Exo 7

Full text search

Exo 7
Exo 7.1
וַיֺּאמֶר יְהוָה אֶל־מֹשֶׁה רְאֵה
נְתַתִּיךָ אֱלֹהִים לְפַרְעֹה וְאַהֲרֹן
אָחִיךָ יִהְיֶה נְבִיאֶךָ׃
Exo 7.2
אַתָּה תְדַבֵּר אֵת כָּל־אֲשֶׁר אֲצַוֶּךָּ
וְאַהֲרֹן אָחִיךָ יְדַבֵּר אֶל־פַּרְעֹה
וְשִׁלַּח אֶת־בְּנֵי־יִשְׂרָאֵל מֵאַרְצוֺ׃
Exo 7.3
וַאֲנִי אַקְשֶׁה אֶת־לֵב פַּרְעֹה
וְהִרְבֵּיתִי אֶת־אֹתֹתַי וְאֶת־מוֺפְתַי
בְּאֶרֶץ מִצְרָיִם׃
Exo 7.4
וְלֹא־יִשְׁמַע אֲלֵכֶם פַּרְעֹה וְנָתַתִּי
אֶת־יָדִי בְּמִצְרָיִם וְהוֺצֵאתִי
אֶת־צִבְאֹתַי אֶת־עַמִּי בְנֵי־יִשְׂרָאֵל
מֵאֶרֶץ מִצְרַיִם בִּשְׁפָטִי גְּדֹלִים׃
Exo 7.5
וְיָדְעוּ מִצְרַיִם כִּי־אֲנִי יְהוָה
בִּנְטֹתִי אֶת־יָדִי עַל־מִצְרָיִם
וְהוֺצֵאתִי אֶת־בְּנֵי־יִשְׂרָאֵל
מִתּוֺכָם׃
Exo 7.6
וַיַּעַשׂ מֹשֶׁה וְאַהֲרֹן כַּאֲשֶׁר צִוָּה
יְהוָה אֹתָם כֵּן עָשׂוּ׃
Exo 7.7
וּמֹשֶׁה בֶּנ־שְׁמֹנִים שָׁנָה וְאַהֲרֹן
בֶּנ־שָׁלֹשׁ וּשְׁמֹנִים שָׁנָה בְּדַבְּרָם
אֶל־פַּרְעֹה׃ ף
Exo 7.8
וַיֺּאמֶר יְהוָה אֶל־מֹשֶׁה וְאֶל־אַהֲרֹן
לֵאמֹר׃
Exo 7.9
כִּי יְדַבֵּר אֲלֵכֶם פַּרְעֹה לֵאמֹר
תְּנוּ לָכֶם מוֺפֵת וְאָמַרְתָּ אֶל־אַהֲרֹן
קַח אֶת־מַטְּךָ וְהַשְׁלֵך לִפְנֵי־פַרְעֹה
יְהִי לְתַיּן׃
Exo 7.10
וַיָּבֹא מֹשֶׁה וְאַהֲרֹן אֶל־פַּרְעֹה
וַיַּעַשׂוּ כֵן כַּאֲשֶׁר צִוָּה יְהוָה
וַיַּשְׁלֵך אַהֲרֹן אֶת־מַטֵּהוּ לִפְנֵי
פַרְעֹה וְלִפְנֵי עֲבָדָו וַיְהִי
לְתַנִּין׃
Exo 7.11
וַיִּקְרָא גַּמ־פַּרְעֹה לַחֲכָמִים
וְלַמְכַשְּׁפִים וַיַּעֲשׂוּ גַמ־הֵם
חַרְטֻמֵּי מִצְרַיִם בְּלַהֲטֵיהֶם כֵּן׃
Exo 7.12
וַיַּשְׁלִיכוּ אִישׁ מַטֵּהוּ וַיִּהְיוּ
לְתַנִּינִם וַיִּבְלַע מַטֵּה־אַהֲרֹן
אֶת־מַטֹּתָם׃
Exo 7.13
וַיֶּחֱזַק לֵב פַּרְעֹה וְלֹא שָׁמַע
אֲלֵהֶם כַּאֲשֶׁר דִּבֶּר יְהוָה׃ ף
Exo 7.14
וַיֺּאמֶר יְהוָה אֶל־מֹשֶׁה כָּבֵד
לֵב פַּרְעֹה מֵאֵן לְשַׁלַּח הָעָם׃
Exo 7.15
לֵך אֶל־פַּרְעֹה בַּבֹּקֶר הִנֵּה יֺצֵא
הַמַּיְמָה וְנִצַּבְתָּ לִקְרָאתוֺ עַל־שְׂפַת
הַיְאֹר וְהַמַּטֶּה אֲשֶׁר־נֶהְפַּך לְנָחָשׁ
תִּקַּח בְּיָדֶךָ
Exo 7.16
וְאָמַרְתָּ אֵלָיו יְהוָה אֱלֹהֵי
הָעִבְרִים שְׁלָחַנִי אֵלֶיךָ לֵאמֹר
שַׁלַּח אֶת־עַמִּי וְיַעַבְדֻנִי בַּמִּדְבָּר
וְהִנֵּה לֹא־שָׁמַעְתָּ עַד־כֹּה׃
Exo 7.17
כֹּה אָמַר יְהוָה בְּזֺאת תֵּדַע
כִּי אֲנִי יְהוָה הִנֵּה אָנֺכִי
מַכֶּה בַּמַּטֶּה אֲשֶׁר־בְּיָדִי עַל־הַמַּיִם
אֲשֶׁר בַּיְאֹר וְנֶהֶפְכוּלְדָם׃
Exo 7.18
וְהַדָּגָה אֲשֶׁר־בַּיְאֹר תָּמוּת וּבָאַשׁ
הַיְאֹר וְנִלְאוּ מִצְרַיִם לִשְׁתּוֺת
מַיִם מִנ־הַיְאֹר׃ ס
Exo 7.19
וַיֺּאמֶר יְהוָה אֶל־מֹשֶׁה אֱמֹר
אֶל־אַהֲרֹן קַח מַטְּךָ וּנְטֵה־יָדְךָ
עַל־מֵימֵי מִצְרַיִם עַל־נַהֲרֹתָם
עַל־יְאֹרֵיהֶם וְעַל־אַגְמֵיהֶם
עַל כָּל־מִקְוֵה מֵימֵיהֶם וְיִהְיוּ־דָם
וְהָיָה דָם בְּכָל־אֶרֶץ מִצְרַיִם
וּבָעֵצִים וּבָאֲבָנִים׃
Exo 7.20
וַיַּעֲשׂוּ־כֵן מֹשֶׁה וְאַהֲרֹן כַּאֲשֶׁר
צִוָּה יְהוָה וַיָּרֶם בַּמַּטֶּה וַיַּך
אֶת־הַמַּיִם אֲשֶׁר בַּיְאֹר לְעֵינֵי
פַרְעֹה וּלְעֵינֵיעֲבָדָיו וַיֵּהָפְכוּ
כָּל־הַמַּיִם אֲשֶׁר־בַּיְאֹר לְדָם׃
Exo 7.21
וְהַדָּגָה אֲשֶׁר־בַּיְאֹר מֵתָה וַיִּבְאַשׁ
הַיְאֹר וְלֹא־יָכְלוּ מִצְרַיִם לִשְׁתּוֺת
מַיִם מִנ־הַיְאֹר וַיְהִי הַדָּם
בְּכָל־אֶרֶץ מִצְרָיִם׃
Exo 7.22
וַיַּעֲשׂוּ־כֵן חַרְטֻמֵּי מִצְרַיִם
בְּלָטֵיהֶם וַיֶּחֱזַק לֵב־פַּרְעֹה
וְלֹא־שָׁמַע אֲלֵהֶם כַּאֲשֶׁר דִּבֶּר
יְהוָה׃
Exo 7.23
וַיִּפֶן פַּרְעֹה וַיָּבֹא אֶל־בֵּיתוֺ
וְלֹא־שָׁת לִבּוֺ גַּמ־לָזֺאת׃
Exo 7.24
וַיַּחְפְּרוּ כָל־מִצְרַיִם סְבִיבֹת
הַיְאֹר מַיִם לִשְׁתּוֺת כִּי לֹא
יָכְלוּ לִשְׁתֹּת מִמֵּימֵי הַיְאֹר׃
Exo 7.25
וַיִּמָּלֵא שִׁבְעַת יָמִים אַחֲרֵי
הַכּוֺת־יְהוָה אֶת־הַיְאֹר׃ ף
Exo 7.26
וַיֺּאמֶר יְהוָה אֶל־מֹשֶׁה בֹּא
אֶל־פַּרְעֹה וְאָמַרְתָּ אֵלָיו כֹּה
אָמַר יְהוָה שַׁלַּח אֶת־עַמִּי
וְיַעַבְדֻנִי׃
Exo 7.27
וְאִמ־מָאֵן אַתָּה לְשַׁלֵּחַ הִנֵּה
אָנֺכִי נֺגֵף אֶת־כָּל־גְּבוּלְךָ
בַּצְפַרְדְּעִים׃
Exo 7.28
וְשָׁרַץ הַיְאֹר צְפַרְדְּעִים וְעָלוּ
וּבָאוּ בְּבֵיתֶךָ וּבַחֲדַר מִשְׁכָּבְךָ
וְעַל־מִטָּתֶךָ וּבְבֵית עֲבָדֶיךָ
וּבְעַמֶּךָ וּבְתַנּוּרֶיךָ וּבְשְׁאֲרוֺתֶיךָ׃
Exo 7.29
וּבְכָה וּבְעַמְּךָ וּבְכָל־עֲבָדֶיךָ
יַעֲלוּ הַצְפַרְדְּעִים׃

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages