Ac 6

Full text search

Ac 6
Ac 6.1
in diebus autem illis crescente numero discipulorum factus est murmur Graecorum adversus Hebraeos eo quod dispicerentur in ministerio cotidiano viduae eorum
Ac 6.2
convocantes autem duodecim multitudinem discipulorum dixerunt non est aequum nos derelinquere verbum Dei et ministrare mensis
Ac 6.3
considerate ergo fratres viros ex vobis boni testimonii septem plenos Spiritu et sapientia quos constituamus super hoc opus
Ac 6.4
nos vero orationi et ministerio verbi instantes erimus
Ac 6.5
et placuit sermo coram omni multitudine et elegerunt Stephanum virum plenum fide et Spiritu Sancto et Philippum et Prochorum et Nicanorem et Timonem et Parmenam et Nicolaum advenam Antiochenum
Ac 6.6
hos statuerunt ante conspectum apostolorum et orantes inposuerunt eis manus
Ac 6.7
et verbum Dei crescebat et multiplicabatur numerus discipulorum in Hierusalem valde multa etiam turba sacerdotum oboediebat fidei
Ac 6.8
Stephanus autem plenus gratia et fortitudine faciebat prodigia et signa magna in populo
Ac 6.9
surrexerunt autem quidam de synagoga quae appellatur Libertinorum et Cyrenensium et Alexandrinorum et eorum qui erant a Cilicia et Asia disputantes cum Stephano
Ac 6.10
et non poterant resistere sapientiae et Spiritui quo loquebatur
Ac 6.11
tunc submiserunt viros qui dicerent se audisse eum dicentem verba blasphemiae in Mosen et Deum
Ac 6.12
commoverunt itaque plebem et seniores et scribas et concurrentes rapuerunt eum et adduxerunt in concilium
Ac 6.13
et statuerunt testes falsos dicentes homo iste non cessat loqui verba adversus locum sanctum et legem
Ac 6.14
audivimus enim eum dicentem quoniam Iesus Nazarenus hic destruet locum istum et mutabit traditiones quas tradidit nobis Moses
Ac 6.15
et intuentes eum omnes qui sedebant in concilio viderunt faciem eius tamquam faciem angeli

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages