Philem 1

Full text search

Philem 1
Philem 1.1
Paulus vinctus Iesu Christi et Timotheus frater Philemoni dilecto et adiutori nostro
Philem 1.2
et Appiae sorori et Archippo commilitoni nostro et ecclesiae quae in domo tua est
Philem 1.3
gratia vobis et pax a Deo Patre nostro et Domino Iesu Christo
Philem 1.4
gratias ago Deo meo semper memoriam tui faciens in orationibus meis
Philem 1.5
audiens caritatem tuam et fidem quam habes in Domino Iesu et in omnes sanctos
Philem 1.6
ut communicatio fidei tuae evidens fiat in agnitione omnis boni in nobis in Christo Iesu
Philem 1.7
gaudium enim magnum habui et consolationem in caritate tua quia viscera sanctorum requieverunt per te frater
Philem 1.8
propter quod multam fiduciam habentes in Christo Iesu imperandi tibi quod ad rem pertinet
Philem 1.9
propter caritatem magis obsecro cum sis talis ut Paulus senex nunc autem et vinctus Iesu Christi
Philem 1.10
obsecro te de meo filio quem genui in vinculis Onesimo
Philem 1.11
qui tibi aliquando inutilis fuit nunc autem et tibi et mihi utilis
Philem 1.12
quem remisi tu autem illum id est mea viscera suscipe
Philem 1.13
quem ego volueram mecum detinere ut pro te mihi ministraret in vinculis evangelii
Philem 1.14
sine consilio autem tuo nihil volui facere uti ne velut ex necessitate bonum tuum esset sed voluntarium
Philem 1.15
forsitan enim ideo discessit ad horam a te ut aeternum illum reciperes
Philem 1.16
iam non ut servum sed plus servo carissimum fratrem maxime mihi quanto autem magis tibi et in carne et in Domino
Philem 1.17
si ergo habes me socium suscipe illum sicut me
Philem 1.18
si autem aliquid nocuit tibi aut debet hoc mihi inputa
Philem 1.19
ego Paulus scripsi mea manu ego reddam ut non dicam tibi quod et te ipsum mihi debes
Philem 1.20
ita frater ego te fruar in Domino refice viscera mea in Domino
Philem 1.21
confidens oboedientia tua scripsi tibi sciens quoniam et super id quod dico facies
Philem 1.22
simul autem et para mihi hospitium nam spero per orationes vestras donari me vobis
Philem 1.23
salutat te Epaphras concaptivus meus in Christo Iesu
Philem 1.24
Marcus Aristarchus Demas Lucas adiutores mei
Philem 1.25
gratia Domini nostri Iesu Christi cum spiritu vestro amen

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT