Eccl 36

Full text search

Eccl 36
Eccl 36.1
miserere nostri Deus omnium et respice nos et ostende nobis lucem miserationum tuarum
Eccl 36.2
et inmitte timorem tuum super gentes quae non exquisierunt te et cognoscant quia non est Deus nisi tu ut enarrent magnalia tua
Eccl 36.3
adleva manum tuam super gentes alienas ut videant potentiam tuam
Eccl 36.4
sicut enim in conspectu eorum sanctificatus es in nobis sic in conspectu nostro magnificaberis in illis
Eccl 36.5
ut cognoscant te sicut et nos agnovimus quoniam non est Deus praeter te Domine
Eccl 36.6
innova signa et inmuta mirabilia
Eccl 36.7
glorifica manum et brachium dextrum
Eccl 36.8
excita furorem et effunde iram
Eccl 36.9
extolle adversarium et adflige inimicum
Eccl 36.10
festina tempus et memento finis ut enarrent mirabilia tua
Eccl 36.11
in ira flammae devoretur qui salvatur et qui pessimant plebem tuam inveniant perditionem
Eccl 36.12
contere caput principum inimicorum dicentium non est alius praeter nos
Eccl 36.13
congrega omnes tribus Iacob et cognoscant quia non est Deus nisi tu ut enarrent magnalia tua et hereditabis eos sicut ab initio
Eccl 36.14
miserere plebi tuae super quam invocatum est nomen tuum et Israhel quem coaequasti primogenito tuo
Eccl 36.15
miserere civitati sanctificationis tuae Hierusalem civitati requiei tuae
Eccl 36.16
reple Sion inenarrabilibus verbis tuis et gloria tua populum tuum
Eccl 36.17
da testimonium quia ab initio creaturae tuae sunt et suscita precationes quas locuti sunt in nomine tuo prophetae priores
Eccl 36.18
da mercedem sustinentibus te ut prophetae tui fideles inveniantur et exaudi orationes servorum tuorum
Eccl 36.19
secundum benedictionem Aaron de populo tuo et dirige nos in via iustitiae et sciant omnes qui inhabitant terram quia tu es Deus conspector saeculorum
Eccl 36.20
omnem escam manducabit venter et est cibus cibo melior
Eccl 36.21
fauces contingit cibum ferae et cor sensatum verba mendacia
Eccl 36.22
cor pravum dabit tristitiam et homo peritus resistet illi
Eccl 36.23
omnem masculum excipiet mulier et est filia melior filiae
Eccl 36.24
species mulieris exhilarat faciem viri sui et super omnem concupiscentiam hominis superducit desiderium
Eccl 36.25
si est lingua curationis et mitigationis misericordiae non est vir illius contra filios hominum
Eccl 36.26
qui possidet mulierem inchoat possessionem adiutorium contra illum est et columna ut requies
Eccl 36.27
ubi non est sepis diripietur possessio et ubi non est mulier gemescit egens
Eccl 36.28
cui credit qui non habet nidum et deflectens ubicumque obscuraverit quasi succinctus latro exiliens de civitate in civitatem

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages