Ac 18

Full text search

Ac 18
Ac 18.1
post haec egressus ab Athenis venit Corinthum
Ac 18.2
et inveniens quendam Iudaeum nomine Aquilam Ponticum genere qui nuper venerat ab Italia et Priscillam uxorem eius eo quod praecepisset Claudius discedere omnes Iudaeos a Roma accessit ad eos
Ac 18.3
et quia eiusdem erat artis manebat apud eos et operabatur erat autem scenofactoriae artis
Ac 18.4
 
Ac 18.5
cum venissent autem de Macedonia Silas et Timotheus instabat verbo Paulus testificans Iudaeis esse Christum Iesum
Ac 18.6
contradicentibus autem eis et blasphemantibus excutiens vestimenta dixit ad eos sanguis vester super caput vestrum mundus ego ex hoc ad gentes vadam
Ac 18.7
et migrans inde intravit in domum cuiusdam nomine Titi Iusti colentis Deum cuius domus erat coniuncta synagogae
Ac 18.8
Crispus autem archisynagogus credidit Domino cum omni domo sua et multi Corinthiorum audientes credebant et baptizabantur
Ac 18.9
dixit autem Dominus nocte per visionem Paulo noli timere sed loquere et ne taceas
Ac 18.10
propter quod ego sum tecum et nemo adponetur tibi ut noceat te quoniam populus est mihi multus in hac civitate
Ac 18.11
sedit autem annum et sex menses docens apud eos verbum Dei
Ac 18.12
Gallione autem proconsule Achaiae insurrexerunt uno animo Iudaei in Paulum et adduxerunt eum ad tribunal
Ac 18.13
dicentes quia contra legem hic persuadet hominibus colere Deum
Ac 18.14
incipiente autem Paulo aperire os dixit Gallio ad Iudaeos si quidem esset iniquum aliquid aut facinus pessimum o viri iudaei recte vos sustinerem
Ac 18.15
si vero quaestiones sunt de verbo et nominibus et legis vestrae vos ipsi videritis iudex ego horum nolo esse
Ac 18.16
et minavit eos a tribunali
Ac 18.17
adprehendentes autem omnes Sosthenen principem synagogae percutiebant ante tribunal et nihil eorum Gallioni curae erat
Ac 18.18
Paulus vero cum adhuc sustinuisset dies multos fratribus valefaciens navigavit Syriam et cum eo Priscilla et Aquila qui sibi totonderat in Cencris caput habebat enim votum
Ac 18.19
devenitque Ephesum et illos ibi reliquit ipse vero ingressus synagogam disputavit cum Iudaeis
Ac 18.20
rogantibus autem eis ut ampliori tempore maneret non consensit
Ac 18.21
sed valefaciens et dicens iterum revertar ad vos Deo volente profectus est ab Epheso
Ac 18.22
et descendens Caesaream ascendit et salutavit ecclesiam et descendit Antiochiam
Ac 18.23
et facto ibi aliquanto tempore profectus est perambulans ex ordine galaticam regionem et Frygiam confirmans omnes discipulos
Ac 18.24
Iudaeus autem quidam Apollo nomine Alexandrinus natione vir eloquens devenit Ephesum potens in scripturis
Ac 18.25
hic erat edoctus viam Domini et fervens spiritu loquebatur et docebat diligenter ea quae sunt Iesu sciens tantum baptisma Iohannis
Ac 18.26
hic ergo coepit fiducialiter agere in synagoga quem cum audissent Priscilla et Aquila adsumpserunt eum et diligentius exposuerunt ei viam Dei
Ac 18.27
cum autem vellet ire Achaiam exhortati fratres scripserunt discipulis ut susciperent eum qui cum venisset contulit multum his qui crediderant
Ac 18.28
vehementer enim Iudaeos revincebat publice ostendens per scripturas esse Christum Iesum

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT