Ez 15
Ez 15
Ez 15.1
et factus est sermo Domini ad me dicens
Ez 15.2
fili hominis quid fiet ligno vitis ex omnibus lignis nemorum quae sunt inter ligna silvarum
Ez 15.3
numquid tolletur de ea lignum ut fiat opus aut fabricabitur de ea paxillus ut dependeat in eo quodcumque vas
Ez 15.4
ecce igni datum est in escam utramque partem eius consumpsit ignis et medietas eius redacta est in favillam numquid utile erit ad opus
Ez 15.5
etiam cum esset integrum non erat aptum ad opus quanto magis cum ignis illud devoraverit et conbuserit nihil ex eo fiet operis
Ez 15.6
propterea haec dicit Dominus Deus quomodo lignum vitis inter ligna silvarum quod dedi igni ad devorandum sic tradidi habitatores Hierusalem
Ez 15.7
et ponam faciem meam in eos de igne egredientur et ignis consumet eos et scietis quia ego Dominus cum posuero faciem meam in eos
Ez 15.8
et dedero terram inviam et desolatam eo quod praevaricatores extiterint dicit Dominus Deus
Arcanum Newspapers
See what the newspapers have said about this subject in the last 250 years!
Show me
