Gen 9

Full text search

Gen 9
Gen 9.1
וַיְבָרֶך אֱלֹהִים אֶת־נֺחַ וְאֶת־בָּנָיו
וַיֺּאמֶר לָהֶם פְּרוּ וּרְבוּ וּמִלְאוּ
אֶת־הָאָרֶץ׃
Gen 9.2
וּמוֺרַאֲכֶם וְחִתְּכֶם יִהְיֶה עַל
כָּל־חַיַּת הָאָרֶץ וְעַל כָּל־עוֺף
הַשָּׁמָיִם בְּכֹל אֲשֶׁר תִּרְמֹשׂ הָאֲדָמָה
וּבְכָל־דְּגֵי הַיָּם יֶדְכֶם נִתָּנוּ׃
Gen 9.3
כָּל־רֶמֶשׂ אֲשֶׁר הוּא־חַי לָכֶם
יִהְיֶה לְאָכְלָה כְּיֶרֶק עֵשֶׂב נָתַתִּי
לָכֶם אֶת־כֹּל׃
Gen 9.4
אַכְ־בָּשָׂר בְּנַפְשׁוֺ דָמוֺ לֹא תֹאכֵלוּ׃
Gen 9.5
וְאַך אֶת־דִּמְכֶם לְנַפְשֹׁתֵיכֶם
אֶדְרֹשׁ מִיַּד כָּל־חַיָּה אֶדְרְשֶׁנּוּ
וּמִיַּד הָאָדָם מִיַּד אִישׁ אָחִיו
אֶדְרֹשׁ אֶת־נֶפֶשׁ הָאָדָם׃
Gen 9.6
שֹׁפֵך דַּם הָאָדָם בָּאָדָם דָּמוֺ
יִשָּׁפֵך כִּי בְּצֶלֶם אֱלֹהִים עָשָׂה
אֶת־הָאָדָם׃
Gen 9.7
וְאַתֶּם פְּרוּ וּרְבוּ שִׁרְצוּ בָאָרֶץ
וּרְבוּ־בָהּ׃ ס
Gen 9.8
וַיֺּאמֶר אֱלֹהִים אֶל־נֺחַ וְאֶל־בָּנָיו
אִתּוֺ לֵאמֹר׃
Gen 9.9
וַאֲנִי הִנְנִי מֵקִים אֶת־בְּרִיתִי
אִתְּכֶם וְאֶת־זַרְעֲכֶם אַחֲרֵיכֶם׃
Gen 9.10
וְאֵת כָּל־נֶפֶשׁ הַחַיָּה אֲשֶׁר
אִתְּכֶם בָּעוֺף בַּבְּהֵמָה וּבְכָל־חַיַּת
הָאָרֶץ אִתְּכֶם מִכֹּל יֺצְאֵי הַתֵּבָה
לְכֹל חַיַּת הָאָרֶץ׃
Gen 9.11
וַהֲקִמֹתִי אֶת־בְּרִיתִי אִתְּכֶם
וְלֹא־יִכָּרֵת כָּל־בָּשָׂר עוֺד
מִמֵּי הַמַּבּוּל וְלֹא־יִהְיֶה עוֺד
מַבּוּל לְשַׁחֵת הָאָרֶץ׃
Gen 9.12
וַיֺּאמֶר אֱלֹהִים זֺאת אוֺת־הַבְּרִית
אֲשֶׁר־אֲנִי נֺתֵן בֵּינִי וּבֵינֵיכֶם
וּבֵין כָּל־נֶפֶשׁ חַיָּה אֲשֶׁר
אִתְּכֶם לְדֹרֹת עוֺלָם׃
Gen 9.13
אֶת־קַשְׁתִּי נָתַתִּי בֶּעָנָן וְהָיְתָה
לְאוֺת בְּרִית בֵּינִי וּבֵין הָאָרֶץ׃
Gen 9.14
וְהָיָה בְּעַנְנִי עָנָן עַל־הָאָרֶץ
וְנִרְאֲתָה הַקֶּשֶׁת בֶּעָנָן׃
Gen 9.15
וְזָכַרְתִּי אֶת־בְּרִיתִי אֲשֶׁר בֵּינִי
וּבֵינֵיכֶם וּבֵין כָּל־נֶפֶשׁ
חַיָּה בְּכָל־בָּשָׂר וְלֹא־יִהְיֶה
עוֺד הַמַּיִם לְמַבּוּל לְשַׁחֵת כָּ־בָּשָׂר׃
Gen 9.16
וְהָיְתָה הַקֶּשֶׁת בֶּעָנָן וּרְאִיתִיהָ
לִזְכֹּר בְּרִית עוֺלָם בֵּין אֱלֹהִים
וּבֵין כָּל־נֶפֶשׁ חַיָּה בְּכָל־בָּשָׂר
אֲשֶׁר עַל־הָאָרֶץ׃
Gen 9.17
וַיֺּאמֶר אֱלֹהִים אֶל־נֺחַ זֺאת
אוֺת־הַבְּרִית אֲשֶׁר הֲקִמֹתִי בֵּינִי
וּבֵין כָּל־בָּשָׂר אֲשֶׁר עַל־הָאָרֶץ׃
ף
Gen 9.18
וַיִּהְיוּ בְנֵי־נֺחַ הַיֺּצְאִים מִנ־הַתֵּבָה
שֵׁם וְחָם וָיָפֶת וְחָם הוּא אֲבִי
כְנָעַן׃
Gen 9.19
שְׁלֹשָׁה אֵלֶּה בְּנֵי־נֺחַ וּמֵאֵלֶּה
נָפְצָה כָל־הָאָרֶץ׃
Gen 9.20
וַיָּחֶל נֺחַ אִישׁ הָאֲדָמָה וַיִּטַּע
כָּרֶם׃
Gen 9.21
וַיֵּשְׁתְּ מִנ־הַיַּיִן וַיִּשְׁכָּר וַיִּתְגַּל
בְּתוֺך 1 אָהֳלֹה 2 אָהֳלוֺ׃
Gen 9.22
וַיַּרְא חָם אֲבִי כְנַעַן אֵת עֶרְוַת
אָבִיו וַיַּגֵּד לִשְׁנֵי־אֶחָיו
בַּחוּץ׃
Gen 9.23
וַיִּקַּח שֵׁם וָיֶפֶת אֶת־הַשִּׂמְלָה
וַיָּשִׂימוּ עַל־שְׁכֶם שְׁנֵיהֶם וַיֵּלְכוּ
אֲחֹרַנִּית וַיְכַסּוּ אֵת עֶרְוַת
אֲבִיהֶם וּפְנֵיהֶם אֲחֹנִּית וְעֶרְוַת
אֲבִיהֶם לֹא רָאוּ׃
Gen 9.24
וַיִּיקֶץ נֺחַ מִיֵּינֺו וַיֵּדַע אֵת
אֲשֶׁר־עָשָׂה־לוֺ בְּנֺו הַקָּטָן׃
Gen 9.25
וַיֺּאמֶר אָרוּר כְּנָעַן עֶבֶד
עֲבָדִים יִהְיֶה לְאֶחָיו׃
Gen 9.26
וַיֺּאמֶר בָּרוּך יְהֹוָה אֱלֹהֵי
שֵׁם וִיהִי כְנַעַן עֶבֶד לָמוֺ׃
Gen 9.27
יַפְתְּ אֱלֹהִים לְיֶפֶת וְיִשְׁכֹּן
בְּאָהֳלֵי־שֵׁם וִיהִי כְנַעַן עֶבֶד
לָמוֺ׃
Gen 9.28
וַיְחִי־נֺחַ אַחַר הַמַּבּוּל שְׁלֹשׁ
מֵאוֺת שָׁנָה וַחֲמִשִּׁים שָׁנָה׃
Gen 9.29
וַיִּהְיוּ כָּל־יְמֵי־נֺחַ תְּשַׁע
מֵאוֺת שָׁנָה וַחֲמִשִּׁים שָׁנָה וַיָּמֹת׃
ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages