתֶם אֹתוֺ חַג לַיהוָה שִׁבְעַת
יָמִים בַּשָּׁנָה חֻקַּת עוֺלָם לְדֹרֹתֵיכֶם
בַּחֹדֶשׁ הַשְּׁבִיעִי תָּחֹגּוּ אֹתוֺ׃
Lev 23.42
בַּסֻּכֹּת תֵּשְׁבוּ שִׁבְעַת יָמִים כָּל־הָאֶזְרָח
בְּיִשְׂרָאֵל יֵשְׁבוּ בַּסֻּכֹּת׃
Lev 23.43
לְמַעַן יֵדְעוּ דֹרֹתֵיכֶם כִּי בַסֻּכּוֺת
הוֺשַׁבְתִּי אֶת־בְּנֵי יִשְׂרָאֵל
בְּהוֺצִיאִי אוֺתָם מֵאֶרֶץ מִצְרָיִם
אֲנִי יְהוָה אֱלֹהֵיכֶם׃
Lev 23.44
וַיְדַבֵּר מֹשֶׁה אֶת־מֹעֲדֵי יְהוָה
אֶל־בְּנֵי יִשְׂרָאֵל׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages