Exo 16

Full text search

Exo 16
Exo 16.1
וַיִּסְעוּ מֵאֵילִם וַיָּבֹאוּ כָּל־עֲדַת
בְּנֵי־יִשְׂרָאֵל אֶל־מִדְבַּר־סִין
אֲשֶׁר בֵּינ־אֵילִם וּבֵין סִינָי
בַּחֲמִשָּׁה עָשָׂר יֺום לַחֹדֶשׁ הַשֵּׁנִי
לְצֵאתָם מֵאֶרֶץ מִצְרָיִם׃
Exo 16.2
וַיִּלִּינוּ 2 וַיִּלּוֺנוּ כָּל־עֲדַת
בְּנֵי־יִשְׂרָאֵל עַל־מֹשֶׁה וְעַל־אַהֲרֹן
בַּמִּדְבָּר׃
Exo 16.3
וַיֺּאמְרוּ אֲלֵהֶם בְּנֵי יִשְׂרָאֵל
מִי־יִתֵּן מוּתֵנוּ בְיַד־יְהוָה
בְּאֶרֶץ מִצְרַיִם בְּשִׁבְתֵּנוּ עַל־סִיר
הַבָּשָׂר בְּאָכְלֵנוּ לֶחֶם לָבַע
כִּי־הוֺצֵאתֶם אֹתָנוּ אֶל־הַמִּדְבָּר
הַזֶּה לְהָמִית אֶת־כָּל־הַקָּהָל
הַזֶּה בָּרָעָב׃ ס
Exo 16.4
וַיֺּאמֶר יְהוָה אֶל־מֹשֶׁה הִנְנִי
מַמְטִיר לָכֶם לֶחֶם מִנ־הַשָּׁמָיִם
וְיָצָא הָעָם וְלָקְטוּ דְּבַר־יֺום
בְּיֺומוֺ לְמַעַן אֲנַסֶּנּוּ הֲיֵך
בְּתוֺרָתִי אִמ־לֹא׃
Exo 16.5
וְהָיָה בַּיֺּום הַשִּׁשִּׁי וְהֵכִינוּ
אֵת אֲשֶׁר־יָבִיאוּ וְהָיָה מִשְׁנֶה
עַל אֲשֶׁר־יִלְקְטוּ יֺום יֺום׃
ס
Exo 16.6
וַיֺּאמֶר מֹשֶׁה וְאַהֲרֹן אֶל־כָּל־בְּנֵי
יִשְׂרָאֵל עֶרֶב וִידַעְתֶּם כִּי יְהוָה
הוֺצִיא אֶתְכֶם מֵאֶרֶץ מִצְרָיִם׃
Exo 16.7
וּבֹקֶר וּרְאִיתֶם אֶת־כְּבוֺד יְהוָה
בְּשָׁמְעוֺ אֶת־תְּלֻנֺּתֵיכֶם עַל־יְהוָה
וְנַחְנוּ מָה כִּי 1 תַלּוֺנוּ 2 תַלִּינוּ
עָלֵינוּ׃
Exo 16.8
וַיֺּאמֶר מֹשֶׁה בְּתֵת יְהוָה לָכֶם
בָּעֶרֶב בָּשָׂר לֶאֱכֹל וְלֶחֶם בַּבֹּקֶר
לִשְׂבֹּעַ בִּשְׁמֹעַ יְהוָה אֶת־תְּלֻנֺּתֵיכֶם
אֲשֶׁר־אַתֶּם מַיּנִם עָלָיו וְנַחְנוּ
מָה לֹא־עָלֵינוּ תְלֻנֺּתֵיכֶם
כִּי עַל־יְהוָה׃
Exo 16.9
וַיֺּאמֶר מֹשֶׁה אֶל־אַהֲרֹן אֱמֹר
אֶל־כָּל־עֲדַת בְּנֵי יִשְׂרָאֵל
קִרְבוּ לִפְנֵי יְהוָה כִּי שָׁמַע
אֵת תְּלֻנֺּתֵיכֶם׃
Exo 16.10
וַיְהִי כְּדַבֵּר אַהֲרֹן אֶל־כָּל־עֲדַת
בְּנֵי־יִשְׂרָאֵל וַיִּפְנוּ אֶל־הַמִּדְבָּר
וְהִנֵּה כְּבוֺד יְהוָה נִרְאָה
בֶּעָנָן׃ ף
Exo 16.11
וַיְדַבֵּר יְהוָה אֶל־מֹשֶׁה לֵּאמֹר׃
Exo 16.12
שָׁמַעְתִּי אֶת־תְּלוּנֺּת בְּנֵי יִשְׂרָאֵל
דַּבֵּר אֲלֵהֶם לֵאמֹר בֵּין הָעַרְבַּיִם
תֹּאכְלוּ בָשָׂר וּבַבֹּקֶר תִּשְׂבְּעוּ־לָחֶם
וִידַעְתֶּם כִּי אֲנִי יְהוָה אֱלֹהֵיכֶם׃
Exo 16.13
וַיְהִי בָעֶרֶב וַתַּעַל הַשְּׂלָו
וַתְּכַס אֶת־הַמַּחֲנֶה וּבַבֹּקֶר הָיְתָה
שִׁכְבַת הַטַּל סָבִיב לַמַּחֲנֶה׃
Exo 16.14
וַתַּעַל שִׁכְבַת הַטָּל וְהִנֵּה עַל־פְּנֵי
הַמִּדְבָּר דַּק מְחֻסְפָּס דַּק כַּכְּפֹר
עַל־הָאָרֶץ׃
Exo 16.15
וַיִּרְאוּ בְנֵי־יִשְׂרָאֵל וַיֺּאמְרוּ
אִישׁ אֶל־אָחִיו מָן הוּא כִּי
לֹא יָדְעוּ מַה־הוּא וַיֺּאמֶר
מֹשֶׁה אֲלֵהֶם הוּא הַלֶּחֶם אֲשֶׁר
נָתַן יְהוָה לָכֶם לְאָכְלָה׃
Exo 16.16
זֶה הַדָּבָר אֲשֶׁר צִוָּה יְהוָה
לִקְטוּ מִמֶּנּוּ אִישׁ לְפִי אָכְלוֺ
עֹמֶר לַגֻּלְגֺּלֶת מִסְפַּר נַפְשֹׁתֵיכֶם
אִישׁ לַאֲשֶׁר בְּאָהֳלוֺ קָּחוּ׃
Exo 16.17
וַיַּעֲשׂוּ־כֵן בְּנֵי יִשְׂרָאֵל וַיִּלְקְטוּ
הַמַּרְבֶּה וְהַמַּמְעִיט׃
Exo 16.18
וַיָּמֹדּוּ בָעֹמֶר וְלֹא הֶעְדִּיף
הַמַּרְבֶּה וְהַמַּמְעִיט לֹא הֶחְסִיר
אִישׁ לְפִי־אָכְלוֺ לָקָטוּ׃
Exo 16.19
וַיֺּאמֶר מֹשֶׁה אֲלֵהֶם אִישׁ אַל־יֺותֵר
מִמֶּנּוּ עַד־בֹּקֶר׃
Exo 16.20
וְלֹא־שָׁמְעוּ אֶל־מֹשֶׁה וַיֺּותִרוּ
אֲנָשִׁים מִמֶּנּוּ עַד־בֹּקֶר וַיָּרֻם
תּוֺלָעִים וַיִּבְאַשׁ וַיִּקְצֹף עֲלֵהֶם
מֹשֶׁה׃
Exo 16.21
וַיִּלְקְטוּ אֹתוֺ בַּבֹּקֶר בַּבֹּקֶר
אִישׁ כְּפִי אָכְלוֺ וְחַם הַשֶּׁמֶשׁ
וְנָמָס׃
Exo 16.22
וַיְהִי בַּיֺּום הַשִּׁשִּׁי לָקְטוּ
לֶחֶם מִשְׁנֶה שְׁנֵי הָעֹמֶר לָאֶחָד
וַיָּבֹאוּ כָּל־נְשִׂיאֵי הָעֵדָה
וַיַּגִּידוּ לְמֹשֶׁה׃
Exo 16.23
וַיֺּאמֶר אֲלֵהֶם הוּא אֲשֶׁר דִּבֶּר
יְהוָה שַׁבָּתוֺן שַׁבַּת־קֹדֶשׁ לַיהוָה
מָחָר אֵת אֲשֶׁר־תֹּאפוּ אֵפוּ וְאֵת
אֲשֶׁר־תְּבַשְּׁלוּ בַּשֵּׁל וְאֵת כָּל־הָעֹדֵף
הַנִּיחוּ לָכֶם לְמִשְׁמֶרֶת עַד־הַבֹּקֶר׃
Exo 16.24
וַיַּנִּיחוּ אֹתוֺ עַד־הַבֹּקֶר כַּאֲשֶׁר
צִוָּה מֹשֶׁה וְלֹא הִבְאִישׁ וְרִמָּה
לֹא־הָיְתָה בּוֺ׃
Exo 16.25
וַיֺּאמֶר מֹשֶׁה אִכְלֻהוּ הַיֺּום
כִּי־שַׁבָּת הַיֺּום לַיהוָה הַיֺּום
לֹא תִמְצָאֻהוּ בַּשָּׂדֶה׃
Exo 16.26
שֵׁשֶׁת יָמִים תִּלְקְטֻהוּ וּבַיֺּום
הַשְּׁבִיעִי שַׁבָּת לֹא יִהְיֶה־בּוֺ׃
Exo 16.27
וַיְהִי בַּיֺּום הַשְּׁבִיעִי יָצְאוּ
מִנ־הָעָם לִלְקֹט וְלֹא מָצָאוּ׃
ס
Exo 16.28
וַיֺּאמֶר יְהוָה אֶל־מֹשֶׁה עַד־אָנָה
מֵאַנְתֶּם לִשְׁמֹר מִצְוֺתַי וְתוֺרֹתָי׃
Exo 16.29
רְאוּ כִּי־יְהוָה נָתַן לָכֶם הַשַּׁבָּת
עַל־כֵּן הוּא נֺתֵן לָכֶם בַּיֺּום
הַשִּׁשִּׁי לֶחֶם יֺומָיִם שְׁבוּ אִישׁ
תַּחְתָּיו אַל־יֵצֵא אִישׁ מְּקֹמוֺ
בַּיֺּום הַשְּׁבִיעִי׃
Exo 16.30
וַיִּשְׁבְּתוּ הָעָם בַּיֺּום הַשְּׁבִעִי׃
Exo 16.31
וַיִּקְרְאוּ בֵית־יִשְׂרָאֵל אֶת־שְׁמוֺ
מָן וְהוּא כְּזֶרַע גַּד לָבָן וְטַעְמוֺ
כְּצַפִּיחִת בִּדְבָשׁ׃
Exo 16.32
וַיֺּאמֶר מֹשֶׁה זֶה הַדָּבָר אֲשֶׁר
צִוָּה יְהוָה מְלֹא הָעֹמֶר מִמֶּנּוּ
לְמִשְׁמֶרֶת לְדֹרֹתֵיכֶם לְמַעַן יִרְאוּ
אֶת־הַלֶּחֶם אֲשֶׁר הֶאֱכַלְתִּי אֶתְכֶם
בַּמִּדְבָּר בְּהוֺצִיאִי אֶתְכֶם מֵאֶרֶץ
מִצְרָיִם׃
Exo 16.33
וַיֺּאמֶר מֹשֶׁה אֶל־אַהֲרֹן קַח
צִנְצֶנֶת אַחַת וְתֶנ־שָׁמָּה מְלֹא־הָעֹמֶר
מָן וְהַנַּח אֹתוֺ לִפְנֵי יְהוָה
לְמִשְׁמֶרֶת לְדֹרֹתֵיכֶם׃
Exo 16.34
כַּאֲשֶׁר צִוָּה יְהוָה אֶל־מֹשֶׁה
וַיַּנִּיחֵהוּ אַהֲרֹן לִפְנֵי הָעֵדֻת
לְמִשְׁמָרֶת׃
Exo 16.35
וּבְנֵי יִשְׂרָאֵל אָכְלוּ אֶת־הַמָּן
אַרְבָּעִים שָׁנָה עַד־בֹּאָם אֶל־אֶרֶץ
נֺושָׁבֶת אֶת־הַמָּן אָכְלוּ עַד־בֹּאָם
אֶל־קְצֵה אֶרֶץ כְּנָעַן׃
Exo 16.36
וְהָעֹמֶר עֲשִׂרִית הָאֵיפָה הוּא׃
ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages